¹ Asi zan nu san nang ili nang kyang mak'i nu nyio ntam ni ban di. Asi hyio banu, "Tabok u med tu nai'u nbyang aghian nai'u, nbyang anyet nang ba dyep bumi'i. ² Ama yok med manti tu nai ki dak, aka nwak anyet sang ghwi'i ba. Bali ted tutan zazzarak umi ukrang'u bwu zwat nswak nnai ba fing. ³ Ni zan anyet afiyang nang ba li'i chet ba shei bumi nmam kwop jung bi chi suang bi nswak uti (1,260), ba aturo tuai aghu." ⁴ Anyet nang ba li'i ba yet ityin ukwanfiyang si zaitun nbyang san biyang awuk suang nang i yong dugi atyo swanti'u. ⁵ Khanang ayin chat go chi bi kun, long li wuruk bu unu bini hu tyak bi lanfang bibi. Atyi nang a chat achi bi kun, anya ali nhyad gu. ⁶ Anyet nang ba li'i bio chet nang bali nfang ta zi ki ayok vah zii ba jan nang bali nshei'i. Ba bio chet nang bali nbwak sakhuwod ni nchi aswok nbyang ba krok koda nzwan bi swanti'u ba jan nang ba chat nyio'i. ⁷ Khanang ba tyak shei bi'u, nyam nang ighwud bi buong nang hu san gag'i li nyio zwang banbi. Ali lan bi a hyai bi. ⁸ Ali ngwot nkom bini ban vak gbandang ukarang (ihwa shurok yet Saduma ba Masar) aza angbwed atyo bi'u. ⁹ Bumi nmam ntad ba aklum agiyang anyet nyiet ban kwai di, iliam'u nbyang ukarang ni bali nghuan nkom bini. Bali shim bi do atyi bi lyak dak. ¹⁰ Anyet nang ba swan bi swanti'u li shio ba asailiyo tutan bi ba mu gwai. Ba muli tam bi zinang ba tu nwak, agiyang bi krok anyet shei tam afiang nang ba nwak anyet nang ba swan bi swanti'u nbyang ni'i. ¹¹ Khanang nmam ntad ba akum ni suwak, swon ayiet bi Gwazi'u li nwo banbi, nbyang bali yong atak afiang. Anyet nang bali bi'i li fok uwun. ¹² Bali fok alyak anghuat nyiet tazi nyio banbi, "I bai tutan aji!" Bali nad tazi bumi anian, nang lanfang bibi si nghuan bi. ¹³ Ba jan ade abyin ki li zwun apak'agi, nbyang anyung bumi swak umi ukarang ki li chirim. Anyet kwop natad li kwi bi zwun abyin'u, anyet nang basi khaid'i basi fok uwun, basi nwak Gwazi tazi'u gbandang'u. ¹⁴ Kyang katuk ufiang'u suwak. Chiyang! Kyang katuk tad'u tubai huli biyan jan dak. ¹⁵ Ngwon tam Gwazi nata ki si hyap agwi gu ki, asi fok alyak anghuat'u tazi si hyio, "Tiok duniyo bwak tyi tiok ntyo zit nbyang si Kristi. Ali nyio tiok'u tunad sang gag." ¹⁶ Anyet ahwop nswak fing ba annai nang ba swan tutan grak ki dugi Gwazi ki basi swod abyin bu ugyi bini basi nep tatuai. Basi dyep Gwazi'u. ¹⁷ Basi nyio, "Zigwai ban nwan, Atyo Gwazi nang anuwak'i, nwanna shi nini nbyang nwanna ma kai nshio, krok ukyak gbandang nchet ahwu usi kwi nyio tiok'u. ¹⁸ Ukarang ni shi ba aligi, ama aligi aki si bai. Jan di bai nang ali nyio akahu bi asoddu'i nbyang uwuak aghwo abi anyet shei tam bi van ntam bi, anyet nwak chuchuk bi, anyet nang ba fok uwun ayurok ani'i, salai akuluk bi nbyang chchet bi. Jan di bai nang uli nbwuk ba anyet nang ba biyan swanti'ui." ¹⁹ Asi tiyak tu nai Gwazi tazi asi ndi kwati lab unu gu'u bumi tu nai gu ki. Long'u si tad kyekye, agwong si nshio, ted nzii, abyin ki si zwun, nbyang gbandang agwong dyep.