¹ Anya'a, nsin di ga nyam nang gu gwud ba ga agyui'u. A biyo attam swak, nbyang pipio natad. Ba atam bi an ga'ad ujwan swak, ba kuda apio an sak katuk alyat ayuruk. ² Ga nyam nang ndii li nang chio'i. Tsuwok zi li nang tsuwok ubu uyit'i, nbyang unu khi nang unu agwam-nyam i. Tanyirang saghuat khi zangu tsat khi hu, nbyang grak gu zi nbyang gbandang chat gu hu, a nyi tyok'u. ³ Apio anyung ba ga nyam'u, li nang a khan ya'ad'i, ama banbbuwon fwat u tsak khan chirok. Salai swanti'u si chi tai nang bin nhui ga nyam'ui. ⁴ Ba sin min dyab tanyirang saghuat khi, da hangag nang khin zan ga nyam'u chat gu'i. Ba ba dyab ga nyam u ba, nbyang aba gyi ushan ba nyi "Anyan a shio nang ga nyam'u i?" nbyang Anyan a li mai a kwa'an bangu?" ⁵ Ga nyam u, a zangu unu nang gulin dyat ba sat swang nbyang katukalyat. Asi zangu zan nang gulin tak chat gu'i, da zwad swak-nnai ba afiyang. ⁶ Anya'a, ga nyam'u si tiyak unu khi an kharak katuk alyat da Gwazi. Katuk al;yat da ayuruk gu khi, uvwo nang gun swan'i, nbyang anyet nang a shi tazi'i. ⁷ A zan ga nyam'u zan nang gulin nyio jwang ba anyet hui bi'i nbyang a shuo tsat bi. Birung, an min zan gu chat;u dutan kuda nwap, anyet, alyem, nbyang gbandang ukrang. ⁸ Salai atyi nang a swan ba swanti'u i li dyeb gu, ko'anyan nang ayurok a lru dak, nyied ba nyi swanti zi, ba kwi nswun'u dak, nang chyeb zi biyo'i, nang a fiyed'i. ⁹ Kha atyi abiyo afuo, yok gu krok afuo. ¹⁰ Kha ali kyak ayin nado hwo, yok gu na'ad hwo'u. Kha atyi nang ali ya'ad ba tswat, ba tswat za alin hyad gu. Yai'a ayai azi, a biyo shyim nfuo, yab-alio nbyang chuchuk ba anyet nang ashio zazzarak'i. ¹¹ Nsi mun di ga nyam agyang nang gu gwud ba swanti'u. A biyo attam afiyang nang ngwon chyeb'i, nbyang, aba lyat nang tanyirang saghuat'i. ¹² Asi tak salai tsat nang ga nyem nfwum'u biyo'i, dugyi gu khi, hu si chio swanti'u nbyang salai anyet nang aswan bumii, dyab ga nyam nfwum'u - anyung nang a bwo fwat'ui hu shyim. ¹³ Asi nyi chachat abai ali. Asi min chio long si chiyok nyied tazi, bai abin dugyi anyet khi, ¹⁴ ba nyio nang a zangu zan anyio'i nkyang anai si buwai anyet nang a swan ba swanti'ui, hu si tak li lyok bi nyio ighwo da nwak gbandang ga nyam'u nang a biyo tswat nfwat'i ama a shi atsat. ¹⁵ Asi min nwak gu zan an chio swun ba ighwon ga-nya'u anshio, ighwo ga-nyam'u amin lyat nbyang amin chio anyet nang a lak dyeb gui a hyai bi. ¹⁶ Hu sin min chio ku nyan ba tsat, anyet nang anwai liyen, ba anyet nang ayet chachat, anyet kurum nbyang kunak, asat nbyang ahwo, ba san jwang ba bwak yak'u ko du kprang. ¹⁷ Hu si kyen ko'anyan a lyab ko a sa'an sinang gu sa'an jwang ga-nyam'u,wato jwang nang hu swan da ayurok gu khi'i. ¹⁸ Si hui chio ayin a biyo agyi akim. Kha atyi abiyo adam yok gu fiyi jwang ga-nyam bi. Ihwa yet jwang atyibishi zi. Jwang zi yet 666.