¹ Hubi bai i nang Yesu bin tyok salai swang alyat di'i, asi hyio ba nyet ghwi gubi, ² "I lyen ka mam nfiyang swak agwai wuruk tubai, ali nwakNgwon Atyibidhi khi a gbwed." ³ Ba'anyan agwam kwi anyet bi Gwazi nbyang bangrak alyak atyi kwi anyet li Gwazi, nang angye Kayafas. ⁴ Ba si lap unu dandung tabat Yesu batsang ba hyad gu. ⁵ Ba'anya ba banyi'i, "Ba banzan agwai di dak, dak jio li drog numi anyet khi." ⁶ Nini nang Yesu nshi Batani'i bu'li Siman khi atyi gbab'u, ⁷ nang gun swan bi gyi yak'u'i bi tebul'u, abyuk agyang si bai bi ukrung amyio nang khi byio krum, asi krok gudo ba pio khi. ⁸ Ama nang anyet hwi gubi ndi'i, basi fok alyi gyi basi hyio, " Yaha nbyo byan kyang i? ⁹ Hun ntai asi lyap bi krum deni akau anyet chat ywai bi." ¹⁰ Ama Yesu, lyen si hwi, asi hyio banbi, asi hyio banbi, "Yaha nbyio in nyi jidi ba abyuk'i? Ba'anya anyi nu kyang tan'a. ¹¹ Anyet ba chat ywai'i bashi koda zan ba nyin, ama ili shi ba nu kodan zan dak. ¹² Nang gun krog amyio nhe bi vam nu'u'i, a nyi hu bin nnyad nu hwa. ¹³ Nhyio ba nyin chuchuk, ko aze'a awa lin she'i alyat ntan Gwazi nhe salai lyat hu bin jung gu'u." ¹⁴ Ba'anya atyi anyung ba nyet swak bafiyang bi, nang angye Yahuda Iskaroti'i, nat ba agwam kwi anyet bi Gwazi'u ¹⁵ asi hyio, "Yaha isak ili zan nu nun nwak nyin gu?" Basi mak gu zazzarak nfang nswak ntad. ¹⁶ Nyet ba zan azai asi chat vak nang gulin nwak gu. ¹⁷ Nini bi mam fhum bi bredi sang yis anyet hwi Yesu bi si bai ba si hyio, "Aze a unchat zin ji ankyang yak agwai wuruk ni?'' ¹⁸ Asi hyio, "I nat bumi ukrang atyi agyung i hyio bangu, 'Atyi tyed u hyio, "Zan nbi bai npwen. nin nyi agwai wuruk'u bu'li akhi nyang anyet hwi nubi.'"" ¹⁹ Anyet hwi Yesu bi nyi di sang gun gun tak bi'i, basi ji nkyang yak agwai wuruk ni. ²⁰ Nang dushung dinyi'i, asi swan abyin bi anyet hwi gibi swak ba fyang agyi yak'u. ²¹ Nang ban shi ba yak'u'i. asi hyio, "Nhyio banyin chuchuk atyi anyung nyung banyin litin nu ti nti." ²² Nfwo bini si byan kuda nyan si nwo lyirim gu'u, "Atyi'u, nu'a dak ka?" ²³ Asi shim, "Atyu nang a tyet bwak'u bi kyang'yak'u banu'i iwa yet atyu nang ali nwak nu'i. ²⁴ Ngwan atyi bishi khi lin nkat, bi sangag andru tutan gu'i. Ama nfok kunak atyu nang achat nwak Ngwon Atyibishi khi'i! Huli yet angu usham da abyin gu dak." ²⁵ Yahuda, atyu nang ali nwak gu'i si hyio, "Alyak, nu'a?" Asi hyo bangu, " U hyio bapio'a." ²⁷ Asi kyak kwob'u asi nwak zanang di, asi zan bi asi hyio, "Iswo, salai nyin. ²⁸ Si hu'i aswok nuni na nang an dab'unu khi'i i ali wem danyan anyet dani an gyirib katuk ni. ²⁹ Ama nhyio banyin, nmun nin swo ba sum vine khi dak, sinang mam ahwai nang nnin swo hu fai banyin bi tyok Adi nu'u." ³⁰ Nang ban bwom abwom khi'i, basi wuruk nat ba fan Alives. ³¹ Ba'anya Yesu si hyio banbi, "Salai nyin tutuk ufwun ili shwat da nyan nu, bi sangag an gru'i, 'Nin juwi atyi chok'u tsep di bu srong khi li fwo'i." ³² Ama nang nun tabok'i, nin shi uswon nyin nat Galili." ³³ Ama Bitud si hyio bangu, "Ko anyet bi salai awa shwat danyan'a, nu nnu shuat dak. ³⁴ Yesu si hyio bangu, Nhyio banwan chuchuk, tutuk khe kamin agbag'u lin tyap i, uli tan nu bwo utad." ³⁵ Bitud si hyio bangu, "ko nwa nin ghuba nwan, nnin tan'a dak."Salai akum anyet huli gu khi si hyio kanting. ³⁶ Ba'anya Yesu si nat banbi bu uvwo nang angye Gatse mani asi hyio ni anyet hwi gubi, "I swan adi nnat adu nnyi mok." ³⁷ Asi yurong Bitud nbyang mman nfiyang zabadi ni bangu asi fwo si byan gu nbyang hus fyep gu. ³⁸ Ba'anya asi hyio banbi, "Tsu'i nudi nat gbang bi fwong uwund, ko nat aghu ma. I swan adi i chiyang banu." ³⁹ Asi nyep dadai, asi ghum bugyi gu, asi mok. asi hyio, "Adi nu, ka huyet ti'a, yok zwad i hu swak nu. Ba'anya ba bi shim nu dak, ama bi shim ahu." ⁴⁰ Asi bwok bai ba nyet ntam gubi asi shio nang bashio bandi, Asi hyio bi Bitud, "Yaha hu'i, ilin ngya ichiyang banu ban tswan jung da? ⁴¹ I chok i mok ili shuat bi mak. Tsu'i di kyak, ama vam'u ghu.' ⁴² Asi bwok nat ufiyang khi asi mok. Asi hyio, "Adi nu, khi zwad i li swak dak si nang nswo hu, nyi ahu hunswan." ⁴³ Asi bu bwok bai asi shio nang ba shio bandi, agyibi bi swan brundig. ⁴⁴ Nang gu bun gwan bi'i, asi bunat asi gyi uswan bi mok'u utad khi, lyat kyang nyung. ⁴⁵ Ba'anya Yesu si bwok bai bi anyet hwi gubi asi hyio ban bi, " Ili shi bandi ni sai fhung nyin? Ili, zandi nyio, a nwak Ngwon atyi bishi khi nbwak akatuk anyet. ⁴⁶ I tabok, zi chong. Ili, atyu nang anwat nu'i bai npwen." ⁴⁷ Nang gulin shi shi balyat ni'i, Yahuda, anyung ba nyet swak bafyang bi, si bai. Gbandang agphi si bai dandung nyet ba gwam atyi kwi anyet bi Gwazi nbyang anyet aghwob. Ba bai bi tswat nbyang shan. ⁴⁸ Nini ngu atyu nang ali nwak ali nwak Yesu'i nwak bi sangag, aba nyi, "Atyu nang ntu krang gu krang chat'u'i, iwa. I tabat gu." ⁴⁹ Ba aza nang gun bai bi Yesu'i asi hyio, "Rabbi nbyat'a!" asi nyi gu krang chat'u. ⁵⁰ Yesu si hyio bangu, "Kpandang, nyi kyang nang ubai nyi'u'i." Ba'anya basi bai, basin nkrok nbwak ni bi Yesu, basi tabat gu. ⁵¹ Atyi anyung ba nyet nan bashi bi Yesu'i si dyi bwak'u, asin hwat tswat'di, asin tyap atyi natm alyak atyi kwi anyet bi Gwazi'u, asin tyat gu ifwo'u tin. ⁵² Ba'anya Yesu si hyio bangu, "Bwok bi tswat a'di tyo bu vwo nang zin nyad'i, Atyu nang ahwat tswat bayin, tswat da li hyad gu. ⁵³ Idam i da nin gya ngyurong Adi nu da, atam banu nman ntam huni swak akpwi swak ba fiyang da? ⁵⁴ Ama huli ni ya alyat Gwazi'nu in nat tsatsarak, i si hwi li kwi?" ⁵⁵ Bazan azai Yesu si hyio ba akpwi'u, "I bai bi tswad nbyang shan in tabat nu nang ayi atang i? Nswan kudimam ntyat nyin bi tu dyap Gwazi'u in na chacirak i. ⁵⁶ Ba'aya salai anyet hwi gubi si gwan gu basi tyong. ⁵⁷ Anyet nang ba tabat Yesu'i ba si nat bangu bi Kayafas alyak kwi anyet bi Gwazi, aza'a anyet tyet chi bi ba anyet tad agyi bi ntung dandung'i. ⁵⁸ Ama Bitud si nhwi gu tidti nat ba akpai uli alyak kwi anyet bi Gwazi. Asi nwo bumi asi swan ba nyet chok bi ali kyang huli kwi'i. ⁵⁹ Nini agwam kwi anyet bi Gwazi'u nbyang salai anguat ukrong khi basi lat ngat nang bali bwo tutan Yesu'i, bi sangag balin shio ba hyad gu'i. ⁶⁰ Ba ga nshio ko nyung dak, Ba'anya'u ma anyet bwoi ngad deni bai duwan. Ama malyim anyet afiyang si bai duswan ⁶¹ basi hyio, "Atyi i hyio, 'I gun lin gya go fuwai uli dyap Gwazi khi abu nok khi bammam ntad." ⁶² Alyak atyi kwi bi Gwazi'u si tabok yung asi hyio bangu, "U byo kyang uli Krag da? Yaha hwi nang ba lyat tutan a?" ⁶³ Ama Yesu si swan nyanwang. Alyak atyi kwi anyet u bi Gwazi'u si hyio bangu, "Nkam a bi Gwazi nswon'u, tak zit khi nwan'a yet Kristi, Ngwon Gwazi khi." ⁶⁴ Yesu si shim gudo, "U hyio ba bapio'a. Ama ntak'a, nyet nini nat duswon uli li Ngwon Atyibishi khi swan ban bwak yak nchet'u, aba tubai ba anyan Tazi bi." ⁶⁵ Ba'anya alyak atyi kwi anyet'u bi Gwazi'u si sang atro gubi asi hyio, "asi lyat Kutuk! Ya zibu nchat alyat ngyang? Ili, nini ifok katuk alyat'u. ⁶⁶ Yaha idam?" basi shim basi hyio, "Amai aghu." ⁶⁷ Ba'anya basi tang gu tanpyo bugyi khi basi tswat gu, agyang si tswat gu butyai nbwak bini, ⁶⁸ basi hyio, "Tyai zit do, nwan Kristi. Anyan'a iwi'a?" ⁶⁹ Nini nang Bitud swan nti bi courtyard'u, atyi ntam gunem si bai bangu asi hyio, "umu bi shi bi Yesu atyi Galili'u. ⁷⁰ Ama asi tan salai bugyi bi, asi hyio, "Nga dyen kyang i lyat'i dak." ⁷¹ Nang gun guruk nat bu vwo wuruk khi, gunem ntam ugyang sili gu khi si hyio ba nyet nang bashi aza'i, "Atyu wi mun shi bi Yesu atyi Nazarat'u." ⁷² Asi bu tan bi nshi, "Ndyen atyu awai dak." ⁷³ Bi azan dadai anyet nang ba yung nkpwen i si bai basi hyio bi Bitud, "Chuchuk umun gyet anyung banbi, bi sangag un dyad i tyai a." ⁷⁴ Ba'anya asi nwo mang apio gu unu nbyang nshi'i, " Ndyen atyu awai dak," ba'aza akbag'u si tyap. ⁷⁵ Bitud si jung alyat nang Yesu hyio'i, "nang akbag'u lin tyap'i uli tan nu bwo utad." Asi wuruk nat nti asi twe'i bi chet.