¹ Ba'anya tyok tazi'u huli nang unem swak nang ikwok iwuk'u isi nat mun bi gusem nyi nyarang i. ² Affwan bumi biki bayet abuwan affwan basi byo mamwang. ³ Nang abuwan unem bi nkwok iwuk'u'i, basi byong amyio ndong bambi dak. ⁴ Ama sibi ba byo mamwang'u'i basi kwok ukurung amyio ndong ni bi iwuk bi'u. ⁵ Nini nang gusem nyi nyarang khi yan byan zan'i, salai bi basi fok ndi basi kai ndi. ⁶ Ama bi sakau utuk di asi tyi nkun, ili, gusem nyi nyarang khi! I wuruk i mun bangu.' ⁷ Ba'aya salai unem anai si tabok isi mang ndong ni bi iwuk'u. ⁸ Abuwan bi si hyio bi stostwat bi, 'I nang zit amyio ndong nyini kyang hun nbyio'i iwuk zit'u ghi net kwi.' ⁹ Ama si manwang bi si shim basi hyio, 'Nang nilin mai zit banyin i dak, i nat banyet nang ba lyai'i i san apio nyin ngyang.' ¹⁰ Nang bangruk nat basan'i, gusem nyi nyirang khi si bai, bi sibi nang baswan fwong gu'i basi nwo agwai nyrang u asi fang nyi nyit'u. ¹¹ Malyim aya akum unem khi si bai basi hyio, 'Atyi uli, atyi uli, tyiyak zit do.' ¹² Ama asi shim asi hyio, Chuchuk nhyio banyin, ndyen nyin dak,' ¹³ I chiyang ba'anya, i lyen mam'u ko zan di dak. ¹⁴ Huli nang ayi ayin a chat nat ba byin agyang i. Asi yurong anyet ntam gubi asi nwak bi zu'i gudi. ¹⁵ Atyi anyung ban bi talents affwan, agyung asi nwak gu afiyang, ba'anya agyang asi nwak gu talent anyung. Kuda anyan san krum'u bi sangag nchet gudi da, atyu awai sin nkat chiyad gu'u. ¹⁶ Atyu nang san talents affwan'u'i asin nat banzandi asi tyi hu babwang asin shio talents affwan agyang. ¹⁷ Aya atyu nang san talents afiyang u'i ngu ma asin shio talents agyang afiyang. ¹⁸ Ama atyu nang san talent anyung'u'i si nat, asi lung bwong abyin, asin nyad krum atyi uli gu'u. ¹⁹ Nini nang hun kyak zan'i atyi uli anyet ntam'i si bwok bai'i asi nyi koyan bai atak kyangg nyi bi talents gubi'i. ²⁰ Atyi ntam nang asan talents affwan bi'i si bai asi nwak talents affwan agyang. Asi hyio, 'Atyi uli, unwak nu talents affwan, li, nun nshio talents affwan agyang. ²¹ Atyi ali gu'u si hyio bangu, 'ulyen nyio, atan nbyang chuchuk atyi ntam! U nyi chuchuk ban kyang dadai. Nin tyi'a uyet alyak tutan nkyang deni. Nwo bi fwok nkyang atyi uli a'u.' ²² Atyi ntam nang asan talents afiyang'u'i si bai asi hyio, 'Atyi uli, uzan nu talents afiyang. Li, nun shio talents afiyang agyang.' ²³ Atyi uli gu'u si hyio bangu, 'Ulyen nyio, atan nbyang chuchuk atyi ntam! U nyi chuchuk tutan a dadai nkyang. Nin tyi'a uyet alyak tutan nkyag deni. Nwo bumi fok nyanyang atyi uli a khi.' ²⁴ Azan atyi ntam nang asan talent anyung'u'i si bai asi hyio, 'Atyi uli, ndyen uyet atyi chat bichet'a, uchat bu vwo nang unchwi dak, usi fwai buvwo nang unnai dak. ²⁵ Nfok uwund, nsin nat nsin tu nyat talent awu abyin. Li, nkyang a ni na nhe.' ²⁶ Ama atyi uli gu'u si shim asi hyio bangu, nwan atyi akpwat nbyang atyi ntam ungwai, ulyen i ngyet atyi chat buvwo nang nun chu'i dak nbyang fwai buvwo nang nun nai dak. ²⁷ Ba'anya da unwak krum nu'u ba nyet abwang, nang nun bwok'i isin san kurum nu'u bi sahwat swo. ²⁸ Ba'anya isan talent'u bangu i nwak atyi ntam nang abyio talents swak'u'i. ²⁹ Kuda anyan'a nang ashio deni, ali nwak gu deni-ko kpram ma. Ama nyet ba koda anyan'a nang ashio kyang i dak, ko asi khi gushi do'i ali san. ³⁰ I ti atyi ntam san chu'i awai bumi uvwo khi byio lyin, aza gulin tywe'i bi nywai anyung bi'u.' ³¹ Kanang ngwon atyi bishi bai bi gbandang gu'u salai ba nman nfuwai ni bangu, ali swan bi gbandang ngrak gu'u. ³² Dusulan gu ali tung salai chachet ukrang'ni ali kam anyet bi ba gyang, bi sangag atyi chok'u nkam tsepdi bi zwan di'i. ³³ Ali sak tsepdi ban bwak yak'u, Ama zwandi ban bwak myan'u. ³⁴ Ba'anya Agwam'u li hyio ba anyet nang shio ban bwak yak'u'i, 'I bai, nyin nang Adi'nu krok nyin nmyang ni'i, ili kyak a hyuk tyok aji nyin do nyet bi tib afang nok swan'ti khi'i. ³⁵ Ba'anya nfok zong isi zan nu yak; Nfok man sahwat isi zan nu kyank swo; Ngyet atyi achen isi san nu nhwo do; ³⁶ Nshi kashurab isi kub nu atro; nvwo isi lyen chyang nu; Nshio bi hwo isi chong bi chyang nu.' ³⁷ Ba'anya anyet chuchuk bi li shim ba hyio, 'Atyo, dazan da zit ndi a zwong zisi zan ayak? Ko man sahwat zisi zan a kyang swo? ³⁸ Da'zan da zit ndi'a nang uyet atyi zisi san'a? Ko kung kum zisi kub a? ³⁹ Dazan da zin ndi'a nang uvwo ko shio bi hwo zisi bai ba nwan?' ⁴⁰ Ba'anya Agwam'u li shim a hyio banbi, 'Chuchuk nhyio banyin, kyang i nyio ayin do bi lanyuk nu bhe, nu'a inyi nu do.' ⁴¹ Ba'anya ali hyio banyet nang bashio banbwak myan'u'i, 'idrok npwen banu, nyin nang ashi'i, bandong hunwai chiyai nang aji tanyrang khi do'i nbyang nman nfwai guni, ⁴² kyang hunbyio'i nfok zwong, ama isi zan nu yak dak; Nfok man sahwat, ama isi zan nu kyang swo dak; ⁴³ Nget atyi achan isi san nu dak; kashurop, ama isi kub nu atro dak; nvwo nbyang shi bi hwo, ama isi bai ili nu dak.' ⁴⁴ Ba'anya ba muli shim ba hyio, 'Atyio, da zan da zit ndi'a bi zwong, ko bi man sahwat, ko atyi achan, ko kashurap, ko bi zwan, ko bi hwo, zisi nyi'a mkyan ne dak?' ⁴⁵ Ba'anya ali shim bi do ahyio banyin chuchuk, kyang ilak nyi ayin do ba nyet bhe nang ba lat i, nu'a ilak nyi nudo u.' ⁴⁶ Sihwi linat bumi swo ngbang sangag ama anyet nyi chuchuk bi nat banswon sangag."