¹ Yesu si wuruk bi tu Nai'u asi nkad. Anyet ghui gu bi si bai bangu basi tatuang gu ali sangag nang an'nok tu nai'u i. ² Ama asi shim asi hyio banbi, "Ili salai nkyang nei? chuchuk'a nhyio banyin, ali ngwan afang unyung tutan ugyang di nang atin ki jip dak." ³ Nang gu nswan ba gung zaitun ki, anyet ghui gu bi si bai bangu ntsang basi hyio, "tak zit, da njan da nkyang nei li nkwi? Yahwa nang ali li nang huli tak bai a'hu nbyang tubai tyak njio'u?" ⁴ Yesu si shim asi hyio banbi, "Itabam, iyok ayin yok bwai nyin dak. ⁵ Anyet deni li bai ba ayurok nu ki. Ba nyio, 'Iba yet kristi,' ba len anyet deni. ⁶ Ili fok zwang nang anyio nbyang aliyat nzwang. Iyok fok kyang dak, huyet ti'a nkyang nei ikwai; ama nghian'u kan bai dak. ⁷ Ukarang li drok yong bu ukrang, tyok hu drok yong bi tyok. Ali nyio zwong nbyang zwan abyin bu uvwo deni. ⁸ Ama salai nkyang nei yet suswon aghu byin na. ⁹ Bali nwak nyi iswo ngbang nbyang ba hyai nyin. Ukarang ni salai li lak nyin krok ayurok nu ki. ¹⁰ Agyang anyet deni li tuk tak, ba lyai agyang bi, ba lak agyang bi. ¹¹ Anyet shei tam ngad li wuruk ba len anyet deni. ¹² Nyio katuk'u li bwu nbyang, chat agyang'u li chi sashyim. ¹³ Ama atyi ang alab alio tunad nghen ali shio san. ¹⁴ Aliyat ntan Gwazi nei ali shei ni ko aze bi duniyo hu nget kyang aliyat'a salai ukarang ni nghian'u asi du bai. ¹⁵ Nang hundi anya, kanang ili ga yayra nyio nang da ayet dak, nang Danyet atyi shei aliyat Gwazi ni liyat'i, nang gu yong bi zazarak uvwo" (Yok atyi nang afang'i afok), ¹⁶ yok anyet nag ba shi Yahudiya'i ba tuong nad bi igung'u, ¹⁷ yok atyi nang ashi bu uli tazi ayok chiyok nad abyin atu kyak kyang bumi uli gu ki dak, ¹⁸ nbyang yok atyi nang ashi uyit'i yok bwok nad kyak aturo gu dak. ¹⁹ Ama hu swan fwong anyuk ufi bi nbyang ayang nag ba biyong achuang nman'i ba nmam anei'i! ²⁰ Inai, yok tiyong nyin nu yok bai ba jan nshim ko utuk sati dak. ²¹ Ngbang li nshio apak'agyi, nang da aka nyio dak nyio bi kwi duniyo bi nbai ufwun, kai, hu bu li kwi anya dak. ²² Sei nang abwok ba mam ni bai do papwen, ka anya dak ayin si shio san'u dak. Ama krok anyet nang ahyai, ali bwok ba nmam anei bai do npwen. ²³ Kanag ayin nyio banyin, 'I yok uli, Yesu awi!' ko 'I Yesu awo!' iyok nwak chuchuk dak. ²⁴ Kristi ngad'a nbyang anyet shei tam ngad li bai ba nyio chachet nkyang nang ali yong ali, bisangag nang balin bwai anyet, huli yet kyang adam'a dak, nbyang anyet nang ahyai'i. ²⁵ Ili, ntak nyin'a bwad jan di. ²⁶ Ba'anya, kanang ba nyio banyi, 'Iyok ili, i ashi ban ti uyit,' iyok wuruk nad ban ti uyit di dak. Ko, iyok ili, i ashi bumi atu'u, iyok nwak chuchuk dak. ²⁷ Bisangag nang lalyat'u n'nyiet apio'i tunad ma-apio'i, anya hulin di bi bai ngwan Atyibishi ki. ²⁸ Uvwo nang kwom nyam'u nshio'i, aza gulu bi li ntung. ²⁹ Ama ban jan nangn nmam ngbang anei lin swak'i, mam'u li tyi utuk, zwat di li sai dak, tungwat ni li swot nyiet tazi, chet tazi'u muli zwun. ³⁰ g Kyang nang ali li bi bai ngwan Atyibishi ki'i li wuruk tazi, alai kwai nang ishi bi swanti'u, bali tuai aghu. Bali li Ngwan Atyibishi ki tubai nyiet tazi anian bi dandung bi chet nbyang gbandang lyak do. ³¹ Ali tam aman tam guni dandung hyap agwi, nbyag ba tung gu anyet nanng ahyai nyiet do ba kyun nnai duniyo'u, nyiet ban kyun tazi'i tunad bisi swo ³² I miam kyang ba atyin gwafuwai ki. khanang gasi di hwod afwobi si takwud, ilien nang jan lifirum di tubai npwen. ³³ Anya, khanang ili salai nkyang nei, ilien nang gu bwad npwen, bi nyityit'u. (likatio) ³⁴ Chuchuk'a ndyat banyin, chian nini li kakl suwak dak sei nang nkyasng nei salai kwi. ³⁵ Tazi ki bi swanti'u li kak suwak, ama alyat nu ni li kak suwak dak. ³⁶ Ama krok bi mam ahwai nbyang jan di nyin lien dak, ko nman tam nang ishi tazi'i ko ngwon ki, ama ba Adi wa ba nyin gu. ³⁷ Bisangag nang hundi ba jan Nuhu di, anya hu tibi ndi bi bai Ngwon Atyibishi'u. ³⁸ Bisangag nang hundi ba mam anei asi du nbai sakhuwod ulian ni'i, basi ji yak nbyang swo nkyang basi bwai anyuk nang asi amu bwai nman anap bini tunad mam nang Nuhu nwo jirigi'u, ³⁹ ba shi bi lien dak tunad jan nang ulian sakhuwod ki nkwak bi salai nkad do, Anya hulin di bi bai Ngwon Atyibishi'u. ⁴⁰ Atyok afiang tibi shi uyit, akyk atyi angyug, awot angyug. ⁴¹ Aniuk afiang tibi shi bi kwang bi naan, akyak atyi angyug, awot angyug. ⁴² Nang hundi anya'i, i swan kachak, ilien mam nang atyi nyin'u lin bai'i dak. ⁴³ Ama ilien sighwi, ka awa nyio atyi uli'u li lien jan di tutuk nang atang'u ntubai, ali swan kachak ayok shim anwo gu buli ki da ⁴⁴ Ba anya, i swan swad lien, Ngwon Atyibishi ki li bai ba jan nang ida insak dak. ⁴⁵ Anyan na yet aghwo nang abio chuchuk nbyang mwamuang nang atyi uli gu zan gu biyong kyangbwak gu'u a nwuad bi nkyangyak ni ba jan chan? ⁴⁶ Atyi uli'u li nkrok aghwo awai nmiang khanang gu bai asi shio nang aghwo'u nyio anya. ⁴⁷ Chuchuk'a nyio banyin atyi uli'u li nwak gu chiyang salai nkyang nang gu bio'i. ⁴⁸ Ama khanang katuk aghwo hyio ban fuo gu'u, 'Atyi uli nu biyan jan,' ⁴⁹ Asi kwi tsot akum aghwo ki, asi gi nkyanyak ni asi mu swo nkyang ni ba anyet nswo nkyang nhwong, ⁵⁰ atyi uli aghwo awai li bai bi mam nang aghwo ga sak dak ba jan nang dugu lien dak. ⁵¹ Atyi uli gu li fak gu ntyo nchong nbyang a zan gu van ntam gu dandung ba abuk anyet, bu uvwo nang ali tuai agi bu nyuai an'agyung.