¹ Nini nang tswa-tswan khi nyi'i, salai agwam kwi anyet bi bi Gwazi nbyang anyet tad agyi bi si lap unu ba hyad Yesu. ² Basi lap gu, basi nat bangu, basi nwak gu bi palat nang ayet Gwamna'i ³ Ba'anya nang Yahuda, atyu nang anwak gu'i, li sangag antyak bi Yesu'i, asi kwok ntong asi bwokbi tsu'i silver nswak ntad'u tunwak agwam kwi anyet'u bi Gwazi'u nbyang anyet tad agyi bi, ⁴ asi hyio, "Nnyi katuk bi nwak aswok nwai nyi kyank." Ama basi hyio, "Ya si hwai bu yet banzit? li si hwai bapio'a." ⁵ Ba'anya asi when tsu'i silver di abyin buli dyap Gwazi khi asi gwan bi, asin nkat wuruk asi tu shyat apio gu. ⁶ Agwam kwi anyet'u sikwok tsu'i, sliver di asi hyio, "Hushi nchyi atyi hu ba gban, kyang hun byio i an ntan aswok na," ⁷ Ba chyang alyat anai dandung basi kyak krum'u basin san abyin ika ban nyad anyet achan bi. ⁸ Bi si hu'i ayai abyin khi, "Abyin aswok" lad ufwun. ⁹ Ba'anya kyang nang alyat Irimiya atyi she'i tam Gwazi'i hun'nhyat, anyi, "Ba kyak tsu'i zazzarak afang di nswak ntad, kurum nang Isralawabi ntyi bangu'u, ¹⁰ basi nwak khi bin nyad anyet, bi sangag Atyi'u nhyi banu'i." ¹¹ Nini Yesu ba yong bughi gwamna, gwana ba lyirim gu, "Nwan'a yet Agwam Yahudawabi?" Yesu si shim gudo, "U hyio." ¹² Ama nang agwam kwi anyet bi Gwazi'u nbyang anyet tad agyi bi bin nat aswat gu'u'i, asi krk kyang dak. ¹³ Ba'anya palet si hyio bangu, "U fwong kyang alyat banwan i da?" ¹⁴ Ama asi shim gu ko swang jung da, bi sangag nang hu nget gwamna'u kyang adam. ¹⁵ Nini ba gwai'u huyet tada agpwi'u ba ghai ahwo anyung gwamna'u afrok gu. ¹⁶ Ban zan adai ban byo ahwo nang akyet angye Barabas. ¹⁷ Nang ban tung dandung'i, palet si hyio banbi, "Anyan'a ichat nfrok nyin do? Barabas, khi Yesu nang angye Kristi'i? ¹⁸ Alyen nang ban nwak gu Yesu danyam fub. ¹⁹ Nang gun swan bi kyang swat ashwad'u'i, Abyuk gu'u si tam balyat bangu asi hyio, "Yok nbyo bwak ba atyu nang asang katuk awai dak. Nfok ngbang ufwun dani banyan abu'i ndyen tutan gu'i." ²⁰ Nini agwam kwi anyet bi Gwazi'u nbyang anyet tad agyi bisi mwang akpwi'u ba tin Barabas, an shio hyad Yesu'u ²¹ Gwamna'u si lyip bi, "Ba nyet afiyang bhe anyan'a ichat nfrok nyin do? Basi hyio "Barabas." ²² Palet si hyio banbi, "Yaha ninyi Yesu do nang angye Kristi'i?" Salai bi basi shim, "Gbwed gu" ²³ Ba'anya asi hyio, "Ya nbyo, da katuk a gu nyio?" Ama basi tagham inwat tutan, "Gbwad gu." ²⁴ Nang Palet ndi gulin ngya go asi kyak sahwat, asin kwi nbwak bi bu gyi agwi khi, asi hyio, "Nun ndyen kyang ba swok atyu nang anwai nyi kyang i dak. Ili hu bapio nyin." ²⁵ Salai anyet bi si hyio, " Yok aswok guni ishi tutan zit nbyang mman zit nu." ²⁶ Ba'anya asi frok bi barabas, ama asi twat Yesu asi nwak gu nbwak bi ba gbwed gu. ²⁷ Ba'anya ahwak gwamna bi si kyak Yesu nat do buli gwamnati khi basi tung salai kampang ahwat'u. ²⁸ Basi hwuk gu nkyang ni basi kub gu ashong atro. ²⁹ Basi ji bung sakan basi tyi gudo ba pio khi, basi nwak gu san ban bwak yak gu'u. Basi hwumabyin bu gyi gu basi mai gu, ba banyi, "shi chet'ahu huli byang, agwam Yahudawa! ³⁰ Basi tang gu tampio, basi san sanbi basin tswatgu apio. ³¹ Nang ban mai gu'i, basi tin atro'u bangu bai busi bu bwok mai gu'i, basi tin atro'u ban bangu basi bu bwok bi singu nkub gu, basi nat bangu ba gbwed. ³² Nang ban gruk'i, basi shio agyang anyet nyet sairin nang angge siman, nang ba tyi gu bichet banat bangu bi sangag gulin kyak gu atyem nkwon'u. ³³ Basi bai buvwo ugyang nang angye golgota, i hya yet ''uvwo kpangyak apio.'' ³⁴ Basi zan gu anwai asum ukwon aswo basi kyira bi gbazai saghwat. Ama nang gun nyiraki, alin gya aswo dak. ³⁵ Nang ban gbwed gu'i, basi krok aghai ba tro gu'u, ³⁶ Basi swan baba chok gu. ³⁷ tutan apio gukhi basin kpwak kyang nang anyio anyi'i, nang hu fang i '' Yesu wiwa yet agwam Yahudawa'u.'' ³⁸ A gbwed atang afiyang bangu, anyung ban bwak yak gu'u anyung ban bwak myan'u. ³⁹ Anyet nang ba swat ada'i fwai gu, kang ipio ⁴⁰ Basi nyi'i ''nwan nang uli fwo'i uli dyap Gwazi khi unok ban mam ntad i, san apio'a! Ka nwan'a yet ngwon Agwazi khi, chuyok nyet batyep nkwon'u !" ⁴¹ Kanting bi sangag agwam kwi anyet bi Gwazi'u si mun nmai gu, dandung ba nyet tyet chyi bi nbyang anyet tad agyi bi, basi nyi, ⁴² A san akum khi, ama alin gya asan apio gu dak. Ayet Agwam Israla. Yok gu chuyok bai abyin agwan atyem nkwon'u, ba'aya zili nwak chuchuk bangu. ⁴³ A sak fwo'u bi Gwazi, dayok gu bai asan gu nini, ka hu fyep Gwazi'u asan gu. A mun nyi i, Ngu'a yet ngwon Gwazi khi. ⁴⁴ Kanting bi sangag di attang bi nang amun gbwed bi bangui ba mun dyad nfwai gu. ⁴⁵ Minini nyet ban tswan utidi lyin'u si bai husi kup salai abyin khi had tunad tswam kubu nyung di. ⁴⁶ Ban tswam kubunyung dio, Yesu si tyi kwup bi gbandang anwat asi nyi, ''Eli, eli, lama sabatani?'' i hwa yet ''Gwazi nu'u, Gwazi nu'u, Yaha nbyo unkai nu gwan? ⁴⁷ Nang agyang nang ba yong aza'i nfok'i basi nyi'i, ''Ayai Iliya.'' ⁴⁸ Ba'aza atyi anyung banbi asi tyong kyak soso,asi zwum bi zazai saghuwat asum ukwon, basi tyi bi wawat san, basi nyep gu yok gu swo. ⁴⁹ Akum ayet khi bi nyi, '' i yok gu anyin gu. Yak ali khi iliya li bai asan gu.'' ⁵⁰ Ba'anya Yesu si bu tyi kwun'u tuitan bi gbandang anhwat asi nwak tsui'i gudi. ⁵¹ Ba'anya, aturo nang ashio buli dyap Gwazi khi i si sirak afiyang nyet uzi tunad utak, Dunio u si swun nbyang nfang ni si sang kankang. ⁵² Ndyak ni si tiyang, nvam anyet deni nang ba yet anyet Gwazi bi i nang ba kai ndi ni'i si tabok. ⁵³ Isi guwud ban dyak ni nang gun tabok i, basi nwo bi zazzarak umi ukarang'u, asi guwud banyet deni. ⁵⁴ Nini nang agwak ahwat'u nbyang anyet nang ba chiyang Yesu i basi li brum abyin u nbyang nkyang nang ikwi'i, Basi fok uwun asi nyi, ''Ngwon Gwazi kha khe bi chuchuk.'' ⁵⁵ Anyuk deni nang ba hwi Yesu nyet Galili'i ba chiyang gu ban nshio chiyang gu nyet gbang. ⁵⁶ Banbi nbyang Mariyamu Madalia, Mariyamu ayang Yakubu nbyang Isu'u, nbyang ayang nman zabadi u. ⁵⁷ Nang dushung di nnyi'i, atyi nzwi agyang si bai nyet Arimatiya, angye Isu'u, a mun gyet atyighwi Yesu. ⁵⁸ Asi nat bi Bilatu si nwak zan azan gu. ⁵⁹ Isu'u si kyak vam'u, asi krug hu bi atam atro lili, ⁶⁰ Asi mad gu bi lyat gu nang huyet fai do nang gu lung ba fang. Ba'aya asi ghwi ga gbandang afang nfang unu nwo lyat khi asin nkat. ⁶¹ Mariyamu Madalin'u nbyang Mariyamu angyung'u ban nshi aza, swan dankyung lyak khi. ⁶² Bi mam nsak'u, nang ihwa yet mam tswang'u'i, agwam kwi anyet bi Gwazi nbyang Farisawabi ba tung dandung bi Palet. ⁶³ Ba si nyi, "Alyak, zi jung i nang atyi bwai anyet wai nshi achet'i, asi nyi, ka nmam ntad swak nmun nin tabok.' ⁶⁴ Ba'anya kam iyok a chok lyak'u sinang nmam ntad ni nyio, khidi aya dak anyet hwi gubi ligya babai ba nyin gu ba hyio banyet bi, 'atabok bilyak'u, ba'anya bwai nghyen'u li swak si fhum'u." ⁶⁵ Bilatu si hyio banbi, "I kyak anyet chok. A nat a chok gu bi sangag i ngya'i" ⁶⁶ Ba'anya basi nat basi tyilyen chok lyak'u, ba si bed afang khi basin nkrok anyet chok bi.