¹ Tyok Gwazi'u li nang atyi ghap'a wuruk tsatswan asi kok anyet ntam ba bin guki. ² Batsak kan dap ba anyet ntam bi bu dinari anyung bu mam'u, asi chi bi basi nad. ³ Ban zan tsom tsat di asi bo shi agyang yong nyi kyang dak bu vwo kaswo. ⁴ Banbi asi hyio, ibwok nad ntam ni, ko di kyang huyet'i ini zan nyin.' Basi nat tam'u. ⁵ Asi bo shio agyang ban zan tson uti di di nbyang agyang ban zan tsom nyung di, basi nad. ⁶ Ban zan tsom swak ba nyung zi asi wuruk nti tu shio agyang yong ba kpat. Asi hyio banbi ya ha nbio ngyong salai mam'u? ⁷ Basi hyio bangu, 'Kyang hum nbio'i ayin kyak zit dak.' Asi hyio banbi 'Imun nat ntam ni.' ⁸ Nang dushuyung zi nyio'i, atyi bio uvwo ntam'u si nyio ba atyi chiyang uvwo gu 'Yurong anyet ntam bi utam bi vambi'u afum bun nghien bi nad bi anfum bi.' ⁹ Anyet akyak ban zan tsom swak ba anyung zi konyan banbi si san dinari anyung,. ¹⁰ Anyet a fwum ntam'i si bai ga nge kurum bi'u li swak, ama ko nyan si san dinari anyung. ¹¹ Nang ba nsai nkrum bi ni aba trung aliyad ba atyi nang akyak bi tam'u i. ¹² Basi hyio 'Anyet ntam nghien bi nyi tsom juyung za, ama u kyak bi tachirak ban zit, ayok ali sangag mam'u nsuwai zit, nkyang si ghuangzit nyiet tsatswon ki.' ¹³ Ama atyi akok bi ntan ni si hyio banbi, 'Kpwandang, nshuwok nyin dak. I shim dinari anyung'u da? ¹⁴ Isan kyang huyet si nyin u'i, inkad do. Nghyai inghuak anyet nun nghen kyak'i banyin. ¹⁵ Anya na li vong nu nyio kyang nang nchat'i bu kyang nang huyet sunu'i? Ke lili abi yet katuk'a dong n'nyio kyang tan?' ¹⁶ Anyet nghien bi iba li shi duswan, anyet duswan bi iba kak li nghien." ¹⁷ Nang Yesu in drok niyet Urshelima, asi kyak swak ba afiyang'u bangu asi hyio banbi bu niyet'u, ¹⁸ "Ili zit niyet Urshelima, ali nwak agwam kwi anyet bu Gwazi nbyang anyet tyet chyi ali nyio bangu tunad aghu. ¹⁹ Awot anwak a sang ghui bi ba mai gu, ba tswat gu, ba gbwet gu, ama bu mam tad'u ali tabok." ²¹ Ayang nman Zabadi'u si bai bu Yesu ba nman gu ni. Asi bu hwum gu ugyi gu asi liyip gu kyang. ²⁰ Yesu si hyio bangu, "Ya uchat?" Asi hyio bangu, "Nchat ukam nman ufiyang iswan, unyung ban bwak yak'u, unyung ki ban bwak myan'u, bu tyok ahu." ²² Ama Yesu si shim asi hyio, "Ulyen kyang u lirim'i dak. Uli shim uswo bu cob nang nchat swo'i nini'i?" Basi hyio bangu, "Zilin gyiat," ²³ Yesu si hyio banbi, "Cob nu, idamang li swo hu. Ama bi swan ba nbwak yak nbyang bwak myan'u, nnu'a li nwak dak, ama husli ba anyet nang ahyi ba Adi nu'i." ²⁴ Anyet swak bi ba anyet ghui gu bi nfok anya'i basi fok alio gyi bu lanyuk afiyang abei. ²⁵ Yesu si yurong bi asi hyio banbi, "Nang tsatsat asang ghui bi sak kanyi(Ahwad) gu tyak, atan anyet bi sak kan nyio tyok tutan bi. ²⁶ Ama huli li ngi ba nyin dak. Ba anya, atyi achat ayet aliyak banyin, akyak yet aghwo a'u. ²⁷ Atyi aman shi duswan, you gu kyak apio gu nang aghwo'i. ²⁸ Bu ngag nang Ngwan Atyibishi ki nbai a dyap ki a dyap ki dak, ama ki dyap, ki mun nwak swan ki di ansan anyet bi. ²⁹ Nang ban drok nyiet Jeriko'i, akpwi anyet si nhwi bi. ³⁰ Bisi li apak-agyi afiyang swan ban vak'u. Nang ban fok Yesu'a swat'i, basi ghaak kwun basi hyio, "Atyo, ngwan Dauda li kunak zit." ³¹ Ga apwi anyet u ba nghai bi, eyok ba swan nwanwang, basi nbyang chi nkun ni tazi, "Atyo, ngwan Dauda fok kunak zit." ³² Yesu si yong sinang ambai banbi, Yesu si liyip bi, "Ya ichat n'nyio nyin do?" ³³ Basi hyio, "Atyo atyak zit agyi bi." ³⁴ Yesu si chiyang bi chiyang kunak asi birom bi ba agyi bi nag gun sak bi bwak gu hu'i agyi bi si tyak basi hwi gu.