¹ Hu bai anya nang Yesu ntyak aliyat ni, asi wot Galili'u asi bwok bai bu ukarang Judia npwen bu tsan Urdu. ² Ga apwi anyet si ghui gu, asi chirok bi aza. ³ Farisawa bi si bai bamak gu, basi hyio, "Huyet chyi'a atyok a kam nrang'u ba abyuk gu?" ⁴ Yesu si shim asi hyio, "I fang da, nang atyi anyio bi nyiet bu fwum i, uwa nyio atyok'u nbyang abiyuk'u da? ⁵ Atyi an nyio bi'isi hyio, "Bu sighui, atyok li wot adi ba ayang anblak ba abyuk gu, mbi afiyang li yet vam nyung da?' ⁶ Bu anya ba buli yet afiyang dak, ama vam nyung. ba anya'u kyang Gwazi lab dandung'i, yok ayin yok kam dak." ⁷ basi hyio ban gu, "Ya nbyo nang Musa n'nwak zit chyi'u, kanang ulak abyuk'a u, luru nchong kwi-abwat kan nyrang utin gu?" ⁸ Asi hyio bambi, Krok-feb nfwo nyin'ni ihwa nbio Musa ngyok nyin i kam nyrang'u ba anyuk nyin bi, ama nyiet nang an fwum'i, huli anya dak. ⁹ Nhyio banyin, atyi akam nyrang ba abyuk gu, inang di kuyet si yayira nyio dak, asi nyio nyrang yang a nyio amun'a." ¹⁰ Anyet ghui bi si hyio bu Yesu, "Ki kyang li anya, aliyat atyok ba abyuk gu, hu yet a nyi nyrang dak." ¹¹ Ama yesu si hyio banbi, "Konyan'a li shim tyet'i dak, ama sai anyet agwan bi ashim'i. ¹² Anbio agyang anyet nyiet nang anbin bi'i, bayet a lanbok ba, ambio a lambok nang atyok ba chi bi yet'u, a lambok agyang ba inchat anya da niyam tyok tuzi ki. Atyi afok san tyet'i yok gu san hu." ¹³ Aza asin bai bangu achuwang nman an krok nbwak ni a mok, ama anyet ghui gubi si kam bi. ¹⁴ Ama Yesu si hyio banbi, "Ivwong binpwen ba nu dak, tankai bini na wa nshio bu tyok tuzi'u." ¹⁵ Asi krok nbwak gunnuba nman ne, asi wan aza'u. ¹⁶ Bu ban zan, anyin si bai bu Yesu asi hyio, "Atyi-tyet, ya yet kyang tan'u nang ini nyio nu nshio. swan san gag di?" ¹⁷ Yesu si hyio bangu, "Ya nbio un dyip nu kyang tan'u? Kyang nyung'a yet, ama atyi achat shio swan zi yok gu ghui nahyi ni." ¹⁸ Atyi awai si hyio bangu, "Da nchyi na?" Yesu si hyio, "Yok hyat ayin dak, yok nyio amun ba abyuk ayin dak, yok nyin tsang dak, yok bwai ngad krok ayin dak, ¹⁹ nwak adi'a ba anyang'a gbok bi'u uwot u chat achi ashio npwen banwan nang apio'a i ²⁰ Fung ayin'u si hyio bangu, "Kakap nkyang ne nghui ni. Yaha nmun chat?" ²¹ Yesu si hyio ban gu, "Ku uchat uyet, to layai nkyang ani salai u nwak kunak ni, aza uli shio zwi di tuzi. Usi bai u ghui nu." ²² Amam fung ayin'u si nfok kyang Yesu liyad'i, asi drok aza bu byan fwo alyen nang gu bio gan ²³ Yesu si hyio ba anyet ghui gubi, nhyio banyin chuchuk, huli bio chet atyi bio zwi'u anghuo tyok tuzi'u. ²⁴ Nmun hyio banbi, huli bio ngbang dak Rokomi'u anghuo tyok Gwazi'u i" ²⁵ Nang anyet ghui gu bi nfok'i, basi fok uwun basi hyio, "Anyan na li shio san?" ²⁶ Yesu si chiyang bi asi hyio, "Ba anyet bi nghui li chio dak, amam bu Gwazi'u salai kodi kyang yet ti'a." ²⁷ Bitud si shim asi hyio bangu, "Ya zili byio nang zin kai kodikyang guwan zibi ghui'a i?" ²⁸ Yesu si tak bi, "Nchat ntak nyin chuchuk, ban zan ze, ngwan Gwazi ki li swan ban grak dyap tazi, atyi aghui nu ali swan ba ngrak swak ba afiyang isra'ilawa ni. ²⁹ Atyi awod uli, lanyuk, atyok, adi, ayang, nman, ko abin ba ayurok ni, ali shio nad chi jung deni nbyang amun shio aghuk swon sang gag di. ³⁰ Ama anyet deni nang ba shi duswan'i li shio malyim, nbyabg si malyim bi ba shio duswan.