¹ Bu ban zan a zai anyet ghui bi si bai bu yesu basi hiyo, ''Anyana yet aliyak'u bu tyok;u tuzi?'' ² Yesu si yirong a daddai ngwon, asi bai ban ki du ugyi bi, ³ Asi hyo, ''chuchuk'a nshai nyin, kanang anyu bwak chi nang adaddai ngwon ke dak, a gan nghwo tyok tuzi'u dak. ⁴ Ba anya'u, atyi a hwumtong ba apio gu, nang adaddai ngwon ke, uwa yet gbandang'u bu tyok tuzi'u. ⁵ Atyi asan a daddai ngwon ke ngi, ba ayurok nu, asan nu'a. ⁶ Ama atyi achio angwan unyung azi nang ki nghuak chuchuk ba nu si nyio katuk, kuli bwai lan a lab'a ga fang nan nfuo a ti'a bumi ga gyui nang asi blong. ⁷ Hu swan fwong bu swant'u ban zan ngbang aze! Hulin ntai nang kazan aze bai, ama huswan fwong atyi awai kanang zan aze bai! ⁸ Ki bwak ahu ko anyi tak ki ta chi'a u swat u fiyet zit titti. Hu li lan'a u nwo bu swan zi di ban nkyang anai nang atibun ti'a ban ndong sang-sigag ban nbwak nfiyang ko atak afiyang. ⁹ Ka ali aki li chio'a bu swat, tinki jip titti, huli yet u nwo bu swon di ba ali unyung nang ali nti'a ban ndong sang-gag'i ba agyi abi afiyang'i. ¹⁰ Hu yet iyok shuwok ayin ba nman ne dak. Ntak nyin, tazi nangnman tam Gwazi bini swan sibi chiyang ugyi adi nuki nang ashio tuzi'i. ¹¹ Ngwan atyibishi ki bu bai ki san anyet akan bwuk'i. ¹² Yaha u dam? Kanang ayin bio tsep chii, jyung ban bi si bwuk, ali wat nswak kubunyung bu kubunyung ki dufam agung ki aya nad achat jyung di nang ibwuk'i da? ¹³ Ka ashio di, ntak nyin chuchuk, ali gwai ba alio gi anyung, agwai'u aswak si nswak kubunyung ba kubunyung nang inwai bwuk'i. ¹⁴ Ba anya'u, Adi zit'u nang asio tuzi'i fok nyanyang ayin achio ayin bu achuwang nman'i a tep dak. ¹⁵ Ki lanyuk'a tep a do, nad utak gu tep adai nyin ba afiyang. Kanang gu fok kyang uliyat'i, huli yet kyang tan'a bwok bu lanyuk a'u. ¹⁶ Ama kanang gu lak fok'u, u yurong atyi anyung ko anyet afiyang, ka anyet bi nad afiyang ko atad, yab dak baji. ¹⁷ Kanang gu lak fuwong bi'u, nad do bu tu Nai. Kanang gu lak fok'u, kyak gu nang atyi sai krum abin'i. ¹⁸ Chuchuk'a ndyad ban nyin, kyang ilab bu swanti'u i, anya kun di tazi. Kyang nang ibiyuk bu swanti'u i anya hundi tuzi. ¹⁹ Nmu dyat banyin, kanang anyet afiyang shim kyang bu swanti'u kyang ba chat'i, adi tuzi;u li nyio bi do. ²⁰ Uvwo anyet afiyang ko atad ntung ba ayrok nu ki nun shio dandung banbi." ²¹ Bitud si bai bu hyio bu Yesu, "Atyo, umang ka lanyuk nu lin nyio nu katuk'u, nyirip gu do? Bwu natad ka?" ²² Yesu si hyio bangu, "Ntak nyin e natad ka dak, ama ku ufang natad tunad nswak natad. ²³ Ba anya'u tyok tuzi'u shi chachirak bu agwan nang achat a lyen zwi gu zi nang ishio nbwak agho gubi'i. ²⁴ Nang gu fum jyi'u i, aghwo anyung si bai bangu achi a ghui gu talen kwop swak. ²⁵ Ama nang gun bio kyang ntan'u dak'i, atyi-uli u si chi gu yok gu liyap bi, ba abyuk'u bu nman guni, bu nkyang guni salai an tan kyang a ghui gu'i. ²⁶ Aghwo'u si ghum abin du ugyi gu asi nai gu ngi, 'Atyi-uli shyim fwo banu, nni tan nkyang aghui nu'i.' ²⁷ Nang atyi-uli'u nfok anya'i, asi li kunak gu, asi bwung asi ghan gu kyang gu ghui gu'i asi tyio gu asin nkad. ²⁸ Aghwo awai si wuruk to shio aghwo agyang nang gu hwi gu dinari chii. Asi tabat gu shyuk nfwo ayok gu tan gu ti gu hu. ²⁹ Ama aghwo awai si ghum asi nai gu e, "Li kunak nu, nnin tan'a. ³⁰ ama aghwo awai si lak. Asi nad tu chio gu bu ghwo nfong zan gu lin tan gu kyang gu ghui gu'i. ³¹ Nang akum aghwo ki nfok kyang hu kwi'i, Basi fok nyanyang dak, basi bai bu tak atyi-uli bi'u kyang hu kwi'i. ³² Anya atyi-uli aghwo awai si ngrong gu asi hyio bangu, 'Uyet ughwo nang abio akpwad. Nyirip'a katik u nyio'i bu sangag unnai nu'i. ³³ Usi lak tu fok kunak aghwo anyio'a katuk'i nang nu ndi kunak'a i da?' ³⁴ Aty-uli'u si fok alio gyi asi kyak gu nwak anyet a tswat alak fok bi'i, sinang gu bu tan kyang nang aghui gu'i. ³⁵ Ba anya Adi tuzi nu lin nyio ado, konyan banyin yirip katuk lanyuk gu ban fwo gu dak."