¹ Nmam uti suwak Yesu si yurong Bitud, Yakubu, nbyang Yohna laniuk Yakubu'u, basi chong tutan ba agung ki ba apio bi. ² Asi shai gu vam'u dugi bi. Ugyi gu ki si sai nang mam'ai, nbyang atroh gu bi si li kyankyai nang sai'ai. ³ Aza, Musa nbyang Iliya basi tad wuruk baba lyat bangu. ⁴ Bitud si shim asi hyio bi Yesu, ''Atyo, huyet nang zi nshio azi'i. khanang ushim, ni nok uvwo fwung utad azi, unyung si nwan, unyung si Musa, nbyang unyung si Iliya.'' ⁵ Nang guli shi ba alyat ni, aza, aniam asai si kub bi, ba aza, anghuat si wuruk ba anian bi, khi bi nyio, ''Ngwon nang nchat'i ka kai, iwa nu shiyai fuo'u. Ifwong gu'' ⁶ Nang anyet ghwi gu bi nfok'i, basi swot bu ugyi nbyang uwun si tabat bi. ⁷ Yesu si bai asi nsak bwak banbi asi hyio, ''I tabok iyok fok uwun dak.'' ⁸ Basi chiyang kad basi li ayin dak sei Yesu'a ba ayin gu. ⁹ Nang ba chiyet tubai abyin nyiet ba agung ki'i, Yesu si chi chyi aba ntio, ''I da ba yok tak ayin kyang nang bali'i dak sei nang atabok ngwon atyibishi ki nyiet do bi lyak'u. ¹⁰ Anyet ghwi gu bi si liyip gu babanyio, Yaha nbio anyet tyet chyi bi nyio eh Iliya'a li shio uswon bai?'' ¹¹ Yesu sishim asi hyio, '' Anya'a Iliya li bai abwok bi nkyang ni salai bai do bi i gag'u. ¹² Ama ni tak nyin, Iliya kan bai, ama basi kyak gu kyang dak, basi nyio bangu bi sagag nang ba nchat'i. Anya, ngwon atyibishi ki li swo ngbang ni nbwak bi.'' ¹³ Anyet ghwi gu bi si fuk nang gu lyat tutan Yohna anyio bab tisiman'u hwa. ¹⁴ Nang basi bwok bai ba akpwi anyet'ui, atyi agiyang sibai, asi hwum dugi gu, asi hyio, ¹⁵ ''Atyi, li kunak tutan ngwon nu ki, ki swo ngbang deni bi swan kwi tsen. kodajan a shiot. ban dong nbyang bi sakhuwod. ¹⁶ Nbai bangu ba anyet ghwi abi, ama basi ngiyad basi churok gu dak.'' ¹⁷ Yesu si shim asi hyio, anyet lak nwak chuchuk nbyang katuk achian, nyiet bi da jan da nang nu shio dandung banyin? Nyiet bi da jan nang hunget nu ti'a nshim fuo banyin? Ibai bangu aji.'' ¹⁸ Yesu si kam katuk ntsui'u, isi wuruk bangu, ngwon ki si shio churok'u banjan azai. ¹⁹ Anyet ghwi ngu Yesu bi si bai bangu ntsang basi hyio, ''Yahwa nbio nang nzit zi ngiyad zi tin katuk ntsui'u dak?'' ²⁰ Yesu si hyio banbi, ''krok chuchuk nyinni shi dadai. Yok nhyio banyin chuchuk'u, khanang chuchuk nyinnu shi dadai nang tsui musta'i, ili ngiya i hyio ba agung kai, shurok nyiet aji tutan azau; khili shurok nbyang kyang li ghiad nyin nyio dak. ²¹ Ama katuk ntsui'i li wuruk dak sei nang iyio nai nbyang mub unu ²² Nang ba nshi Galili'i, Yesu si hyio ba anyet ghwi gu bi, ''Ali nwak ngwon atyibishi ki nbwak anyetbishi ki, ²³ Bali hyad gu, mam tad'u atabok gu'' Anyet ghwi gu bi si fok nyayyang dak. ²⁴ Nang basi nbai kafarnahu i, Anyet nang ba sai akum shekel si kurum abyin'ui basi bai bi bitud basi hyio, Atyi-tyet nyinnu tirang akum shekel kurum abyin nu da?'' ²⁵ Asi hyio, ''Eh'' Nang Bitud si nad bumi uli'i, Yesu si shi uswon lyat bangu asi hyio, ''Yahwa udam, siman? Agwam ukarang bi bi swanti'u, na nyan ba sai kurum abyin'u nbwak bi nbyang tung kurum'u? Nyiet ba anyiet bibi ba ko anyet chen'i ba? ²⁶ Nang Bitud sin hyio, '' Nyiet ba anyet chen'i ba;i,'' Yesu si hyio banbi, '' ka anya'a, anyet nang alyat'i tutan bi'i li nshio ba anyet namng bali tan'i dak. ²⁷ Ama yok zi tyi anyet sai kurum abyin bi ba nyio katuk dak, i nad ba agyui ki, i nti tswob di, Afwon nang ishi uswon tabat'i. Kanang i tyak unu ki, ili nshio shekel. Ikyak hu itan kurum abyin si nu'u nbyang si nyinnu.''