¹ Farisiyawabi nbyang sadukiyawabi basi bai ba mak gu basi liyip gu iyok gu tak bi kyang nang alili tazi'i. ² Ama asi shim asi hyio banbi, ''khanang duswan di nyio, ili hyio, Eh ufun ki li sai, nang tazi ki nshong'i.' ³ Khanang utson ki tad, ili hyio, 'Eh ali nyio aniam tazi, khanang ili tazi ki shong'. Ilien sangag nang ili tag igag nang tazi ki ndi'i, ama ingiyad itak nang jan di fang'i dak. ⁴ Katuk anyet bi nbyang anyet nyio katuk amun ba chat bali nkyang anei, ama ali tyo bi bali kyang dak zhan bi kyang nang anyio ba jan Yunusa di dak.'' Yesu si wot bi asi nkad. ⁵ Nang anyet ghwi gu bi nnad ba afam kam, basi bwung ba kyak bredi ki'i. ⁶ Yesu si hyio banbi, ''I tabad imu shi bi lien yis si anyet, farisiyawabi nbyang sadukiyawabi.'' ⁷ Anyet ghwi gubi si nad mi'adam ba agiyang bi basi hyio'' Nang zi lak nbiyong bredi ki hwa.'' ⁸ Yesu si shi bi lien asi hyio, ''Nyin anyet bio a dadai chuchuk, yaha nbio nang idyad ba agiyang nyin ibi nyio eh i lak nkyang bredi ki hwa? ⁹ I kan fok da'a ko ibwung'a nang anyet kwop tswon bi ngyi bredi ufwon basi swi'i, bisangag nang isi mu nkwok akum bi tyo uchirang deni? ¹⁰ Nbyang bredi natad nang anyet kwop nyai bi gyi'i, bisangag nang isi kwok akum bi tyo uchirang deni? ¹¹ Huli ni'a nang di ifuk kyang nang ndyat't, ndyat banyin tutan bredi ka? I tubam nbyang i mu lien yis anyet farisiyawabi nbyang sadusiyawabi'' ¹² Basi fuk nang gu ndyat banbi tutan yis nang hu shi bumi bredi'i ka dak, ama ba tabam bi tyet anyet farisiyawabi nbyang sadusiyawabi. ¹³ Nang Yesu si nbai ba kpai nang ashi npwen bu ukaramng kaisariya filibi ki'i, asi liyip anyet ghwi gu bi, aba nyio, ''Anyanna anyet bi nyio en ngwon atyibishi ki yet?'' ¹⁴ Kyang nang ba lyat'i hwa yet, ''Agiyang nyio Yohna anyio baptisman'a, agiyang nyio Iliya'a, akum anyet ki nyio, Irmiya'a, ko huyet ayinna ba anyet shei tam Gwazi ni'' ¹⁵ Asi hyio banbi, Ama nyin anyanna inyio nget? Simon bitud si shim asi hyio,'' ¹⁶ Nwanna yet kristi, ngwon Gwazi nswon'u.'' ¹⁷ Yesu si shim gu do asi hyio, ''Ali nkrok'a nmiyang saminu ngwon Yenusa, vam nbyang aswok na tak'a kyang'i dak, ama Adi'u hwa nang ashau tazi'i. ¹⁸ Nmu ni hyio nwan Bitud, tutan afang kai ka ni nnok tu adyep nu'u. chet nyityit Hades'u li nvong dak. ¹⁹ Ni zan'a yaya tiok Gwazi tazi'u. kyang nang ilap bi swani'ui anya'a ali lab tazi, kyang nang isi biuk bi swanti'u anya'a ali nbiuk tazi.'' ²⁰ Yesu si chi anyet ghwi i da bayok tak nyin nang ngu'a nget kristi dak. ²¹ Nyiet ban jan azai Yesu si kwi fang anyet ghwi gu bi i huyet ti'a go nad urshelima, go swo ngbang deni nbwak anyet ahwop, agwam kwi anyet bi Gwazi bi nbyang anyet tyet chyi, basli hyad nu, atabok ba nu bi swon di bumi mam tad'u. ²² Bitud si yurong gu nad do da kyun asi nghai bangu, aba nyio, ''kyang'i li kwi ba nwan dak, Atyo; yok hu yok kwi ba nwan dak.'' ²³ Ama Yesu si bwak asi hyio bi Bitud, ''Durok maliam nu, tanyirang ki! uyet nu afang tuk tak ka, a dam awu shi tutan nkyang Gwazi na dak, ama tutan nkyang anyet bishi.'' ²⁴ Yesu si hyio ba anyet ghwi gu bi, ''Khanang ayin chat go hwi nu, huyet ti'a alak apio gu, akyak atyem nkwon, aghwi nu. ²⁵ Atyi nang achat a san swon gu di ali shi di dak, Atyi nang a nwai swon gu di ali shi di. ²⁶ Yahwa atyibishi li shio khanang azan gu dunio'u salai asi nwai swon gu di? kyang nshio nang atyibishi li nshai swon gu di? ²⁷ Ngwon Atyibishi ki tubai bi gbandang Adi ki'u dandung ba nmann ntam Gwazi ni. Ali zan kodayan van ntam bisangag nang kodayan nyio'i. ²⁸ Chuchuk'a nhyio banyin, agiyang anyet nshio bio yong'i, nang da bali ghu dak sei nang bali ngwon atyibishi tubai bumi tiok gu ki.''