¹ Nang Yesu ba anyet ghui gu bi nbai npwen bu Urshelima'i, basi nwo bu ukarang Betafaji ba agung Zaitun, ² asi tam anyet ghui gubi afiyang, asi hyio banbi, "Inad du ukarang duswan ki, ilili a kazahyi nbyang ngwan guki, ibyuk bi bai ba nu do. ³ Kayin liyip nyin, itak gu nang 'Atyo'a chat bi,' atyu awai li tam bi ba nwan." ⁴ Nini kyang aliyat krok anyet shei tam Gwazi bi hwa li nat chacharak. Asi hyio, ⁵ "Itak anab Siyona'u, li, agwam awu tubai banwan, aba tung apio gu aba tyong kazaki, bu kuzaki, agwam kuzaki." ⁶ Anyet ghui gu bi si nat tu nyio bu ngak Yesu nhyio banbi'i. ⁷ Basi bai bu kuzaki ki bu ngwan ki, basi nsak atro bibi, Yesu sin swan tutan kuzaki ki. ⁸ Apwi anyet'u si mang atro bibi ban vak'u agyang bi tsak afuo ukwan basi tiyak abin ba vak'u. ⁹ Akpwi anyet'u si nad tu nad npwen bu Yesu nbyang sibi bi nhwi gu'i, khaang nkun ni tutan nyio, "Hosana ba ngwan Dauda! Ali nkrok duk atyi abai ba ayurok Atyo nmiyang. Hosana'a shio tutan!" ¹⁰ Nang Yesu n'nwo Urshelima'i, umi ukarang ki si chi nghanghak kisi hyio, "Anya na wi?" ¹¹ Akpwi anyet'u si shim, "Yesu atyi shai tam Gwazi nyiet Nazarad bu Galili." ¹² Nang Yesu nnwo bu tu Nai'i, Asi vwong anyet a liyai bu kwai nkyang'i bu tu Naiu, asi bwak tebul nbyang keji anyet ba liyai abwat bi. ¹³ Asi hyio bambi, "A luru ngi, 'Aye uli nuk tu mok,' ama ibwak nchio uvwo tung atang." ¹⁴ A pak agyi bi ba anyet ghu atak bi si bai ban gu bu uli dyep Gwazi ki, asi chirok bi. ¹⁵ Ama nang agwam kwi anyet bi Gwazi nbyang anyet tyet chyi bi ndi nkyang ntan gu nyio'i basi mun fok nman ni chiyet agong'u buli adyep Gwazi ki biba nyi, "Hosana ba ngwan Dauda," basi fok alyigyi deni. ¹⁶ Basi hyio bangu, "Ufok kyang anyet bi liyat'i?" Yesu si shim, "E! Ama ifang da 'Ishiyad atan didyep nyiet bu unu Achuwang nman ke nbyang nman a byong'i, nang ulien'i idyap'?" ¹⁷ Yesu si wad bi zaz asi wuruk nad bumi ukarang Bitani, asin tyak utuk ki. ¹⁸ Nini nang gun bwok nad bumi ukarang ki asi fok zwong. ¹⁹ Chiyang atying gwafwai ki ban kyung vak'u asi nad bu uvwo ki, asi nshio kyang dak sei afwo bi. Asi hyio ban ki, "Nchat abu bio asum banyin dak." Ban zan di gwafwai'u si takwut. ²⁰ Nang anyet ghui gu bi ndi anya'i, basi tyi zwab basi hyio, "Ni'a gwafwai'u nnyio asi ntakwut ban jan di ?" ²¹ Yesu si shim asi hyio banbi, "Chuchuk'a nshai nyin, khi ibio chuchuk nang inbun fwo dak, ili nyio swak kyang anyio atyin gwafwai ki do'i, ama imuli hyio bu agung ke, 'Drok azi tu kwi ba agyui ki, ki ma drok.' ²² Kyang nang iliyip bi nai, chuchuk, ili shio." ²³ nang Yesu nbai bu uli adyep Gwazi ki, agwam kwi aanyet bu Gwazi'u ba anyet tad agyi bi si bai asi tyet bi aba nyio, "Da chet'a unyio nkyang ne, anyan'a zan'a chet'i?" ²⁴ Yesu si shim asi hyio banbi, "Nu nmun ni dyip nyin kyang nyung. Ki itak nu, nin tak nyin chet nang nu nyio nkyang ne'i. ²⁵ Baptisma Yohna zi nyiet aze'a? Inyiet tazi'a ke ba anyet ba?" Biba liyat ba agyang bi, "Ka zi hyio, 'Inyiet tazi'a,' ali hyio banzit, Ya nbio ilak nwak chuchuk ban gu'u?' ²⁶ Ama ki zi hyio, 'Anyiet bi anyetbishi ba,' zi fok uwun apwi anyet ni, dong ba chiyang Yohna nang atyi shai tam Gwazi'i." ²⁷ Basi shim Yesu do, basi hyio, "Zi lyen dak." Asi mun hyio banbi, "Nu ma nin tak nyin ko da chet'a nun nyio nkyang nei dak. ²⁸ Ama yaha i dam? Ka ayin bio nman ufiyang. Asi nad bu unyung asi hyio, 'Ngwan, nad u nyio ntam ni ba abin antyui antyui ukwan'i.' ²⁹ Ngwan ki si shim kisi hyio, nnet dak,' ama asi bu shai adam'u asi nad. ³⁰ Atyi awai si nad ba ngwan unyung ki asi hyio banki ba di ngag di. Asi shim asi hyio, 'ni nad, atyi uli,' ama asi lak nad'u. ³¹ Anyan na ba nman adi nne nyio kyang adi'u chat'i?" Basi hyio, "Suswan uwa." Yesu si hyio, "Chuchuk uwa nshai nyin, anyet sai kurum abin nbyang gham ba li nwo tyok Gwazi'u wot nyin. ³² Yohna bai banvak zazarak nyio, isi nwak chuchuk bangu dak. Ama anyt sai krum abin ba bu gham di nwak chuchuk bangu. Ama nyin ko nang indi sihwi, ikok ntong dak, isin nwak chuchuk bangu. ³³ Ibo fok gaan ze. Anio atyi abio abin. Asin chwi ukwan, asi krak hu, asi lung bwong shwi saghuat ukwan, asin nok aghian tu, asi nghuat anyet an tirang gu kurum. Asi bwok nad bu ukarang ugyang. ³⁴ Ki zan fwai asun ukwan di bai npwen, atam aghwo agyang bi anyet a chiyang gu do'i a kyuwai gu do. ³⁵ Ama anyet chiyang ukwan abai si tswot aghwo anyung basi nyad anyung basi mang agyang ban nfang. ³⁶ Ba anya atyi bio'u sibu tam aghwo agyang suwak si ba shi uswan'i, ama anyet chiyang uvwo bi si nyio bido nang sibi bu chak kan bai'i. ³⁷ Nang hun swak'i, atyi bio'u si wat asi tam ngwan guki banbi, aba nyio, 'Bali nwak ngwan nu ki gbok.' ³⁸ Ama nang anyet chiyang bi nkwan ndi ngwan ki'i, basi hyio ba agyang bi, 'Atyi hwak aghwuk uwa sibai. Ibai zi hyat gu zi byong nkyang gu ni.' ³⁹ Basi kyak gu, nad do titi bi itam'u, basi hyad gu. ⁴⁰ Nini kanang atyi bio itam'u bai, ya'a guli nyio ba anyet a chiyang gu uvwo ki?" ⁴¹ Basi hyio bangu, "Ali hyai anyet abai bu katuk nvak, anwak anyet agyang chiyang itam'u, anyet bali zangu singu akwai bu swum ukwan'u" ⁴² Yesu si hyio banbi, "Ifang aliyat Gwazi ni da, afang nang anyet nok bi lak'i, ika yet chet nok'u. Sighui nyiet bu Atyo'u, hi yet tan'a ba gyi zit bi?' ⁴³ Nang hundi anya'i, nhyio banyin, ali kyak tyok Gwazi'u nyiet banyin anwak gbandang ukarang ugyabf nang ki nghuat aswum ki'i. ⁴⁴ Atyi nang aswod ba afang kai ali sang ban nchong. Ama atyi nang ki nswad tutan gu'i, ali shyai." ⁴⁵ Nang agwam kwi anyet bi Gwazi nbyang Farisawabi nfok gaan gu di'i, basi fuk nang gu liyat tuitan bi ka. ⁴⁶ Chat vak nang bali ntabat gu'i, basi fok uwun akpwi anyet ni, kyang nu nbio'i Anyet bi kyak gu nang gun nget atyi shei tam Gwazi'a.