¹ Ba mam adyep ugyang nang Yesu kai bu uvwu ugyang nang ankhap yak, anyet ghui gubi si kwok ipio yak'u basi kwa bi nbwak bini basi gi tsui di. ² Ama Farisiyawa agyang si hyio, "Yaha nbio inyio kyang hu shi nchyi'i utuk adyep khi?" ³ Yesu si shim aba hyio banbi, "Ikan fang kyang nang Dauda nyio nang zwong di ki ngyi gu'i, ngu nbiyanganyet baki shi dandung bangu'i da? ⁴ Anwo bu'uli Gwazi khi, asi kyak buredi khi aza asi gyi ugyang, asi mi nwak anyet ba shi dandung bangu'i ugyang basi gyi, hu yet nchyi'a sai atyi kwi anyet bi Gwazi'a li gyi." ⁵ Asi bu hyio banbi, "Ngwan Atyibishi khi ka yet Atyo utuk Adyep'u." ⁶ Utuk Adyep ugyang si bu bai, asi nad bi iswak'u asi tyet anyet bi aza. Atyi agyang nshio aza nang bwak yak gu hu shriveled. ⁷ Anyet tyet nchyi bi nbiyang Farisiyawabi ba ntin agyi bi bangu bali kanang gu li chirok ayin utuk Adyep khi, bali kanang bali shio gu bu kyang nang bali ntabat gu bu tyep. ⁸ Ama, asi fuk kyang nang ba dam'i, asi hyio ba atyi nang bwak gu'u ghu'i, "Tabok, yong du'uchio kodanyan adi." Atyi awai si tabok yong aza. ⁹ Yesu si hyio banbi, "nchat nliyip nyin, chyi'u hyio iyok anyio kyang tan'a ke alakyet'a, a san swan da ke a hyad swan da utuk Adyep khi?" ¹⁰ Asi chiyang bi salai asi hyio ba atyi awai, "Nep bwak'ahu, bwak gu'u si bwok bai chachirak. ¹¹ Ama nfwo bini si nhyad bu alyigyi khi, basi liyat ba agyang bi krok kyang nang ba li nyio Yesu do'i. ¹² Ba nmam anai asi drok nad ba afan khi go a Nai. Asi ntyak utuk khi bi Nai Gwazi'u. ¹³ Nang utswan ki ntad'i, asi yrong anyet ghui gu bi, asi khai anyet swak ba afiyang bi banbi, asi chi bi ayirok khi "anyet ntam" ¹⁴ Anyet ntam abai ba yet Siman (Nang gu mun chi gu ayirok ki Bitud) nbiyang lanyuk gu'u Andru, Yakub, Yohna, Filibud, Batilomi, ¹⁵ Matyu, Toman, Yakub ngwan Halfa, Siman nang angyai Zaloti'i, ¹⁶ Juda ngwan Yakub, nbiyang Juda Iskaroti, nang abi yet atyi nang anwak Yesu'i. ¹⁷ Yesu si chiyok nyiet afan dandung banbi asi bi yong bu akpai uvwo. Nang apwi anyet nyiet Judiya nbiyang Jerusalem, nbiyang anyet nyiet bu gbandang chen si Taya nbiyang sidon. ¹⁸ Ba bai ba fwong gu nbiyang amun chirok bi zwan bi di. A mun chirok anyet nang akatuk ntsui bi damu'i. ¹⁹ Koda'nyan nang ashi ba apwi anyet'u i chat a sak bwak ban gu dong chet chirok'u nyiet ban gu'a, asi chirok bi salai. ²⁰ Asi chiyang anyet hwi gu bi, asi hyio, "Ali nkrok nyin nmiyang nyin kunak ni, tyok Gwazi'u li yet si nyi'a. ²¹ Ali nkrok nyin nmiyang ni, nyin anyet nang zwong di gyi ni'ini'i, i tibi swi. Ali nkrok nyin nmiyang nyin anyet nang ichiyet agyini ni'ini'i, i tibi mai. ²² Ali nkrok nyin nmiyangkanang anyet bi lak li nyin basi hiap nyin wuruk do bu apwi bi khi, basi lak iyirok nyin'u ee iyet katuk anyet bai' krok Ngwan Atyibishi khi. ²³ Igwai utuk akai imun furup ba asai alio, dong ali zan nyin gbandang kyang van ntam tazi, anya adi gbagbang bi nyio anyet ntam Gwazi bi do. ²⁴ Ama huli yet kyang kunak'a ba anyet bio jwi bi! bakan shio sinbi nyanyang'u. ²⁵ Huli yet kyang kunak'a ba anyet ba shio ba aswi khi ni'ini'i, zwong tibi gyi nyin. Huli yet kyang kunak'a ba anyet nang ba mai n'ini'i, ba tibi shi bu alyigyi bu chiyet agyi. ²⁷ Ama nhyio ba nyin nang ifwong nu'i, chat lanvan'awu u nyio anyet ba lak li'a i kyang tan. ²⁸ Nkro anyet nang ba fwai'a i nmiyang, u Nai tutan anyet ba mai nyi ba nwan'i. ²⁹ Kanang ayin lwi'a bu ukpwang kee, ubwak gu ukpwang unyung khi. Kanang ayin kyak'a atroh unhwi wun'i, umun zan gu njung atroh uhwi bumi'i. ³⁰ Atyi nang a liyip'a kyang u zan gu. Kanang ayin kyak'a kyang nang hu yet si nwan, yok liyip gu dak. ³¹ Bisangag u nchat anyet bi ba nyio ado'i, nwan ma u nyio bi do anya. ³² Kanang uchat anyet ba chat'a i ba ndai, yaha u nhio tutan? Dong ko anyet nyi katuk bi chat anyet ba chat bi'i. ³³ Kanang anyet ba nyio'a tan'u i ba u nyio bi tan'u ndai, yaha u nshio tutan? Dong ko Katuk anyet'u mun nyi anya. ³⁴ Kanang uli hwab anyet uli nsak fwo ba bwok ba nwan do ba ndai, yaha u nshio tutan? Dong ko katuk anyet'u kop agyang bi nkyang ni, ba sak fwo ali nbwok banbi do bangag di. ³⁵ Chat lanvan'abi, unyio bi kyang tan. Hwap bi nkyang ni, yok sak fwo e ali bwok do dak, ali tan nyin gbandang tan. Ili yet nman Atyo Answak'i salai, ngu ba apio gu, ayet Agwam'a tutan anyet sang shok nbiyang Katuk anyet. ³⁶ I twai kunak'u nang Adi nyin'u ntwai kunak'u i. ³⁹ Asi mun tak bi ba ngan de, "Apak gyi li ngyad akwak apak agyi? Kanang gu nyio anya, bali kwi bu bwong salai bi, kada anya la? ⁴⁰ Ngwan miam khi li swak atyi tyet khi u dak, ama atyi nang atyet gu tiyak, ali yet nang atyi atyet gu'i. ⁴¹ Yaha nbio nang unwuan chong akum nkwan nang ishio ba ali lanyuk'a khi ka, ama u ngyad uli ga agud ashio ba ali aki'i dak? ⁴² Yaha uli hyio bu lanyuk'awu, 'Lanyuk, yok ntin'a nchong akum nkwan ishi ba ali aki'i', nang di u ngyad usi li ga agud nkwan ashi ba ali akhi'i dak? Nwan abuk ayin! shi uswan tin ga agud ashi ba ali akhi'i, u nshi nwuan'u dasam bisangag ulin tin nchong akum nkwan nang ishi ba ali lanyuk'a khi. ⁴³ Atyin ukwan utan khi nwad aswum ukwan nang khi lak yet dak, Anya atyin khi lak yet'i, kili nwak aswum ukwan utan dak. ⁴⁴ Koda atyin ukwan ba aswum nang alien khi do'i. Anyetbishi li ngyad ba kwok aswum gwafwai ba atyin thornbush dak, da bali ngyad ba tung grapes ba atyin briar bush dak. ⁴⁶ Yaha nbio nang ingyai nu, 'Atyo, Atyo,' nang di ihwi nkyang nang nhyio ban nyin'i dak? ⁴⁷ Atyi nang abai bannu asi fwong swang aliyat nu di asi hwi di, ni tak a kyang gu yet'i. ⁴⁸ Ali nang atyi nang anok uli asi lunk bwong'u nad do burong asi fwum nuk uli khi bi nfang solid'i. Kanang a vad zi, apio sakhuwad si nkai bu uli khi, khi li zwun uli khi dak, dong alen nok khi dusam. ⁴⁹ Ama atyi nang afuwong aliyat nu ni dak, aba lak hwi ni'u, ali nag atyi nang anok uli khi tutan anbin asi fwum nok'u bi nfang dak. Kanang apio sakhuwad khi bai bu lui akai, kili swad, uli akai zama chi abwad ba.