¹ Kyang'i kwi, nang apwi anyet'u yong grak Yesu baba fwong swang aliyat Gwazi ni, nang gu yong bi gbandang chan Janisarata. ² Asi li kukwan byai sakhuwad afiyang nang ayruk bi chi dankyung chan'u. Nang anyet yabed fwan bi kan chiyok nyiet tutan baba kwi uchirang yabed fwan ni. ³ Yesu si nyak tutan kukwan byai sakhwad nyung nang huyet si Saminu, asi chi gu yok gu yuruk dadai nad do di sakhwad ni. Asi swan abyin, asi tyet anyet bi, nang gu shi tutan kukwan byai sakhwad khi. ⁴ Nang gu ntyak aliyat ni'i, asi hyio bi Saminu, "Yuruk kukwan byai sakhwad'u nad do bi uvwu ki shi brong, uli ka ulin tabat kyang" ⁵ Saminu si shim asi hyio, "Atyi uli, zi nyio ntam ni ntiyak utuk khi, zi ntabat kyang dak, ama yok hu swan bi sangag unhyio'i, nin ti uchirang yabed fwan khi." ⁶ Nang ba nyio anya'i, basi ntung nfwan deni, uchirang yabed fwan bini bi tsak. ⁷ Basi yrong akum anyet ntam biki nang ba shio ba kukwan byai sakhwad nyung'u i, yok ba bai ba byang bi. Basi bai basi kwok fwan'u basi nhyad kukwan byai sakhwad nfiyang ni tunad sangag nang ba kwi nkwai bumi sakhwad khi. ⁸ Ama nang Siman Bitud ndi angi'i, asi swad abin ba ahwud Yesu bi, aba hyio, "Drok npuen ba nu, Atyo, n'yet atyi nyio Katuk'a." ⁹ Dong afok asai alio nbiyang salai anyet ba shi dadung bangu'i, nang ba yabed fwan'u i. ¹⁰ Anyet abai ba yet Yakub nbiyang Yohna, nman Zabadi, ba nyio ntam ni dandung bi Siman. Yesu si hyio bi Siman, "Yok fok uwun dak, kyak nyiet ufwun, uli kwi yabed anyetbishi ba." ¹¹ Nang basi nwuruk bi kukwan byai sakhwad'u bai do nti'i, basi wat kodikyang basi nhwi Yesu. ¹² Tubai anjuma nang Yesu shi bi umi ukrang ugyang, atyi gbab agyang shi aza. Nang gu ndi Yesu'i, asi swad du ugyi gu asi nai gu asi hyio, "Atyo, ku ushim, u chirok nu." ¹³ Yesu si nep bwak gu'u asi sak gu do, asi hyio, "Nshim, shi chirok a hu." Bu umi njan, jwan gbab di si wad gu. ¹⁵ Ama asi gyi'uswan bi shai kyang Yesu nyio'i, apwi anyet deni si bai dadung ba fwong tyet gu hu, bisangag nang gu nchirok anyet nzwan bi'i. ¹⁶ Ama koda njan a nkhap apio gu anad anyio Nai. ¹⁸ Atyok agyang si bai, nang ba biyong atyi agyang bu akpang nang vam gu hu ghu, basi chat vak nang bali nbai bangu bumi ba mad gu du ugyi Yesu. ¹⁹ Basi shi vak nang bali nwo bangu bumi dak krok apwi anyet'u, basi nyak bangu nad do utan tu khi, basi chiyok bang bumi nchiyad, tutan akpang khi, tunad do du uchi anyet khi, du 'ugyi Yesu. ²⁰ Nang Yesu ndi chuchuk bii, asi hyio, "atyok, ayurub'a katuk'a ni." ²¹ Anyet tyet chyi bi nbiyang Farisiyawabi si kwi lirim, "Anyan'a bwai ngad ni wi? Anyan'a yurub katuk ni nang di Gwazi'u wa dak?" ²² Ama Yesu si fuk kyang ba dam'i, asi shim asi hyio, "Yaha nbio nang i nlirim apio nyin ba nfwo nyini? ²³ Nang hu bio ubung dak di hyio, 'A yirip'a katuk ani' ko a hyio, 'Tabok u chong?' ²⁴ Ama i lien nang Ngwan Atyibishi khi bio chet bi swanti'u khi yirip Katuk ni, nhyio ba nwan, 'Tabok, kyak akpang'awu, u nkat buli.'" ²⁵ Asi tobok bu umi nzan du uswan bi asi kyak akpang nang gu nmyai'i asi bwok nad bu uli, asi nwak Gwazi'u gbandang''u. ²⁶ Koda nyan si fok asai alio basi nwak Gwazi'u gbandang'u. Uwun si tabat bi, baba nyio, "Zili nkyang nang i swak chet atyibishi ufwun. ²⁷ Nang nkyang nee nswak'i, Yesu si drok aza asi li atyi sai kurum abin nang angyai Lawi nang gu swan bu uvwu nang a nsai kurum abin'i. Asi hyio bangu, "Hwi nu." ²⁸ Lawi si wad kudikyang, asi tok asi nhwi gu. ²⁹ Lawi si wad Yesu nkyangyak ntan abang gu, nang anyet sai kurum abin deni nshio aza, nbiyang anyet ba swan ba nchuk sak yak di baba gyi dandung banbi. ³⁰ Ama Farisiyawabi nbiyang anyet tyet nchyi bi nang ba shi bi tuai unak ba anyet ghui Yesu bi, baba nyio, " Yaha nbio nang ingyi ibi su ba anyet sai kurum abin bi nbiyang anyet katuk bi?" ³¹ Yesu si shim bi do, "Anyet nang ba shi bi nyanyang vam'i bali nad chat abwok dak, atyi nang zwan di nyio iwa li chat abwok'u. ³² Nbai nyrong anyet nyio nkyang ntan ba kwak ntong dak, ama nyrong anyet nyio katuk ba kok ntong." ³³ Basi hyio bangu, "Anyet ghui Yohna bi nyio Nai bi lai yak koda nzan, Anyet ghui Farisiyawabi si mun hyio anya. Ama anyet ghui abi si gyi basi swo." ³⁴ Yesu si hyio banbi, "Ayin li ngyad achi atyi achat nyi gu nrang a nwai gyi yak utuk anyi gu nrang'i, nang gu li shi dandung banbi? ³⁵ Ama, nmam ni tubai nang alin kyak atyok achat nyi nrang'i, awod bi, ba nmam anai na basi lin nwai gyi yak u." ³⁷ Ba anya, ayin li ngyad a nchio sakhuwad asum ukwan nfai ba alan (wineskins) ulyen do dak. Kanang gu nyio anya, sakhuwad aswum ukwan nfai ni li fwai alan (skins) khi. ³⁸ Ama huyt ti'a, achi sakhuwad aswum ukwan ni bu alan(wineskins) ufai. ³⁹ Ba atyi ali swo sakhuwad aswum ukwan nlyen ni abu chat nfai dak, krok anya, asi hyio, "Sakhuwad aswum ukwan nlyen ni nswak yet'u.