¹ Nang Zazzrak ntsui shi dandung bi Yesu, nang gu drok bi chen urdu'u, tsui di si chong bangu tutad do nti uyit ² aza nmam nswak nnai nang tanyrang khi mak gu. Ba njan adai, nang gu gyi kyang'yak dak, zwong si tabat gu nang nmam anai tubai tyak. ⁴ Tanyrang khi si hyio bangu, "Khanang uyet ngwan Gwazi ka, chi afang ke ki bwak chi bredi." ³ Yesu si shim gudo, "A luru, 'bredi ka anyin khi'a atyibishi'u li nswan dak.'" ⁵ Tanyrang khi sibu kyak gu nad do bu uvwo ugyang tutan, khi si tak gu ntyok ni bi swanti'u bisangag kodankyng byi jan hu. ⁶ Tanyrang khi si hyio Bangu, "Ni zanna chet'u unyio tyok tutan ntyok nee, salai bi nkyang ntam bini. Ni nwak'a ni krok nchi ni nbwak nu nu nyio tyok tutan, nbyang nban atyi nang nu nchat nzan'i. ⁷ Krok anya khanang uli prak ahwud'abi nbyin duswan nu u dyep nu, nin zan'a salai nkyang nee." ⁹ Tanyrang khi si bu chong bu Yesu tunad do Urshelima asi sak gu tazi tuzi tutan nok tu dyep Gwazi'u, asi hyio bangu, "Khanang uyet ngwan Gwazi kha, fup nyio aza. ¹⁰ Ba anya, a luru, 'Ali chi anyet ntam gubi ba chok'a.' ¹¹ Amun hyio, 'bali biyong'a tazi bu nbwak bini, bisangag nang uli dwi tak bafang dak.'" ¹² Yesu si shim gu do asi hyio, "Atyo, 'huyet ti'a uyok mak Atyo'awu Gwazi'awu dak.'" ¹³ Nang Tanyrang khi ntyak mak Yesu'i, khi sin nkat si wot gu nfwong jan jiyang. ¹⁴ Yesu si bwok nad Galili bumi chet ntsui'u shi dandung bangu, aliyat guni asi shai ni tyak uvwo salai bu ukrang khi. ¹⁵ Asi tyep bi ba aswak bibi, nbiyang kodanyan si dyep gu. ¹⁶ Utuk ugyang asi bai Nazaret, bu ukrang nang anbiyong gu'i. Bi ta'ada bidi, asi nwo bi iswak'u utuk asabat khi, asi tabok yong go fang kwi'abwad'u. ¹⁷ Basi zan gu ufum kwi'abwad Ishaya atyi ntam Gwazi, nang gu tiyak'i asi shio uvwo nang an luru'i, ¹⁸ "Tsui Atyo di shi tutan nu, Akrok nu amio gu ni krok nu nshai kunak ni aliyat ntan ni. A tam nu nchi awot anyet nang ba yet aghu, ntyak apak'agyi bi agyibi, nchi awot anyet nang alak li, ¹⁹ ntak anyet bi njio ntan atyo ni." ²⁰ Asi fang ufum kwi'abwad ki, asi bwok zo nwak atyi ntam'u bi iswak'u, swan abyin. Anyet bi salai bi iswak'u basi ntin agyi bi bangu. ²¹ Asi kwi aliyat ni banbi, "Ufwun kyang nang asak huli kwi ba kwi'abwad'i kwi bu afwo nyin." ²² Anyet bi salai aza basi li kyang nang gu hio'i nbyang husi nwak kodanyan uwun bi nkyang ntan nang ba fok igwud bunu gu khi'i. Biba nyio, "Ngwan Isuf khi ka kai da'a?" ²³ Yesu si hyio banbi, "Ndyen ili krak nu gan de, 'Abwok, churok apio'a. Kodikyang nang zi fok unyio bu ukrang kafanahum khi'i mu nyio hu adi bu ukrang'a khi.'" ²⁴ Asi mun hyio, "Chuchuk'a nhyio ba nyin, atyi ntam Gwazi shiyad su sakhuwad bu ukrang gu dak. ²⁵ Ama nhyio ba nyin chuchuk, anyuk deni nang atyok bibi kwi'i banshio Izraila deni ba njan Iliya di, nang a nfang tazi khi'i ba zi ilyi tad ba akum nang using gyi ukarang khi. ²⁶ Ama atam Elisha ba ayin banbi dak, sai abyuk anyung ba nyin gu nang atyok gu ghu'i nang aswan zarifat npuen bu ukrang sidon. ²⁷ Anyet gbab deni agyang mun nshio bu Izraila ba njan Elisha di atyi ntam Gwazi, ama ba atyi asi churok dak sai Na'aman anyin gu atyi suriya'u." ²⁸ Anyet bi salai bi iwsak'u basi fok alyigyi nang ba fok nkyang nee. ²⁹ Basi tabok yong basi vwon gu wuruk do bu ukrang khi buchet, basi chong bangu tunad do bu ngung ukrang bi khi nbwok'i, bisangag nang bali ngiruk gu nyiet do tutan agung khi. ³⁰ Ama asi tiyad wot bi asi chong bumi bi asi tu'nkad. ³¹ asi bwok nad utuk kafarnahum ukrang kha bi Galili. Utuk asabt dyep ugyang nang gu tyet anyet bi bi iswak'u. ³² Husi nwak bi uwun bi chiyet gu'u, krok atyet bi chet. ³³ Aza bi iswak utuk akai nang agyang anyet nshio nang abio katuk ntsui, aza asi vwad ang'wad khi asi tyi kun, ³⁴ "Yaha zi chat nyio ba nwan? ubai ubwuk banzit'a? Ndyen atyi nang uyet;i! uyet Zazzrak ayin'a si Gwazi!" ³⁵ Yesu si kam katuk ntsui'u, aba nyio, " chi ngbak uwuruk bangu!" nang katuk Ntsui'u kam kyak gu tyan abyin bu uchi anyet ki asi wuruk bangu da abu gu fyod dak. ³⁶ Anyet bi salai si nad mi'adam, basi gi'uswan baba iyat ba agyang bi tutan kyang kai. Basi hyio, "Da swang aliyat da adai? nang gu kam katuk ntsui bi chet'i basi ma wuruk" ³⁷ Aza basin kwi shai aliyat nai tutan gu salai bu ukrang ni. ³⁸ Yesu si wot Iswak'u asi nwo abang saminu. Ba njan di nang akwang ayang saminu vam'u sebgu husi kak, basi nai Yesu krok akwang bi'u. ³⁹ Yesu si tabok yong asi kam zwan di, asi churok gu. Aza asi tabok asi kwi nyiet bi ntam ⁴⁰ Nang dushuyun di nyio'i, anyet bi si bai kodanyan nang avwo bu koda ntzuwan'i. Asi sak kodanyan bwak babi basi shi churok. ⁴¹ Katuk ntsui si mun wuruk bu agyang bi, baba tyuai baba nyio, Uyet ngwan Gwazi ka!" Yesu si kam katuk ntsui'u asi bu yok ni iliyat dak, nang ba ndyen e Yesu'a yet kristi'i ⁴² Nang utswon ki si ntad'i, asi drok nad bu uvwu gu ayingu. Apwi anyet'u si chat gu tu shio gu bu uvwo na gu nshio'i. Basi chat abu drok wot bi dak. ⁴³ Ama asi hyio banbi, " Hu yet ti'a nmun shai ukrang deni aliyat ntan ni krok tyok Gwazi'u, kyang hu nbio nang a ntam nu adi hwa." ⁴⁴ Asi gyi'uswan bi shai'u ba aswak bi salai gu karang Yahudiya'u.