² Agho Agwag agyang nang ayet gu nsak alio i, vwo bi chuchuk, a bwad dadai ma aghu. ³ Nang an bwai gu nghang Yesu ni'i, agwag u si tam akhwop Yahudawabi bu Yesu, bi tak gu abai go asan agho gu ba aghu khi. ⁴ Nang ba nbai apuen bi Yesu'i, basi nai bu chuchuk, baba nyio, "Agho'u mai u chirok gu, ⁵ dong gag nang gu nchat abin zit ki'i, iwa nok zit Tu Nai'u." ⁶ Krok anya, Yesu si nghui bi. Gu nbwad ampuen bu nwo bu uli khi'i, Agwag u si tam akpwandang ba hyio ban gu, "Atyo, yok nwak apio a ngbang dak, dong nmai u nwo abang nu dak. ⁷ Ba anya ma nmai nu ba apio nu nbai ba nwan dak, ama nchat u krak bu swang da, agho nu li chirok. ⁸ Ngyet atyi nang asak bi tyok nsi mun biyong aghuwad. Kanang nhyio, 'Nad,' ali nad, kanang nmun hyio ba agyang, 'Bai,' ali bai, bu agho nu'u, 'Nyio si hi,' ali nyio." ⁹ Nang Yesu nfok si hui'i, asi fok nyanyang gu, a nbwak'i, aba nyio ba anyet bi hwi gu'i, "nhio ba nyin, ko bi izrel nkan shio ayin bu chuchuk angi dak." ¹⁰ Anyet nang asi tam'i si bwok nad buli tu shio nang ahwo'u kan churok. ¹¹ Tubai anjuma, Yesu si tabok nyet achiyet bu ukrang agyai Nain. Anyet ghui gu bi ba apwi anyet didid ba hwi gu. ¹² Nang gu nbai apuen lukanyio ukrang khi'i, asi li kom afai agyang nang uwa ayang u byin anyin gu. Ayet abyuk nang atyok gu kan ghu'a apwi anyet deni bu ukrang khi ba hwi abyuk'u. ¹³ Yesu ndi gu'i, asi fok kunak gu, aba nyio ba ngu, "Yok unak khi." ¹⁴ Asi bai anpuen asi nsak bwak'u bu akwati nkom'u, anyet akyak'i si bwok yong tsit asi hio, "Gusiyem, nyio banwan iyok u tabok." ¹⁵ Kom'u si tabok swan asi fwum aliyat. Yesu si kyak gu nwak ayang u. ¹⁶ Uwun si tabad anyet bi salai. Basi gyi uswan bi dyep Gwazi'u nyio, "Bwandang atyi ntam Gwazi'a a tabok banzit Gwazi'u si chiyang anyet gu bi." ¹⁷ Aliyat ni si krag salai ukrang judia khi nbiyang akum ukrang i nshi anpuen'i geme bi Yesu. ¹⁸ Anyet ghui Yohna bi si fang gu nkyang nee salai. ¹⁹ Yohna si yurok anyet ghwi gu bi afiyang bi tu hyio bu Atyo'u e, "gnwan'a tubai ke zi nsak agyi bi agyang anyet?" ²⁰ Nang ba nbai anpuen bi Yesu'i, basi hyio, "Yohna atyi babtisman uwa tam zit eyok zi liyip a, 'Gnwan'a tubai ke zi nsak agyi bi ba atyi agyang?'" ²¹ Ba nzan adai asi churok anyet deni ban zwan bi di nbyang anyet nang zwan bi zi nat akpak agyi nbyang katuk ntsui, asi tsurok apak lili deni. ²² Yesu si shim aba nyio banbi, "Kanang i nkad, i nad i tu tak Yohna kyang i li isi fok'i. Apak lili bi chiyang, anyet hyad si chong anyet bwab si churok, apak afan si fuwong, asi tabwod nkom ni bu swan di, anyet chat biyang bi shio fok aliyat ntan ni'u. ²³ Atyi nang da ayok nwat chuchuk u ba nnu dak krok nkyang nang nnyio'i, a krok ku nmyang." ²⁴ Nang anyet ntam Yohna bi nkad'i, Yesu si kwi fang ba apwi anyet'u tutan Yohna, edi "Nang i nad ba nti uyit zii, ya itu li, ukwan sang chet nang wun'u bwan zo? ²⁵ Ama ya ha i wuruk i nad i li? Atyi akup atro sang chet a? Di anyet bi khui atan atro nbyang swan ba nyangnyang shi ban ngrak agwam. ²⁶ Ama ya iwuruk nad li'u, Atyi shai ntam Gwazi? ee, nhyio ban nyin, swak atyi shai ntam Gwazi'u ma. ²⁷ Atyi wi wa an luru, 'Di, ntam ba nyin atyi ntam nu khi du ugyi nyin, nang ali jyi nyin vak u'i.' ²⁸ Nhyio ba nyin, bumi sibi nang angyuk tyai, anbyo atyi aswak Yohna dak. Ama duk ba anya atyi andad'i bu uli Gwazi khi swak gu." ²⁹ (anyet bi salai nfok'i, nbyang anyet sai kurum abyin bi, bi nyio e Gwazi yet atan do, krok, a yio bi baptisman Yohna iza. ³⁰ Ama Farisawabi nbyang anyet lien chyi Yahudawa'u, ba si lak kyang Gwazi'u chat bi do'i, krok Yohna a yio bi baptisman zi dak.) ³¹ "Bu yaha nun mak bu jande? Bu li ni'a? ³² Bu li nang nman i vwo bu akpai tunga, ba swan yai agyang nyio ba agyang, 'Zi hyap a zunzwuk u ba lak song'u. Zi kok adam twei, u si lak twei'u.' ³³ Aya'a Yohna nyio baptisman bai di gyi bredi dak, da asai di swo saghwat ukwan dak, iba nyio e, 'abio katuk ntsui.' ³⁴ Ngwan atyibishi khi bai bi gyi nna swo, iba nyio eyok, 'ali, e ayet atyi chat yak'a nna atyi swo, pwandang anyet sai kurum abin, atyi nyi katuk!' ³⁵ Ama lien Gwazi'u bu cbuchuk'u ji salai nman khi ni." ³⁶ atyi angyung bu Farisiyawabi siy ei yesu a gyi yak ba ngu. Zan nang Yesu bi ng'hwo bu'uli atyi Farasi khi di gyi yak'u,a si bwok swan bu tebul khi a ngyi yak u. ³⁷ Ba anya, abyuk agyang bu umi ukrang khi nang ayet katuk ayin bi shin nang Yesu bai gyi yak bu'uli atyi Farasi khi, asi bai bu amio nswam tan sin alabasta bu sindung . ³⁸ Asi yong balyim npwen ba atak Yesu bi aba twei. Asi tabat unak, swup atak Yesu bi bu agyi gu ni. Aba yurup bu pio gu'u asi mub atak gubi mub chat asi krok bi amio nswam tan ni. ³⁹ Nang atyi Farisawa'u bi yei Yesu ndi ngyi, asi dam ba apio gu aba nyio, "Ka atyi i wa yet atyi shei ntam Gwazi'a, dak se alien ayan na bu tankai abyuk a tabyet gu'i, nang gu nyet katuk ayin'a." ⁴⁰ Yesu si hio, "Siman nbio kyang hyio ban nwan." Asi hio, "Hyio atyi tyet!" ⁴¹ Yesu si hyio, "Atyi Kwop kurum agyang hwi anyet anyet afyang ti. Aghwi anyung dinari ci tsuwan, anyung'u dinari nswak nfwan. ⁴² Li nang ban nbio kurum ntan'i dak, asi kwi ati bi. Nang hu ndi ngyi. ayan a manbi li chat swuak?" ⁴³ Simon si hyio, "Ndi achi a hwui gu deni'i wa. Yesu ba nyio, "U lien nyio ashot du sham." ⁴⁴ Yesu si buwak tyo ba abyuk'u aba nyio bu Siman, "Uli abyuk'i. N'nwo abang'a. U zan nu saghwat kwi atak dak, ama asi hyio nu a tak nubi chachap ba agyi guni nbyang asi yurup bi bu pio gu'u. ⁴⁵ U nwak nu mub chat dak, ngu nyet ba nzan nang n'nwo'i ayok atak nu bi bu mub chat u dak. ⁴⁶ U kwan apio nu khi ba amio dak, ngu akwan nu do ba sin nswam ntan. ⁴⁷ Hun di ngyi nhyio ban nwan ngu nang abio katuk'u deni'i asi yirip gu do deni'i, mun shio chat deni. Ama atyi a yirip katuk gu'u dadai, ali chat dadai." ⁴⁸ Anya asi hyio ban gu, "A yurup a katuk ani." ⁴⁹ Anyet si bu vuo gyi yak khi ban gu'i ba liyad ba agyang, "Anyan a wui amai kwi katuk ni?" ⁵⁰ Anya Yesu si hyio ba abyuk'u, "Nwak chuchuk san a. Nad dusham."