¹ Nbyang nu langyung atyok ba angyung, ndyad bayin nang anyet ayet aniyet ntsui bi dak, ama nang anyet a byo akwi atyibishị, nang achyuang man i bumi ghwi Kristi ki. ² Ntyen yin abiyen nya nam ha nang njan yin dak, nang ibin mai ajen nam dak i. Nbyang bai minin ngi ika mai dak. ³ Ili shyo ba kwi atyibishi ki kya. Uvfo nang fub nbyang kanaan nshyo bayin, I swan swad nang akwi atyibishi nshyo bayin da, ibi bu nyo akwi atibishi kya da? ⁴ Kanang ayin gyo, "Nghwi Bulud," nbyang agyang anyet sibo ghyo, "Nghwi Afolos a," i swan nang anyet bishi bya da? ⁵ Tau anyangna yet Afolos? Nbyang anyangna yet Bulud? Aghwo bya nang i nghwag chuchuk u nbwag bi, atyet kayanna babi di sangang kyang nang Atyo ughuag angyu i. ⁶ Nua ntui, Afolos sin tyed saghwad ni, ama Gwazi a nghuag lai u. ⁷ Tutan anya kya, ba tyi tyui ba tyi tyed saghwad u a yet kyang dak. Ama Gwazi uwa li nghuag lai hu. ⁸ Minini ba tyi tyui nbyang atyi tyet saghwad ba yet kyang ugyung, nbyang ali taan koyan di sangag ntam guni. ⁹ Nang kakab zit zi yet akpandang anyet ntam Gwazi bya i. I yet abyin Gwazi kya, bi nok Gwazi. ¹⁰ Di sangag nang Gwazi u nnang nu yet agwak nok i, anya nun kparak tsi nok ji, nbyang agyang anyet anok tutan jiki. Ama yok koyan a tabam bi takai nok nang guli nok tutan zi ki. ¹¹ Da nang ambyo ayin nang ali sak tsi nok dak zan ba siji nang Gwazi u ka kparak i, uwa yet, Yesu Kristi. ¹² Minini kanang ayin lin nok ba ntsi nok ji ba atro, krum, nfang gbob apio, ukwon, chyad, koma kafrag, ¹³ ali tyai ntam guni, ali tyai ni tamam utuk akai. Ali tyai ni badong; long hu li mag ntam koyan alyen takai ntam nang angyu nyo i. ¹⁴ Kanan koyaha nang ayin nok hu si yong, ali shyo sungu zanang. ¹⁵ Ama ki long hu fui ntam ayin, tau angyu li swo zwot ngwai, ama ngu ba pio gu ali shyo san u, huli ẽ akai bandong ghwa i. ¹⁶ I lyen nang i ngyet uli swat Gwazi kya da, nbyang nang Tsui Gwazi zi shyo bumi yinki da? ¹⁷ Kanang ayin thirip uli nswat Gwazi ki, Gwazi u mun li thirip angyu. Noug uli nswat Gwazi ki ugyet zazrak a, anya yin in gyet. ¹⁸ Yok ayin yok bwai apio gu dak. Kanang ayin dam bayin ẽ gu byo mumwang ba tsyan hi, yok gu bwok ayet "abwon ayin" akan nshyo yet atyi mumwang u. ¹⁹ Nang mumwang swanti hui hu yet dondong a ba Gwaziu. Nang an druii, "Gwazi u itabad anyet mumwang bi ba katuk nyo bi u." ²⁰ Nbyang bai dufun, "Gwazi u lyen nang didam anyet mumwang bi ngyet kyang ha dak." ²¹ Nang anya i sag alyo ba tyibishi bulin nshyo dak! Nang nkyang ni ngyet siyin nya kakab i, ²² kanang Bulud a, kama Afolos, kama Kefas, kamaswanti huo, kama swon o, kama aghu o, kama nkyang minini nia, kama nkyang i tubaio, i yet siyin nya kakab, ²³ nbyang i yet si Kristi bya, nbyang Kristi si yet si Gwazi a.