¹ Ngiya atyibishi huntai an dyan zit, zi yet anyet ntam Kristi ba, nbiyang anyet shiyai ufi nniya'ad chuchuk Gwazi. ² Nang hundi ngyi'i, a chat atyi shiyai ufi, ayet atyi nang a byi ashim-nyio. ³ Kha ba nu'a, hu yet dadai kyang'a, nang nyi nu aswat'u ko kuda anya a ba uvwo aswat atyibishi. Hangag numa nnyi apio nu aswat dak. ⁴ Ndiyan kyang nang anyet be shio da nu'i dak, ama, huswan i nshio zazzarak dak. Gwazi nyi nu aswat'u. ⁵ Nkhe anya'a i yok gyi chi nyi ayin aswat bi kyang dak, kamin zanzi, kamin Gwazi abai. Ali bai ba kudan kyang kpasai, nkyang nang anya'ad ba ndiyin'i, ali tiyai nkyang isi ba alio'i. Aza'a ko'anyan lin shio a diyab gu ba Gwazi. ⁶ Ninni, danyung asam nbiyang anab, nmin sak apio nu nyi zai, nbiyang Afolod sabbo ba nuyin, hu swam, i miyam ban zit nyi nang anyi "Iyok swuyak kyang nang a liru'i dak". huswan, ayin a yok gbad apiogu swuyak agyang dak. ⁷ Nang hundi ngyi, anyana chiyang li hangag'u ba nwan nbiyang agyang'anyet'u? Ya'a u'biyo nang anwai sa'an naha'a'u? khe a zan'a naha'a, ya u chwat furuk, ii do u wi nyi hu anya'ai? ⁸ Ikan biyo salai nkyang nang ili chat'i ikhan biyo, jwi! isi fwum ttiyok da ban zit! anya'a, ba chat nu, i nyi tiyok'u, hun shio zin nyi tiyok'u ba nyin. ⁹ Anya'a, nbiyo adam Gwazi'u sak zit anyet ntam, da hangag nang zi lin gyet kyang tiyak ali ba nghyen lag'u ban tsi zi nbiyang nang anyet a khan nyi bi aswat asi tiyak bi aghu'i. Zi buwak yet kyang chiyang salai ba swanti'u kyak nyied ba anyet tuwi Gwazi bi, tu nad anyet bishibi. ¹⁰ Zi yet abuwon sabbo ba Kristi, ama i biyo mammuwang bumi Kristi. Zi shi babbwot, ama ibiyo chat. A biyong nyin ba mmra, ama a biyong zit ba nwai mmra. ¹¹ Biyong bai ban zan zi, zi shio ban zwong nbiyang mashi, atro bi mai zit dak, anyi zit bambuwon tswat, kuma zi biyo uli dak. ¹² Zi nyio ntam ba chatzit nbiyang ba mbwat zit. kha a sa'an zit mbwak nfiyang, zi nkrok mmiyang, kha ama, nwak zit ka'an, zi yab alio. ¹³ Kha a sam zit ailyat, zi liyat ba anwad a ta'an. zi buwak yet, kuma a chiyang zit, swanti'u lak zit, nbiyang, ba kyak zit yet kayang dak ba salai nkyang. ¹⁴ Nline nkyang nai, nu nchio nyin nshum dak, ama nu nji-nyin nang ma'an nang nchat'i. ¹⁵ Ko ibiyo anyet tyet kwap chi swak bumi Kristi, ili biyo adi cteni dak. nwa gyet Adi nyin'u bumi Kristi yesu ba shei aliyat Gwazi ni. ¹⁶ Anya'a nnai nyin, ihwi atak nu bi. ¹⁷ Ihwa nbiyo, nu tam nyin Timoti, ngwan alio nu khi, nbiyang chuchuk ngwan bumi Gwazi. Ali jiyung nyin ndwak nuni bumi kristi, Anya'a nu tyet bi ko azai, nbiyang kuda tu hui. ¹⁸ Minni agyang nyin liyad ba kpiyak, nyi-ayii da mmuni bai ba nyini. ¹⁹ Ama, ntu bai ba nyin ba biyan zan. khe Gwazi sim. Anya'a nni liyen anyet nang aliyat kpiyak'i kuma ndi chat bi hu. ²⁰ Anya'a grak Gwazi zi shio ba aliyat na dak ama, hu shiyi ba chat'u wa. ²¹ Ya'a i chat? nbai ba nyin ba chiyung ko ba chat, nbiyang ba tsui nyi sanshyon?