¹ Ba jan nang mmi bai bayin i, lagyug atyok ba gyug, nbai nshei yin bunu kama mumwang nu dak nang nun dyad chuchuk Gwazi ni nang anyad i. ² Nni nyo didam nuu bichet ndyen kyang dak nang mmi nshyo bayin ni ka Yesu Kristi a dak, nbyang gu nang abwed ba tyem nkon nui. ³ Nbyang mmu shyo bayin bi fund, nbyang uwun, nbyang thirim vam zam. ⁴ Nbyang swang alyat nuji nbyang shei alyat nuni bi yet swang alyat mumwang za dak, ama i bi shyo bi buwak Ntsui nbyang buundang. ⁵ Kadak nghuak chuchuk yin nu li shyo bumi mumwang anyet bishi dak, ama hu shyo bumi bwandang Gwazi u. ⁶ Minini zi shei mumwang ba nyet nang aka fog mai, ama mumwang swanti ha dak, koma anyet ntyok uchyan janji, nang ba ka kwi. ⁷ Ama zi lyat mumwang gwazi ha bumi chuchuk nang anyat i - nang Gwazi u makai nghuag nyet duswon ntsye ba ntye zi kin nghuag a pio zit gbwandang. ⁸ A yin ba ntyok ntse nai lyen mumwang hi dak, kanang bawa tsak ka fug hu nyet ba jen azai, ba tsak li bwad Atyo byo bwadang hu dak. ⁹ Ama nang an drew i, "Nkyang nang ali kan di dak, vfuvfo kan fok dak alyo atyibishi kạ nbyo katuk didam dak, kyang nang Gwazi u tsak kan jị ba nyet nang ba chat gu i." ¹⁰ Nkyang nai nya Gwazi u tyai zit zo nbbwag Tsui ji. Tsui zi za tyet kodikyang, tu nad ba shrob nkyang Gwazi ni. ¹¹ Ayan na lyen didam agyang, kada tsui atyu azai za dak? Anya, ayin lyen a shrob nkyang Gwazi ni dak se Tsui Gwazi ji. ¹² Ama zi san tsui swanti ji dak, ama Tsui nang inyet ba Gwazi ui za, zi ki ndyen zanang nang Gwazi u nang zit ninang i. ¹³ Nkyang anai nya zin shei dị ba alyat nang mumwang atyibishi ha tyet dak, ama Tsui za tyet zit, Tsui nang i shei nkyang tsui ni ba mumwang tsui u ¹⁴ Atyu sang tsui u i lak shim alyat ntsui Gwazi ni, nang niyi nget bwan na bagu i. Ali fug ni dak nang nbwak tsui kya nang an kaani. ¹⁵ Atyu nang ayet sin tsui uwa i ghai kudi kyang, ama nang gui agyang anyet ntsyang ashot guki ¹⁶ "Ayan na mai alyen didam Atyo u, nang gu lin tyet gui"? Ama didam zit u yet si Kristi a.