¹ I ke mii okhumieimi lo̱gbo̱n bi agbo̱n lo̱gbo̱n, eri okhumieimi lo kpao bi agbo̱n lo kpao ke si rale̱ bi okun i ke evbo̱. ² I mii okpe̱vbo si o̱fuan, Ijerusale̱mu lo̱gbo̱n lo̱ za vbi okhumieimi di oto̱i re vbi obo̱ si Oise̱le̱bua, a e̱he̱n o̱n elabi eghayo re̱ khe̱ o̱do̱in. ³ I ho̱in khi urun lokhua za vbi e̱kpeto̱ba vare, o̱ re̱ o̱i, "Kae̱ogho! I ebi Oise̱le̱bua o̱ dia o̱ rivbo̱ de ba eia, o̱lo̱ dia kpe̱iain. Elo̱ chie̱n eia so̱i, Oise̱le̱bua tobo̱i lo̱ de bai ain o̱lo̱ chie̱n Oise̱le̱bua siain. ⁴ O̱lo̱ kali evie̱ sho̱i ain e̱o re, euu kha ke evbo̱ da iriae̱ke̱n a, da evie̱ bi utomi. Emi li gheghe e kueo rare. ⁵ O̱lo̱ dia vbi o̱li e̱kpetoba re̱ o̱i, "Kae̱oa! I ri emi ere̱me̱n chie̱n o̱gbo̱n." O̱ ro̱i "Vin o̱na o̱ vbi oto̱i, erimidi khi eli eta na vbi emiladiuduan bi atao̱." ⁶ O̱ tai ne̱ me̱n ho̱n khi, "A ui eli emi na lee! Me̱me̱n i khi alfa bi omega, ibe̱e̱re bi ikpuokho. O̱li ohan ame̱n o̱ gbe, i lo̱ ri ame̱n nai o̱n o̱he̱n, lo̱za vbi ebi eda si arivbo̱ za vaa. ⁷ O̱lo̱ khuokho̱in lo̱ uku si eli emi na, I lo̱ chie̱n Oise̱le̱bua so̱i, o̱lo̱ chie̱n ovbi me̱n. ⁸ Isi ekhe̱n i lofe̱n, e lo̱i adiuduan, eli se̱ne̱, eli igbubi, elo̱ gboghe̱e̱, elo̱ ziimaghe, elo̱ gi areo̱ bi elo̱ mo̱n e̱he̱n ere̱me̱n, isi ain lo̱lo̱ ui erain lo̱ mo̱n ivbae̱o li iso̱fo̱ o̱za to. O̱na i khi euu lo̱ zi eva." ⁹ O̱kpa vbi eli ange̱li ihio̱n de me̱n egbe re, yo̱n lo̱ mo̱n itasa ihio̱n lo̱ vo̱n ivbi ugbeu lekpuokho, o̱ re̱ tai "Vare vbi ean, I lo̱ ri eghayo vbi e. ¹⁰ O̱ ke ghe nwun me̱n raale̱ vbi Etin lo de̱ vbi o̱ko̱ lokhua lo̱ dai, o̱ re̱me̱n vbie̱, o̱li okpe̱vbo lo̱ fuain lai chi Ijerusalemu, o̱ za vbi okhumieimi dian de. ¹¹ Ijerusale̱mu mo̱n o̱khae si Oise̱le̱bua, o̱fuan so̱i u bi udo lo̱ zukpe̱ ghae̱n, bi udo si ijaspa la za muye jie̱. ¹² Eri o̱mo̱n udeke̱n lo̱ gbai, lo̱ dai, o̱mo̱n unu khe̱de̱ igbeva, li ange̱li igbeva za muzan vbi igati o̱kpo̱kpa. A vin eni si ebo Isre̱li li igbeva o̱vbi o̱li ukhe̱de̱ igbeva. ¹³ Ebi o̱e̱n oza me̱re, ukhe̱de̱ ea o̱rivbo̱ vbi obo̱ gobo̱, ukhe̱de̱ ea, ebi o̱e̱n o̱za deo̱, uke̱de̱ ea. ¹⁴ Udeke̱n isi o̱li okpe̱vbo mo̱n igbiloto̱i igbeva, la vin eni igbeva si lo̱ vbi eni igbeva si ekhe̱n aposto si Ovbioghogho. ¹⁵ O̱lo̱ kpaye̱ me̱ gui ye̱n mi mo̱n ukpora si uman emi lari igolu e̱he̱n lalo̱ re̱ maa o̱li okpe̱n vbo, unukhe̱de̱ bi ude̱ke̱n so̱i. ¹⁶ Ebi efe̱n bi osimi si doto̱ za vbi oeghe la nwun o̱n o̱n. O̱ri ukpoto̱n maa o̱li okpe̱vbo, o̱vbi ifo̱lo̱n e̱gbe̱e̱n vbi odi ikpeva vbi urere mi. Urere mi so̱i, efe̱n bi udami so̱i, o̱kpa o. ¹⁷ O̱gbo maa udeke̱n so̱i o̱vbi ikabo si egbo̱ihie̱n bi egbo̱eva ikpeele, umaami si eia, o̱za vbi ugbokpomi (Iyo̱ o̱li ange̱li gboi maai). ¹⁸ Ijaspa la re mii o̱li udeke̱n o̱li okpe̱vbo vbi igolu li igolu, o̱ u bi ughegbe lo̱ u gboo. ¹⁹ Igbiloto̱ si o̱li udeke̱n vbi eba ri ido leghae̱n ededan nwun. O̱lo̱ kpao vbo̱ ikhi ijaspa, o̱zi eva vbi isafaia, ozea vbi aget, o̱zi ele vbi e̱miradi, ²⁰ o̱zi ihie̱n vbi o̱niks, o̱zi ehan vbi ikanelian, o̱zi e̱e̱n vbi ibe̱ri, o̱zi isin vbi itopazi, o̱zi igbe vbi ikrasopresi, o̱zi igboo̱ vbi ijasint, o̱zi igbeva vbi ametisti. ²¹ Odi igbeva la shan ovbi o̱ li e̱vbo, o̱vbi ipie̱li igbeva; osemi ipie̱li o̱kpa la re̱ e̱hin igeti si o̱li okpe̱vbo, vbi igolu li igolu, o̱ u bi ughegbe la mie̱n jie̱ gboo. ²² I mii ite̱mpo vbi e̱ke̱in o̱li okpe̱vbo, O̱lo̱mo̱e̱n Oise̱le̱bua lo̱ gbai bi o̱li Ovbioghogho likhi ite̱mpo so̱i. ²³ O̱li okpe̱vbo mo̱n emi lo̱ ri o̱e̱e̱n bi ukin u lei vbae o̱ vbo̱ erimidi khi o̱khae si Oise̱le̱bua lo̱ vbae o̱ vbo, bi urukpa so̱i vbi Ovbioghogho. ²⁴ Eli uhumuroo lo̱ ya ri ofuan si o̱li okpe̱vbo muye shin oshan. Ije si agbo̱n lohua ugbami si o̱khae sia do̱ i re. ²⁵ Akha khuhi ukhe̱de̱ si eba shan o vbi o̱li e̱vbo odianmi, aso̱n kha re vbaan. ²⁶ Elo̱ nwin okhae bi ekpe̱n si eli uhumuro di e̱ke̱in o̱n re. ²⁷ Emi lo̱i fuan kha e̱n ovbi e̱ke̱n o̱n. Iyo̱ o̱lo̱ i u lo̱ uemi si e̱kho̱i da emi si ate̱ e kha ovbo̱, sokpe̱n ela vin eni si ain o̱vbi e̱ke̱n ebe si arivbo isi o̱li Ovbioghogho.