¹ O̱kese̱, imii ange̱li lo̱ za vbi okhumieimi di oto̱i de. O̱ mo̱n iki si oo lo̱i mo̱n oto̱o̱, o̱ nwin ighan lokhua mo̱n obo̱. ² O̱ nwin o̱li idrago̱n mo̱e̱n, o̱li e̱nye̱n li igheghe la echo̱i esun da isatani, aza dai ye̱n vbi e̱ke̱n ikpe̱ egbe̱e̱n. ³ O̱ fiio̱ fio̱ vbi e̱ke̱n oli oolo̱ mo̱n oto̱o̱, o̱ khuhieo̱i, o̱ ri akan o̱ vbi okhunio̱n in. A uo̱ ina lo̱ e che te̱e̱ uhunuro e se̱ vbi ikpe e̱gbe̱e̱n o̱gha ra re. ikpu okho, si ona a lo̱ tin yo̱in an vbi uvbie̱ ghe̱ keree. ⁴ ̱O̱kese̱, i mii ikpete o̱ba, eli edia vbi ain vbi eli ase̱ ni re̱ ui ighae̱zo̱n. I gbo mii ehi si eli a beni ain uhumi kua vbo̱ o̱se̱e̱ vbo̱hio̱ si jesu bi eta si oise̱le̱bua ei gi eanmogo da emaghoima, ei gbo ama mie̱n ae̱e̱n o̱ vbi e̱hai da obo̱ si ain. Edi agbo̱n re li ei re̱ de ba jesu wee eghe̱ so̱i vbi e̱ke̱in ikpe e̱gbe̱e̱n. ⁵ Ele ko̱re le uu loi chie u agbo̱n se̱ vbo̱ khi ikpe e̱gbe̱̱e̱n ra re. O̱nai khi a chieuu sho̱re lo̱ kpao. ⁶ Ihianba bi o̱fun an i khi o̱lo̱ de ba elo̱ ri vbi uusho̱re lo̱ kpao! Eu si ugbo̱ zeva i mo̱n utotomi vbi uhumi si ena. Elo̱ chie̱n ekhe̱n o̱hein si O̱ise̱le̱bua bi isi kristi, elo̱ kpayo̱i wee e̱ghe̱ so̱i shan vbi ikpe e̱gbe̱e̱n. ⁷ O̱kha se̱ khi eli ikpe e̱gbe̱e̱n rare, alo̱ zi isatani za vbi ighan dinanre. ⁸ O̱lo̱ te̱e̱ uhumuroo e, vbi igun e̱n re eele si agbo̱n - igog bi imagog-lo̱i re kui ain gbe khe̱ okho̱in. Elo̱ bun bi ekhai lo̱ ri vbi olokun. ⁹ Yain he̱n okhumi di oto̱i li te̱ghe̱e̱ vbagbo̱n eo̱ la ga eko̱ si elemieho̱n, e̱vbo lokhua la hume̱n ke̱n o̱n. Ama, erain za vbi okhumieimi vare lo̱ too i ain a je̱su. ¹⁰ A nwin esun lo̱ te̱e̱ i ain e fii o̱ vbi e̱rai si isulfo̱ lo̱ to, ebi ahua eanmogo bi o̱mie̱o si e̱he̱n kuo̱. Alo̱ ri oya li ain e odin anmi bi aso̱n re̱le̱ re̱le̱. ¹¹ O̱kese̱, imi ekpeto̱ba lo̱fuan lo khua, bi o̱lo̱ dia vbi okhumo̱in. Agbo̱n bi okhumi emi tin sho̱i vbi ra e̱o o̱i raa le̱, ama ei mo̱n ehe le lo̱ ye. ¹² I mi elo̱ euu loi, ele khua bi elei de nwin emio̱so, khi emuzain vbi isao si o̱li ekpetoba, a vu yi eli ebe a. O̱kese̱, a chie vu yi ebe o̱vbe a, oli Ebe si Arivbo̱. Emi la vin o̱ vboto̱ vbi e̱ke̱n eli ebe bi obia le bi ai la re̱ ui ighae̱ zo̱n li eli eu lo̱i. ¹³ Okun hua ele uulo̱i le ri vbi e̱ke̱n o̱n din an re. ¹⁴ Ahuai euu bi idi kuo̱ vbi erai si erain. O̱na li khi euu lo̱zi eva- erai si erain. ¹⁵ Akhai khai mii eni so̱ia kha vin o̱n o̱ vbi Ebe si Arivbo̱, a nwuo̱in fii o̱ vbi e̱ke̱n erai si erain.