¹ O̱kpa vbi eli ange̱li ihio̱n le nwin eli itasa ihio̱n mo̱e̱n vare o̱ tali e̱me̱n ho̱n li, "vare, i lo̱ ri ighae̱zo̱n si o̱li adegbe lokhua an lo̱ dia vbi uhumi ame̱n lo̱bun vbie̱. ² Yo̱o̱n li yain bi ije si o̱li agbo̱na gba di ise si oghe̱e̱, E̱myon si idise si oghe̱e̱ so̱i li elori vbi gbo̱n dakho̱o̱". ³ O̱li ange̱li za nwum me̱ vbi Etin yi o̱dgbe, i za mii o̱kposo dia vbi okhumi eamogo lo̱ vbae lo̱ vo̱n yi eni uroo̱be lo̱bun. O̱li eamogo mo̱n uhumi ihio̱n, bi ike ihio̱n. ⁴ O̱li o̱kposo kuu ukpun lo̱vbae bi ukpun-ere la toli igolu, ikpido leghane̱n bi ipial ba. O̱ nwin uko si igolu li emi lese̱rie̱ bi iwuan si oghe̱e̱ so̱i. ⁵ A vin eni o̱i vbi e̱hai lai e̱nemari o̱i ta; "ibabilo̱ni lo̱khuai, inyin idegbe, bi emi lo̱ se̱ne̱ ere̱me̱n si agbo̱n". ⁶ I o̱ mio̱n khi O̱lo̱kposo di e̱re isi elemieho̱n kho̱o̱n bi e̱re si elagbo̱o̱ulo vbo̱hio̱ si jesu i mio̱in, i yin unua. ⁷ Ama, o̱li ange̱li re̱ e̱me̱n, "Emi uke yin unua ni?. I lo̱ ri emi lari o̱lo̱kposo ta, bi eamogo lo̱ nwun o̱ n i, o̱li eamogo lo̱mo̱ uhumi ihio̱nbi ike igbe. ⁸ Eamogo lu e̱gbe kho̱ rivbo̱, o̱i ke e vbo enyan, ama o̱lo̱ za vbi o̱li oo lo̱i mōn oto̱o dian re. O̱khase̱ o̱lo̱ shan o vbi ikhueo. Eliyan dia vbi oli agbon, eli aise̱ vin eni si ain o̱vbi ebe si Eleri vbo̱, ebe si arivbo̱ re̱ zavbi e̱ghe̱ si igbin loto̱i si oli agbona re̱ re, elo̱ nyin ain e̱o a, la re̱ e̱n, khi o̱li eamogo le e̱gbe̱ khi orivbo, o̱i se evbo e̱nyan; ama o̱lo̱ghe vare. ⁹ Aan li khi emilaro̱ita li eain ri. Eli uhumi ihion, uhumi oko ihio̱n o̱ li o̱lo̱kposo dia. ¹⁰ Egbo vbi ije ihio̱n. Ije ihio̱n dei, o̱kpa se̱rivbo̱, o̱no̱i o̱ise̱ vare; okha vare, uvbi e̱ghe̱ kere o̱lo̱ e vbo̱. ¹¹ O̱li eamogo lo̱ e vbo̱, lo̱i ke evbo̱ e̱yian, lo̱ gbo do̱ bo̱i vbi oje o̱zi e e̱n; ovbi o̱kpa vbi eli ije ihio̱n ain, o̱lo̱ o̱ khue o. ¹² Eli ike igbe li umie̱in, ije igbe o̱ lei se̱ mo̱n ebe za chie̱n o̱ba, ama elo̱ mie̱n ase̱ elabi oje baa oli eamogo vbe̱ ke̱n iwakati o̱kpa. ¹³ Udu o̱kpa li ena mo̱e̱n, elo̱ nwin utotomi bi bi ase̱ siain li o̱li eamogo. ¹⁴ Elo̱ kpayo o̱li ovbioghoogho gbi egbe. Ama, o̱li ovbioogho lo̱ kho̱n okho̱i si ain, eimidi khi yo̱in li khi o̱lomo̱e̱ elo̱mo̱e̱n bi oje si ije- bii elo̱ debaa li khi ela echei bi elaze̱i bi elo̱ mo̱n adiudu an". ¹⁵ O̱li ange̱li za e̱me̱, "O̱li ame̱n lu mie̱n, ebi o̱li adegbe dia, vbi eia elo̱ bun, uhumuroo bi uroo. ¹⁶ Ike ihio̱n li umie̱in, yain bi o̱li eamogo lo̱ kho̱ e̱ke̱n o̱li adegbe. Elo̱ ro̱i chie̱n aho̱i, o̱ban an, ei eami so̱i, eri erain too o̱ia gbeigbei. ¹⁷ Oise̱le̱bua nwo̱iain vbi udu li yain re̱ kugbe ri o̱li ue̱n na u, lei, re nwin utotom si ain li oli eamogo re̱ ri ain shan se̱vbo̱ khi eta si oise̱le̱bua se̱e̱. ¹⁸ O̱li o̱kposo lumie̱n li khi o̱kpen vbo lo̱ri ije si o̱lagbona shan.