¹ Ena ke ra re, I mii ange̱li o̱vbee o̱za vbi okhumeimi di oto̱i de. O̱mo̱ ase̱ lo̱gbai, o̱khae so̱i nwin urukpa di agbo̱n re. ² O̱ ri urun lokhua khue dianre o̱ re̱ o̱i, "O̱dei, o̱dei i khi Ibabilo̱ni lokhua! O̱ chie̱n ebi ivbiesun o̱za wee, ebi etin lei fuan ere̱me̱n o̱ke lahee, bi ulahee si etin le gbi iwan bi ifianmi lian se̱ne̱. ³ Uhumuroo ere̱me̱n ke da vbi e̱nyo̱n si oghe̱e̱ lo̱ za zukpe to. Ije si o̱li agbo̱n na de bai gbo ghe̱e̱. Ekhe̱e̱n si oli agbo na chie̱n ele ri utotomi si ari egbe hoo oghe̱e̱ so̱i fe. ⁴ I gbo ho̱n khi urun o̱vbe za vbi okhumeimi vare, o̱ re̱ o̱i, "Vba za vbi e̱ke̱n o̱n dianre, eia me̱n, li vba e o̱ chie̱n o̱lo̱ lo̱ ke̱n vbi o̱kho̱o̱ so̱i, li vba e o̱ ke̱n vbi o̱kpa vbi ugbeu so̱i. ⁵ O̱kho̱o̱ so̱i ke da ri egbe se̱ vbi okhumeimi, Oise̱le̱bua e ue̱n lo̱be so̱i re. ⁶ Deli osa hae nai ebi o̱i de li osa hae li eno̱i, haai iseva nai vbi obia lo̱ biai. vbi e̱ke̱n uko lo̱ delo̱ kugbe de li agbeva si emi lo̱ delo̱ kugbe nai. ⁷ Ebo̱i ri o̱khae legbo̱i lo̱i wee vbi e̱ke̱n e̱fe, ri oya nai e, bi irae̱ke̱n a se̱ vbi iyo̱. O̱tai vbi udu so̱i khi, 'I dia bi eghayo si o̱ba, I vbi o̱ro̱n, I kha ma mii aigue̱ghe.' ⁸ O̱hio̱ si o̱na, e̱ke̱in ukpe̱de̱ o̱kpa li ugbeu so̱i lo̱ vare; euu, aigue̱ bi ohanmi. Erain o̱lo̱ to o̱i a, o̱li O̱mo̱e̱n Oise̱le̱bua, o̱ gbai yo̱in li khi o̱lo̱ lo̱ ui ighaezo̱n nai." ⁹ E̱khe̱n ije si o̱li agbo̱na le debaai gbi oghe̱e̱, lei shi oshan si ian, lo̱ vie̱, evie̱ o̱i vbi egbe se̱e̱n, si emi iigho̱n lo̱ze̱ ebai too o̱i a. ¹⁰ Elo̱ ze̱ gbaan rere muzan vbi ebi oza oya, yan o̱i "Ikhueo, ikhueo o̱ yi o̱li okpe̱vbo, Ibabilo̱ni, li okpe̱vbo lo̱ totoi! Vbi e̱ke̱n iwakati o̱kpa li oya lare̱ na e re̱ vare." ¹¹ Elo̱ duekin vbi o̱li agbo̱n na vie̱o, egbai gue nai, ebi ai ke chie mii o̱lo̱di emi ekin so̱i. ¹² Imi ekin si igolu, isiliva, ido le ghan e̱n, ipie̱l, ilili le̱se̱n, ipo̱po, isiliki, iskale̱ti, eran ere̱me̱n lari ituai o̱, oko̱ ere̱me̱n si iviri, emi lo̱ shan lari eran lo̱ ghae̱n e̱he̱n, ibronzi, otoin, imabo. ¹³ Ikinamo̱n, ispaisi, ituai, emi lare maia gboegbe, ifurakisesi, eyo̱n, ororr, ifilawa lose̱n, ihuiti, e̱mela bi ighogho, esi bi igbulugbulu ighumi bi ehi si eia. ¹⁵ Elo̱ duekin si elemi ria, le ri ain fe lo̱ ke ze̱ ghan rere, erimidi si ilofe̱n si ioya so̱i, erie̱ bi aigue̱. ¹⁶ Elo̱o̱ o̱i, "ikhuo ikhuen o re̱yi o̱li okpe̱n vbo lo̱ yaa kui uvbie̱u si ilili to humose̱n o̱ vbi egbe, kui isi po̱po bi isi iskale̱t, lari igolu, ijue̱li leghae̱n bi ipeal doo emi o̱n! ¹⁷ Vbi e̱ke̱n iwakati o̱kpa, eli efe ain ere̱me̱n o̱ o̱ foo a." O̱do̱de lo̱ vbi o̱kpao vbi oke̱da lokhua, o̱do̱de vbi eli ain shin oshan vbi olokun, elotuoko bi eli ain di egbean vbi olokun vbi agbo̱n uumi, eo̱ ze̱ gban. ¹⁸ Nyain khue dianre ebi ain mii igho̱n si utomi so̱i. Ere̱ o̱i, "I yi e̱vbo lo̱ ubi o̱li okpe̱vbo lo khua.?" ¹⁹ Ezi edabu kuo̱ egbiain uhumi, yan go dianre, yan vie̱, yan gbaigue, "Ikhueo, ikhueo li khi so o̱li okpe̱vbo lokhua, ebi elou khi e mo̱n oke̱da vbi olokun za ri e̱fe so̱i chie̱n elo̱fei, vbi e̱ke̱n iwakati o̱kpa a khue o̱i o." ²⁰ Gho̱gho̱n o̱i vbi uhumi, elo ri vbi ukhumeimi elo̱ mieho̱n, ekhe̱n aposto bi elo̱mie̱o, khi Oise̱le̱bua, o̱ ui ighaezo̱n se̱ o̱i vbi egbe. ²¹ Ange̱li lokhua nwin udo lo̱ ubi udueko lokhua, o̱ fii o̱ vbi e̱ke̱n olokun o̱ re o̱i, "Ina li alo̱i fii Ibabilo̱ni okpevbo lokhua fii gboto̱ vbi eke̱in ivbae̱o, la kha chie re̱ mio̱in ghegheghe. ²² A kha huroo si elo̱ khue iduu, elosie elo̱ khue iflutu bi ikakaki, akha chie hin ikhueian vbi eke̱ e̱n, Aimi o̱li ovbi o̱so na lo i u, la lo̱ chie mie̱n vbi e̱ke̱in on. Akha chie ho̱n uroo si ebaza li emi lalo̱ chie ho̱n vbain e̱ o̱ vbee. ²³ Uuye si urukpa, kha chie vbae vbe̱, e̱o̱ vbee. Akha chie hin uroo si o̱kposo bi o̱do̱n vbi e̱ke̱n e̱o̱ o̱vbe, eri elo̱ duekin ye̱ ui ukutu eia vbi o̱li agbo̱n na, urii elo̱ zi imaghe se̱ te̱e̱ uhumuro e. ²⁴ Vbi e̱ke̱no̱in la za mii e̱re si ekhe̱n elo̱mie̱o bi elemieho̱n, bi e̱re si ela gboo kua vbi agbo̱n."