¹ Akong mga kaigsoonan, tungod kay nagsalig kamo sa atong Ginoong Jesu-Cristo, ang usa nga mas labaw kaysa bisan kinsa, undanga ang pagpasidungog sa pipila ka tawo nga mas labaw kaysa uban. ² Kay pananglitan, kung adunay usa ka tawo nga nagtambong sa tigom nga nag sul-ob ug bulawan nga singsing ug mahalon nga sinina. Unya usab adunay miapil nga pobre nga tawo nga misoot ug nagkagidlay nga sinina. ³ ug mipakita ka ug pinasahi nga pagtagad sa usa nga maayo ang sinuotan pinaagi sa pag-ingon "Palihog lingkod dinhi sa maayo nga lingkoranan!" ug moingon ka ngadto sa usa nga pobre, "Ikaw tindog didtong dapita o lingkod sa salog!" ⁴ Unya kamo naghukom sa uban piaagi sa sayop nga hinongdan. ⁵ Paminaw kanako, akong mga igsoong lalaki ug mga igsoong babaye nga akong gihigugma. Ang Dios nagpili sa mga pobre nga tawo nga giila nga walay bili, sa pagsalig gayod kaniya. Busa siya maghatag kanila sa dagkong mga butang sa dihang siya magdumala sa tanan sa bisan asa. Kini mao ang gisaad niya nga pagabuhaton alang sa tanan nga nahigugma kaniya. ⁶ Apan wala ninyo tahora ang pobre nga tawo. Paghunahuna mahitungod niini! Ang dato nga mga tawo, dili ang mga pobre nga mga tawo, ang hinungdan nga kamo mag-atos! Ang mga dato nga tawo mopugos pagdala kaninyo sa hukmanan aron pasanginlan kamo atubangan sa maghuhukom! ⁷ Ug sila ang usa nga nagsulti ug daotan batok kang Ginoong Jesu-Cristo, ang usa nga takos sa pagdayeg, diin kamo nahiapil! ⁸ Si Jesus ang atong Hari nimando kaninyo diha sa kasulatan nga ang matag- usa kaniyo kinahanglan mahigugma sa inyong isig katawo sama sa inyong paghigugma sa inyong kaugalingon. Kung higugmaon ninyo ang inyong isig katawo, nagbuhat kamo kung unsa ang husto. ⁹ Apan kung inyong gipasidonggan ang ubang tawo labaw kaysa ni bisan kinsa, nagabuhat kamo ug sayop. Ug tungod kay wala kamo magbuhat kung unsa ang gimando sa Dios kanato nga buhaton, siya magsilot kaninyo tungod kay misupak kamo sa iyang balaod. ¹⁰ Kadtong nakasupak sa usa lamang ka bahin sa balaod sa Dios, bisan kung gituman nila ang tanang uban niya nga mga balaod, ang Dios nag-isip ingon nga sad-an sama ni bisan kinsa nga misupak sa tibuok nga balaod. ¹¹ Pananglitan, ang Dios miingon, "Ayaw panapaw," Apan nag-ingon usab siya. "Ayaw pagpatay ni bisan kinsa." Busa kung wala ka manapaw apan ikaw adunay gipatay, ikaw nahimo nga usa ka tawong nagsupak sa mga balaod sa Dios. ¹² Kanunaya sa pagsulti ug pagpakita ngadto sa uban ingon nga mga tawong pagahukman sa Dios gamit ang balaod nga nagpalingkawas kanato sa silot sa atong mga sala. ¹³ Tungod kaysa dihang ang Dios maghukom kanato, dili siya magpakita ug kaluoy ngadto sa mga tawo nga dili maluluy-on sa uban. Apan kung kita maluluy-on sa uban, dili kita angayng mahadlok Dios sa dihang siya maghukom kanato. ¹⁴ Akong mga igsoong lalaki ug babaye, ang ubang mga tawo moingon, "Ako mituo kang Ginoong Jesu-Cristo," Apan wala sila nagbuhat ug maayo nga mga butang. Walay kaayohan kung unsa ang ilang gipanulti. Kung sila mituo lamang sa pulong, sigurado gayod nga ang Dios dili moluwas kanila. ¹⁵ Sa paghulagway, pananglitan kung ang igsoong lalaki o igsoong babaye padayon nga nakulangan ug sinina o pagkaon sa matag adlaw. ¹⁶ Unya ang uban kaninyo mag-ingon ngadto kanila, "Ayaw kabalaka, lakaw, pagpainit, ug pangita sa pagkaon nga imong gikinahanglan!" Apan kung dili ka mohatag kanila sa mga butang nga gikinahanglan sa ilang mga lawas, unya kana dili makatabang kanila! ¹⁷ Walay kalahian, kung dili ka magbuhat sa mga butang nga maayo sa pagtabang sa uban, unsa ang ikasulti ninyo mahitungod sa pagtuo kang Cristo ingon nga walay pulos sama sa patay nga tawo! wala gayod kamo mituo kang Cristo. ¹⁸ Apan tingali ang uban kaninyo moingon kanako, "Ang Dios moluwas lamang sa uban nga tawo tungod kay nagsalig sila kaniya, ug siya magluwas sa uban tungod kay nagbuhat sila ug maayo sa ubang tawo." Akong tubagon kanang maong tawo, "dili ka makapamatuod kanako nga kana nga tawo tinuod nga nagtuo sa Dios kung wala sila magbuhat ug maayong buhat ngadto sa uban! Apan pinaagi sa pagbuhat ug maayong buhat ngadto sa uban akong ipamatuod kaninyo nga ako tinud-anay nga nagsalig sa Dios! ¹⁹ Paghunahuna mahitungod niini! Nagtuo kamo nga adunay usa lamang ka matuod nga Dios nga tinuod ug buhi, ug sakto kamo sa pagtuo niana. Apan ang dimonyo mituo usab niana, ug sila nangurog tungod kay nasayod usab sila nga ang Dios tinuod nga buhi, ug nga Siya mosilot gayod kanila. ²⁰ Usab, kamo buangbuang nga tawo, Ako maghatag kaninyo ug pamatuod nga kung ang uban moingon, "Ako nagsalig sa Dios," apan wala nagbuhat ug maayong buhat, ang gisulti sa maong tawo dili makatabang kaniya sa tanang paagi. ²¹ Kitang tanan nagtahod kang Abraham, ang atong amahan. Siya mituman sa Dios kung unsa ang giingon ngadto kaniya nga buhaton; gihatag niya ang iyang anak nga si Isaac ngadto sa Dios ngadto sa halaran, ang Dios miisip kang Abraham nga matarong pinaagi sa pagtuman kaniya. ²² niining paagiha, si Abraham misalig sa Dios ug mituman kaniya. Sa dihang siya mituman kaniya, iyang gitapos ang gimbuhaton kung unsa ang iyang gisalig sa Dios. ²³ Ug kini nahitabo sumala sa gisulat sa kasulatan, "'Tungod kay si Abraham tinuod nga misalig sa Dios, ang Dios mitan-aw kaniya nga usa sa nagbuhat ug maayong mga butang." Ang Dios misulti usab mahitungod kang Abraham, "Siya akong higala." ²⁴ Gikan sa pananglitan kang Abraham makahunahuna kamo nga kini tungod kay ang mga tawo nga nagbuhat sa maayong binuhatan giisip sila sa Dios nga matarong, ug dili lang tungod kay sila nagtuo kaniya. ²⁵ Walay kalainan, kini sigurado gayod nga tungod sa gibuhat ni Rahab ang Dios nag-isip kaniya nga maayo. Si Rahab usa ka bigaon nga babaye, apan giampingan niya ang mga mensahero nga miabot sa pagpaniid sa kayutaan, ug iya silang gitabangan sa pag-ikyas pinaagi sa pagpapa-uli kanila sa lain nga dalan gikan sa ilang giagian. ²⁶ Maingon usab sa dihang ang tawo dili na magginhawa kini patay ug ang iyang lawas wala nay pulos, sa sama usab nga paagi, may mosulti nga siya nagsalig sa Dios apan walay buhat wala kini kapuslanan.