Chapter 9
1
. ಯೇಸು ಓರ್ ಬಾರೇ ಚೇಲಾವುನ ಬಲಾನ ಸೇ ಭೂತಡಿಯೋನ ದಬಯೇನನ್ ರೋಗ್ ಆಚೋಕರೇನ ಜೋರೆನ್ ಹಕಮೆನ್ ಉನೆನ್ ದೀನೊ.
2
. ದೇವೇರ್ ರಾಜ್ಯಮೆರ್ ಬಾರೇಮ ಪ್ರಚರ್ ಕರೇನನ್ ದೋಕ್ಕೆವಾಳೆನ್ ವಾರು ಕರೇನ್ ಉನೆನ ಮೇಲೊ.
3
ವಜ್ಜಿ ಉ_ ತಮೇನ ವಾಟ ವಾಟೆನ ಹಾತೆರ್ ಲಕಡಿಕೋ , ಭೆಗಡಿ ಬಾಚಿನಕೋ ಪಿಸಾನಕೋ ಲೇಜವೋಮತ ದಿ ಝಗ್ಲಾನ ಲೇಜವೋಮತ.
4
. ತಮ್ ಕುಣ್ಸೋಘರೇಮ ಜಾವೋಚೊಕೋ ಓ ಘರೇಮ ರೇನ್ ವತೇತಿ ನಿಕಳೋ.
5
. ತಮೇನ ಕನ್ ರೇನಿಕೋ ? ಓ ಗಾಮೇಮಾತಿ ನಿಕ್ಳೋಜನ್ನಾ ಒನೇರ್ ಊಂಪರ್ ಗವಾಯಿ ರೇನ್ ತಮಾರ್ ಪಗೇರ್ ಧೂಡ ಜಹಡ್ಕಾರ್ ಕೇನ್ ಊನೆನ್ ಕೋ.
6
. ಓ ನೀಕಳನ್ ಸಾರಿಮಲಕೆಮಾ ಆಚ್ ಖಬರ್ ಬೋದ್ ಕರ್ತೇ ರೋಗೆವಾಳೆನ್ ಆಚ್ ಕರತೀ ಸೇಗಾಮೂಮ ಫರೆ.
7
ಪಣ್ ಹೋರೋದ್ ರಾಜ್ ಚಾಲಿಜಕೋ ಸೇ ಕಾಮೇರ್ ವಾತ್ ಸಾಮ್ಲನ್ . ಕಸೇನ್ಕತೋ ಥೋಡಸೇಕ್ ಯೋಹಾನ್ ಮರ್ಗೋಜೆಮಾಂಯ್ತೀ ಉಟೋಕನ್,
8
. ಥೋಡಾಸೇಕ್ ಎಲಿಯ ದಕಾಯೋಕೇನ್ , ಥೋಡಾಸೇಕ್ ಪೇನಾರೋ ಭಕ್ತಿಧಾರೆವೂಮ ಏಕ್ಲೋ ಊಟುಕೇನ್ ಕೇತೇರೆ .
9
. ಫಣ್ ಹೇರೊದ್ _ ಮಾ ಯೋಹಾನೇರ್ ಗರ್ಧನೋ ಕಟಾಯೋಕೋನಿ ಕಾಂಯಿ ? ಜೆರ್ ಕಾಣ್ ಅಸ್ಸಿವಾತೆ ಸಾಮಳೋಚೊಕೋ ಕೂಣ್ ಕೇನ್ ಓನ್ ದೇಕೆನ್ ಅಸಾಕಿದೋ. ಯೇಸು ಪಾಂಚ್ ಹಜಾರ್ ಮನಿಕ್ಯಾನ್ ಬಾಟಿ ಘಾಲೇರ್
10
. ಎವ್ಡಿತಿ ಅಪೋಸ್ತಲ್ ಹೋಟೋ ಆನ್ ಓ ಕಿದೇಜೇನ್ ಸೇ ಯೇಸುನ್ ಮಾಲಮ್ ಕರ್ ತೇಕಮ್ ಊ ಉನೇನ್ ಡಾಮ್ಯಿ ಬಲಾಲೇನ್ ಬೆತ್ಸಾಯಿದಕಜೇಗಾಮೇನ್ ಗೋ.
11
. ಪಣ್ ಜನೂರ್ ಮಳಾವು ಓನ ಮೋಲಂ ಕರ್ಲೆನ್ ಓರ್ ಲಾರ್ಗೇ ಊ ಉನೇನ್ ಡಾಮ್ಯಿ ಬಲನ್ ದೇವೇರ್ ರಾಜೇರ್ ಕಾಣ್ ಊನೇತಿ ವಟೆಕರ್ತೋ ಆಚೋ ಛೆನಿಜೇನ್ ವಾರು ಕೀದೋ.
12
. ಡುಬೇರ್ ವಗತ್ ಬಾರೆ ಚೇಲಾ ಓರ್ ಡಾಮ್ಯಿ ಆನ್ _ ಅಪನೇ ಯೇ ಝಡಿಮಾ ಛ, ಘೇರನ್ ಛಜಕೋ ಗಾಮೇಮಾ ತಾಂದೇಮಾ ಜಾನ್ ರೇನ್ ಜಾಗ್ ದೇಕಲೆನ್ ಖಾನೋ ಖಾಲಜು ಜನೇರ್ ಮಳಾವೇನ್ ಕೇದ ಕನ್ ಕೇ ಜನಾ,
13
. ಉ_ ತಮಜ್ ಊನೇನ್ ಖಾನೋ ದೋ ಕನ್ ಕೋ, ಜನಾ ಓ_ ಹಮಾರ್ ದಾಮ್ಯಿ ಪಾಂಚ್ ಬಾಟಿನ್ ದೀ ಮಾಚಳಿ ಚೋಡನ್ ಕಾಂಯಿ ಛೆನಿ, ಏ ಜನೇನ್ ಖಾನೋ ಹಮ್ ದೇಣುಕಾಂಯಿ ? ಕನ್ ಕೇ.
14
. ಆಯೇಜಕೋ ಕಮ್ ಸರಸ್ ಪಾಂಚ್ ಹಜರ್ ಮಾಟಿಜ್ ರ, ಉನೇನ್ ಟೆಳೆವಾಸ್ ಪಚ್ಚಾಸ್ ಪಚ್ಚಾಸೇರ್ ಹಾರಿನಯ್ ಬೇಸಾಡೋ ಕನ್ ಓರ್ ಚೇಲಾವು ಕೋ ಜನಾ,
15
. ಓ ಓರ್ ನಯಿ ಸೇನ್ ಬೇಸಾದೇ .
16
ಪಚ್ಹ ಉ ಪಾಂಚ್ ಬಾಟಿನ್ ದೀ ಮಾಚಳಿನ್ ಪಾಲ್ದೆನ್ ಆಸ್ಮಾನೇ ಸಾಮ್ ಅಂಕಿ ಪಾಡನ್ ಉನೇನ್ ಆಸೀಸ್ ಕರನ್ ತೋಡನ್ ಆದ್ಮಿನ್ ವೇಂಟೆನ್ ಚೇಲಾವೂನ್ ದೀನೋ.
17
. ಓಸೇ ಖಾನ್ ದಾಪ್ಗೇ; ಬಡಿಜಕೋ ತುಕ್ಡಾನ್ ಗೋಳಾಕರನ್ ಬಾರೇ ಓಲ್ದ ಭಾರೇ.
18
ಏಕಾನ್ ಎಕ್ ದಾಡ್ ಉ ಏಕ್ಲೋ ಆರಜ್ ಕರಾತೋ ರಜನಾ ಓರ್ ಚೇಲ ಓರ್ ಡಾಮ್ಯಿ ರ. ಉ ಉನೇನ್_ ಮ ಕೂಣ್ ಕನ್ ಜನ್ ಕೇರೆಚ ಕನ್ ಪೋಚೋಜೆನ್,
19
. ಓ ಬಾಪ್ತಿಸಂ ದಜಕೋ ಯೋಹಾನ್ ಕನ್ ಥೋಡಾಸೇಕ್ ; ಎಲಿಯಕೇನ್ ಥೋಡಾಸೇಕ್ ; ದೂಸರ್ ಥೋಡಾಸಿಕ್ ದರಗಡಿಯಾರ್ ಭಕ್ತಿದಾರೆಮಾಯ್ ಏಕ್ಲೋ ಊತೋಕನ್ ಕೇಲೇರಾಜ್ ಕನ್ ಕೇ.
20
. ಉ ಉನ್ನೇನ_ ತಮ್ ಮನ್ ಕೂಣ್ಕನ್ ಕೆರೆಚೋ ಕನ್ ಪೂಚೋ ಜನಾ ಪೇತ್ರು -ತು ದೇವೇತಿ ಆಣುಕೋ ಕ್ರಿಸ್ತು ಕನ್ ಕೋ.
21
. ಜನಾ ಊ ಏನ್ ಕೇನಿಟೈ ಕೇವಾಣು ಕೋನಿ ಘಟ್ ಆಜ್ಞಾದೇನ್_
22
. ಮನಕ್ಯಾರ್ ಬೇಟಾ ಘನೋ ಬಾವೇಟಿ ಪಡರನ್ ಮೊಟೆತಿನ್ ಮೋಟಯೋಜಕೇತಿನ್ ಶಾಸ್ತ್ರಿಯುತಿನ್ ದಕಲಾಜನ್ ಮರನ್ ತೀನ್ನೋದಾಡ ಜೇವ್ಯಾಯೇರ್ ಜರೂರ್ ಛಕನ್ ಕೋ
23
. ಉಜ್ಜಿ ಉ ಸೇತಿ ಹನುಕೋ _ ಮರ್ ಲಾರ್ ಆಯೇನ್ ಆಸಾಕರೋತು ಉ ಓನ್ ಛೆಟಿಕರ್ ದೆನ್ ಓರ್ ಶಿಲುವನ್ ದಾಡಿ ಪಾಲ್ದೇನ್ ಮರ್ಲಾರ್ ಆವ್ಣು.
24
. ಓರ್ ಜಾನೇನ ಬಂಚಾಲ್ದೇಣು ಕನ್ ಅಸಾ ಕರೇವಾಳೋ ಓನ್ ಘಮಲಚ ; ಮಾರ್ವಾಸ್ ಓರ್ ಜಾನೇನ ಗಮಲೇವಾಳೂ ಒನ್ ಬಂಚಲ್ದಚ.
25
. ಏಕ್ಲೋ ಜಗತಿಸಾರಿ ಕಮಾಲೆನ್ ಓನ್ ಉ ಹಾಳ್ ಕರ್ಳತೋ ನತೋ ಗಮಾಲತೋ ಓನ ಫಾಯ್ದೋ ಕಾಂಯಿ?
26
. ಮಾರ್ ಕಣ್ ಮರ್ವಾತೆ ಕಾರಣ್ ಲಾಜ್ ಕರೇವಾಳೂ ಕುಣ್ಕೋ, ಮನಕ್ಯಾರ್ ಬೇಟಾ ಓನ್ ಓರ್ ಬಾಪೇರ್ ಮಹಿಮಾತಿ ಪವಿತ್ರ ಸೋಜರ್ ಮಹಿಮಾತಿ ಆವಜನ್ನ ಲಾಜ್ ಕರಚ.
27
ಅತ್ ಹುಬೇಜೇಮಾನ್ ಥೋಡಾಸೇಕ್ ದೇವೇರ್ ರಾಜ್ ದೇಕಜೆಲಗು ಮರೆನಿ ಕನ್ ಮಾತಮೇನ್ಸಾಸಿಜ್ ಕೇರೋಚೋ. ಯೇಸು ರೂಪ ಬದ್ಲಾಲೇರ್
28
ವಾತೆ ಕೇಜೆನಾತಿ ಕಮ್ ಜಾದಾ ಆತ್ ದಾಡ್ ವೇಗೆ ಜೇರ್ವಾಸ್ ಯೇಸು ಪೇತ್ರುನ್ ಯೋಹಾನೇರ್ ಯಾಕೊಬೇನ್ ಲಾರಾಲೆನ್ ಅರಜ್ ಕರೇನ್ ಏಕ್ ಗಟ್ಲಾಪರ್ ಚದೆ.
29
. ಉ ಅರಜ್ ಕರತೋ ರಜನಾ ಊರ್ ಮುಂದೇರ್ ರೂಪ್ ಬದ್ಲಾಗಿ ಊರ್ ಲತ್ತ ದೂಳ್ ವೇನ್ ಆಸಮಾನೆರ್ ಝುಂಕೋ.
30
. ವಜ್ಜಿ ಓ ಆದ್ಮಿ ಓತಿ ವಾತೇ ಕರ್ತೆರ ಓ ಮೋಶೆ ಅನ್ ಎಲಿಯ.
31
. ಓ ಮಾಹಿಮಾತಿ ದಕಾನ್ ಓನ್ ಯೇರುಸಲಮೆಮಾ ಮೊತೆರ್ವಡಿ ವಾತೆ ಕರ್ ತೇರ.
32
. ಪೇತ್ರು ವತ್ ಸದಾ ರಜಕೋ ನಿಂದೇತೀರ ಓ ಜಾಗೇಜನಾ ಓರ್ ಮಹಿಮಾನ್ ಓರ್ ಸಾತ್ ಹುಚೇಜೆ ದಿ ಆದ್ಮಿನ್ ದೀಟೆ.
33
. ಓ ದೋಯಿ ಆದ್ಮಿ ಕನ್ನೇತಿ ಜಾರೆಜಾನ ಪೇತ್ರು ಯೇಸು - ಫ್ರಭು ಅಪಣ್ ಅತ್ತಜ್ ರಾಜಕೋ ಆಚೋ; ತೋನ್ ಏಕ್ ಮೋಸೆಸ್ ಏಕ್ ಎಲಿಯಾನ್ ಏಕ್ ತೀನ್ ಝುಂಪಡ ಭಂದಾಕೇನ್ ಉ ಕೋಜಕೋ ಓನಜ್ ಕಳೆನಿಜು ಕೋ.
34
. ಊ ಹನು ವಾತೇಕರೋಜನ ಏಕ್ ವಾದಾಳ್ ಆನ್ ಉನೇನ್ ಬೂರ್ದೀನೋ ಓ ಉ ವಾಜಳೆಮಾ ಡಗರ್ಗೆ ಜನಾ ಚೇಲಾವೋ ಚಮಕ ಗೇ.
35
. ಜನಾ ಈ ಮಾರ್ ಪ್ರೇಮಾರ್ ಬೇಟಾ ಏರ್ವಾತ್ ಮಾನೋಕಾನ್ ವಾಜಳೆಮಾತಿ ಏಕ್ ಆಟ ಆಯಿ.
36
. ಉ ಆತ್ ಆಯಿಜೇರ್ರ್ಪಚ್ಹ ಯೇಸು ಏಕ್ಲೋಜ್ ದ'ಕಾಯೋ.
37
. ಓ ದಿಟೆ ಜೇಮಾ ಏಕಿಸದಾ ಓದಾದೇಮಾ ಕೇನಿ ಮಲಮ್ ನಕರಜು ಒ ಗಚಬ್ ರೇ. ಭೂತ್ ಲಾಗ್ರೊಜಕೋ ಚೋರಾನ್ ಆಚೋ ಕರೇನ್
38
.ಲಾಲೇರ್ ದಾಡ್ ಓ ಉ ಗಟ್ಲಾನ್ಉತ್ರನ್ ಆಯೋಜನಾ ಜನೂರ್ ಮೊಟೋಮಳಾವೊ ಓರ್ ಸಾಮುಆಯೋ.
39
. ಇದೇಕ್ ಓ ಜನೂರ್ಮಳಾಯೇಮಾ ಏಕ್ ಆದ್ಮಿ ಬೋದಾ ಕಾರವಾಳೋ ಮಾರ್ಬೇಟಾರ್ ಉಂಪರ್ ದಯ ರಕಾಡ್ ಕನ್ ತೋನ ನೋರಾಕರ್ರೋಚು; ಈ ಮಾನ್ನ ಎಕ್ಲೋಜ್ ಬೇಟಾ.
40
. ಓನ್ ದಬಾದೇನ ತಾರ್ ಚೇಲಾನ್ ನೋರಾಕಿದೆ , ಪಣ್ ಉನೇರಾಬುತಾ ವಂಗಯಿಕೊನಿ ಕನ್ ಕೋ.
41
. ಜೇರ್ವಾಸ್ ಯೇಸು ವಿಶ್ವಾಸ ಛೆನಿಕತೋ ಮಾಂದ್ ಪಿಡಿವಾಳ್ ಮ ಕತ್ರಾದಾಡ ತಮೇತಿ ರೇನ್ ತಮೇನ್ ಖಾಮ್ಲ್ ? ತಾರ್ ಬೇಟಾನ್ ಅತ್ತಲೇನ್ ಆಕನ್ ಕೋ.
42
. ಉಡಾಂಯಿ ಆರೋಜನಾ ಉಭೂತ್ ದಲ್ಕಾರನ ಚೋರಾನ್ ಆಚೋಕರನ ಓರ್ ಬಾಪೇನ ಹವಾಲ್ ಕಿದೊ.
43
. ಜನಾ ಸೇ ದೇವೇರ್ ಜೋರೇನ್ ದೇಕನ್ ವಿಚಿತ್ತರ್ ಪಡಿ .
44
. ಉ ಕಿದೋಜಕೋ ಕಾಮ್ ಸೇ ದೇಕನ್ ವಿಚಿತ್ತರ್ ಪಡಿತೆರೇಜನಾ ಉ ಎವಾತ್ ತಮಾರ್ ಕಾನೇಮಾ ಗೋಕಲೋ ಮನಕ್ಯಾರ್ ಬೇಟಾನ್ಆದ್ಮೀರ್ಹಾತೇಯ ಹವಾಲ್ ಕರ್ದಚ್ ಕನ್ ಓರ್ ಚೇಲಾನ್ ಕೋ.
45
. ಪಣ್ ಓ ಉ ವಾತೇನ್ ಕಳಿನಿಜಕೋ ಆಡಮೇರ ಖಬರ್ ವೇನ್ ರ; ಉ ವಾತೆರ್ವಾಡಿ ಓರ್ ಡಾಮ್ಯಿ ಪೂಚೆನಿ ಚಮಗ್ಗೆ. ಮೋಟೋ ಕುಣು
46
ಪಚ್ಹ ಉನೇಮಾ ಕುಣ್ ಮೋಟೋ ಕಜಕೋ ವಾದಾವಾದಿ ವೇಗಿ .
47
. ಯೇಸು ಉನೇರ್ ದಲ್ಲೇರ್ ಮತ್ರೇನ್ ಮಾಲಮ್ ಕರ್ಲೆನ್ ಏಕ್ ನಾನ್ಕ್ಯ ಬಾಳನಾ ಲೇಲೇನ್ಓರ್ ಡಾಮ್ಯಿ ಹುಬುರಕಾಡನ್,
48
. ಏ ನಾನಾಕ್ಯ ಬಾಳನ್ ಮಾರ್ ನಾಮೇಪರ್ ಡಾಮ್ಯಿ ಕರೇವಾಳ್ ಮನ್ ಡಾಮ್ಯಿ ಕರೇವಾಳೋ ಮನ್ನ ಮೆಲೋಜೇನ್ ಸದಾ ಡಾಮ್ಯಿ ಕರ್ಲಚ ; ತಮೇಮಾ ಕೂಣ್ ನಾನ್ಕ್ಯಾಸ್ ವೇನರಚೋ ಉಚ್ ಮೋಟೋ ಕನ್ ಉನೇನ್ ಕೋ.
49
. ಯೋಹಾನ್- ಪ್ರಭು ಕುಣಿಕೋ ಏಕ್ ತಾರ್ ನಾಮೇಪರ್ ಭೂತಡಿಯುನ್ ಭಡ್ಕಾಯೋ ಜೇನ್ ಹಮ್ ದೀಟೆ ಉ ಅಪಣ್ ಲಾರ್ ಆಯೇವಾಳೋ ಕೋನಿ ಜೇರ್ವಾಸ್ ಹಮ್ ಓನ್ ಥಮಾಡಿ ಕನ್ ಕೋ.
50
. ಜೇರ್ವಾಸ್ ಯೇಸು ತಮ್ ಓನ್ಥಮಾಡೋ ಮತ್ ತಮೇನ ದೂಸ್ಮಣ್ ನಕರಜಕೋ ಅಪಣ್ ಸೋಬತೆವಾಳೋಜ್ ಕನ್ ಕೋ. ಸಮಾರ್ಯವಾಳ್ ಯೇಸುನ್ ಛೆಟಿಕರ್
51
. ಉ ಸ್ವರ್ಗೇರ್ ಜಾಯೇರ್ ದಾಡ್ ಪೂರೋವೇ ಜನಾ ಉ ಯರುಷಲೇಮನ್ ಜಾಯೇನ ದಲ್ಲೇನ ಘಟ್ಕರ್ಲೇನ್ ಒತಿ ಆಂಗೆಸೋಜನಾ ಮೇಲೋ .
52
. ಓ ಜಾನ್ ಜಾಗ್ ತಯ್ಯಾರ್ ಕರ್ ಣು ಕನ್ ಸಮರ್ಯಾನ್ ಏಕ್ ಗಾಮೇನ್ಗೆ.
53
. ಪಣ್ ಉ ಯೆರುಷಲೇಮನ್ ಜಾಯೆರೋ ದಲ್ಲೇರೋ ರಜೇತಿ ಉ ಗಾಮೇವಾಳ ಓನ್ ಮಾನ್ಲಿದೇಕೋನಿ.
54
. ಓರ್ ಚೆಲಾ ಯಾಕೋಬ್ ಯೋಹಾನ್ ಏನ್ ದೇಕನ್ ಪ್ರಭೂ ಆಸ್ಮಾನೇತಿ ಅಂಗಾರ್ ಉತರನ್ ಇನೇನ್ವಾಸ್ ಕರೇನ್ ಹಮ್ ಹಕಮ್ದಾ ಜಕೋ ತೋನ್ ಖಾತರ್ ಕಾಂಯಿ ? ಕನ್ ಪೂಚೆ ಉ ಉನೇರ್
55
ಸಾಮು ಫರನ್ ಉನೇರ್ ದಲ್ಕಾರೋ.
56
. ಮನಕ್ಯಾರ ಬೇಟಾ ಆದ್ಮಿನ್ ಜಾನೇನ್ ಹಾಳ್ಕರೇನ್ ಕೋನಿ ಪಣ್ , ರಕ್ಷಣ್ ಕರೇನಜ್ ಆಯೋಕನ್ ಕೋ; ಪಚ್ಹ ದುಸರೋ ಏಕ್ ಗಾಮೇನ್ ಗೋ. ಯೇಸುರ್ ಚೇಲಾವುರ್ ಪರಿಚೋ
57
. ಓವಾಟ್ ಜಾರ್ ಜನಾ ಏಕ್ ಆದ್ಮಿ_ ತು ಕತ್ತ ಜಾವೆಸ್ ಜತ್ತ ತಾರ್ ಲಾರ್ ಮ ಆವುಂಚು ಕನ್ ಓನ್ ಕೋ.
58
. ಜನಾ ಯೇಸು ಸಾಳಿಯಾವುನ ಗವಿರ್ ಆಸ್ಮಾರ್ ಪಂಕೇರೂನಾ ಮಾಳೋಛ ಪಣ್ ಮನಕ್ಯಾರ್ ಬೇಟಾನ ಮಾತ್ತೋ ವಾಳೆನ್ ಸದಾ ಜಾಗಛೆನಿ ಕನ್ ಕೋ.
59
ಉ ಉಜ್ಜಿಕೇನ್ ಮಾರ್ ಆಕನ್ ಕೊ ಉ_ ಮ ಜಾನ್ ಅಗಡಿಯಾ ಮಾರ್ ಬಾಪೇನ್ ಧೊದ್ಕರ್ದೆನ್ ಆಯೇನ್ ಹಕನ್ ದಕೇನ್ ನೋರಾಕೀದೆ.
60
. ಜೇರ್ ವಾಸ್ ಉ ಮರ್ಗೆ ಜಕೋ ಉನೇರ್ ಮರ್ಗೋ ಜೇನ್ ಖಾಡೆಮ ಘಾಲೇದ್ ತು ಜಾನ್ ದೇವೇರ್ ರಾಜೇನ್ ಪ್ರಚಾರ್ ಕರ್ ಕನ್ ಓನ್ ಕೋ.
61
ಉಜ್ಜೇಕೋ ಫ್ರಭು ತಾರ್ ಲಾರ್ ಆವುಂಚು ಫಣ್ ಮಾರ್ ಘರೇಮಾ ಛಜೇರ್ ಡಾಮ್ಯಿ ವಾತ್ ಲೇನ್ ಆಯೇನ ಅಗಡಿಮನ್ ಹಕಮ್ ದಕೇನ್ ಪುಚೇತಖಂ.
62
ಯೇಸು_ ನಾಗರೇ ಪರ್ ಮೆಲನ್ ಲಾರ ದೇಕ್ವಾಳೋ ಕೊಯಿ ದೇವೇರ್ ರಾಜೇನ್ ಛಾಜೇನಿ ಕನ್ ಓನ್ ಕೊ.