¹ .ಪಚ್ಹ ಪ್ರಭು ಸತ್ರೆ ಆದ್ಮಿ ನಿಯಮ ಕರನ್ ಉ ಜಾವಜೆ ಜಾಗೇನ ಓತ್ತಿ ಅಂಗೆ ದೀ ದೀಯರ್ ನಯಿ ಮೇಲೋ. ² . ಜನಾ ಉ ಉನೇನ್ ಹನುಕೋ _ ಪಂಟಾ ಘನೋ ಛ; ಪಣ್ ಕಾಟೆವಾಳ್ ಛ; ಜೇರ್ ಪಂಟಾರ್ ಮಾಲಿಕೆನ್ _ ಓನ್ ಪಂಟಾ `ಕಾಟೆವಾಳೆನ್ ಮೆಲೇನ್ ಓನ್ ಆರಜ್ ಕರ್ಲೋ. ³ . ಜಾವೋ ; ಇದೇಕ್ , ಭೇಡಿಯಾರ್ ವಚ್ಹ ಗೊರ್ಲಿರ್ ಪಿಲ್ಲಾವುನ ಮೇಲಜು ಮ ತಮೇನ ಮೇಲ್ರೋಚು. ⁴ . ಪಿಸಾರ್ ಪೋತಡಿಯಾನನ್ ಭೇಗಡಿನ್ ಚೆಪ್ಲುನ್ ಲೇಜಾವೊಮತ್ ; ವಾಟೆಪರ್ ಕೇನಿತೊಯಿ ನವಣ್ ಕರೋಮತ್. ⁵ ತಮ್ ಕುನ್ಸಿ ಘರೇಮಾ ಜಾವೋಜನ ಉ ಘರೇನ ಆಚೋವೇದ ಕನ್ ಅಗಡಿಕೋ. ⁶ . ಅಸಿಸೆನ್ ಛಾಜಜಕೋ ಒತ್ತ ರತ್ತೋ ತಮಾರ್ ಅಸಿಸ್ ಉನೇಪರ್ ರಚ್ಹ; ಕೊನಿತೋ ಉ ತಮೇನ ಫರನ್ ಆವಚ. ⁷ . ಓತ ಮೇನ ದಜಕೋ ತಮ್ ಖಾವತೆ ಪಿವತೇರೋ ತಮ್ ಫರ್ ಫರ್ ಜಾಯೇನಿಜು ಉ ಘರೇಮಾಜು ವಸ್ಸನ್ ರೂ. ಬಂಯಾ ಓರ್ ಖಾನೇನಜ್ ಛಾಜಕ. ⁸ . ಉಜ್ಜಿ ತಮ್ ಕುನ್ಸಿ ಷೆರೇಮಾ ಜಾವೋಜನ ಓ ತಮೇನ್ ದಾಮ್ಯಿ ಕರತೋ ತಮಾರ್ ಮುಂಡಾಗ್ ಘಾಲಜೆನ್ ಖಾವೋ. ⁹ . ಓಮಾ ರಜೆ ರೋಗೆವಾಳೆನ್ ಆಚೋಕರ್ ; ದೇವೇರ್ ರಾಜ್ ತಮಾರ್ ದಾಮ್ಯಿ ಆಯೋಕನ್ ಉನೇನ ಕೊ. ¹⁰ . ಪಣ್ ಕುನ್ಸಿ ಶೇರೆಮಾ ತಮ್ ಜಾವಜಾನ ಜನ್ ತಮೇನ್ ಮಾನ್ಲೆನಿತೋ ತಮ್ ಆಳಿಮಾ ಆನ್_ ¹¹ . ತಮಾರ್ ಗಾಮೇತಿ ಹಮಾರ್ ಪಗೇನ್ ಚೂತ್ರಿಜಕೋ ದುಳೆನ್ ಝಡ್ಕಾರಾಚಾ; ಉ ತಮೆನಜ್ ರೆಥ; ಪಣ್ ದೇವೇರ್ ರಾಜ್ಯಂ ಡಾಯಿ ಆಯೋಚಕೇನ್ ತಮ್ ಮಾಲಂ ರೆದ ಕೆನ್ ಕೋ. ¹² . ಓ ಷೆರೇರ್ ಹಾಲೇತಿ ಸೋದಮ್ ಗಾಮೆರ್ ಹಾಲ್ ಓ ದಾಡೆಮಾ ಸಮಾಳೆಸಕೆಜಾ ಕನ್ ತಮೇನ ಕೇರೋಚು . ¹³ ಅಯ್ಯೊ ಖೋರಾಜಿನ್ , ಅಯ್ಯೊ ಬೇತ್ಸಾಯಿದಾ , ತಮಾರ್ ಮಾಯಿ ಚಾಲಿಜಕೋ ಜೋರೇರ್ ಕಾಮ್ ತೊರೆಮಾನ್ ಸಿದೋನೇಮಾ ಚಾಲಿವತೋ ಓ ಗಾಮೆವಾಳ್ ಜನ್ನಾಜ್ ಬ್ಹೊತ್ಕಾರ್ ಪಟ್ಟಾ ಭಾಂದ್ಲೇನ್ ರಾಕೇಮಾ ಬೇಸಸ್ ದೇವೆರ್ ಸಾಮ್ ಫರ್ಜಾತೆ. ¹⁴ . ಪಣ್ ನೇವೇರ್ ದಾದೇಮಾ ತಮಾರ್ ಹಾಲತೆತಿ ತೂರ್ ಸಿದೋನ್ ಷೆರೇವಾಳೆರ್ ಹಾಲತ್ ವ್ಹಳಿ ರಚ. ¹⁵ . ಏ ಕಫೆರ್ನಹುಮಾತು ಪರಮೆನ ಜಾಸಕ್ಕೆಚಿ ಕಾಂಯಿ ? ಪಾತಾಳೇಮಾ ಉತರ್ ಜಾಚಿ. ¹⁶ . ತಮಾರ್ ವಾತ್ ಮಾನೇವಾಳೋ ಮಾರ್ ವಾತೆನ ಮಾನಚ; ತಮೇನ ಇಂಕಾರ್ ಕರೆವಾಳೋ ಮನ್ನಸದಾ ಇಂಕಾರ್ ಕರಚ . ಮನ್ನ ಇಂಕಾರ್ ಕರೆವಾಳೋ ; ಮನ್ ಮೇಲೋ ಜೇನ್ ಸದಾ ಇಂಕಾರ್ ಕರಚ ಕನ್ ಕೋ. ¹⁷ . ಓ ಸತ್ರೆ ಚೇಲ ಖುಷಿತಿ ಫರನ್ ಆನ್_ ಪ್ರಭು ಭೂತ್ ಸದಾತಾರ್ ನಾಮೇರ್ ಕಾಣ್ ಹಮಾರ್ ವಾತ್ ಮಾನ್ ರಿಚ್ ಕೇನ್ ಕೇ. ¹⁸ . ಉಉನೆನ_ ಸಹಿ ತಾನ್ ವಜೆಳಿರ್ ಆಸ್ಮಾನೇತಿ ಪಡಿಜಕೋ ಮ ದಿಟೋ. ¹⁹ . ದೇಕೋ ಸಾಪೇನ್ ವಿಂಚೂನನ್ ದುಸ್ ವಂನೇರ್ ಜೋರೆನ್ ಸೆನ್ ಖುಂದೆನ್ ತಮೆನ್ ಹಕಮ್ ದಿನೋಚು ಕುನ್ಸಿ ತಮೇನ್ ಕಾಂಯಿಜ್ ಭುಂದೋ ಕರೇನಿ. ²⁰ . ಪಣ್ ಭೂತ್ ಹಮಾರ್ ವಾತ್ ಮಾನಚ ಕನ್ ಖುಷಿ ನಪಡೋಜು ಹಮಾರ್ ನಾಮ್ ಸ್ವರ್ಗಮಾ ಲಕಾನ್ ಛಕನ್ ಖುಷಿಪಡೋ ಕನ್ ಉನೇನ್ ಕೋ. ²¹ . ಉ ಘಡಿಮಾಚ್ ಉ ಪವಿತ್ತೆರ್ ಆತ್ಮಾಮ ಖುಷಿಪಾನ _ ಬಾಪೂ , ಆಸ್ಮಾನೆನ ಜಗತ್ತಿನ ಪ್ರಭೂ ; ತು ಗೆನಿನನ್ ಅಕಲೇವಾಳೆನನ್ ಈ ವಾತೇನ ಗೋಕನ್ ಬಾಳಕೇನ್ ಮಾಲಮ್ ಕಿದೋಕನ್ ತೋನ ಧೋಕದೇರೋಚು. ಹಾವ್ , ಬಾಪೂ , ಹನುಕರೇರೋ ತಾರ್ ದಲ್ಲೇನ್ ಆಚೋ ದಕಾಯಿಜೆತಿ ತೊನ ಸ್ತೂತಿಕರೂಚು. ²² . ಸೋಳಿ ಮಾರ್ ಬಾಪೇತಿ ಮನ್ನ ಹವಾಲ್ ವೇನ ಚ: ಬಾಪ್ ಸವಾ ದುಸರ್ ಕೋಯಿತೋನಿ ಬೇಟಾನ್ ಅಸ್ಸೋಕನ್ ವಳಕೇನಿ , ಬೇಟಾಯಿ ಬೇಟಾಕೇನ ಓನ ಮಾಲಂಕರೇನ ಖಾತರ್ ಚಕೋ ಓರ್ ಸವಾ ದುಸರೇ ಕೋಯಿತೋಯಿ ಬಾಪು ಅಸ್ಸೋಜ್ಕನ್ ವಳಕ್ಲೇರ್ವೆನಿ. ²³ ಜನಾ ಉ ಓರ್ ಚೇಲಾವುರ್ ಸಾಮ್ ಫರನ್ _ ತಮ್ ದೇಕರೇಜೇ ಖಬರೆನ ದಿಟಿಜಕೋ ನಸಿ ಬ್ದಾರ್. ²⁴ . ಫಣ್ ಭಕ್ತಿದಾರನ್ ರಾಜ್ ತಮ್ ದೇಕ್ರೆಜೆನನ್ ತಮ್ ಸಾಮಳ್ರೆಜೇನ್ ಸಾಮಳೆನ್ ಆಸಾಕರನ್ ದೇಕೆನಿಜು ಸಾಮ್ಳೆನಿಜು ಡಗರ್ಗೆ ಚಕನ್ ತಮೇನ ಕೆರೋಚುಕನ್ ಕೋ. ಆಚೋಸಮರ್ಯವಾಳೋ ²⁵ . ಇದೇಕ್ ಏಕ್ ಹಪ್ತಾ ಶಾಸ್ತ್ರೀಯೂಮ ಏಕ್ಲೋ ಉಟನ್ ಬೋದಾಕರೇವಾಳೆಶಾಸ್ವತ್ ಜೀವನೇನ್ ಹಕ್ದಾರ್ವೇನ್ ಮ ಕಾಂಯಿ ಕರಣು; ಕನ್ ಓರ್ ಪರಿಚೋಕರೆನ್ ದೆಕೆನ ಪೂಚೊಜನಾ, ²⁶ ಉ_ ಧರಮೇಶಾಸ್ತ್ರಮಾ ಕಾಯಿ ಲಕಮೆಲಚ್? ತು ಕಾಯಿ ವಾಂಚೋಚಿಕನ್ ಓನ್ ಪೂಚ್ತೆಖಂ . ²⁷ . ಉ ತಾರ್ ದೇವ್ ಚಜಕೋ ಪ್ರಭುನ್ ತಾರ್ ಪೂರೋ ದಲ್ಲೇತಿ ತಾರ್ ಪುರೋ ಮನ್ನೇತಿ ತಾರ್ ಪುರೋ ²⁸ ಜೋರೇತಿ , ತಾರ್ ಪೂರೋ ಅಕ್ಕಲೆತಿ ಪ್ರೇಮ್ ಕರಣೂ; ಕನ್ ತಾರ್ ಬಗಲ್ ಛಜೇನ ಪ್ರೇಮ್ ಕರಣೂಕನ್ ²⁹ . ಪಣ್ ಓನ್ ನಿಯತೇದಾರ್ ಕನ್ ದಕಾಳೆರ್ ದಲೆರೋವೆನ್ ಯೇಸುನ್ ಮಾರ್ ಬಗಲೇವಾಳೋ ಕುಣ್? ಕನ್ ಪುಚೋ. ³⁰ . ಜೇರ್ ವಾಸ್ ಯೇಸು ಹನೂಕೋ_ ಏಕ್ ಆದ್ಮಿ ಯರೂಷಲೇಮತಿ ಯೆರಿಕೋ ಷೆರೇನ್ ಉತರನ್ ಜಾವತೋ ಜೋರೇರ್ ಹಾತೇಮಾ ಹತಾಗೋ ; ಓ ಓರ್ ಲತ್ತಾ ಕೋಸ್ ಲೇನ್ ಓನ್ ಮಾರನ್ ದರ್ಶೆಕ್ ದಮ್ಮೆತಿ ಚೋಡ್ದೆನ್ ಡಗರಗೆ. ³¹ . ಜನಾ ಎಕ್ ಯಾಜಕ್ ಜಾತೋ , ಉ ಓನ್ ದೇಕನ್ ಬಗಲೇನ್ ಡಗರಗೋ . ³² . ಹನೂಜ್ ಲೇವಿಯೂಮ ಏಕ್ ಓ ಜಾಗೆನ ಆನ್ ದೇಕನ್ ಬಗಲೇನ್ ಡಗರಗೋ. ³³ ಪಣ್ ಎಕ್ ಸಮರಿಯಾವಾಳೋ ಉ ವಾಟ್ ಜಾತೋ ಉ ಪಡೋಜೆ ಜಾಗೇನ ಆನ್ ಓನ್ ದೇಕನ್, ³⁴ ಓರ್ ಉಂಪರ್ ದಯಾಕರನ್ ಜಾನ್ ತೆಲನ್ ಅಂಗೂರೇರ್ ರಸ್ ರೇಡನ್ ಓರ್ ಘಾವೆನ್ ಭಾಂದನ್ ಓರ್ ಗದ್ದಾರ್ ಉಂಪರ್ ಚಡಾಲೇ ಏಕ್ ಖೋರಾತಿ ಘಾಲೇವಾಳೆರ್ ಘರ್ಲೇಜಾನ್ ದಯಾತಿ ದಿಟೋ. ³⁵ . ಪಚ್ಚೆರ್ದಾಡ್ ದಿರಪ್ಯ ಕಾಡನ್ ಓ ಛತ್ರಮೆವಾಳೆನ್ ದೇನ್ ಏನ್ ದಯಾತಿ ದೇಕ್; ತು ಉಜ್ಜಿ ಕಾಂಯಿ ಖರ್ಚಸ್ತೋ ಮ ಫರನ್ ಅಂವುಜನಾ ಓನ್ ಮ ಫೇಡಿಯೂ ಕನ್ ಓನ್ ಕೇನ್ ಡಗರ್ಗೋ, ³⁶ ಜೇರ್ ವಾಸ್ ಜೋರೇರ್ ಹಾತೇಮಾ ಪಡಾಯೇಜೇನ್ ಎ ತಿನಿಮಾ ಕುಣ್ ಓರ್ ಬಗಲೇವಾಳೋ ವೇಗೋ ಕನ್ ಕೆರೋಚಿಕನ್ ಯೇಸು ಪೂಚತೆಖಂ ಉ ಓರ್ ಉಂಪರ್ ದಯಾ ಕಿದೋಜಕೋ ಕನ್ ಕೋ. ³⁷ . ಜೇರ್ ವಾಸ್ ಯೇಸು ತು ಸದಾ ಜಾನ್ ಹನುಕರ್ ಕನ್ಓನ ಕೋ. ಮಾರ್ತಾ ಮರಿಯಾರ್ ಘರೇಮಾ ಯೇಸು ³⁸ ಅತ್ರಾಮ ಓ ವಾಟ್ ಝಲ್ಲೆನ್ ಜಾರೇಜನ್ ಉ ಏಕ್ ಗಾಮೇಮಾಗೊ ಮಾರ್ತಾ ಕನ್ ಕಜಕೋ ಎಕ್ ಬೀರ್ ಓನ ಓರ್ ಘರೇಮಾ ಮಾನ್ಲಿದಿ. ³⁹ . ಓನ್ ಮರಿಯಾ ಕಜಕೋ ಏಕ್ ಭೇನ್ ರ; ಈ ಯೇಸುರ್ ಪಗೆ ಕನ್ನ ಬೇಸನ್ ಓರ್ ಬೋದಾ ಸಾಮಳ್ ತೀರ. ⁴⁰ ಮಾರ್ತ ತರಾತರಾರ್ ಕಾಮ್ ಕಾರಜೇ ಘನೋ ಹಾಯಿಕರನ್ ಓರ್ ಆನ್_ ಫ್ರಭು ಮ ಏಕ್ಲಿಜ್ ಕಾಮ್ ಕರೇನ್ ಭೇನ್ ಮನ್ನಾ ಜೋಡನ್ ಆಯಿ ಜೇರ್ವಡಿ ತೋನ ಹಾಯಿ ಛೆನಿಕಾಯಿ? ಮನ್ನ ಮದತ್ ಕರೇನ ಓನ್ ಕ ಕೇನ್ ಕೀ. ⁴¹ ಜೇರ್ ವಾಸ್ ಫ್ರಭು _ ಮಾರ್ತಾ ಮಾರ್ತಾ ತು ವಾರ್ಸೇಕ್ ಕಾಮೇರೆಕಾಗ್ ಹಾಯಿಕರನ್ ಘಬ್ರಾರಿಚಿ , ಪಣ್ ಜರೂರ್ ಚಜಕೋ ಎಕಜ್. ⁴² ಮರಿಯಾ ಆಚೋ ಚೀಜೇನ ಟಾಳ್ಳಿದಿ, ಉ ಡಾಮ್ಯಿತಿ ಕಾಡೆರ್ ಬನೇತಿ ಕನ್ ಓನ್ ಕೋ.