Chapter 8
1
ಜನಾಜ್ ಉ ದೇವೇರ್ ರಾಜೇರಾ ಆಚ್ ಖನರೇನ್ ಮಾಲಾಮ್ ಕರತೋ ಬೋಧಕರತೋ ಹರೆಯ್ಕ್ ಗಾಮೇಮಾ ಪರ್ತೋರ.
2
ಜನಾ ಬಾರೆ ಆದ್ಮಿ ಚೇಲಾ ಓರ್ ಸಾತ್ ಗೆ ಭುತ್ ನಿಕಳ್ಗಿಜಕೋ ಥೋಡಾಸೇಕ್ ಬೀರೇ ರೋಗ್ ಆಚ್ ವೇಗಿಜಕೋ ಬೀರೇ ಸದಾ ಓರ್ ಸಾತ್ ಗಿ. ಓ ಕುಣ್ ಕತೋ ಸಾತ್ ಬೋತ್ ಚೋಡಗಿಜಕೊ ಮಗಡಲೇನ ಕಜಕೋ ಮರಿಯಾ ಹೇರೋದೇರ್ಘರ್ ಜತನ್ಕರೇವಾಳೋ ಕೂಜಾರ್ ಗೋನ್ನಿಯೋಹಾನ್ನಾಸುನನ್ನನ್ ಸದಾವತ್ ರ.
3
. ಎಸೇ ಪರಲ್ ವಾರ್ಸೆಕ್ ಉನೇರ್ ಧನೇತಿ ಯೇಸುನ್ ಓರ್ ಚೇಲಾವುನ ಸೇವಾ ಕರ್ತೆ ಆಯೇ.
4
. ಘಣ್ ಜನೂರ್ ಮಳಾವೋ ಭರನ್ಹರ್ಯೇಕ್ ಶೆರೆತಿ ಓರ್ ಡಾಮ್ಯಿ ಆತೆರೆಜಾನ ಉ ಸಾಟುವಾನ ಕೋ.
5
. ದಾಣಾ ಭೂಯೆವಾಳೋ ದಾಣಾ ಭೂಯೆನ್ ನಿಕಳೋ ; ಉ ಭೋರೋಜನ ಧೊಡಾಸೆಟ್ ದಾಣಾ ವಾಟೆರ್ ಬಗಲ್ ಪಡನ್ ಕುಂದಾಯೇ .
6
. ಆಸ್ಮಾನೆರ್ ಪಂಕೇರ್ ಓನ್ ಖಾಲ್ದಿ ಉಜ್ಜಿ ಥೋಡಾಸೇಕ್ ಭಾಟಾ ಪಡನ್ ಹುಗೆ ಪಣ್ ಭೀನೋ ಛೆನಿಜೆತಿ ಸುಕಾಗೆ.
7
. ಉಜ್ಜಿ ಥೋಡಸೇಕ್ ಕಾಂಟೆರ್ ಬೋಚ್ಕಾರ್ ವಛ್ಹ್ಬ ಪಡಗೆ ; ಕಾಂಟೆರ್ ಬೊಚಕಾ ಉನೇತಿ ಉಪರ್ ವದನ್ ಉನೇನ್ ದಾಬ್ದೀನೆ .
8
. ಉಜ್ಜಿ ದೋಡಸೇಕ್ ದಾಣಾ ಆಚ್ ಜಮ್ಮಿಮಾ ಪಡಗೆ ಓ ವದನ್ ಸೋಹಾಸ್ಸೆರ್ ಫಳ ಪಾಚುಎ ವಾತೆ ಕೇತೂ ಸಾಮಳೆನ್ ಕಾನ್ ರಜಕೋ ಸಾಮಳೆಜಾಕನ್ ಜೋರೆತಿ ಕೋ.
9
. ಓರ್ ಚೇಲಾ ಸಾಟುವಾರ್ ಅದೋಡ ಖಾಂಯಿಕನ್ ಓನ್ ಪುಚ್ ತೇಖಂ.
10
. ಉ ದೇವೇರ್ ರಾಜೇರ್ ಭೇದ್ ಮಾಲಮ್ ಕರ್ಲೇನ್ ತಮೇನ್ ದೆನ್ ಛ; ಪಣ್ ದುಸರೇನ್ ಅಂಕಿರೆನಿ ದೀಟ್ಟೆಕೋನಿ ಜೇರ್ ಕಾನ್ರೆನಿ ಕಳಾಲ್ದೇ ಕೋನಿ ಜೇರ್ ರೇನ ಉನೇನ್ ಸಾಟುವಾರ್ ಕೇರೋಚು.
11
ಓ ಸಾಟುವಾರ್ ಅದೊಡ್ ಕಾಯಿಕತೋ ದಾಣಾ ದೇವೇರ್ ವಾತ್.
12
. ವಾಟೆರ್ ಬಗಲ್ ರೇವಾಳೋ ಓ ಸಾಮಳೆ ಪಣ್ ವಿಶ್ವಾಸ್ ರಕಾಡನ್ ರಕ್ಷಣ್ ನಲಜು ಸಾತನ್ ಆನ್ ಉನೇರ್ ದಲ್ಲೆಮಾಯಿತಿ ವಾತೇನ್ ಪಾಲ್ದೇ ಚಾವಚ.
13
. ಬಾಟಾರ್ ಜಮ್ಮಿಮಾ ರಜಕೋ ಕೂಣ್ ಕತ್ತೋ ಸಾಮ್ಳೆಜನಾ ವಾತೆನ ಖುಷಿತಿ ಲೇಲಚ ಪಣ್ಉನೇರ್ ಜಡ್ ಚೇನಿಜು.
14
. ಕಾಂಟಿರೋ ಚೊಚ್ಕಾಮ ಪಡ ಗೇಜಕೋ ದಾಣಾ ಸರೀಕ್ ಕುಣ್ ಕತೋ , ಸಾಮಳನ್ ದಾಡ್ ಡಗರ್ ಗೆ ಜನಾ ಎ ಜೇ ವೇರ್ ಹಾಯಿ ಧನ್ನೆರ್ ಸೋಕ್ಕೆಮ ದಬ್ ಜಾನ್ ಆಚ್ಚೋ ಪಾಚೆನಿಜಕೋ ಆದ್ಮಿ.
15
. ಆಚ್ ಜಮ್ಮಿಮಾ ಬೋರಾಯೇಜಕೋ ದಾಣಾ ಸರೀಕ್ ಕುಣ್ ಕತೋ ಓನ್ ಸಾಮಳನ್ ಆಚ್ ದಲ್ಲೇತಿ ಮಾನ್ಲೇನ್ ಓರನಯಿ ಚಾಲೆವಾಳೋ ಫಳ್ ದಚ್ ಕನ್ ಕೋ. ಯೇಸುರ್ ತನ್ನೇವಾಳ್
16
ಕೋಯಿತೋಯಿ ದಿಯೋ ಸಳಗಾನ್ ಹಾಂಡಿ ಹೆಟ್ ಬೂರೇನಿ ಪಲ್ಲಂಗರ್ ಹೇಟ್ ಮೇಲೇನಿ ಪಣ್ ಮಾಯಿ ಆವಜೆನ್ ವಜಾಳೋ ದಕಾವಣು ಕನ್ ದಿಯೋರ್ ಪಿಟಾಪರ ಮೇಲಚ .
17
ಭಾರ ಪಡೆನಿಜಕೋ ರಹಸ್ಯಂ ಕುಣ್ಸಿ ಚೇನಿ ಮಾಲಮ್ ನವಜು ಭಾರಪಡೆನಿಜು ರಜಕೋ ಮಾಲಮ್ ಚೇನಿಜಕೋ ಕಾಂಯಿ ರೇನಿ .
18
. ಜೇತಿ ತಮ್ ಸಾಮಳೆಜೆನ ಸೋಸಕರೋ ಛಜೇನ ದಚ್ಹ ; ಚೇನಿಜೆರ್ ಓನ್ ಛಜೆನಿ ಕಾಡ್ನಾಕಚ್ ಕನ್ ಕೋ.
19
ಓರ್ ಯಾಡಿ ಭಾಯಿನ್ ಓರ್ ಕನ್ ಆನ್ ಜನ್ ಮಳಾಯೇರ್ ರಜೆವಾಸ್ ಓರ್ ಜಾಯೇರ್ ವೋಕೋನಿ.
20
ಜನಾ, ತಾರ್ ಯಾಡಿ ತಾರ್ ಭಾಯಿ ತೋನ್ ದೆಕೆನ್ ಬಾರ್ ಹುಬ್ಬೇಕನ್ ಓನ್ ಮಾಲಂಕಿದೆ .
21
. ಜನಾ ಉ ದೇವೇರ್ ವಾತೇನ್ ಸಾಮಳನ್ ಓರ್ ಚಾಲೆವಾಳಜ್ ಮಾರ್ ಯಾಡಿನ್ ಮಾರ್ ಭಾಯಿ ಛಕನ್ ಉನೆನ ಕೋ. ಆಂದಿನ್ ಶಾಂತಿಕರೇರ್
22
ಉಜ್ಜೇಕ್ ದಾಡ್ ಯೇಸು ಓರ್ ಚೇಲಾತಿ ಸದಾ ಏಕ್ ಓಡಾಮಾ ಚಡನ್ ತಳಾಯೇರ್ ಪರ್ ಜಾವೋ ಕನ್ ಉನೇನ್ ಕೇತೇಖಂ ಓ ಉ ಓಡಾನ್ ಧಕಲೇನ್ ನಿಕಳೆ.
23
ಓಡಾ ಜಾರಿಜನಾ ಉ ಸೋಗೋ, ಅತ್ರಾಮಾ ವಾಳನ್ ಪಾಣಿ ತಳಾಯೇ ಉಂಪರ್ ಆನ್ ಓಡಾ ಪಾಣಿತಿ ಭರಾಗೋ ಜೇತಿ ಉನೇತಿ ವೇಲಾ ಆಯೋ.
24
. ಜೇರ್ ವಾಸ್ ಚೇಲಾ ಓರ್ ಓನ್ ಪ್ರಭೂ, ಹಮ್ ಮಾರ್ಜಾ ರೆಚಾ ಕೇನ್ ಓನ್ ವಡಾಟೆ , ಉ ಉಟನ್ ವಾಳೆನನ್ ಪಾಣಿ ಉಪಣ್ ರೋಜೇನ್ ದಲ್ ಕಾರ್ ತೆಖಂ , ಜನ್ನಾಜ್ ಉ ಶಾಂತಿವೇಗಿ.
25
. ಉ ಉನೇನ್ ದೇಕನ್ ತಮಾರ್ ವಿಶ್ವಾಸ್ ಕತ್ತ? ಕನ್ ಉನೇನ್ ಕೋ ಪಣ್ ಓ ಚಮಕನ್ ವಾಳೇನ್ ಪಾಣಿನ್ ಹಕಮ್ ದೇತೆಖಂ, ಓ ಓರ್ ವಾತ್ ಮಾನ್ ರೀಚ್ ಈ ಕುಣ್ ಕೋ ಕನ್ ಎಕೇನ್ ಎಕ್ ಕೆಲೇನ್ ವಿಚಿತ್ತರ್ ಪಡೆ. ಭುತ್ ಲಾಗ್ರೋಜೇನ್ ವಾರುಕರೇರ್
26
ಓ ಗಲಿಲಾಯಾರ್ ಸಾಮು ಛಜಕೋ ಗೆರಾಸೇನೇರ್ ಮಲ್ಕೇನ್ ಆಯೇ.
27
ಉ ಕರಾಡೆಪರ್ ಉತ್ರೋಜನಾ ಓ ಗಾಮೇವಾಳೋ ಏಕ್ಲೋ ಓರ್ ಸಾಮು ಆಯೋ, ಉ ಭೂತ್ ಲಾಗ್ ರೊಜಕೋ ರ ಘಣ್ ದಾಡೆತಿ ಲತ್ತಾನ ಪೆರನಿಜು ಮಸಾಣುಮಾಜ್ ಘರೇಮಾ ರೆವಾಳೋಕೋನಿ.
28
. ಉ ಯೇಸುನ್ ದೇಕನ್ ಕಲ್ ಕಾರಿಮಾರನ್ ಓರ್ ಮುಂಡಾಗ್ ಗೋಡಿವಾಳನ್ ಯೇಸೂ ಸೋಳಿರ್ ಉಂಪರ್ ಚಜಕೋ ದೇವೇರ್ ಭೇಟಾ ಮಾತಿ ತೋನ್ ಕಾಯಿ? ಮನ್ನಾ ವೇಲಾ ಪಡಾಮತ್ ಕನ್ ತೋನ್ ನೋರಾ ಕರೋಚು ಕೆನ್ ಕಲ್ಕ್ ರಿ ಮಾರೋ.
29
. ಕಸೇನ್ ಕತೋ ಉ ಓಆದ್ಮಿನ್ ಚೋಡಾನ್ ಭಾರ್ ಆಕನ್ ಉ ಭೂತೇನ್ ಹಕಮ್ ದಿನೋತಿ ಉ ಭೂತೇರ್ ಆತ್ಮಾಣ್ ದಾಡೆರ್ ಓನ್ ಪಕಡ್ ಲೇನ್ ರ; ಓನ್ ಸಾಂಕಳಿತಿನ್ ಕೊಲ್ದಾತಿನ್ ಬಾಂದವ್ ಕಾವಲಿ ಕೀದೆ ತೋಯಿ? ಭಂದಾವಣಿನ್ ತೋಡನ್ ಭೂತ್ ಓನ್ ಝಾಡಿನ್ ದಪೆಟ್ಲೇಗೋ.
30
. ಯೇಸು ಓನ್_ ತಾರ್ ನಾಮ್ ಕಾಯಿ ಕನ್ ಪೂಚೋ ಜನ ಉ _ ಮಾರ್ ನಾಮ್ ಮಳವೋ ಕನ್ ಕೋ ಘನೇ ಬೂತ್ ಓನ್ ಲಾಗ್ ರೇತೆ ಜನ ಉಹನು ಕೋ.
31
. ಉನೇನ್ ಜಾಯೇನ್ ಹಕಮ್ ದೇವ ನಿಕೇನ್ ಓನ್ ನೋರಾಕಿದೇ.
32
. ವತ್ತ ಮೋಟೋ ಸೂರೀರ್ ಧಾರ್ ಗಟ್ಲಾರ್ ಪಾಕ್ತಿಮಾಚರ್ರತಿ ಓಢರೆಮಾ ಜಾಯೇನ್ ಹಕಮ್ ದಕಮ್ ಓ ಭೂತ್ ಯೇಸುನ್ ನೂರಾಕಿದೇ ಉಹಕಮ್ ದಿನೋ.
33
ಜನಾ ಭೂತೆ ಓ ಆದ್ಮಿನ್ ಚೋಡನ್ ಸೂರಿರ್ ಡಾರೇಮಾ ಧರಸಗಿ ಜನಾ ಉ ಡಾರ್ ಗಟ್ಲಾರ್ ಪಾಕತಿಮಾಯಿತಿ ತಳಾಯೇಮಾ ಪಡನ್ ಡುಬನ್ ಮರ್ಗಿ.
34
. ಚರಾರೆಜಕೋ ಆದ್ಮಿ ಚಾಲಿಜೇನ ದೇಕೆನ್ ಧಾಂಸನ್ ಓ ತೆರೆಮಾ ಗಾಮೇಮಾ ಉ ವಾತ್ ಮಾಲಮ್ ಕೀದೇ.
35
. ಜನ್ ಚಾಲಿಜೇನ ದೇಕನ್ ಯೇಸು ಕನ್ ಆಯೇ. ಭೂತ್ ಜೋಡ್ ದಿನೋಜಕೋ ಆದ್ಮಿ ಲತ್ತಾ ಪೇರಲೇನ್ ಆಚೋ ದಲ್ಲೆವಾಳೋವೆನ್ ಯೇಸುರ್ ಪಗೆಕನ್ನ ಬೇಟೋ ಜೆನ್ ದೇಕನ್ ಚಮಕಗೆ.
36
. ಭೂತ್ ಭರಾಯೋಜಕೋ ಕೀಮ್ ಚೋತೋ ಕಜೆನ್ ದಿಟ್ಟೆಜಕೋ ಮಾಲಂಕಿ ಕೀದೇ.
37
. ಗೆರಾಸೇನೇರ್ ಮಲ್ಕೆಮಾ ರಜಕೋ ಸೆ ಜನ ಘನೋ ಚಮಗ್ಗೆ ; ಜೇರ್
38
. ಉ ಓಡಾ ಚಡನ್ ಫರನ್ ಚಲೋಜಾರೋ ಜನಾ ಭೂತ್ ಚೋಡದಿನಿಜಕೋ ಆದ್ಮಿ ಓರ್ ಲಾರ್ ರೆನ್ ಓನ್ ನೋರಾಕರ್ ಲಿದೋ.
39
. ಪಣ್ ಉ_ ತು ತಾರ್ ಘರೇನ್ ಫರನ್ ಜಾನ್ ದೇವ್ ತೋನ್ ಕಸೆಕ್ ಮೋಟೋಕಾಮ್ ಕಿದೋಕೋ ಮಾಲಮ್ ಕರ್ ಕೇನ್ ಓನೇಕನ್ ಓನ ಮೇಲ್ ದಿನೋ ಉ ಜಾನ್ ಯೇಸು ಓನೇ ಕಸೇಕ ಮೋಟೋ ಕಾಮ್ ಓ ಸಾರಿ ಶೆರೇಮಾ ಮಾಲಮ್ ಕೀದೋ. ಯಾಯಿರೇರ ಬೇಟಿನ್ ವಟಾದೇರ್ ಅನ್ ಪೇರ್ ಚಾಲ್ರಿಜೆ ಬಿರೇನ್ ಆಚೋಕರೆರ್.
40
ಯೇಸು ಹೋಟೋ ಆಯೋ ಜನಾ ಸೇ ಓರ್ವಾಸ್ ವಾಟ್ ದೇಕ್ರೆತೆ ಓನ್ ಖುಷಿತಿ ಮಾನ್ಲಿದೇ .
41
ಜನಾ ಘರೇರ್ ಮಾಲಿಕ್ ಯಾಯಿರ್ ಕಜಕೋ ಏಕ್ ಆನ್ ಯೇಸುರ್ ಉಂಪರ್ ಪಡನ್ ,
42
. ಕಮ್ ಜಾದಾ ಬಾರೇ ವರ್ಷೆತಿ ಉಮ್ರೇವಾಳ್ ಓರ್ ಎಕ್ಲಿಜ್ ಬೇಟಿ ಮರೇನ್ ವೇಗಿಜ್ ಜೇರ್ ವಾಸ್ ಓರ್ ಘರೆನ ಆ ಕನ್ ಒನ್ ನೋರಾಕಿದೋ.
43
ಉ ಚಲೋಜಾರೋ ಜನಾ ಜನೇರ್ ಮಳಾವೋ ಓರ್ ಉಂಪರ್ ಪಡ್ತೆರೇ.
44
ಜನಾ ಬಾರೇ ವರ್ಷೆತಿ ಪೇರ್ ಚಾಲ್ ರಿಜಕೋ ಏಕ್ ಬೀರ್ ಕೆತಿಸದಾ ವಾರುವಿಕೋನಿ ಜು ವೇನ ರ.
45
ಉ ಬೀರ್ ಓರ್ ಲತ್ರಾರ್ ಕೋಸಾ ಚಿಪ್ ಲಿದೀ ಜಾನಾಜ್ ಓರ್ ಪೇರ್ ಥಮಗಿ ; ಮನ್ ಚಿಪೇಜಕೋ ಕುಣ್ ಕನ್ ಯೇಸು ಪೂಚ್ ತೆಖಂ. ಸೇ ಹಮೆನ್ ಮಾಲಮ್ ಚೇನಿ ಕನ್ ಕೆತೆ ಖಂ ಪೇತ್ರೂ _ ಪ್ರಭು ಜನೂರ್ ಮಳಾವೋ ಘೆರನ್ ತಾಪರ್ ಪಡ್ರೆಚಕನ್ ಕೋ.
46
. ಯೇಸು ಕುಣಿಕೋ ಮನ್ನ ಚೀಪೇಚ ಜೋರ್ ಮಾರ್ ಮಾಯಿತಿ ಭಾರ್ ನಿಕಳೋಜಕನ್ ಮನ್ ಮಾಲಮ್ ವೇಗಿ ಕನ್ ಕೋ
47
ಉ ಗೋಕನ್ ರೀಕೊನಿ ಕನ್ ಉ ಬೀರ್ ದೇಕನ್ ಧೂಜ್ತಿ ಆನ್ ಓರ್ ಮುಂಡಾಗೆ ಗೋಡಿ ವಾಳನ್ ಉ ಕಸೆನ್ ಚಿಪಲಿದಿಕೋ ಜನಾ ಉ ಕು ಆಚೋ ವೆಗಿಕೋ ಉವಾಶ್ ಜನ್ ಸೇರ್ ಮುಂಡಾಗ್ ಮಾಲಮ್ ಕಿದಿ.
48
ಜನಾ ಉ_ ಬೇಟಿ ತಾರ್ ವಿಶ್ವಾಸ್ ತೋನ್ ಆಚೊಕಿದೋ , ಸಮಾಧಾನೆತಿ ಜೋಕನ್ ಕೋ.
49
. ಉಉಜ್ಜಿ ವಾತೆ ಕರೋಜನಾ ದೇವೇರೆ ಘರೇಮಾ ಮಾಲಿಕೇರ್ ಘರೇತಿ ಎಕ್ಲೋಆನ್_ ತಾರ್ ಬೇಟಿ ಮರ್ಗಿ ಭೋದಾ ಕೆವಾಳೆನ್ ವೇಲಾದಮನ್ ಕನ್ ಓನ್ ಕೋ.
50
. ಯೇಸು ಓನ್ ಸಾಮಳನ್ _ ಚಮಕ್ಕತ್ ವಿಶ್ವಾಸಮೇತಿರ ಉ ಬಂಚನ್ ಕನ್ ಕೋ.
51
ಉ ಘರೇಮಾ ಆಯೋಜನಾ ಪೆತ್ರು ಯೋಹಾನ್ ಯಾಕೋಬ್ ಕಜೇನ್ ಓ ನಾನ್ ಕಿರ್ ಯಾಡಿ ಬಾಪೇನ ಚೋಡಾನ್ ದುಸರ ಕೇನಿ ತೋಯಿ ಮಾಯಿ ಆಯೆದಿನೋ ಕೋನಿ.
52
ಸೇ ರೂನ್ ಓರ್ ವಡಿ ದುಂಖ್ ಪಾರೇಜನಾ ದೇಕನ್ _ ರೋಮತೋ ಉ ಮರಿಕೋನಿ ಪಣ್ ನಿಂದ್ಲೇರಿಚ್ ಕನ್ ಕೋ.
53
ಉ ಮರ್ಗಿಛಕನ್ ಮಾಲಮ್ ಕರ್ ಲೇನ ಓನ ಟಟ್ಟ ಕೀದೆ.
54
. ಜನಾ ಉ ಓರ್ ಹಾತ್ ಝಲನ್ _ ನಾನ್ ಕಿ ಉಟಕನ್ ಕೆತೇಖಂ ಓರ್ ಧಮ್ ಫರನ್ ಆಯೋ.
55
ಉ ಜನಾಜ್ ಬಂಚಗಿ ಜನ ಉ ಓನ ಖೋರತಿ ಫಾಲೋ ಕನ್ ಆಜ್ಞಾ ದಿನೋ.
56
ಓರ್ಯಾಡಿ ಬಾಪ್ ವಿಚಿತ್ತರ್ ಪಡೆ. ಜನಾ ಚಾಲಿಚೆನ್ ಕೇನಿತೊಯಿ ಕೇವಣು ಕೋನಿಕನ್ ಉನೆನ ಆಜ್ಞಾ ದಿನೋ. ಪಾಣ್ ದೇವ್ ಓನ್ -ವೆಂದೋ ತು, ಆಜ್ರಾತ್ ತಾರ್ ದಂ ಚೋದೇನ್ ತಾತಿ ಪುಚತೋ;ಜನ ತು ಕಮಯೋ ಜಕೋ ಆಸ್ತಿ ಕೇರ್ ವೆಜ ಕನ್ ಓನಕೋ .