¹ . ಊ ಓರ್ ಜನುನ್ ಪೂರೋ ಸಮಳಾಯೋ ಜೇರ್ ಪಚ್ ಕಪೆರ್ನು ಹುಮೇನ್ ಆಯೋ. ² . ಏಕ್ ಸೋ ಸಿಪಾಯಿರೋ ಸರ್ದಾರೆರ್ ಪ್ರೇಮೇರ್ ಬಾಂಯಾ ರೋಗೆತಿ ಷಡನ್ ಮೋತೇರ್ ವೇಲಾ ಕರೋ. ³ .ಸೋಸಿಪಾಯಿರೋ ಸರ್ದಾರ ಯೇಸುರ ವಾತೆ ಸಾಮಳನ್ ಯೇಸು ಆನ್ ಓರ್ ಬಾಂಯನ್ ಅಚೋ ಕರ್ನೋಕೇನ್ ಓನ್ ನೋರಾ ಕರೇನ್ ಯುದುಲೆರ್ ಮೂಟೇ ನ್ ಓರ್ ಡೈ ಮೆಲೋ. ⁴ ಓ ಯೇಸುಕನ್ ಆನ್ ತೋತಿ ಈ ಭಲಾಯಿ ಲೆಲೆನ ಊ ಛ ಜೆಚ. ⁵ . ಊ ಅಪಣ್ ಜನುನ್ ಪ್ರೇಮ್ ಕರನ್ ಆಪನೇಯ ದೇಳೀರೋ ಘರ್ ಊಜ್ ಬಂದಾಯೋ ಕೇನ್ ಓತ್ತಿ ಕೇನ್ ಘನೋ ನೋರಾಕಿದೆ. ⁶ ಜೇರ್ವಾಸ್ ಯೇಸು ಊನೇರ್ ಸೋಭತ್ ಗೋ ಊ ಓ ಘರೇ ಡೈ ಆಯೋಜನಾ ಸೋ ಸಿಪಾಯಿಕೂ ಸರ್ದಾರ್ ಓರ್ ದೊಸ್ತಿಯೂನ್ ದೇಕನ್ ತಮ್ ಓರ್ ಡೈ ಜಾನ್ ಪ್ರಭು ವೇಲಾ ಪಾಮತ್ ತು ಮಾರ್ ಘರೇಮಾಯಿ ಆಯೇನ ಮ ಛಾಜೂನಿ. ⁷ ಸಜೆರ್ ವಾಸ್ತಾರ್ ಡೈ ಆಯೇನ ಛಜೆವಾಳೋ ಕನ್ ಮ ಕೆಲ್ದೋ ಕೋನಿ ಪಣ್ ತು ಏಕ್ ವಾತ್ ಕಸ್ತೋಜ್ ಮಾರ್ ಬಾಂಯಾ ಆಚೋವಚ, . ⁸ ಮ ಸದಾ ಹಕಮೇರ್ ಹೆಟ್ ರೂತೋಯಿ: ಮಾರ್ ಹಾತೆ ಹೆಟ್ ಸದಾ ಸಿಪಾಯಿ ಚ ; ಮ ಏಕೆನ್ ಜೋಕೆನ್ ಕುತೋ ಜಾವಚ ಏಕೇನ್ ಆಕನ್ ಕುತೋ ಅವಚ : ಮಾರ್ ಬಾಂಯನ್ ಈ ಕರ್ ಕನ್ ಕೂತೋ ಕರೇಚ ಕನ್ ಮ ಕೋಕನ್ ಓನೇಕನ್ ಊನೆನ್ ಮೆಲೊ. ⁹ . ಯೇಸು ಏ ವಾತ್ ಸಾಮಳನ್ ಓರ್ ಕಾರ್ಣ ಪವಿತ್ತರ್ ವೇನ್ ಓರ್ ಲಾರ್ ಆರೇಜೇ ಜನೊರ್ ಮಾಳಯೇ ಸಾಮ್ ಪರನ್ _ ಇಸ್ರಾಯೇಲೇಮಾ ಸದಾ ಅತ್ರಾ ಮೊಟೂ ವಿಶ್ವಾಸ್ ಮ ದಿಟೋಕೋನಿ ಕನ್ ತಮೇತಿ ಕರೋಚು ಕನ್ ಕೋ. ¹⁰ . ಮೇಲೋಜಕೋ ದೋಸ್ತಿವಾಳ್ ಪರೇನ್ ಪರನ್ ಅನ್ ಉ ಬಂಯಾ ಆಚೋ ವೇನ್ ರಾಜೇನ್ ದಿಟೋ. ಮರ್ಗೋಜಕೋ ಮೊಟ್ಯಾರೆನ್ ವಟಾದೀರ್ ¹¹ . ಥೋದ್ಸೆಕ್ ವಗತೆರ್ ಪಚ್ಹಉ ನಾಯಿನ್ ಗಾಮೇನ್ ಗೋ ಓರ್ ಚೇಲನ ಘನೇ ಜನೇರ ಮಾಳಾವೋ ಓರ್ ಸಾತ್ ¹² ಉ ಗಾಮೆಡೈ ಆಯೋ ಜನಾ ಮರ್ಗೊಜಕೋ ಏಕ್ ಅದ್ಮಿನ್ ಬುರೇನ್ ಪಾಲ್ದೇನ್ ಜಾರೇತೆ ಓರ್ ಯಾಡಿನ್ ಉ ಎಕ್ಲೋಜ್ ಬೇಟಾ ಉರಾಂಡ್ ಬೀರ್ ಓ ಗಾಮೇರ್ ಘಣೆ ಜನ್ ಓರ್ ಲಾರ್ ಆಮಲೆ. ¹³ ಓನ್ ದೇಕೆನ್ ಓರ್ ಉಂಪರ್ ಮೇರ ಕರನ್ _ ರೋಮತ್ ಕನ್ ಓನೇಕನ್ ದಂಯೋ ಆನ್ ಖಾಟೆನ್ ಚಿಪತೇಖಂ ಪಾಡೆವಾಳ್ ಹುಬ್ರೇಗೇ. ¹⁴ ಸಾನ್ಕ್ಯಾ ಉಟಕನ್ ಮ ತೋನ ಕೇರೋಚು ಕನ್ ಯೇಸು ಕೇತೇಖಂ, ¹⁵ ಉ ಮರ್ಗೋ ಜಕೋ ಉಟನ್ ಬೇಸನ್ ವಾತೆ ಕರೇನ್ ಲಾಗೋ: ಯೇಸು ಓನೆ ಓರ್ ಯಾಡಿನ್ ಹವಾಲ್ ಕಿದೋ. ¹⁶ ಸೇ ಚಮಕನ್ ಅಪನೇಮ ಮೋಟೋ ಭಕ್ತಿದಾರ್ ನಿಕಳೋಚ ಕನ್ ದೇವ್ ಓರ್ ಜನೂನು ದರ್ಶನ್ ದಿನೋ ಕನ್ ದೇವನೇ ಮಹಿಮಾ ಕಿದೇ. ¹⁷ ಚೆರ್ವಾಸ್ ಈ ವಾತ್ ಯೂದಾಯಾ ಸಾರಿ ಮಲ್ಕೆಮ ಅಗಲ್ ಬಗಲ್ ಸಾರಿ ಮಲ್ಕೂಮ ಮಾಲಮ್ ವೇಗಿ. ಬಾಪ್ತಿಸಂ ದಿನೋಜಕೋ ಯೋಹಾನ್ ¹⁸ . ಇಂದೆನ್ ಸೇ ಯೋಹನೇರ್ ಚೇಲಾ ಓನ್ ಮಾಲಂಕಿದೇಜನ ಯೋಹಾನ್ ಓರ್ ಚೆಲಾವೋ ದೀಯೆನ್ ಬಲಾನ್, ¹⁹ ಉಂದೆನ ಪ್ರಭುರ್ಡಾಯಿ ಮೆಲನ್ ಆಯೇವಾಳೋ ತುಜ್ ಕೇ? ಕೋನಿ ಹಮ್ ಉಜ್ಜೀಕೆರ್ ವಾಟ್ ದೇಕಣುಕ ? ಕನ್ ಪುಚೇನ್ ಮೆಲೋ. ²⁰ ಓ ಆದ್ಮಿ ಓರ್ ಡೈ ಅನ್ ಅವಸ್ ಜಕೋ ತುಜ್ ಕಾಯಿ? ಕೆಹಮ್ ಉಜ್ಜೀಕೆರ್ ವಾಸು ದೇಕಣು ಕೇನ್ ಪೂಚೆನು ಬಾಪ್ತಿಸಂ ದಜಕೋ ಯೋಹಾನ ಹಮೇನ ತಾರ್ ಡೈ ಮೇಲೋಕನ್ ಕೇ. ²¹ ಓ ಉ ವರ್ಗುತೆ ಪರನ್ ರೋಗೆವಾಳೆನ ವೇಲಾಚಜೇನ ಭೂತ ಲಾಗ್ರೇಜೇನ್ ವಾರ್ಸೆಕ್ ಆದ್ಮಿನ್ ಯೇಸು ಆಚೋ ಕರನ್ , ಆಸ್ಮಾನ್ ಆದ್ಮಿ ಕಾಣೆನ್ ನಂಜರ್ ದಿನ ²² . ಜನಾ ಉ ತಮ್ ಜಾನ್ ದಿಟೆಜೆನ್ ಸಾಮಳೆಜೇನ್ ಯೋಹಾನೆನ್ ಮಾಲಂ ಕರೋ ; ಕಾನೇ ನಂಜರ್ ಲೇಲೇರೇಜ್ ಮೋಟೋ ರೊಗೇವಾಳ್ ಆಚೋ ವೆಜಾರೇಚ್. ²³ . ಬೇರೇ ಸಾಮಳ್ರೆಚ್ ಮರ್ಗೆಜಕೋ ಉಟರೇಚ್ ಗರಿಬೇನ್ ಆಚ್ ಖಬರ್ ಮಾಲಂ ವೇಜಾರಿಚ್ ಮಾರ್ ಕಾಣ್ ವಿಶ್ವಾಸ್ ಚೋಡಜಕೋ ನಸಿಬ್ದಾರ್ ಕನ್ ಉನೇನ್ ಜವಾಬ್ ದೀನೋ. ²⁴ ಯೋಹಾನೆರ್ ಸೋಜಾ ಡಗರ್ ಗೇ ಜನಾ ಉ ಯೋಹಾನೆರ್ ಕಣ್ ಜನೂರ್ ಮಳಾವುನ್ಹನುಕೇನ್ ಸರೂಕಿದೋ_ ತಮ್ ಕಾಯಿ ದೇಕೇನ್ ಅಡವಿನ ಗೇ ವಾಳೆತಿ ಹಾಲ್ರಿಜಕೋ ಸಿಂಕಳಿನ ಕಾಂಯಿ ²⁵ . ಫಚ್ ಕಾಯಿ ದೇಕೇನ್ ಗೇತೆ ? ಪಾತ್ಲು ಲತ್ತಾ ಪೆರ್ಲೇನ್ ಛಕೋ ಮನಕ್ಯಾನ್ ಕ? ಪಾತ್ಲೋ ಲತ್ತಾ ಪೆರ್ಲೇನ್ ಸೋಕೇತಿರೆವಾಳೋ ರಾಜೇರ್ ಘರೇಮಾ ರಭ. ²⁶ . ಫಣ್ ಫರನ್ ಕಾಯಿ ದೇಕೇನ್ ಗೆತೆ ? ಭಕ್ತಿ ದಾರೇನ್ ಕಾಯಿ ? ಹಾವ್ : ಪಣ್ ಭಕ್ತಿ ದಾರೇತಿ ಮೋಟೋ ಚುಕನ್ ತಮೇನ್ ಕೇರೋಚು. ²⁷ ಇದೇಕ್, ಮ ಮಾರ್ ಸೋಜಾನ್ ತಾರ್ ಆಂಗ ಮೇಲ್ರೋಚು ಉ ತಾರ್ ಆಂಗ ತಾರ್ ವಾಟ್ ತಯ್ಯಾರ್ ಕರಚ ಕನ್ ಕೇರ್ ಕಾಣ್ ಲುಕ್ಮೇಲೆಚ್ಕೊ ಉಚ್ ಈ ಯೋಹಾನ್. ²⁸ . ಬೀರ್ ಜಣಿಜೇಮಾ ಯೋಹಾನೇತಿ ಮೋಟೋ ಕೊಯಿಛೆನಿ ಫಣ್ ದೇವೇರ್ ರಾಜೇಮಾ ಕಮ್ ಚಜಕೋ ಓತಿ ಮೋಟೋಕನ್ ತಮೇಲೆ ಕೇರೋಚು. ²⁹ ಜನ ಸೇ ಸುಂಕರಿಯನ್ ಯೋಹಾನೇರ್ ಬೋದಾ ಸಾಮಳನ್ ಉದಿನೋಜೆ ಬಾಪ್ತಿಸಂ ಲೇಲೇನ್ ದೇವ್ ನೀಯತೇದಾರ್ ಕನ್ ಒಪ್ಲಿದೇ. ³⁰ . ಫಣ್ ಪರಿಸಯೂರ್ ಧರಂಶಾಸ್ತ್ರ ಸಿಕಾಯೇವಾಳನ್ ಓರ್ ಹಾತೆತಿ ಬಾಪ್ತಿಸಂ ನಲಜು ಉನೇರ್ ಕಾಂ ದೇವೇರ್ ಸೋಸೇನ್ ಚೆಟಿಕರ್ ದೀನೇ. ³¹ . ಜೇರ್ವಾಸ್ ಎ ಪಿಡೀರ್ ಆದ್ಮಿ ಕೇರ್ ಸರೀಕ್ ಚಕನ್ ಕು? ಓ ಕೇರ್ ಛ.? ³² ಬಜಾರೇಮಾ ಬೇಸಸ್ ತಮೇನ್ ವಾಸಳಿ ಬೋಲಾಯೇ ಪಣ್ ತಮ್ ನಾಚೆಕೋನಿ ಹಮ್ ರೋಯೇ ಪಣ್ ತಂ ರೋಯೇಕೊ ಕನ್ ಎಕೆನ್ ಎಕ್ ಕೆಲೇನ್ ಬಲಾವಜೆ ಚಛಯಾಬರೇರ್ ಚೊ. ³³ ಬಾಪ್ತಿಸಂ ದಜಕೋ ಯೋಹಾನ್ ಆಯೋ ಉ ಬಾಟಿ ಖಾದೋಕೋನಿ ಅಂಗೂರ್ ರಸ್ ಪಿದೋಕೋನಿ ಜೇರ್ವಾಸ್ ಭೂತ್ ಲಾಗಂಜಕೋ ಕೇನ್ ತಮ್ ಕೇರೇಜೋ , ³⁴ ಮನಕ್ಯಾರ್ ಬೇಟಾ ಖಾತೋ ಪಿತೋ ಆಯೋ ; ಜೇರ್ವಾಸ್ ತಮ್ ಇದೇಕ್ , ಈ ಖಾವುಮಿತ್ ಸುಂಕರಿಯಾವುರೋ ಪಾಪಿಯೂರೋ ದೋಸ್ತಿ ಕನ್ ಕೆರೆಚೋ. ³⁵ . ಆತೋಯಿ ಗೇನ್ ಗೇನ್ಕೇನ್ ಓರ್ ಸೇ ಬೇಪ್ಪಾತಿ ಮಾನ್ಸೇರ್ ವಚ್ಚಕನ್ ಕೊ. ³⁶ . ಪರಿಸಾಯಾಮ್ ಏಕ್ ಓರ್ ಸಾತ್ ಖಾನೋ ಖಾಯೇನ ಯೇಸುನ ಬಲಾಯೋ ಉ ಪರಿಸಾಯೂರು ಘರೇಮಾ ಖಾನೋ ಖಾದೋ. ³⁷ . ಜನಾ ಪಾಪೇಮಾ ಬಂಚರೀಜಕೋಏಕ್ ಬೀರ್ ಓ ಗಾಮೇಮಾರ ಯೇಸು ಪರಿಸಾಯುನ್ ಘರೆಮಾ ಖಾನೋ ಖಾಯೆನ್ ಬೆಟೋಚಕೇನ್ ಉ ಏಕ್ ಸಿಸಿ ಭರನ್ ಅತ್ತರ್ಲೇಲೇನ್ ಆನ್. ³⁸ ಓರ್ ಪಗೇರ ಬಗಲ್ ಪಾಚೇರ್ವಡಿ ಹುಬ್ರೇನ್ ರೊತಿ ರೋತಿ ಓರ್ ಪಗೇನ ಓರ್ ಅಂಕಿರ್ ಹಾಂಸುತಿ ಭಿಜೋಡನ್ . ಓರ್ ಮಾತೇರ್ ಲಟ್ತಾತಿ ಲೂನ್ ಓರ್ ಪಗೆನ್ ಚೂಮನ್ ಅತ್ತರೆರ್ ತೇಲ್ ಲಗಾಡಿ . ³⁹ ಓನ್ ಬಲಾಯೇಜಕೋ ಪರಿಸಾಯೂ ಓನ್ ದೇಕೇನ್ ಈ ಭಕ್ತಿದಾರ್ ರೋವತೋ ಓನ್ ಚಿಪಿಜಕೋ ಈ ಬೀರ್ ಕುಣ್ ಕೋ, ಕನ್ ಮಾಲಮ್ ವೇನ್ರತೋ ಈ ಪಾಪಣಿಕನ್ ಮಾಲಮ್ ವೆನ್ರೇತೋ ಕನ್ ಓರ್ ದಲ್ಲೆಮಾ ಕೇಲಿದೋ. ⁴⁰ . ಜೇರ್ವಾಸ್ ಯೇಸು _ ಸೀಮೊನ್ ತೋನ್ ಎಕ್ ವಾತ್ ಕೇನೋಕನ್ ಕೆಲೆರೋಚು ಕನ್ ಓನ್ ಕೆತೆಖಂ ಉ ಬೋದಾ ಕೇವಾಳೋಕ ಕನ್ ಕೋ. ⁴¹ .ಜನಾ ಯೇಸು _ ಎಕ್ ಸಾವುಕಾರೆನ ಧೀ ಕರಜ್ದೆವಾಳ್ ರೇ ಉಂದೇಮಾ ಏಕ್ ಪಾಂಸೇ ರಪ್ಯನ್ ಉಜ್ಜೆಕೋ ಪಚ್ಚಾಸ್ ರಪ್ಯ ದೇರೋರ . ⁴² . ಉ ಕರಜೆನ ಫೆದೇನ್ ಉನೇರ್ ಡಂಯಿ ಕಾಂಯಿ ರಕೋನಿ ಜೇರ್ವಾಸ್ ಉ ದೋಯಿನ್ ಮಾಪ್ ಕಿದೋ ; ಜೇರ್ವಾಸ್ ಉ ಇನೇಮಾ ಕೂಣ್ ಓನೆ ಜಾದಾಪ್ರೇಮಾ ಕರಚ್ ಕೇನ್ ಕ ಕೇನ್ ಪೂಚೋ. ⁴³ . ಜೇರ್ವಾಸ್ ಸಿಮೋನ್ ಉ ಜಾದಾ ಮಾಪ್ ಕಿದೋ ಕೋ ಉಜ್ ಕನ್ ಮ ಕೇಲೇರೋಚು ಕನ್ ಕೇತೇಖಂ ಉ ತು ಸಮ್ಮೊರಜ್ ಸೊಂಚಕಿದೋ ಕನ್ ಒನ್ ಕೇನ್. ⁴⁴ . ಓ ಬೀರೇ ಸಾಮ್ ಫರನ್ ಸಿಮೋನೆನ್ ಹನುಕೋ ಎ ಬೀರೇನ್ ದೇಕ್ ರೋಚಿ ಕಾಯಿ ? ಮ ತಾರ್ ಘರೇಮಾ ಆವತೇಖಂ ತು ಮಾರ್ ತಾಂಗೆವಾಸ್ ಪಾಣಿ ದಿನೋಕೋನಿ ಪಣ್ ಈ ಓರ್ ಅಂಕಿರ್ ಹಾಂಸುತಿ ಮಾರ್ ಪಗ್ ಬಿಜೋಡನ್ ಓರ್ ಮಾತ್ತೇರ್ ಲಟ್ತಾತಿ ಲೂಯಿ. ⁴⁵ . ತು ಮನ್ನ ಚುಮೋಕೋನಿ ಪಣ್ ಈ ಮ ಮಾಯಿ ಆಯೋಜನ್ನಾತಿ ಮಾರ್ ಪಗೇನ್ ಚೂಮರ್ ಥಾಮಿಕೋನಿ. ⁴⁶ . ತು ಮಾರ್ ಮಾತ್ತೇಪಾರ್ ತೆಲ್ ಲಗಾಡೋ ಕೋನಿ ಪಣ್ ಈ ಮಾರ್ ಪಗೆನ ಅತ್ತರೇರ್ ತೇಲ್ ಲಗಾಡಿ. ⁴⁷ . ಉ ಘಣ್ ಪ್ರೇಮ್ ಕೀದೀ ಜೇರ್ದಾಸ್ ಓರ್ ಘಣ್ ಪಾಪ್ ವೇಗಿ ಕನ್ ತೋನ್ ಕೇರೋಚ್ ; ಕೇನ್ ದಸ್ಸೇಕೋ ಮಾಪ್ ವಚಕೋ ಉ ದಾಸೇಕೋ ಪ್ರಮ್ ಕರಚ ಕನ್ ಕೇನ್. ⁴⁸ . ತಾರ್ ಪಾಪ್ ಮಾಪ್ ವೇಗಿ ಕನ್ ಓ ಬೀರೇನು ಕೋ. ⁴⁹ . ಜನಾ ಓರ್ಲಾರ ಟೆಳೆಮಾ ಬೆಟ್ಟಿಜಕೋ ಪಾಪೆನ್ ಮಾಪ್ ಕರೆನ ಈ ಕುಣಿ ಕನ್ ಉನೇರ ಮಾಯಿ ಕಲ್ದೇ. ⁵⁰ ಯೇಸು ಉ ಬೀರೇನ ದೇಕನ್ ತಾರ್ ವಿಶ್ವಾಸ್ ತೋನ ರಕ್ಷಣ್ ಕೀದೋ ಸಮಾಧಾನೆತಿ ಜೋಕನ್ ಉ ಬೀರೇನ್ ಕೋ.