¹ ಜನಾ ಓಸೇ ಉಟನ್ ಓನ್ ಪಿಲಾತು ಕನ್ ಲೇಜಾನ್,ಈ ಹಮಾರ್ ಜನೂನ್ ಬಲ್ಲಾ ವಾಟೆಮಾ ಚಲಾವತೋ ಕೈಸರೆನ್ ಕರಾರ್ ನದೇನು ಕನ್ ಕೆರೋಜನಾ. ² ಉಜ್ ಕ್ರಿಸ್ತೂಕಜಕೋ ಎಕ್ ರಾಜ್ ಕನ್ ಕೆರೋಜನಾ ಹಂ ಸಾಮಳನ ಓರ್ ಉಪರ್ ಕಸೂರ್ ಟೆರಾಯೇನ್ ಸರೂಕಿದೇ. ³ ಪಿಲಾತು -ತು ಯುದಲೇರ್ ರಾಜ್ ಕಾಂಯಿ ?ಕನ್ ಓನ್ ಪೂಚೋಜನಾ ಉ -ತು ಕೆರೋಜುಚ್ ಕನ್ ಓನ್ ಕೊ . ⁴ ಉ ಮೋಟೋಯಾಜಕುತಿ ಜನೂರ್ ಮಳಾಯೇತಿ ಈ ಮನಕ್ಯಾಮಾಮನ್ ಕುಣ್ಸಿ ಚುಕ್ ದಕಾಯೋ ಕೊನಿಕನ್ ಕೊ. ⁵ ಪಣ್ ಓ -ಈ ಗಲಿಲಾಯ ಮಲ್ಕೆತಿ ಅತ್ತೆಲಗು ಯುದಾಯ ಸಾರಿ ಮಲ್ಕೆಮಾ ಸಿಖಾವತೋ ಜನೂನ್ ಬಿಗಾಡ್ರೋಚ ಕನ್ ಉಜ್ಜಿ ಜೋರೆತಿಕೆ . ⁶ ಪಿತಾತ್ ಈವಾತ್ ಸಾಮಳನ್ -ಈ ಆದ್ಮಿ ಗಲಿಲಯರೋ ಕಾಂಯಿ?ಕನ್ ಪೂಚನ , ⁷ ಉ ಹೆದೋರೆರ್ ಹಕಮೆಹೆಟ್ ರಜಕೋ ಮಲ್ಕೆವಾಳೋ ಕನ್ ಮಾಲಂ ಕರಲೆನ ಹೇರೋದ್ ಓನ್ ಮೇಲೋ ಹೇರೋದ್ ಓ ದಾಡುಮಾ ಯೆರುಶಲೆಮೆಮಾರ . ⁸ ಹೇರೋದ್ ಯೇಸೂನ ದೇಕನ ಘನೋ ಖುಷಿ ವೇಗೋ ,ಓರ್ ಕಾಣ್ ಘಣ್ ವಾತೆ ಸಾಮಳೋ ಜೆರ್ವಾಸ್ ಉ ಕಾಂಯಿ ತೋಯಿ ಎಕ್ ವಿಚಿತ್ತರ್ ಕಾಂ ಕರತೋ ದೆಕೆನ್ ಆಸಾಕಿದೋ ;ಘನೋದಾಡೆತಿ ಓನ್ ದೇಕನು ಕನ್ ಕೆಲ್ದೋತೋ ⁹ ಓನ ದಿಟೋಜನಾ ಘಣ್ ಸವಾಲ್ ಪುಚೋತೊಯಿ ಉ ಓರ್ ಉಪರ್ ಜಾದಾ ಕಸೂರ ಟೆರಾಯೇ. ¹⁰ ಮೋಟೋ ಯಾಜಕ್ ಪಂಡಿತ್ ಹುಬ್ರೆನ ಓರ್ ಉಪರ್ ಜಾದಾ ಕಸೂರ ಟೆರಾಯೇ ¹¹ ಹೆರೋದ್ ಓರ್ ಮಾಯಿತಿ ಭಳನ್ ಓನ್ ಹಳ್ಕೊಕರನ್ ಕಟ್ಟಕರನ್ ಓನ್ ಘನೋ ದಾಮೆರ್ ಲತ್ತಾ ಪೇರಾನ್ ಪಿಲಾತುಕನ್ ಫರನ್ ಮೇಲೋ . ¹² ಓರ್ ಅಂಗ್ ಪಿಲಾತುನ ಹೆರೋದ್ ನ ಎಕ್ಸೆ ಎಕ್ ದುಶ್ಮನ್ ರೇನ ಓ ದಾಡಜ್ ಎಕೆನ್ ಎಕ್ ದೋಸ್ತಿವಾಳ್ ವೇಗೆ. ¹³ ಜನಾ ಪಿಲಾತ್ ಮೋಟೋ ಯಾಜಕೆನನ್ ,ಹಕಂದಾರುನ್ ಜನೂನ್ ಬಲಾಮುಗಾನ್. ¹⁴ ಉನೆನ -ಜನಾ ಹೊಟೋಫರ್ ಪಡಜು ಕರ್ ರೋಚಕನ್ ತಮ್ ಈ ಆದ್ಮಿನ್ ಮಾರ್ ಡಾoಯಿ ಲಾಯೇಚೋಪಣ್ ಇದೇಕ್ ಮ ತಮಾರ್ ಮುoಡಾಗ್ ಎನ್ ನೇವ್ ಕಿದೋ ಜನಾ ತಮ್ ಎರ್ ಉಪರ್ ಟೆರಾಯೇಜಕೋ ಚುಕೇಮಾ ಏಕಿ ಸದಾ ಮನ್ ಸಾಸೋ ದಕಾಯಿಕೋನಿ. ¹⁵ ಹೆರೋದನ್ ಸದಾ ದಕಾಯೋಕೊನಿ ;ಹೇರೋದ್ ಓನ್ ಫರನ್ ಹಮಾರ್ ಡಾoಯಿ ಮೇಲೋಚ ಕೊನಿ ಕಾಂಯಿ ?ಇದೇಕ್ ಮರೇನ ಚಾಜಜಕೋ ಕುನ್ಸಿತೊಯಿ ಈ ಕಿದೊಕೊನಿ. ¹⁶ ಜೆರ್ವಾಸ್ ಮ ಓನ ಮಾರನ್ ಚೋಡಾದುಚು ಕನ್ ಉನೇನ್ ಕಜನಾ ¹⁷ ಹರ್ಯೇಕ್ ತೇವಾರೆಮಾ ಉನ್ದೆರ್ವಾಸ್ ಎಕ್ಕೆನ ಉ ಚೋಡ್ ದೇರ್ ಹೆವಾ ರಜೆತಿ ಹನೂಕೋ. ¹⁸ ಜನ್ ಸೇ ಓನ ಸಾಮಳನ್ ಏನ್ ಚೆಟಿಕರ್ ಬರಬ್ಬಾನ್ ಹಮಾರ ವಾಸ್ ಚೋಡ್ ದಕೆನ್ ಜೋರೆತಿ ಕೇ . ¹⁹ ಈ ಶೇರೆಮಾ ಕರಾಯೇಜೆ ಗಡ್ ಬಿಡೆರ್ ಕಾಣ್ ನರಹತ್ಯಾರ್ ಕಾಣ್ ಖೈದೆಮಾ ಘಟ್ಮೊಲೇಜಕೋ ಆದ್ಮಿ . ²⁰ ಪಿಲಾತ್ ಯೇಸುನ ಚೋಡಾಯೇನ್ ಆಸಾಕರನ್ ಉನೇತಿ ಘರನ್ ವಾತೆಕಿದೊತೊಯಿ ಸದಾ , ²¹ ಓ-ಏನ್ ಸಿಲ್ವಾಪರ್ ಮಾರ್ ,ಸಿಲ್ವಾಪರ್ ಮಾರ್ ,ಕನ್ ಕಲ್ಕಾರಿ ಮಾರೇ. ²² ತಿನ್ಮೋ ಹಪ್ತಾ ಉ -ಕಸೇನ ?ಈ ಕಾಂಯಿ ಬಲ್ಲಾಕಾಂ ಕಿದೋ ?ಈ ಮಾರೇನ್ ಚಾಜಜಕೋ ಕಸೂರ್ ಕುಣ್ಸಿ ಸದಾ ಮನ್ ದಕಾಯಿಕೊನಿ ಜೆರ್ವಾಸ್ ಎನ್ ಮಾರನ್ ಕನ್ ಉನೇನ್ ಕೋ ²³ ಪಣ್ ಓ ಎಕ್ಕಜ್ ಘೋಗೇತಿ ಮೋಟೋ ಕಲ್ಕಾರಿ ಮಾರನ್ ,ಎ ಸಿಲ್ವಾಪರ ಮಾರ್ಕಾನ್ ಪೂಚೆಜನಾ ಉನೇರ್ ಕಲಾಕಾರಿಜ್ ಜಿತ್ಗಿ . ²⁴ ಜೆರ್ವಾಸ್ ಓ ಪೂಚಜು ವೇಣು ಕನ್ ಪಿಲಾತ್ ನೆವ್ಕೆನ್ , ²⁵ ಗಡ್ ಬಡೆರ್ವಾಸ್ ಓ ಆದ್ಮಿನ್ ಮಾರ್ನಾಕೋ ಜೆರ್ಕಾಣ್ ಖೈದೆಮಾ ಘಾಲ್ ಮೇಲೆಜಕೋ ಬರಬ್ಬಾಬೇನ್ ಓ ಪೂಚಜು ಉನೇರ ವಾಸ ಚೋಡಾನ್ ಉನೆರ ಖಾತರ ಅವಜು ಕರೆನ ಯೇಸುನ ಉನೆನ ಹವಾಲ್ ಕಿದೋ . ²⁶ ಯೇಸುನ್ ಲೆಜಾರೆಜನಾ ಖೆತೆಮಾತಿ ಆರೋಜಕೋ ಕುರೆನಿಯಾವಾಳೋ ಸಿಮೋನ್ಕನ್ ಕಜಕೋ ಎಕೇನ್ ಪಕಡನ್ ,ಯೇಸುರ ಲಾರ್ ಸಿಲ್ವಾ ಪಾಡೇನ್ ಓರ್ ಉಪರ್ ಓನ್ ಮೇಲೇ . ²⁷ ಘಣ್ ಜನೂರ್ ಮಳಾವೋ ಓರ್ ವಾಸ್ ಛಾತಿ ಫೋಡ್ಲೇನ್ ರೋವತೆ ರಜಕೋ ಘಣ್ ಬಿರೇ ಓರ್ ಲಾರ್ ಗೇ. ²⁸ ಯೇಸು ಉನೇರ್ ಸಾಮ್ ಫರನ್ ಯರೋಶಲೆಮೆರ್ ಬೇಟಿಯೋ ತಮ್ ಮಾರ್ ವಾಸ್ ರೋವೊಮತ್ ತಮಾರ್ ಕಾಣ್ ತಯಾರ್ ಚಚ್ಯಾಬರೆರ್ ವಾಸ್ ರೋವೋ . ²⁹ ಇದೇಕ್ -ವಾಂಜ್ ವಿನ್ ಪೇಟೆತಿ ವಿಕೋನಿಜಕೋ ,ದುದ್ ಪರಾಯಿಕೊನಿಜಕೋ ನಸಿಬೇವಾಳ್ ಕನ್ ಕೆರೋ ದಾಡ್ ಆವಚ . ³⁰ ಉ ದಾಡೆಮಾ ಜನ್ ಹಮಾರ್ ಉಪರ್ ಪಡೋಕನ್ ಮೋಟೋ ಗಟ್ಲಾತಿ ಹಮೇನ್ ಬೂರ್ ದೋ ಕನ್ ಗಟ್ಲಾತಿ ಕೇನ್ ಲಾಗಚ. ³¹ ಓ ನಿಲೋ ಝಾಡೇನ್ ಹನೂ ಕರತೋ,ಸುಕಾರೋಜೆನ್ ಕಾಂಯಿ ಕರಚ್ ಕೊ ?ಕನ್ ಕೋ. ³² ಉಜ್ಜಿ ದೀ ಆದ್ಮಿನ ಓರ್ಸಾತ್ ಮಾರ್ ನಾಕೆನ್ ಲೇಗೆ ,ಓ ಖುನಿ ಕಿದೇಜಕೋ. ³³ ಓ ಮಾತೆರ್ ಖೊಬ್ರಿ ಕಜೆ ಜಾಗೆಮಾ ಆಯೇಜನಾ ,ಓ ಖುನಿಕಿದೆಜೇನ್ ವತ್ತ ಜಮಣ್ ಪಾಕ್ತಿಸಾಂ ಎಕೇನ್ ,ಡಾವ್ ಪಾಕತಿ ಎಕೇನ್ ,ಓರ್ ಸಾತ್ ಸಿಲ್ವಾಪರ್ ಮಾರೆ. ³⁴ ಯೇಸು -ಬಾಪೂ ,ಎಕಾಂಯಿ ಕರ್ರೆಚಕೋ ಉನೇನ್ ಮಾಲಂ ಚೇನಿ .ಜೆತಿ ಇಂದೆನ್ ಮಾಪ್ಕರ್ ಕನ್ ಕೋ ;ಓ ಓರ್ ಲತ್ತಾನ್ ವoತೋಪಾಡೆನ್ ಚಿಟಿನಾಕೆ. ³⁵ ಜನ್ ಹುಬ್ರೇನ್ ದೇಕ್ ತೇರ ಹಕಂ ದಾರಿಯು -ಈ ಫರಲೆನ್ ರಕ್ವಾಳ್ ಕಿದೋ ;ನಿಯಮ್ಕಿದೊಜಕೋ ಕ್ರಿಸ್ತೂವತ್ತೋ ಓರ್ ಉಜ್ ರಕ್ವಾಳಿ ಕರ್ಲೆದಕೆನ್ ಟಟಾಕಿದೇ. ³⁶ ಜನಾ ಸಿಪಾಯಿ ಓರ್ ಡಾoಯಿ ಆನ್ ಓನ್ ಟಟ್ಟಕರನ್ ;ಓ ಓರ್ ಡಾoಯಿ ಆನ್ ಕಡಿಪಾಣಿನ ದಕಾಳನ್- ³⁷ ತು ಯೂದಲೇರ್ ರಾಜ್ ವಸ್ತೋ ತಾರ್ ತುಜ್ ರಕ್ಷಣ್ ಕರಲ್ ಕೇನ್ ಕೆ . ³⁸ ಈ ಯೂದೇರ್ ರಾಜ್ ಕನ್ ಲಕಿಣಿ ಸದಾ ಓಪರ್ ಲಕಾಮಲೇ . ³⁹ ಲಟ್ ಕಾಯಜೆ ಓ ಖುನಿವಾಳುಮಾ ಎಕ್ಲೋ ಓನ್ ಭಾಂಡ್ ತೋ-ತು ಕ್ರಿಸುಕೊನಿ ಕಾಂಯಿ ?ತಾರ್ ತುಜ್ ರಕ್ಷಣ್ ಕರಲೆನ್ ಹಮೇನಿ ಚೋಡಾ ಕನ್ ಕೋ . ⁴⁰ ಪಣ್ ದೂಸ್ರೋ ಓನ್ ದಲ್ ಕಾರನ್ -ತು ಸದಾ ಉಜ್ ಸಜಾ ಲೆರೋತೊಯಿ ದೆವೆನ ಚಂಕೆಸ್ನಿ ಕಾಂಯಿ? ⁴¹ ಅಪಣೆನ್ ವತೋ ಈ ಧರಮಜ್ ಅಪಣ್ ಕಿದೆಜಕೋ ಕಾಮೇನ್ ಚಾಜಜಕೋ ಪಳ್ ಲೇರೆಚ ಪಣ್ ಈಕಾoಯಿ ಚುಕ್ ಕಿದೊಕೊನಿಕನ್ ಕೇನ್ , ⁴² ಓನ್ ದೇಕನ್ -ಯೇಸು ,ತು ತಾರ್ ರಾಜ್ಯಮೆತಿ ಆವಸ್ ಜನಾ ಮನ್ ಹರ್ದೆಲಾ ಕನ್ ಕೋ. ⁴³ ಓನ್ ಯೇಸು -ತು ಆಜ್ ಮಾರ್ ಸಾತ್ ಪರದೈಸೆಮಾ ರೆಚಿಕನ್ ತೊನ ಸಾಸಿಜ್ ಕೆರೋಚು ಕನ್ ಕೊ . ⁴⁴ ಜನಾ ಕಂ ಜಾದಾ ದೊಪ್ಪೆರ್ ವೇಗಿ ,ಜನಾ ತಿನ್ ಗಂಟಾ ಜೇಲಗು ಉ ಸಾರಿ ಮಲ್ಕೆ ಉಪರ್ ಅಂದಾರೋ ವೇಗೋ . ⁴⁵ ದಾಡೋ ದಿಕಾಯೇನಿಜು ಬುರಾಗೋ ,ದೇವ್ ಳೆಮಾಯಿರ್ ಪರ್ದಾ ವಚೇತಿ ಚಿರಾಗಿ. ⁴⁶ ಜನಾ ಯೇಸು -ಮೋಟೋ ಆಟೆತಿ ಕಲ್ಕಾರಿ ಮಾರನ್ -ಬಾಪೂ ,ತಾರ್ ಹಾತೆಮಾ ಮಾರ್ ಆತ್ಮಾನ್ ಹವಾಲ್ ಕರ್ ದೇರೋಚುಕನ್ ಕೇನ್ ದಮ್ ಚೋಡ್ ದಿನೋ. ⁴⁷ ಸೋ ಸಿಪಾಯಿರೋ ಸರ್ದಾರ್ ವೆರೋಜಕೋ ದೇಕನ್ -ಈ ಆದ್ಮಿ ಸಾಸಿಜ್ ನಿಯತ್ ದಾರ್ ಕನ್ ಕೇನ್ ದೇವೆನ್ ದೊಗ್ದಿನೋ . ⁴⁸ ದೇಕೆನ್ ಭಳನ್ ಆಯೆಜಕೋ ಜನ್ ಸೇ ವೆರೋಜಕೋ ಕಾಮೆನ್ ದೇಕನ್ ಛಾತಿ ಕೂತ್ಲೆನ್ ಹೋಟೋಫರನ್ ಡಗರ್ಗೆ ⁴⁹ ಓನ ವಳಕ್ ಮೇಲೆಜಕೋ ಸೇನ್ ಗಲಿಲಯಿತಿ ಓರ್ ಲಾರ್ ಆಯೇಜಕೋ ಬಿರೆನ್ ಘಣ್ ಮ್ ಹುಬ್ರೇನ್ ದೇಕತೆರ. ಯೇಸುನ ಮಸಾಣೆಮಾ ಘಾಲೆರ್ ⁵⁰ ಯೋಸೇಪ್ ಕಜಕೋ ಎಕ್ ಆದ್ಮಿ ಅರಿಮತಾಯ ಕಜಕೋ ಯೂದೇರ್ ಶೇರೆಮಾ ವೆತ್ತೋ ಉ ಮೋಟೋ ಸಭಾವಾಳೊನ್ ,ಆಚೋನ್ ,ಆಚೋ ನೆಕಿದಾರನ್ ದೇವೆರ್ ರಾಜೇನ ದೇಕ್ ತೊರೆವಾಲೋನ್; ⁵¹ ಉ ಸಬಾಮಾ ಬೇಸೇವಾಳೋ ರತ್ತೊಯಿ ಓ ಕಿದೆಜಕೋ ಮತ್ರೆನ್ ಕಾಮೆನ್ ಮಾನೋಕೊನಿ . ⁵² ಈ ಪಿಲಾತು ಕನ್ ಜಾನ್ ಯೇಸುರ್ ಜೀವ್ ಡಾ ಮನ್ ದರಾನುಕನ್ ಪೂಚ್ಲೆನ್ , ⁵³ ಓನ್ ಹೇಟ್ ವತಾರನ್ ಪಾತ್ಲೋ ನಾರೇರ್ ಲತ್ತಾತಿ ವಿಂಟನ್ ,ಪೋಡಾಯೋಜೆ ಭಾಟಾರ್ ಮಸಾಣೆಮಾ ಘಾಲೋ ;ಓಮಾ ಕೆನಿ ಆಂಗ್ ಕನ್ನಾಯಿಜ್ ಘಾಲೇತೆಕೊನಿ. ⁵⁴ ಉ ದಾಡೋ ತಯ್ಯಾರ್ ಕರೇರ್ ದಾಡೋ ಸಬ್ಬತ್ ದಾಡೋಸರೋವೆನ್ ಥೋಡ್ ಸೇಕ್ ವಗತ್ ರ . ⁵⁵ ಜನಾ ಗಲಿಲಯಾತಿ ಒತ್ತ್ ಸದಾ ಆಯೆಜಕೋ ಬಿರೇಲಾರ್ ಜಾನ್ ಓ ಮಸಾಣೆಮಾ ಓರ್ ಜೀವ್ ಡಾನ್ ಕಿಂ ಘಾಲೇಕೋ ಓನ್ ದಿಟೆ . ⁵⁶ ಓ ಪರನ್ ಜಹಾನ್ ಸುಂತೇರ್ ಉದೆನನ್ಅತ್ತರೆರ್ ತೇಲೆನ ತಯಾರ್ ಕರನ್ ಹಕಮೆರ ನೈ ಸಬ್ಬತ್ ದಾಡೆಮಾ ಕಾಮ್ ನಕರಜು ರೇ .