¹ ಪಸ್ಕಾ ಕಜಕೋ ಬನಾ ಖಾಟ್ಟೆರ್ ಬಾಟಿರ್ ತೇವಾರ್ ಡಾoಯಿ ಆಯೋ. ² ಮೋಟೋ ಯಾಜಕನ ,ಶಾಸ್ರಿಯು,ಪಂಡಿತ್ ಜನೂತಿ ಚಮಕೇ ಜೆರ್ವಾಸ್ ಓನ ಮಾರ್ನಾಕೇನ ಸೋಸ ಕರ್ ತೇರ . ³ ಜನಾ ಬಾರೆ ಚೆಲಾವುಮಾ ರಜಕೋ ಇಸ್ಕರಿಯೂತ ಯೂದಾಮಾ ಸಾತಾನ್ ಆಯೋ. ⁴ ಜೆರ್ವಾಸ್ ಉ ಜಾನ ಓನ ಉನೇನ ಕು ಹವಾಲ್ ಕರ್ ಣು ಕೊ ;ಓರ್ ಕಾಣ್ ಮೋಟೋ ಯಾಜಕೇತಿ ಹಕಮ್ ದಾರೋತಿ ವಾತೆಕಿದೋ ⁵ ಓ ಖುಷಿವೆನ ಓನ ಪಿಸಾದೇನ ವಾತೆಕಿದೆ . ⁶ ಉ ಹನುಕರೆನ್ ಮಾನಲೆನ್ ಜನುರ್ ಮಳಾವೋ ನರಜನಾ ಓನ ಉನೇನ ಪಕ್ ಡಾದೆರ್ ಚಾಜಜಕೋ ವಕತ್ ದೆಕುಕಿದೋ . ಯೇಸು ಚೇಲಾವೂರ್ ಸೋಬತ್ ಅಖರಿರ್ ಖಾನೋಖಾಯೇರ್ ⁷ ಪಸ್ಕಾರ್ ಗೊರ್ಲಿ ಮಾರೇರ್ ಬನಾ ಖಾಟೋ ಬಾಟಿರೋ ದಾಡೋ ಆಯೋಜನಾ , ⁸ ಯೇಸು ಪೆತ್ರುನ್ ಯೋಹಾನೇನ್ ದೇಕನ್ -ತಮ್ ಜಾನ್ ಅಪಣ್ ಖಾಯೇನ ಪಸ್ಕಾನ್ ತಯ್ಯಾರ್ ಕರೋಕನ್ ಕೇನ್ ಉನೇನ ಮೆಲ್ದಿನೋ . ⁹ ಓ -ಹಂ ಕತ್ತ ತಯ್ಯಾರ್ ಕರ್ ಣೂಕನ್ ಕೇನ್ ಆಸಾಕರೋಚಿ ಕನ್ ಪೂಚೆಜನಾ ¹⁰ ಯೇಸು -ಇದೆಕ್ ತಮ್ ಶೇರೆಮಾ ಜಾವೋಜನಾ ಪಾಣಿರ್ ಘೂಡಿಯಾ ಪಾಲ್ದೆನ್ ಜಾರೋಜಕ ಆದ್ಮಿ ತಯಾರ್ ಸಾಮು ಅವಚ ;ಉ ಜಾವಜೇ ಘರೆಮಾ ಓರ್ ಲಾರಜಾನ್ , ¹¹ ಮ ಮಾರ್ ಚೆಲಾವುತಿ ಸದಾ ಪಸ್ಕ ಖಾಯೇನ ಠಲೋ ಘರ್ ಕತ್ತ ಕನ್ ,ಬೋದಾಕರೆವಾಳೋ ತೋನ ಪೂಚರೋಛ ;ಕನ್ ಘರೇರ್ ಮಾಲಿಕೇನ್ ಕೋ . ¹² ಉ ಠಮ್ ಚಜಕೋ ಏಕ್ ಮೋಟೋ ಘರ್ ತಮೇನ ದಕಾಳಚ ;ಒತ್ತ ತಯ್ಯಾರ್ ಕರೋಕನ್ ಉನೇನ್ ಕೊ. ¹³ ಓ ಜಾನ್ ಉ ಉನೇನ್ ಕೊಜುಜ್ ದೆಕಲೆನ್ ಪಸ್ಕಾನ ತಯ್ಯಾರ್ ಕೀದೆ . ¹⁴ ಉ ಘಡಿ ಆಯಿಜನಾ ಉ ಬಾರೆ ಆದ್ಮಿ ಅಪೋಸ್ತಲೆರ್ ಸಾತ್ ಖಾನೋ ಖಾಯೇನ ಬೇಟೆ. ¹⁵ ಜನಾ ಉ -ಮ ತಕ್ಲಿಪ್ ಪಾವುನಿ ಜೆರಾಂಗ್ ತಮೇತಿ ಸದಾ ಈ ಪಸ್ಕಾನ್ ಖಾವನೋಕೇನ್ ಘಣ್ ಆಸಕಿದೋ . ¹⁶ ಉ ದೇವೇರ ರಾಜೆಮಾ ಖಾವಜೆಲಗು ಉಜ್ಜಿ ಕನ್ನಾಯಿಜ್ ಓನ ಖಾವುನಿಕೇನ್ ತಮೇನ ಕೆರೋಚು ಕನ್ ಉನೇನ್ ಕೊ . ¹⁷ ಜನಾ ಉ ಕಚೋಳಿನ ಪಾಲ್ಡೆನ ಸ್ತೂತಿಕರನ್ ತಮ ಎನ ಲೇಲೆನ್ ತಮೇಮಾ ವೇಟ್ಲೋ. ¹⁸ ಅಬ್ಬೆತಿ ದೇವೆರ ರಾಜ್ ಅವಜೆಲಗು ಮ ಅಂಗೂರೇರ್ ರಸ್ ಪಿಯೂನಿಕನ್ ತಮೇನ ಕೆರೋಚು ಕನ್ ಕೊ. ¹⁹ ಪಚ್ಚ ಉ ಎಕ್ ಬಾಟಿ ಝಾಲೆನ್ ಸ್ತೂತಿಕರನ್ ಓನ್ ತೊಡನ್ ಉನೇನ ದೆನ್ -ಈ ತಮೇನ್ ದೆರೋಚುಜಕೋ ಮಾರ್ ಜಿವ್ದಾ ;ಮನ ಹರ್ದೆಲಾಯೇನ ಎನ್ ಕರೋ ಕನ್ ಕೋ . ²⁰ ಖಾನೋ ಖಾಲ್ದೆ ಜೆರ್ಪಚ್ಚ ,ಉ ಕಚೋಳಿ ಝಾಲ್ಲೇನ್ ಈ ಕಚೋಳಿ ತಮಾರ್ ವಾಸ್ ರಡಜಕೋ ಮಾರ್ಲೋಯಿರ್ ನವೋ ಕರಾರ್. ²¹ ಇದೇಕ್ ,ಮನ ಹವಾಲ್ ಕರೆವಾಳೋ ಮಾರ್ಸಾತ್ ಎ ಮೆಜೆಪರ್ ಛ. ²² ನಿಯಂಕಿದೇಜೆನ್ ನೈ ಮಕ್ಯಾರ್ ಬೇಟಾ ಚಲೋಜಾವ್ ಚ್ ಪಣ್ ಉ ಕೇರ್ ಹಾತೇತಿ ಹವಾಲ್ ಕರೆವಾಚಕೋ ಓರ್ ಹಾಲ್ ಕಾoಯಿ ಕು. ²³ ಈ ಕಾಂ ಕರೆವಾಳೋ ಕುನ್ ಕೊ ಕನ್ ಉನೆಮಾ ಓ ಪೂಚೇನ್ ಸೂರುಕಿದೆ. ²⁴ ಉನೇಮಾ ಕುಣ್ ಮೊಟಾಕನ್ ಕೆರಾವಾಣೂಕೋ ಕನ್ ವಾದಿ ಉನೆಮಾ ಆಯಿ. ²⁵ ಜನಾ ಉ ಉನೆನ ಹನೂಕೊ -ದೂಸರ ಜನೂಮಾ ರಾಜ್ ಉನೇರ್ ಹಕಂ ಕರೆವಾಳೋ ,ಭಲಾಯಿ ಕರೆವಾಳೋ ಕನ್ ಕೆರಾವಚ . ²⁶ ಪಣ್ ತಮ್ ಹನೂ ನರೇಣು ;ತಮೇಮಾ ಮೋಟೋ ನಾನಕ್ಯಾರ್ ನೈ ಹಕಂದಾರ್ ಸೇವಾ ಕರೆವಾಳೆರ್ ನೈ ರೇಣೂ. ²⁷ ಮೋಟೋ ಕುಣ್ ;ಖಾಣೆರ್ ಹಾರೇಮಾ ಬೇಸೇವಾಳೋ ಕ ಸೇವಾಕರೆವಾಳೋ ?ಹಾರಿಮಾ ಬೇಸೆವಾಳೋಜ್ ಕೊನಿಕಾಂಯಿ ?ಪಣ್ ಮ ತಮಾರ್ ವಚ್ಚ ಸೆವಾಕರೆವಾಳೆರ್ ನೈ ಛು . ²⁸ ಮಾರ್ ಪರಿಚೋಮಾ ಮಾತಿ ಸದಾ ಚೋಜಕೋ ತಮಜ್. ²⁹ ಜೆರ್ವಾಸ್ ಮಾರ್ ಬಾಪ್ ಮನ್ ರಾಜ್ ಕಿದೋಜು ಮಾರ್ ರಾಜೆಮಂ ಮಾರ್ ತಕ್ತಾ ಕನ್ನ ಖಾಪಿನ್ ತಕ್ತಾ ಪರ್ ಬೇಸನ್ ಇಸ್ರಾಯೇಲರ್ ಬಾರೆ ಗೋತೆವುನ್ ತಮ್ ನೇವ್ ಕರಿಯೋ. ³⁰ ಮ ಸದಾ ತಮೇನ ರಾಜ್ ನಿಯಂ ಕರೋಚು. ³¹ ಸಿಮೋನ್ ಸಿಮೋನ್ ಇದೇಕ ಸಾತಾನ ತಮೇನ ಪಕಡನ್ ಘಂವೂರ್ ನೈ ಸೋಟಾತಿ ಕುಟಣು ಕನ್ ಆಜ್ಞಾಪೂಚ್ಲಿದೋ ಪಣ್ , ³² ತಾರ್ ವಿಶ್ವಾಸ್ ನ ಜಾವಜು ,ಮ ತಾರ್ ವಾಸ್ ನೋರಾಕಿದೋ ತಾರ್ ಭಾಯಿವೂನ್ ಘಟ್ಕರ್ ಕನ್ ಕೋ. ³³ ಪಣ್ ಉ -ಪ್ರಭು ತಾರ್ ಸಾತ್ ಖೈದೆಮಾಜಾಯೇನ ಮರೇನ್ ಸದಾ ತಯ್ಯಾರ್ ಛು ಕನ ಕೋ. ³⁴ ಜನಾ ಯೇಸು -ಪೇತ್ರೂ ಮನ್ ವಳ್ ಕೂನಿ ಕನ್ ತು ತಿನ್ ಹಪ್ತಾ ಕಜೆತಾಣು ಆಜ್ ಕುಕಡೋ ಬೋಲೇನಿ ಕನ್ ತೋನ ಕೆರೋಚು ಕನ್ ಕೊ. ³⁵ ಉಜ್ಜಿ ಉ ಕೊತಳಿ ಬೆಗಡಿ ಚೇಪಲು ನರಜು ಮ ತಮೆನ್ ಮೇಲೋಜನಾ ತಮೆನ್ ಕಾಂಯಿತೋಯಿ ಕಂ ವೆಗೊಕಾಂಯಿ ?ಕನ್ ಉನೇನ್ ಪೂಚೋ ಜನಾ ಓ ಕಾಂಯಿ ಕಂವೋ ಕೋನಿ ಕನ್ ಕೆ . ³⁶ ಜೆರ್ವಾಸ್ ಉ -ಅಬ್ಬವತ್ತೋ ಪತೋಡಿಯಾ ಚಜಕೋ ಕೊತಳಿ ವೇಗ್ ಡಿ ಲೆಜಾವಣು ಚರಿ ಚೆನಿಜಕೋ ಓರ್ ಲತ್ತಾ ವೆಚನ್ ಚರಿನ ಮೋಲ್ ಲೇದ. ³⁷ ಉ ಕಸೂರ್ ಕಿದೇಜೆಮಾ ಎಕೆರ್ ನೈ ಕೆರಾಯಿ ಕನ್ ಲಕ್ ಮೇಲೆಜಕೋ ವಾತ್ ಮಾರೇಮಾ ವೇವಾಳ್ ಛ ;ಕಸನ್ ಕತೋ ,ಮಾರ್ ಖಬರೆರ್ ವಾತ್ ಪೂರೋವೆಜಾರಿಚಕನ್ ತಮೇನ್ ಕೆರೋಚು ಕನ್ ಕೊ . ³⁸ ಓ -ಪ್ರಭೂ ,ಇದೇಕ್ ಅತ್ತ ದೀ ಚರಿಚ ಕನ್ ಕೊಜನಾ ;ದೇರ್ ಕನ್ ಉ ಉನೇನ್ ಕೊ ³⁹ ಪಚ್ ಉ ನಿಕಳನ್ ಓರ್ ಹೆವಾರ್ ನೈ ಓಲಿವಾರ್ ಗಟ್ಲಾನ ಡಗರ್ ಗೋ ,ಚೇಲಾ ಸದಾ ಓರ್ ಲಾರಗೆ, ⁴⁰ ಉ ಓ ಜಾಗೇಪರ್ ಆಯೋಜನಾ ತಮ್ ಪರಿಚೂಮಾ ನಜಾವಜು ಅರಜ್ ಕರೋ ಕನ್ ಕೆನ್ , ⁴¹ ಉನೇರ್ ಡಾoಯಿತಿ ಭಾಟಾ ಬಗಾವ ಅತ್ರಾದುರ್ ಜಾನ್ ಗೋಡಿವಾಳನ್ ಬಾಪೂ , ⁴² ಈ ಕಚೋಳಿ ಮಾರ್ ಡಾoಯಿತಿ ಕಾಣ್ಣಾಕೆನ್ ತಾರ್ ಖಾತರ್ ವಾತೋ ಕಾಣಾಕ್ ಪಣ್ ಮಾರ್ ಖಾತರ್ ಕೋನಿ; ತಾರ್ ಖಾತರಜ್ ವೆಜಾಯೇದ ಕನ್ ಅರಜ್ ಕಿದೋ . ⁴³ ಜನಾ ಸ್ವರ್ಗಲೋಕೆತಿ ಎಕ್ ಸೋಜಾ ಓನ್ ದಕಾನ್ ಓನ್ ಜೋರ್ ದಿನೋ . ⁴⁴ ಉ ಭಾವೆಟಿ ಕರನ್ ಉಜ್ಜಿ ಜಾದಾ ಅರಜ್ ಕರ್ರೋಜನಾ ಓರ್ ಪರ್ ಸಿಣಾ ಜಮ್ಮಿ ಪರ್ ಪಡ್ರೆಜಕೋ ಲೋಯಿರ್ ಬೂoದೇರ್ ನೈ ವೇಗೋ . ⁴⁵ ಉ ಅರಜ್ ಥಾಮನ್ ಉಟನ್ ,ಓರ್ ಚೆಲಾಕೆನ್ ಆನ್ ,ಹಾಯಿತಿ ಸುತೆಜೇನ್ ದೇಕನ್, ⁴⁶ ತಮಕಸ್ಸೇನ್ ಸುತೆಚೋ ?ಪರಿಚೋಮಾ ನಜಾವಜು ಉಟನ್ ಅರಜ್ ಕರೋಕನ್ ಉನೇನ್ ಕೋ . ⁴⁷ ಉ ಉಜ್ಜಿವಾತೆ ಕರೋರಜನಾ ,ಇದೇಕ್,ಜನೆರ್ ಮಳಾವ್ ದಕಾಯೋ ,ಬಾರೆ ಚೆಲಾಮಾ ಯೂದಾಕನ ಕೆರಾಯೇವಾಳೋ ಉನೇತಿ ಆಂಗ್ ಆನ್ ಯೇಸುನ್ ಚುಮ್ಮೆನ್ ಓರ್ ಡಾoಯಿ ಆಯೋಜನಾ , ⁴⁸ ಯೇಸು -ಯೂದಾ ,ತು ಚುಮ್ಮನ್ ಮನಕ್ಯಾರ್ ಬೆಟಾನ್ ಹಾವಾಲ್ ಕರದೆರೋಚಿ ಕಾಂಯಿ ?ಕನ್ ಕೊಜನಾ , ⁴⁹ ಓರ್ ಘೇರನ್ ರಜಕೋ ವೆರೋಜೆನ್ ದೇಕನ್ ಪ್ರಭು ಚರಿತಿ ಕಾಟಾ ಕಾಂಯಿ ?ಕನ್ ಓನ್ ಪೂಚೇ . ⁵⁰ ಅತ್ರಾಮಾ ಉನೇಮಾ ಎಕ್ಲೋ ಮೋಟ ಯಾಜಕೇರ್ ಬಾಂಯಾನ್ ಮಾರನ್ ಓರ್ ಜಮನೋ ಕಾನ್ ಕಾಟ್ನಾಕೋ. ⁵¹ ಪಣ್ ಯೇಸು -ಅಬ್ಬ ದೇರ್ ಕನ್ ಕೇನ್ ಓರ್ ಕಾನ್ ಚಿಫನ್ ಆಚೋಕಿದೋ . ⁵² ಯೇಸು ಓನ ಪಕಡೆನ್ ಆಯೆಜಕೋ ಮೋಟೋ ಯಾಜಕೆನನ್ ಮೊಟೆವೂನ -ತಮ್ ಮೋಟೋ ಚೋರೆಪರ್ ಆಯೇಜು ಚರಿತಿನ್ ಡಾoಗೆತಿ ನಿಕಳನ್ ಆಯೇ ಕಾಂಯಿ? ⁵³ ಮ ದಾಡಿ ತಮಾರ್ ಡಾoಯಿ ದೇವಳೆಮಾ ರೋಜನ್ ತಮ್ ಮನ್ ಪಕಡೆಕೋನಿ ,ಪಣ್ ,ಈ ತಮಾರ್ ಘಡಿಕನ್ ಅಂದಾರೇರ್ ಹಕಂಕನ್ ಕೋ. ⁵⁴ ಓ ಓನ್ ಪಕಡನ್ ಖೆಂಚನ ಮೋಟೋಯಾಜಕೇರ್ ಘರೆಮಾಯಿ ಲೇಗೆಜನಾ ಪೆತ್ರು ಘಣಮೇತಿ ಉನೇರ್ ಲಾರ್ ಅವತೋರ. ⁵⁵ ಅತ್ರಾಮಾ ಥೋಡ್ಸೇಕ್ ಘರೆಮುಂದಾಗ್ ಅನ್ಗಾರ್ ಸಳಗಾಲೆನ್ ಘೆರನ್ ಬೇಟೆಜನಾ ಪೇತ್ರೂ ಸದಾ ಉನೇರ್ ವಚ್ಚ ಬೇಟೋ. ⁵⁶ ಜನಾ ಎಕ್ ಚೋರಿ ಓ ಅನ್ಗಾರೆರ ವಜಾಳೆಮಾ ಉ ಬೇಟೋ ಜೇನ್ ದೇಕನ್ ನಂಜರೆತಿ ದೇಕನ್ -ಈ ಸದಾ ಓತ್ತರ ಕನ್ ಕಿ . ⁵⁷ ಜೆರ್ವಾಸ್ ಪೇತ್ರೂ -ಚೋರಿ ,ಮ ಓನ್ ವಳ್ಕೂನಿ ಕನ್ ಕೋ .ಉಜ್ಜಿ ಥೋಡ್ಸೇಕ್ ವಗತೆರ್ ಪಚ್ಚ ಉಜ್ಜೆಕೋ ಓನ್ ದೇಕನ್ , ⁵⁸ ತು ಸದಾ ಉನೇಮಾ ಎಕ್ ಕನ್ ಕೊಜನಾ ಪೆತ್ರು-ಮ ಕೋನಿ ,ಕನ್ ಕೋ. ⁵⁹ 5ಕಂ ಜಾದಾ ಎಕ್ ಘಡಿ ವೇಗೆ ಜೆರ್ಪಚ್ಚ ಉಜ್ಜೇಕ್ -ಸಾಸಿಜ್ ಈ ಸದಾ ಓರ ಸಾತ್ ರ ಈ ಗಲಿಲಯಾರೋಕನ್ ಜೋರೆತಿಕೋ . ⁶⁰ ಜೆರ್ವಾಸ್ ಪೆತ್ರು -ಅರೇ ತು ಕೊಜಕೋ ,ಮನ್ ಮಾಲಂ ಚೇನಿ ಕನ್ ಕೊ .ಉ ಉಜ್ಜಿವಾತೆ ಕರ್ತ್ತೋ ರಜನಾ ಜನಾಜ್ ಕುಕ್ ಡೋಬೋಲೋ . ⁶¹ ಜನಾ ಪ್ರಭು ಫರಾನ್ ಪೆತ್ರು ಸಾಮು ದಿಟೋ ಜನಾ ಪೆತ್ರು -ಆಜ್ ⁶² ಕುಕಡೋಬೋಲೆನಿ ಜೇರಂಗ್ ತೋನ್ ವಳ್ಕೂನಿ ಕೆನ್ ಕೆಚಿಕನ್ ಪ್ರಭು ಓನ್ ಕೋಜಕೋ ವಾತ್ ಹರ್ದಲಾನ್ ಬಾರ್ ಜಾನ್ ಘನೋರೋಯೋ ⁶³ ಯೇಸುನ್ ಪಕಡೆಜಕೋ ಆದ್ಮಿ ಓನ್ ಠಟ್ಟಕರನ್ ಮಾರನ್ ಓರ್ ಮುಂಡೆಪರ್ ಘೂoಗ್ಟೋ ಘಾಲನ್, ⁶⁴ ತೋನ್ ಮಾರೇಜಕೋ ಕುಣ್ ಕೋ ,ಕ ಕೆನ್ ಓನ್ ಪುಚನ್ ಓರ್ ಖಿಲಾಪ್, ⁶⁵ ಉಜ್ಜಿ ವಾರ್ಸೆಕ್ ವಾತೆ ಭಾoಡೇ.ಯೇಸು ಮೋಟೋ ಯಾಜಕೆರ್ ಮುಂದಾಗ್ ಹುಬ್ರೇರ್ ⁶⁶ ಪರಾತಿವೇಗೋಜನಾ ಜನೂರ್ ಮೋಟನ್ ಮೋಟ್ ಯಾಜಕಾನ್ ,ಪಂಡಿತ್ ಸಬಾಕರನ್ ,ಓನ್ ಉನೇರ್ ಮೋಟೋ ಸಬಾರ್ ಮುಂಡಾಗ್ ಲೆಜಾನ್ , ⁶⁷ ತು ಕ್ರಿಸ್ತು ವಸ್ತೋ ಹಾಮಾನ ಕ ಕನ್ ಕೆ ಉ -ಮ ತಮೇನ್ ಕುತೋ ತಮ್ ಮಾನೋನಿ, ⁶⁸ ಅತ್ರಾಜ್ ಕೋನಿ ,ಮ ತಮೇನ್ ಪೂಚುತೋ ತಮ್ ಮನ ಜವಾಬ್ ದೋನಿ. ⁶⁹ ಅಬ್ಬೇತಿ ಮನಕ್ಯಾರ್ ಬೇಟಾ ಜೋರ್ ಚಜಕೋ ದೇವೇರ್ ಜಮಣ್ ಪಾಕತಿಮಾ ಬೇಸಚ ಕನ್ ಉನೇನ್ ಕೊ . ⁷⁰ ಜನಾ ಓ ಸೇ-ಹನುವತೋ ತು ದೇವೆರ್ ಬೇಟಾ ಕಾಂಯಿ ಕನ್ ಪೂಚೆಜನಾ ಉ -ತಮ್ ಕೇಜು ಮಜ್ ಉಕನ್ ಉನೇನ್ ಕೊ . ⁷¹ ಓ ಅಪಣೆನ್ ಉಜ್ಜಿ ಗವಾಯಿತಿ ಕಾಂಯಿ ಕಾಂ ಅಪಣ್ ಓರ್ ಮೂoಡೇರ್ ವಾತ್ ಸಾಮ್ಳೆ ಕೊನಿಕಾoಯಿ ?ಕನ್ ಕೇ.