¹ ಭೇಟೆರ್ ಪೆಟಿಮಾ ಉನೇರ್ ಭೆಟ್ ಘಾಲ್ ರೇಜ್ ಸಾವುಕಾರೆನ ಉ ಅಂಕಿ ಪಾಡನ್ ದಿಟೋ. ² ಜನಾ ಎಕ್ ಗರೀಬ್ ರಾಂಡ್ ಬೀರ್ ದಿಪಿಸಾನ ಓಮಾ ಘಾಲ್ ರಿತಿಜನಾ ಇ ದೇಕನ್ - ³ ಗರೀಬ್ ರಾಂಡ ಬೀರ್ ಸೇತಿ ಜಾದಾ ಘಾಲಿಕೆನ್ ತಮೇತಿ ಸಾಸಿಜ್ ⁴ ಕೆರೋಚು ಓ ಸೇ ಉನೇರ್ ಘನೋ ವೆತ್ತೊಜೆ ಮಾಯಿತಿ ಭೆಟ್ ಘಾಲೇ ಪಣ್ ಈ ಗರೀಬ್ ಣಿ ರತ್ತೋಯಿ ಓರ್ ಡಾoಯಿ ವೆತೆಜಕೋ ಸೇ ಘಾಲ್ದಿನಿ ಕನ್ ಉನೇನ್ ಕೊ. ಯೇಸು ಯೆರುಸಲೆಮೆರ್ ನಾಸೆನನ್ ಆಖರಿ ದಾಡೆನ ಮಾಲಂಕರೆರ್ ⁵ ಈ ಸುಂದರ್ ಭಾಟಾತಿ ಭೇಟೆರ್ ಚಿಜೂತಿ ಸಣಗಾರ್ ಕರ್ಮೇಲೆ ಛ ಕನ್ ದೇವೇಳೆರ್ ಕಾಣ್ ತೋಡಾಸೇಕ್ ವಾತೆಕರ್ತೆ ರಜನಾ , ⁶ ಉ -ಏನ್ ಭಾಂದ್ ಮೇಲೆಜೇನ್ ತಮ್ ದೆಕರೋಚು ಪಣ್ ಉನೆಮಾ ಭಾಟಾ ಉಮ್ಪರ್ ಭಾಟಾ ನರಜು ಓ ಪಟಕ್ದೆರ್ ದಾಡ್ ಆವಚ ಕನ್ ಕೋ . ⁷ ಜನಾ ಓ -ಬ್ಹೊದಾಕರೆವಾಲೋ ಹನುವತ್ತೋ ಎ ಕನ್ನಾ ಚಾಲಚ ?ಚಾಲಜೆನ್ ಕಾಂಯಿ ನಿಶಾನ್ ಕನ್ ಓನ್ ಪೂಚೆಜನಾ, ⁸ ಉ -ತಮ್ ಡೋಕಾಮಾ ನಜಾವಜು ದೇಕೋ ;ವಾರ್ಸೆಕ್ ಮಾರ್ ನಾಮೆಪರ್ ಆನ್ -ಮಜ್ ಉ ಕನ್ ,ದಾಡ್ ಡಾoಯಿ ಆಯೆಕನ್ ಕಿಯೇ ,ತಮ್ ಓರ್ಲಾರ್ ಜಾವೋಮತ್ . ⁹ ತಮ್ ವೆರಿರ್ ಬಾರೆವುಮಾ ಲಡಾಯೀರ್ ಬಾರೆಮಾ ಸಾಮಾಳೋ ಜನಾ ಚಮಕೋ ಮತ್ ;ಎ ಅಗಡಿ ಚಾಲೆರ್ ಛ ;ಪಣ್ ಆಖರಿರ್ ದಾಡ್ ಜಲ್ದಿ ಆಯೇನಿ ಕನ್ ಕೋ. ¹⁰ ಉಜಿ ಉ ಉನೆತಿ ಹನೂಕೂ -ಜನೇಪರ್ ಜನ್ ,ರಾಜ್ಯಾಮೆಪರ ರಾಜ್ಯಂ ಉಟಿಯೇ. ¹¹ ವತ್ತೋತ್ತ ಜಮ್ಮಿ ಚಿರಾವಚ ಭಾವೆಟಿ ಆವಚ ;ಕಾಳ್ಪಡಚ ಆಸ್ಮಾನೆತಿ ಡರ್ ಆವಜಕೋ ಮೊತ್ ನಿಶಾನ್ ದೆಕಾವಚ . ¹² ಎ ಸೇ ವೇನಿ ಜೆರಾಂಗ್ ಓ ತಮೇನ ಜೋರ ಬಾರಿತಿ ಪಕಡೆನ್ ಮಾರ್ ನಾಮೆವಾಸ್ ತಮೇನ ರಾಜೆವುರ್ ಡಾoಯಿ ಹಕಂದರೂರ್ ಡಾoಯಿ ಲೆಜಾನ್ ,ನಸಾಬೇರ್ ದೇವಳೆಮಾ ಖೈದೆಮಾ ಘಾಲನ್ ವೆಲಾಪಡಾಯೇ. ¹³ ತಮ್ ಗವಾಯಿ ದಿಂಯೋ ಜೆರ್ವಾಸ್ ಈ ತಮೇನ ಅವಚ . ¹⁴ ಜನಾ ಹಂ ಕಾಂಯಿ ಜವಾಬ್ ದೆನುಕೆರ್ ಬಾರೆಮಾ ಅಂಗಜ್ ತಯ್ಯಾರ್ ವಾನಿ ಕನ್ ತಮಾರ್ ದಲ್ಲೆಮಾ ಘಾಟ್ ಕರಲೋ. ¹⁵ ತಮಾರ್ ದಸಮನ್ ಸೇ ತಮಾರ್ ವಾತ್ ಬದಲೇರ ವನ್ಗಾಯೇನಿಜಕೋ ವಾತೆನ ,ಗೆನೆನ ಮ ತಮೆನ್ ದುಚು . ¹⁶ 16.ಪಣ್ ಮಾ ಬಾಪೆತಿ ಭಾಯಿ ಭಿಯಾತಿ ,ದೋಸ್ತಿತಿ ,ತಮೇನ ಪಕಾಡದಚ ;ಓ ತಮೇಮಾ ತೋಡಾಸೇಕೆನ್ ಮಾರ್ ನಾಕಚ . ¹⁷ ಮಾರ್ ನಾಮೆವಾಸ್ ತಮೇತಿ ಸೇ ಅದ್ಮಿ ಖೋಟೋ ವೇಜಾ ಛ . ¹⁸ ಪಣ್ ತಯಾರ್ ಮಾತೆರ ಲತ್ತಾಮ ಎಕ್ತೊಯಿ ಹಾಳ್ ವೇನಿ. ¹⁹ ತಮಾರ್ ಧಿರೇರ್ ವಡಿತಿ ತಮಾರ್ ಆತ್ಮಾನ್ ಜತನ್ ಕರ್ಲೋ . ²⁰ ಯರುಶಲೆಮ್ ಘಣ್ ಪೋಜೇತಿ ಘೆರಾಯೆರ ತಮ್ ದೆಕೊಜನಾ ,ಓರ್ ನಾಸಣ್ ಡಾoಯಿ ಚಕನ್ ಮಾಲಂ ಕರ್ಲೋ . ²¹ ಯುದಾಯಾಮಾ ರೆವಾಳೋ ಗಟ್ಲಾನ್ ಧಾಮ್ಸ್ ಜಾಯೆದ; ಓರ್ ಪಚ್ಚ ಓ ಶೆರೆಮಾರ್ ಬಾರ್ ಡಗರ್ ಜಾಯೆದ ;ಗಾಮೆವಾಳ್ ಓರ್ ಮಾಯಿನಿ ಜಾಯೇನಿಜು ರೆದ. ²² ಕಸ್ಸೇನ್ ಕತೋ ಲಕ್ ಮೇಲೆಜಕೋ ಸೇ ವೆಜಾಯೇನ್ ಓ ಸಜಾರ್ ದಾಡ್ , ²³ ಓ ದಾಡುಮಾ ಪೇಟೆತಿ ರಕೊನ್ ,ದೂದ್ ಪರಾಯೇವಾಲಿವುನ್ ಬಾವೇಟಿ ಜಮ್ಮಿ ಉಮ್ಪರ್ ಭಾರಿ ಭಾವೆಟಿ ಎ ಜನ್ ಉಮ್ಪರ್ ದೇವೆರ್ ರೀಸ್ ಅವಚ. ²⁴ ಓ ಚರಿರ್ ಚೋಟೆತಿ ಮಾರ್ ಜಾವಚ ,ಖೈದೆಮಾ ಕಲಾಯೇವಾಳ್ ವೆನ್ ಸೇ ಪರಲ್ ಜನೂರ್ ವಚ್ ಜಾಯೇಪರ್ ಮಲ್ಕೆವಾಳೆರ್ ದಾಡ್ ಪೂರೋ ವೆಜಾಜೆಲಗು ಯರುಶಲೆಮ್ ಕರಲ್ ಜನುತಿ ಖುಂದಾವ್ಚ್ . ²⁵ ಉಜ್ಜಿ ದಾಡೋ ಚಾಂದಾ ತಾರಾವುಮಾ ನಿಶಾನ್ ,ಸಮುದ್ರೆರ್ ಹಲ್ಲೋಳೆರ್ ಆಟೆತಿ ಧರ್ತಿ ಉಮ್ಪರ್ ಜನ್ ಸೇ ಚಮಕ್ ಜಾವಚ ,ಚಮಕಜೆ ಜನೂಮಾ ಭಾವೆಟಿ ಆವಚ. ²⁶ ಆಸ್ಮಾನೆರ್ ಜೋರ್ ಹಾಲ್ ಜಾವಚ ;ಜನಾ ಜಗೆ ಉಪರ್ ಅವಚೆ ಸೇರ್ ಕಾಣ್ ಆದ್ಮಿ ಚಮಕನ್ ವಾಟ್ ದೇಕ್ ತೇ ಹಿಮ್ಮತ್ ಜಾನ್ ಮಳಿ ಖಾಜಾವಚ . ²⁷ ಜನಾ ಮನಕ್ಯಾರ್ ಬೇಟಾ ಜೋರೆತಿ ಘನೋ ವಜಾಳೆತಿ ವಾದಳ್ ಉಮ್ಪರ್ ಚಡನ್ ಆವಜಕೋ ದೆಕಿಂಯಾ . ²⁸ ಎ ಚಾಲೆನ್ ಸುರುವಜಾನ ,ತಮ್ ಹಿಮ್ಮತ್ ಲಿಯಾನ್ ತಮಾರ್ ಮಾತ್ತೋ ಉಂಚ್ಚೋ ಪಾಡೋ ;ತಮೆನ್ ಚೋಡಾಯೇರ್ ವಕತ್ ಡಾoಯಿ ಛ ಕನ್ ಕೊ. ²⁹ ಉಜ್ಜಿ ಉ ಉನೇನ ಎ ಸಾಟವಾ ಕೋ -ಅಂಜೂರೇರ್ ಝೂಡೆನನ್ ಸೇ ಝೂಡೂನ್ ದೇಕೋ. ³⁰ ಓ ಪಾಂಗ್ರ ಜೆನ್ ದೇಕನ್ ಪಾಂಗ್ರೆರ್ ದಾಡ್ ಜನಾಜ್ ಆಯೋಕನ್ ತಮೇಮಾ ತಮ್ ಮಾಲಂ ಕರ್ ಲೋಚೋ ಕೋನಿ ಕಾಂಯಿ ? ³¹ ಹನೂಜ್ ಎವಾತೆ ವಜಕೋ ತಮ್ ದೇಕೋ ಜನಾ ದೇವೆರ್ ರಾಜ್ ಡಾoಯಿ ಆವಗೊಕನ್ ಮಾಲಂ ಕರ್ ಲೋ . ³² ಓ ಸೇತಿ ವಜೆಲಗು ಎ ಪಿಡಿವಾಳ್ ಜಾಯೇನಿ ಕನ್ ತಮೇತಿ ಸಾಸಿಜ್ ಕೆರೋ ಛು. ³³ ಆಸ್ಮಾನನ್ ಧರ್ತಿ ಡಗರ್ ಜಾವಚ ,ಪಣ್ ಮಾರ್ ವಾತ್ ಹಾಳ್ವೆಜಾಯೇನಿ . ³⁴ ತಮಾರ್ ದಲ್ ಏಕಾದ್ವಣಾ ಕ್ಹೊರಾಕಿರ್ ಕಾಣ್ ನಿಶಾರ್ ಕಾನ್ ಎ ಜಗರ್ ಹಾಯಿರ್ ಕಾಣ್ ಸುಸ್ತಿರತ್ತೋ ಓದಾಡ ಅಣಾಚಕೇರ್ ತಮಾರ್ ಉಪರ್ ಫಾಸಿ ನ ಆವಜು ,ತಮಾರ್ ವಾಸ್ ತಮ್ ಜಾಗನ್ರೋ? ³⁵ ಉದಾಡೋ ಜಗಮೆ ರಜೆ ಸೇರ್ ಉಪರ್ ಅಣಾಚಕ್ಕೆರ್ ಅವಚ. ³⁶ ತ್ತೋ ಓದಾಡ ಅಣಾಚಕೇರ್ ತಮಾರ್ ಉಪರ್ ಫಾಸಿ ನ ಆವಜು ,ತಮಾರ್ ವಾಸ್ ತಮ್ ಜಾಗನ್ರೋ? ಉದಾಡೋ ಜಗಮೆ ರಜೆ ಸೇರ್ ಉಪರ್ ಅಣಾಚಕ್ಕೆರ್ ಅವಚ.ತಮಾರ್ ದಲ್ ಏಕಾದ್ವಣಾ ಕ್ಹೊರಾಕಿರ್ ಕಾಣ್ ನಿಶಾರ್ ಕಾನ್ ಎ ಜಗರ್ ಹಾಯಿರ್ ಕಾಣ್ ಸುಸ್ತಿರ ³⁷ ಉ ಹರ್ಯೇಕ್ ದಾಡ್ ದಪ್ಪೇರೆರ್ ವಗತ್ ದೇವೇಳೆಮಾ ಬೋದಾಕರ್ತ್ತೋ ರಾತ್ ವಣಾ ಓಲಿವಾರ್ ಗಟ್ಲಾನೆ ಜಾವತೋ ದಾಡ್ ಕಾಡ್ ತೋರ . ³⁸ ಜನ್ ಸೇ ಓರ್ ವಾತ್ ಸಾಮಳೆನ ನಸಾಬೇರ್ ದೇವಳೆಮಾ ಓರ್ ಡಾoಯಿ ಪರ್ ಬಾತಿಜ್ ಆವತೇರ.