¹ ಓದಾಡುಮಾ ಏಕ್ ದಾಡ್ ಉ ದೇವಳೆಮಾ ಜನೋನ್ ಬೋದ್ ಕರ್ತ್ತೋ ಅಚ್ ಖಬರೆನ ಪ್ರಾಚಾರ್ ಕರ್ತ್ತೋ ರಜನಾ ಮೋಟೋ ಯೋಜಕಾನ್ ಶಾಸ್ರಿಯೋ ಮೊಟೆತಿ ಸದಾ ಓರ್ ಡಾoಯಿ ಆನ್ - ² ತು ಕುಣಿಸ್ ಹಕ್ಮೆತಿ ಈ ಕಾಂ ಕರರೋಚಿ ?ಈ ಹಮಕ್ ತೋನ ಕುಣ್ ದಿನೆಕೋ ಹಮೆನ್ ಕ ಕೇನ ಓನ್ ಪೂಚೆ . ³ ಜನಾ ಉ -ಮಸದಾ ತಮೇನ ಏಕ್ ವಾತ್ ಪೂಚುಚು ,ಉ ಮನ್ ಕೋ. ⁴ ಯೋಹಾನ್ ದಿನೋಜಕೋ ಬಾಪ್ತಿಸಂ ಸ್ವರ್ಗಲೋಕೆತಿ ಆಯಿ?ಕೋನಿ ಮನಕ್ಯಾತಿ ಆಯಿಕ ?ಕನ್ ಪೂಚೋ. ⁵ ಜನಾ ಓ -ಸ್ವರ್ಗ ಲೋಕೇತಿ ಆಯಿ ಕನ್ ಅಪಣ್ ಕಿಂಯಾತೋ ತಮ್ ಕಸೇನ್ ಓನ್ ವಿಶ್ವಾಸ್ ಕಿದೆಕೋನಿ ಕನ್ ಉ ಅಪಣೆನ್ ಪೂಚ ಛ; ⁶ ಆದ್ಮಿತಿ ಆಯಿಕನ್ ಕಿಂಯಾತೋ ಜನಾ ಸೇ ಅಪಣನೆ ಭಾಟತಿ ಮಾರಚ ಕಸೆನಕತೋ ಯೋಹಾನ್ ಭಕ್ತಿದಾರ್ ಕನ್ ಸೇ ಕಾಟೋ ವಿಶ್ವಾಸ್ ಕರ್ರೆಚ ಕನ್ ಉನೇಮಾ ಓ ಮತ್ರೋ ಕರನ್, ⁷ ಉ ಕತೆತಿ ಆಯಿಜಕೋ ಹಮೇನ ಮಾಲಂ ಚೆನಿಕನ್ ಓನ ಜವಾಬ್ ದೀನೇ . ⁸ ಜೆರ್ವಾಸ್ ಯೇಸು -ಕುಣಸ್ ಹರಮೆ ತಿ ಈ ಕಾಂ ಕರ್ ರೋಚು ಕೋ ಮಸದಾ ತಮೇನ ಕುನಿ ಕನ್ ಉನೇನ್ ಕೋ. ⁹ ಜನಾ ಉ ಜನೂನ್ ಈ ಸಾಟುವಾ ಕೇನ್ ಸರೋಕಿದೋ .ಎಕ್ ಆದ್ಮಿ ಆಂಗುರೆರ್ ಬಾಗೆನ್ ಗಾಡನ್ ಗುತ್ತಾ ಕರೆವಾಳುನ್ ಪಾಲೆನ್ ದೆನ್ ಉಜ್ಜೇಕ್ ಮಲ್ಕೆನ್ ಜಾನ್ ಘಣ್ ದಾಡ್ ರೋ . ¹⁰ ಫಳೆರ್ ದಾಡುಮಾ ಓ ಅಂಗುರೆರ್ ಫಳೆಮಾ ಅವಜಕೋ ಓರ್ ಹಾಂಸೋ ಓನ್ ದ ಕನ್ ಓ ಗುತ್ತಾಕರೆವಾಳೆಕನ್ನ ಏಕ್ ಬಾಂಯನ್ ಮೇಲೋ ಪಣ್ ಓ ಗುತ್ತಾ ಕರೆವಾಳ್ ಓನ್ ಮಾರನ್ ಠಾಲ್ ಹಾತೇತಿ ಮೇಲ್ ದಿನೆ. ¹¹ ಫರನ್ ಉ ಉಜ್ಜೇಕ್ ಬಾಂಯಾನ್ ಮೆಲೋಜನಾ ಓನ್ ಮಾರನ್ ಹಿಜ್ಜಿತ್ ಕಾಡನ್ ಠಲೋ ಹಾತೇತಿ ಮೇಲ್ದಿನೆ. ¹² ಫರನ್ ಉ ತಿನ್ ಆದ್ಮಿನ್ ಮೇಲೋಜನಾ ಓನ್ ಘಾವ್ ಕರನ್ ಭಾರ್ ಧಕಲ್ ದಿನೇ. ¹³ ಜನಾ ಓ ಅoಗೂರೇರ್ ಬಾಗೇರ್ ಮಾಲಿಕ್ -ಮ ಕಾಂಯಿಕರು?ಮಾರ್ ಪ್ರೇಮೆರೆ ಬೇಟಾನ್ ಮೇಲುಚು ,ಎಕಾದ್ವಳಾ ಓ ಓನ್ ಮಾನ್ ಕರಿಯೇಕನ್ ಕೆಲೇನ್ ಮೇಲೋ , ¹⁴ ಪಣ್ ಓ ಗುತ್ತಾ ಕರೆವಾಳ್ ಓನ್ ದೇಕನ್ -ಈ ಹಕ್ದಾರ್ ,ಈ ಬಾಗ್ ಅಪಣ್ ವೇಜಾಣು ಕತೋ ಏನ್ ಮಾರಾ ಆವೋ ಕನ್ ಎಕೇನ್ ಎಕ್ ವಾತೆಕರ್ಲಿದೆ. ¹⁵ ಓನ ಅಂಗೂರೇರ್ ಬಾಗೇರ್ ಭಾರ ಧಕಲನ್ ಮಾರ್ ನಾಕೇ ,ಹನುವತೋ ಓ ಅಂಗೂರೇರ್ ಬಾಗೇರ್ ಮಾಲಿಕ್ ಉನೇನ್ ಕಾಂಯಿ ಕರಚ? ¹⁶ ಉ ಆನ್ ಓ ಗುತ್ತಾ ಕರೆವಾಳುನ್ ಮಾರ್ನಾಕನ್ ಓರ್ ಆನ್ಗುರೆರ್ ಬಾಗೇನಾ ದುಸ್ರೆನ್ ದಚಕನ್ ಕೊ. ¹⁷ ಎನ್ ಜನ್ ಸಾಮಳನ್ -ಹನೂ ನವೇಣು ಕನ್ ಕೆ ,ಪಣ್ ಉ ಉನೇಸೇನ್ ದೇಕನ್ -ಹನುವತೋ ಘರ್ ಬಾಂದೇವಾಳ್ ಬಗಾದಿನೆಜಕೋ ಭಾಟಾ ಮೂಲಾರ್ ಬಾಟಾ ವೆಗೋಕನ್ ಲಕ್ಮೇಲೆಜಕೋ ವಾತ್ ಕಾಂಯಿ. ¹⁸ ಎ ಭಾಟಾ ಉಪರ್ ಪಡಜಕೋ ಹರ್ಯೇಕ್ ಆದ್ಮಿ ತುಕ್ ಡಾ ವೆಜಾವಚ ,ಉಕೇರ್ ಉಪರ್ ಪಡಚಕೋ ಚುರೋ ಕರ್ ನಾಕ್ಯೇ ತಾಶಿಲೆರ್ ನೇವ್ ¹⁹ ಮೋಟೋ ಯಾಜಕನ್ ,ಪಂಡಿತನ್ ಉನೇರ್ ಕಾಣ್ ಉ ಏ ಸಾಟುವಾನ ಕೊ ಕನ ಮಾಲಂ ಕರ್ಲೆನ್ ಓ ಘಡಿಮಾ ಓನ ಪಕಡೆನ್ ದಿಟೆ ಪಣ್ ಜನುತಿ ಚಮಕ್ ಗೇ . ²⁰ ಜೆರ್ವಾಸ್ ಓ ಚಜಕೋ ವಗತೆಲಗುದೆಕ್ತೆರೆ ಓ ತೋಡಾಸೇಕೆನ್ ಪಿಸಾದೇನ್ ಆಚೇರ್ ನೈ ಭೇದ ಘಾಲಲೆನ್ ಯೇಸುನ್ ವಾತೇಮಾ ಪಸಾಮಾ ಕನ್ ಓರ್ ಡಾoಯಿ ಉನೇನ್ ಮೇಲೆ . ²¹ ಉ ಚುಕೇಮಾ ಪಸತೋ ಓನ್ ನೆವ್ಕರೆನ್ ಹವಾಲ್ ಕರ್ ಣೂ ಕನ್ ಓ ಮತ್ರೋಕಿದೆ ಓ ಆನ್ -ಬೋದಾಕರೆವಾಳೋ ತು ಕೆರೋಜಕೋ ಸಿಕರೋಜಕೋ ಸೇ ಸಾಸಿಜ್ ಕನ್ ಹಮೇನ್ ಮಾಲಂ ,ತು ಕೆರೀ ಮುಂದೊದೆಕೆನಿಜು ದೇವೇರ್ ವಾತ್ ಸತ್ತೆತಿ ಬೋದಾ ಕರೋಚಿಕನ್ ಹಮೇನ ಮಾಲಂ. ²² ಅಪಣ್ ಕೈಸರೆನ್ ಸುಂಕ ದೇರ್ ಅಪಣ್ ಶಾಸ್ತ್ರೆರ್ ನೈ ಧರಂ ಕ್ ಕೋನಿ ?ಕನ್ ಓನ್ ಪೂಚೇ. ²³ ಉ ಉನೇರ್ ಬಲ್ಲಾಗುಣ್ ಮಾಲಂ ಕರ್ಲೆನ್ಉನೆನ -ಎಕ್ ದಿನಾರ್ ಮನ್ ದಕಾಳೋ ²⁴ ಏರ್ ಉಪರ ಚಜಕೋ ರೂಪನ್ ಮೂದ್ರಾ ಕೇರ್ ಕನ್ ಕೊಜನಾ ಓ -ಕೈಸರೆನ್ ಕನ್ ಕೇ . ²⁵ ಜನಾ ಉ -ಹನುವತೋ ಕೈಸರೆರ್ ದೇದೋ ದೇವೆರ್ ದೇವೆನ್ ²⁶ ದೋಕನ್ ಕೊ ಓ ಜನೇರ ಮುಂಡಾಗ್ ಎ ವಾತೇಮಾ ಚುಕ್ ನಮಳಜು ಓರ್ ಜವಾಬೇನ್ ವಿಚಿತ್ತರ್ ಪಡನ್ ಗಚ್ಚಬ್ ರೇಗೆ. ²⁷ ಮರ್ಗೆಜಕೋ ಉಟೆನಿ ಕನ್ ಕೆಜಕೋ ಜನ್ ಸದ್ದೂಕಾಯುಲ್ ಥೋಡ್ಸೇರ್ ಓರ್ ಡಾoಯಿ ಆನ್ ಒನ್ ಹನು ಪೂಚೇ. ²⁸ ಬೋದಾಕರೆವಾಳೋ ಗೋನ್ನಿ ಬಂಚನ್ ರಜನಾ ಎಕೇರ ಭೀಯ್ಯಾಚಚ್ಯಾಬರ್ ಚೆನಿಜು ಮರ ಜಾವತೋ ಓರ್ ಭಾಯಿ ಓನ್ ವಾಯ ಕರ್ಲೆನ್ ಓರ್ ಭಿಯಾರ್ ವೆಲ್ ವಲಾದ ಚಾವನುಕನ್ ಮೋಶೆ ಅಪಣೆನ ಲಕ್ದಿನೋ . ²⁹ ಸಾತ್ ಭಾಯಿವೆತ್ತೆ ಪೆಲೋ ಏಕ್ ಚೋರಿನ ವಾಯಾ ಕರ್ಲೆನ್ ವಲಾದ ಚೆನಿಜು ಮರ್ಗೋ. ³⁰ ದೂ ತಿಸ್ರೋ ಸದಾ ಒನ್ ವಾಯಾಕರ್ ಲಿದೇ ಹನೂಜ್ ಸಾತಿ ಭಾಯಿ ಓನ್ ವಾಯಕರನ್ ವಲಾದ್ ಚೇನಿ ಜೂಜ್ ಮರ್ಗೆ. ³¹ ಪಚ್ಚ ಉ ಬೀರ್ ಸದಾ ಮರ್ಗಿ. ³² ಜೆರ್ವಾಸ್ ಮರ್ಗಿಜಕೋ ಉಟ ಜನಾ ಉ ಉನೇಮಾ ಕೇರ್ ಗೋನ್ನಿ ರಚ್ಚ ? ³³ ಓ ಸಾತಿರ್ ಸದಾ ಉ ಗೋನ್ನಿ ವೇನ್ ವೇತ್ತಿ ಕೋನಿಕಾಂಯಿ ?ಕನ್ ಕೆ . ³⁴ ಜನಾ ಯೇಸು -ಏ ಜಗೆರ್ ಜನ್ ವಾಯ ಕರ್ಲಚ ವಾಯ ಕರಾವಚ ಪಣ್. ³⁵ ಮರ್ಗೆ ಜೆಮಾಯಿತಿ ಉಟನ್ ಸ್ವರ್ಗ ಲೋಕೇಮಾ ಬಂಚೆನ್ ಚಾಜಜಕೋ ಆದ್ಮಿ ವಾಯಕರೆನಿ ವಾಯ ಕರಾಯೇನಿ. ³⁶ ಮರ್ಗೆ ಜೆಮಾಯಿತಿ ಉಟಜಕೋ ದೇವೇರ್ ಸೋಜಾರ ಬರೋಬರ್ ದೇವೇರ ಬೇಟಾವೆನ್ ರಚ ಜೆರ್ವಾಸ್ ಓ ಉಜ್ಜಿ ಮರ್ಜಾಯೇನಿ . ³⁷ ಬೋಚ್ಕಾರ್ ಖಬರೆಮಾ ಪ್ರಭು ಅಬ್ರಾಹಾಮೆರ್ ದೇವ್ ಇಸ್ಸಾಕೇರ್ ದೇವ್ ಯಾಕೊಬೇರ್ ದೇವ್ ಕನ್ ಕೆತೋ ³⁸ , ಮರ್ಗೆಜಕೋ ಉಟಚ್ ಕೆನ್ ಮೋಶೆ ಮಾಲಂಕಿದೋ ಉ ಬಂಚ್ರೆಜೆರ್ ಜ್ ದೇವ್ ಛ ಪಣ್ ಮರ್ಗೆಜೆರ್ ದೇವ್ ಕೋನಿ ,ಓರ್ ನಂಜರೆಮಾ ಸೇ ಬಂಚರೆಚ ಕನ್ ಜವಾಬ್ ದಿನೋ. ³⁹ ಪಚ್ಚ ಓ ಓನ್ ಉಜ್ಜಿಕಾಂಯಿ ಪುಚೇನ್ ಹೀಮ್ಮತ್ ಕಿದೆ ಕೋನಿ ; ⁴⁰ ವಜ್ಜಿ ಶಾಶ್ರೀವೂಮಾ ತೋಡಾಸೇಕ್ -ಭೋದಾಕರೆವಾಳೋ ,ತು ಸಮೊರಜ್ ಕೊ ಕನ್ ಕೆ . ⁴¹ 41.ಉ ಉನೇನ್ ಕ್ರಿಸ್ತು ದಾವಿದೇರ್ ಬೆಟಾಕನ್ ಜನ್ ಕು ಕೆರೆಛ ? ⁴² 42.ಮ ತಾರ್ ದುಸ್ಮನುನ್ ,ತಾರ್ ಟಾoಗೇರ್ ಪಿಟಾ ನೈ ರಕಾಡುಜೇಲಗು ಮಾರ್ ಜಮಣ್ ಪಾಕ್ ತಿಮಾ ಬೆಸ್ಕನ್ , ⁴³ 43.ಪ್ರಭು ಮಾರ್ ಪ್ರಭುತಿಕೋ ಕನ್ ಕಿರ್ತನ್ ಪುಸ್ತಕೆಮೆಮಾ ದಾವಿದಜ್ ಕೋಚ . ⁴⁴ 44.ದಾವಿದ್ ಓನ್ ಪ್ರಭುಕನ್ ಕತ್ತೋ ಉ ಕು ಓರ್ ಬೇಟಾ ವೇಜಾ ಕನ್ , ⁴⁵ ಜನ್ ಸೇ ಸಾಮಳರೆಜನಾ ಉ ಹನೂಕೂ -ಶಾಶ್ರೀವೂರ್ ಬಾರೆಮಾ ಜತನೆತಿರೋ ಓಲಾಂಭೋಝಾಗ್ಲಾನ್ ಪೆರ್ಲೇನ್ ಫರೇನ್ ಆಸಾಕರಚ್ . ⁴⁶ ಬಜಾವೆಮಾ ನಮಣೆನ್ ನಸಾಬೇರ್ ದೇವಳೆಮಾ ಮೋಟೋ ಪಿಟಾನ್ ದಾವತೆಮಾ ಅಗಡಿಯಾರ್ ಜಾಗೇನ್ ಆಸಾಕರಚ. ⁴⁷ ಓ ರಾಂಡ್ ಬಿರೆರ್ ಘರೆನ್ ಗಲನ್ ಮಾಯಾರ್ ವೆಸೇತಿ ಲಾಂಬೋ ಅರಜ್ ಕರಚ ಓ ಉಜ್ಜಿ ಜಾದಾ ಸಜಾಲಚ ಕನ್ ಕೋ.