¹ ಉ ಓರ್ ಚೆಲಾನ ಹನೂಕೋ -ಆಡೋ ನ ಆಯೋಜು ರೇನಿ ;ಪಣ್ ಉ ಕೆರ್ವಡಿತಿ ಆವಚಕೋ ಓರ ಭಾವೆಟಿನ್ ಮ ಕಾಂಯಿಕು? ² ಎ ನಾನ್ ಕ್ಯಾವುಮಾ ಎಕೇನ್ ಆಡೋ ಕರಜೇತಿ ಓರ್ ಗಳೇಮಾ ಘತ್ತಿರ್ ಭಾಟಾನ ಭಾಂದನ್ ಸಮುದ್ರೆಮಾ ಪದ್ ಜಾಜಕೋ ಓನ ಆಚೋ. ³ ತಮರ್ ಬಾರೆಮಾ ತಮ ಹುಷಾರೆತಿರೋ ;ತಾರ್ ಭಾಯಿ ಚುಕ್ ಕರತೋ ಓನ್ ದಲ್ಕಾರೋ ;ಉ ದಲ್ ಬದ್ಲಾಲತೋ ಓನ್ ಮಾಪಕರ್ , ⁴ ಉ ಎಕ್ ದಾಡೆಮಾ ಸಾತ್ ಹಪ್ತಾ ಚುಕ್ ಕರನ್ ಸಾತ್ ಹಪ್ತಾ ತಾರ್ ಸಾಮು ಫರನ್ ದಲ್ ಬದ್ಲಾದೊಕನ್ ಓನ್ ಮಾಪ್ಹ್ ಕರಣೂಕನ್ ಕೋ. ⁵ ಜನಾ ಅಪೋಸ್ತಲ್ ಪ್ರಭುನ್ -ಹಮಾರ್ ವಿಶ್ವಾಸೇನ್ ಜಾದಾ ಕರಣೂ ಕನ್ ಕೆ . ⁶ ಪ್ರಭೂ -ತಮೆನ ರಾoಯೀರ್ ದಾಣಾ ಅತ್ರಾ ವಿಶ್ವಾಸ ರತ್ತೋ ಘುಲ್ರೆರ್ ಝಾಡೆನ್ ದೇಕನ್ -ತು ಜಡೆತಿ ಹುಕಡನ್ ಸಮುದ್ರೆಮಾ ಗಡ್ ಜೋ ಕನ್ ಕತೋಯಿ ಉ ತಮಾರ್ ವತೇರ್ ನೈ ವೆಜಾಚ . ಆಚೆನ ಕರೆರೋ ಅಪಣೆರ್ ಕಾಮ್ ಕನ್ ಕೇರ್ ಬೋದಾ ⁷ ನಾಗರ್ ಖನೆವಾಳೋ ನವತೋ ಗೊರ್ಲಿಚರಾಯೇವಾಳೋ ತಮೇಮಾ ಕೆನಿತೊಯಿ ಎಕ್ ಬಾಂಯಾರತ್ತೋ ಉ ಖೆತೆಮಾಯಿತಿ ಆವಜನಾ ತು ಅಬ್ಬಜ್ ಜಾನ್ ಖಾನೋ ಖೋಕನ್ ಕಚ್ ಕಾಂಯಿ? ⁸ ಹನುಕೆನಿಜು -ಮ ಖಾನೋ ಖಾಯೇನ ಕೋಯಿ ತಯಾರ ಕರೆನ್ ಕದ್ ಬಾಂದ್ಲೇನ್ ಮ ಪಿಯೂ ಖಾವ್ಯಜೆಲಗೂ ಮಾರ್ ಸೇವಾಕರ್ ;ಪಚ್ಚತು ಖಾನಾ ಪಿಣಾ ಕರ್ ಕನ್ ಓನ್ ಕಿಯೆ. ⁹ ಕೊಜಕೋ ಕಾಂ ಉ ಬಾoಯಾ ಕಿದೊಕನ್ ಉ ತಾತಿ ಘನೋ ಮದ್ದತ್ ವಿಕನ್ ಕಿಯೇಕಾoಯಿ ? ¹⁰ ಹನುಜ್ ತಮ್ ಸದಾ ತಮೆನ್ ಕೆಜಕೋ ಸೇಕಿದೇ ಜೆರ್ಪಚ್ಚ ಹಂ ಕಾಂ ದಾನಿಜಕೋ ಬಾoಯಾ ಹಂ ಕರಣೂಜಕೋ ಕಿದೆಕನ್ ಕೋ . ಆಚ್ ವೆಜಕೋ ದಸ್ ಕೊಡೆವಾಳ್ ¹¹ ಉ ಯರುಶಲೆಮೇನ್ ಜಾರೋಜನಾ ಸಮರಿಯ ಗಲಿಲಾಯಾರ್ ವಚ್ಚ ಜಾವತೇರ . ¹² ಉ ಏಕ್ ಗಾಮೆಮಾ ಜಾವತೋ ರಜನ ದಸ್ ಆದ್ಮಿ ಕೊಡೆವಾಳ್ ಓರ್ ಸಾಮಣಕ್ ಆನ್ ಘನಂ ಹುಬ್ರೇನ್- ¹³ ಯೇಸು ಪ್ರಭೂ ಹಮಾರ್ ಉಮ್ಪರ್ ದಯಾದಕಾಳ್ ಕನ್ ಕಲ್ ಕಾರಿ ಮಾರೇ ¹⁴ ಉ ಉನೇನ್ ದೇಕನ್ ತಮ್ ಜಾನ್ ತಮಾರ ಜಿವ್ದಾನ್ ಯಾಜಕೆನ್ ದೆಕಳೋ ಕನ್ ಉನೇನ ಕೋ ;ಓ ಜಾರೆಜನಾ ಆಚ್ ವೇಗೆ . ¹⁵ ಉನೇಮಾ ಎಕ್ ಉ ಆಚವೆಗೋ ಜೇನ್ ದೇಕನ್ ಮೋಟೋ ಘೋಣೆತಿ ದೇವೇನ್ ವಿಂತಿ ಕರ್ತೋ, ¹⁶ ಹೋಟೋ ಆನ್ ಯೇಸುನ್ ನಮಣ್ ಕರನ್ ಓರ್ ಪಗೆಪರ್ ಉಂದೋ ಪಡೋ ;ಉ ಸಮರಿಯಾವಾಳೋ. ¹⁷ ಜೆರ್ವಾಸ್ ಯೇಸು -ದಸ್ ಆದ್ಮಿ ಆಚ ವೇಗೆಕೊನಿ ಕಾಂಯಿ ,ಓ ನವ್ ಆದ್ಮಿ ಕತ್ತ? ¹⁸ ಈ ಪರಲೋ ಆದ್ಮಿ ಚೋಡನ್ ದೇವನ್ ನವಣ್ ದೇನ್ ಫರನ್ಆಯೋಜಕ್ ಕುಣಿ ದಿಸಾಯೋಕೊನಿಕಾಂಯಿ ?ಕನ್ ಕೆನ್ ತು ಉಟನ್ ಜೋ . ¹⁹ ತಾರ್ ವಿಶ್ವಾಸ್ ತೋನ ಆಚೋಕಿದೋ ಕನ್ ಓನ್ ಕೋ . ದೇವೆರೋ ರಾಜ್ ಕನ್ನಾ ಕತ್ತ್ ಅವಚ್ ²⁰ ದೇವೇರ್ ರಾಜ್ ಕನ್ನಾ ಅವಚಕನ್ ಪರಿಸಾಯರ್ ಓರ್ ಡಾoಯಿ ಪೋಚೆ ಜನಾ ಉನೇನ ಉ -ದೇವೇರ್ ರಾಜ್ ದಕಾವಜು ಆಯೇನಿ. ²¹ ಇದೇಕ್ ,ದೇವರ್ ರಾಜ್ ತಮಾರ್ ವಚ್ಚ ಛ ;ಜೆರ್ವಾಸ್ ಇದೇಕ ಅತ್ತಚ ;ಉದೇಕ್ ವತ್ತಚ ಕನ್ ಕೆಜಾಯೇನಿ ಕನ್ ಉನೇನ್ ಜವಾಬ್ ದಿನೋ. ²² ಉಜ್ಜಿ ಉ ಓರ್ ಚೆಲಾವುತಿ ಹನುಕೋ -ಮನಕ್ಯಾರ್ ಬೇಟಾರ್ ದಾಡುಮಾ ಎಕ್ ದಾಡ್ ದೆಕ್ನುಕನ್ ತಮ್ಆಸಾ ಕರೇರ್ ದಾಡ್ ಆವಚ ಪಣ್ ಓ ದಾಡೆನ್ ದೇಕೊನಿ. ²³ ಓ ಇದೇಕ್ ಅತ್ತ ಉದೇಕ್ ವತ್ತ ಕನ್ ತಮೇನ ಕತ್ತೋ ಜಾವೋ ಮತ್ ;ಉನೇರ್ ಲಾರ್ ಜಾವೋಮತ್. ²⁴ ಆಸ್ಮಾನೆ ಹೇಟನ್ ಏಕ್ವಡಿತಿ ವಿಜಳಿ ಖವಾನ್ ಆಸ್ಮಾನೆಹೆಟ್ ಉಜ್ಜೇಕ್ ವಡಿ ಕಿಂ ಝಾಂಕಚ್ ಕೊ ಹನೂಜ್ ಮನಕ್ಯಾರ್ ಬೇಟಾ ಓರ್ ದಾಡೆಮಾ ರಚ . ²⁵ ಪಣ್ ಅಗಡಿ ಉ ವಾರ್ಸೆಕ್ ಬಾವೇಟಿ ಪಡನ್ ಎ ಪಿದಿವಾಳೋತಿ ಚುಟ್ ಜಾವಣು . ²⁶ ನೋಹಾರ್ ದಾಡುಮಾ ವೋಜು ಮನಕ್ಯಾರ್ ಬೇಟಾರ್ ದಾಡುಮಾ ಸದಾ ವಚ್ಚ. ²⁷ ಓಡುಮಾ ಜಾವಜೆ ದಾಡೆಲಗು ಜನ್ ಖಾತೇ ಪಿತೇ ವಾಯಕರ್ತೆ ವಾಯನ್ ಕರಾತೇ ರ,ಅತ್ರಾಮಾ ಮೋಟೋ ಪಾಣಿ ಆನ್ ಓ ಸೇನ್ ನಾಸ್ ಕಿದೋ . ²⁸ ಲೋತುರ್ ದಾಡುಮಾ ಚಾಲೋಜು ಸದಾ ಚಾಲಚ ;ಜನ್ ಖಾತೇ ಪಿತೇ ಲೇತೇ ವೆಚತೇ ಪೈರಿಗಾಡ್ ತೆ ಘರ್ ಬಾಂದ್ ತೇರ . ²⁹ ಪಣ್ ಲೋತು ಸೋದುಮಾ ಶೆರೆನ್ ಚೋಡ್ ಗೊಜಗೋ ದಾಡೆಮಾ ಆಸ್ಮಾನೆತಿ ಅನ್ಗಾರೆರ್ ಪಾಣಿ ಪಡನ್ ಉನೇನ್ ಸೇನ್ ನಾಸ್ ಕೀದೋ . ಮನಕ್ಯಾರ್ ಬೇಟಾ ದಕಾವಜೆ ದಾಡೆಮಾ ಚಾಲಚ. ³⁰ ಈ ಜಗತಿಮಾ ಘನೋನನ್ ಸ್ವರ್ಗೆಮಾ ಶಾಸ್ವಿತ್ ಜೀವೇನೇನ್ ಪಾಯೇನಿಜು ರೆನಿಕನ್ ಸಾಸಿಜ್ ತಮೆನ ಕೆರೋಚು ಕನ್ ಕೋ . ಯೇಸು ಓರ್ ಮೊತೇನ್ ತಿನ್ಮೋ ಹಪ್ತಾಕೆರ್ ³¹ ಉ ದಾಡ್ ಘರೆಪರ್ ರೆವಾಳೋ ಘರೆಮಾ ರಜಕೋ ಓರ್ ಚಿಜೇ ಲೆಜಾಯೇನ್ ಉತರ್ಣೂ ಕೊನಿ ಹನುಜ್ ಖೆತೆಮಾ ರೆವಾಳೋ ಸದಾ ಫರನ್ ಅವಣೂಕೊನಿ . ³² ಲೋತುರ್ ಗೋನ್ನಿನ ಹರ್ದಲಾಲೋ. ³³ ಓರ್ ಜಾನೇನ ಜತನ್ ಕರಲೆನ್ ಆಸಾ ಕರಲೇನ್ ಆಸಾ ಕರೆವಾಳೋ ಓನ್ ಗಮಾಲಚ ಓನ್ ಗಮಾಲೆವಾಳೋ ಓರ್ ಜಾನೆನ ಜತನ್ ಕರ್ಲಚ ³⁴ ಓ ರಾತೇಮಾ ದೋಯಿ ಎಕ್ ಮಂಚಮೆಪರ್ ರಚ ಉನೇಮಾ ಎಕೆನ್ ಚೋಡ್ದಚ್ . ³⁵ ದೀ ಬೀರ್ ಘಟ್ಟಿ ಫೆರೆಜೆಮಾಎಕೆನ್ ಲೆಜಾವ ಎಕೆನ್ ಚೋಡ್ ಜಾವ್ಚ. ³⁶ ಚೆಲಾವೋ -ಪ್ರಭೂ ಈ ಕತ್ತ ವಚ ಕನ್ ಓನ್ ಪೂಚೆ. ³⁷ ಜನಾ ಉ ಮರ್ದಾ ಕತ್ತ ರಚಕೋ ವತ್ತ ಸಮೇಳಿ ಗೋಲಾವಚ್ ಕನ್ ಉನೇನ್ ಕೋ .