ሃፑክ 2 ቶንቶሮካ ሹ እንካ ዶጝታም መንፈስ ቅዱስ ጎባ ¹ ቶንቶሮካ ሹ እንካ ዶጝታም ከሹ እን ሄክሾጝ እንግን ፓይላ ፑኡሺሜን ክየምጵኔ ጋኔን ኦክየም። ² ሉጉድዻ ፑጉ ቁዋቃ ኬና ውይ ሳይሌ ናቅዲ ኣኔኬኔ ኩንኬ ፎላዬ ቆቃ ኦካ ቶኦ እን ጋኒኔ ቆቤኑጝ። ³ ካት ጊታኬና ሙኔን ኬካ ጉ ጌዬና ኦግዬይ፤ ካሺሜንዻዬ ኡፔያ እንግን ክየም ክየም። ⁴ እንግን ፓይላ ቆቃ ከመንፈስ ቅዱስ፤ መንፈስዻ ካሃሳወንባ ከእን ኣዬ እንግን ካርሲያ ከቶግ እንቃ እንቃ ሃሳውኔን። ⁵ ከሹ እን ከኦካ ዛርሲ ጊታይ ኣኔን ዳሉጝ ክያኒ ዱቡጝ ፓይላ ኣና ውርካ ኣይሁድ ጊታኬና ፓዬንኬ ኢየሩሳሌሜ ሪግሼን ባሪዮ። ⁶ ዋዬ ናቅዲ እኑጝ፤ ዛርሲ ፓይላ ፑኡሺሜና ክየምጵን፤ ውራን ሃሳወን ከቶግ ጊዬ ጊዬይዬ ከዋዬን ጊዬይ ካቢሜና፤ ⁷ ከዻዹጝኔኔ ጎሺዬኔ ሺጝ እያጝ፤ ውር ጊታጝ ሃሳወን እያጝ ፓይላ ማር ውርካ ገሊላዬኒ? ⁸ ኣኪ፤ ኡዋው ክየም ክየም ሃሓሳውና ከቶካ ኦይን ጅሼ ኡዋውያጝ ከዋይቶጝ ኣኔን እያንያጝ? ⁹ ኡዋው ሃኣይቴ ውርካ ጳርቴና፣ ሜድ፣ ውርካ ኢላሜጤም፣ ከመስጴጦምያ፤ ካይሁዳ፣ ካቀጶዶያ፣ ካጳንጦስ፣ ካእስያ፤ ¹⁰ ካፈርግያ፣ ካጵንፍልያ፣ ካግብፅ፣ ከኦካ ውር ጊታይ ኣኔን ኦካ ቆጩርካ ቀሬና ከውር ጊታይ ቆቤን ሃምካ ጎብሼንካ ሊቢያጝ ፓዬንኬ ሃም ከሮም ¹¹ ኣይ ኣይሁዴ ሻው ሃምካ ውርካ ይሁዳጝ፤ ውርካ ቀርጤስናዬ ካዐርብዬ ሃኣንቴባዬ፤ ውራን ሃሳወን ዋድማ ታቺካ ባሪዮ ከቶግ ጊዬይዬ ሃዋያባ። ¹² ውር ፓይላ ከጎሺዬኔ ከካቢሚኔኔ ሺጝ ዳቡጝ ካኣይ ኦዌ ሃሳወና። ¹³ ፕር ውር ክየም ክየም ሺጝ፤ ማት ኣላላ ኬና ማር ዱቡዬኔ ጊያዬ ጎልቲያ እንግን። ¹⁴ ከሹ እን ጴጥሮስ ከኦካ ታጲካላን ናሹጜ ዾራ፤ ሻም ናቅዲ ኔኒ ዼግዻዬ ሺጝ እያጜ ሜይሼያ ዛርሲ፤ እየው ውርካ ይሁዳ፤ ጊታይ ቆቤን ኢየሩሳሌምዻ ፓይላ፤ ይን እባጅባ ክያጃ ክየም፤ ዋይባ ሹቃዻ። ¹⁵ ዋዳዻ ናንዳካጝ ካኒ ኣዬኬ ዻም ሰዓት ጅያኑጝ፤ እየው ከእያይ የቃብቶጝ ውር ጊታጝ ካኒ ጮይኬን። ¹⁶ ኣይባዬ ይጝ ከውርካ ቶካ ባሪዮ ኢዩኤል ሃእን ሺጜ እያጜ ሃሳዎጝ፤ ¹⁷ ባሪዮ ሺጝ እያጝ፤ ከሹ እንካ ቱንሱጝ፤ መንፈስ ናኒ ሃኣርሼባ ኦካ ውር ጊታይካ ኣሩጝ ፓይላ፤ ጁማኔ ሃኣጛኔ ሃንታ ጊዬይዬ ሃሳውባ ሃሳዋ፤ባርሻን ጌይባ ክያጃ እንካ ሙኒንቴ ሌሜኑጝ ውር ጌቿን ሹኬንባ ሹካ። ¹⁸ ከሹ እን ከኦካ ውርካ ዋድማካ ጁማኔ ሃኣጛኔ ሃእርሼባ መንፈስ ናኒ፤ እንግንዻ ሃሳውባ ሃሳዋ። ¹⁹ ከፎላ ዾዮክ ሃዹዋልሼንባ ኦኬ ሹቃ፤ ዱቡ ዳሊ ክያንዻ ሃኣዬንባ ዹዋልሺኔን፤ ኒያቡዬ ጉዌ፤ ²⁰ ከሌሜንካ ኩኔንካ ታቺ እጝ እን ኣይ ታቺዬ ጎብንታጝ፤ ሹሽዻ ዋክሼባ እያጝካ ድሙጉጝ፤ ትጌሽዻ ዋክሼባ እያጝካ ኒያቡጝ። ²¹ እን ሺው ሮጝካ ታቺ እጝ ፓይላ ባይሽባ። ²² ሃንታካ እስራኤል ዮ፤ ዋይባ ክያጃጝ፤ ከእያይ የእባጅቴ እየው ኤታጋኑጝ፤ ባሪዮ ከኦካ ጫቃን ጉዩ ከታካ ኢየሱስ እንካ ናዝሬቱጝ ክሊዬና ኦኬ ሹቃዬ ዹዋልሺኔን ሹቃሹቃ ጊታዬ። ²³ ባሪዮ ከቱሙዬን ባካ ኦባ ኔኒዬ ከእባጄን ባሌሜዬ ውሩጝ ሳስክዬ ኣያ ቡዋ ጉዩ፤ እየውዻ ከኦካ ቡዋካ ውር ጋራን የሮያዬ የኒሻያ። ²⁴ ዬ ባሪዮ ቡል [ጣር] እንካ ኣርሼኔ ቲታ፤ ኣርሼን ካኒ ቻሊኬን ጎሜ ሺዕሺዬን። ²⁵ ዳዊትዻ ናንዳካ እሺ ሺጝ እያጝ፤ ሹ ጮል ሃጌይባ ታቺ እን ናኑጝ ኦካ ሌሜን ናኒ፤ እሺ ኣኔን ቡዎን ናኒ ክያኒዬ፤ ክየምጵንዻ ሃሪግሼንኬን። ²⁶ ዬ ሻን ናኒ ዋዝንዺያ፤ ቆሩጝ ናኒዻ ሻማ ዋዛ፤ ኣሩጝ ናኒዻ ኡፓ ከዋዛ ሹቃ። ²⁷ ካኒ ኦቼኬን ናፒሲ ናኒ ጉ ክያኒዬ፤ [ቅዱስ ኑኑዻ ካጫፊዮጝ ካጌዮጝ የሻሚኬን። ²⁸ ካእባጄ ጉዋርካ ዻቆጝ ሻማና፤ ከሌሜንዻ ቋቁሻምባ ከዋዛ። ²⁹ ጪኒጌን ናኒዮ፤ ከኦካ ሹቡጊን ጊታባ ሌሙጝ ዳዊት ኣርሾግ ቱቱኳ፤ ሌይ ጋን ሌሲ ኔኒ ጌይኔ ጫቃን ጉዋዩ ክያኑጝ ከሾያሞ ሃክያጅባ። ³⁰ ኣዬ ውርካ ቶካ ባሪዮጝ፤ ባሪዮ ከኦካ ቢዛ ኔኒ ካኣጁጜ ክየም ፎላ ዾዮክ ካራም ክያኑጝ ሁሉኩሼ ቃቦጝ እባጃ። ³¹ ሌምሼ ከእን ጌዬን እሺ ካማሬ ኦካ ጉ ሺዽዬኔ ኣሩጝ ኔኒዻ ካማሬ ጫፊዬኑጝ ክያጃ ናንዳካ ናሹጜንካ ክርስቶስ። ³² ይን ባሪዮ ቲታ ኢየሱስ ከኣርሼን ክያኒ፤ ኡዋው ፓይላ ሃኣያ ማኝካ ዳቡጝ። ³³ ዬ ጌዬኬ ኦካ ቡዋካ ባሪዮ ቡዎን ዼግዼጉጝ ጩዋ፤ [ቃቦካ መንፈስ ቅዱስ ቦኬ ኦካ ሹኔዬ ጋን እርሻ እን የቶይቴዬ የዋይቴዬ። ³⁴ ዳዊት ካኒ ሌፍኬን እያጝካ ፎላጝ፤ ዬ እሺ ኤምኑ ሺጛ እያጝ «ታቺ ታቺ እን ናኑጝ፤ ³⁵ ጋል ኑኑ ሌይ ሃምኬ ሻሜ ካባጜንካ ጃፑጝ፤ ኡፓ ቡዎን ናኒ። ³⁶ ኣኪ፤ ባሪዮ ከኢየሱስ ይጝ እየው የሮይቶጝ ከእያይ የሻምቴ ታቺ እንዻ ክርስቶስዻ ውርካ እስራኤል ፓይላ ካእባጆጝ/ ³⁷ ዛርሲዻ ሹ እን ዋዬ እኑጝ ካሎን ዱማ ሻን ጊዬይ፤ ጴጥሮሴ ሐዋሪያ ዶኬ ዋይሼ እንግን እያጝ፤ ጪኒጌን ጉዋዩ ዮ፤ ኣኪ ካሻሚ ኦ? ³⁸ ጴጥሮስዻ ዋይሼ እንግን እያጝ፤ ሁሉኪ ይሁኔን፤ ካሺዕሺሼ እየው ሴሶ ጉዩዻዬ እየው ክየም ክየም ከሮጝካ ኢየሱስ ክርስቶስ ዱቅዬንባ፤ [የቦዋባ ኣይኔንካ መንፈስ ቅዱስ]። ³⁹ ክያጃ እንካ ቃቦጝ ናንዳካ እየወ ሃንታካ ጉዩዬ ፕር ኣምላክ ታቺ እን ውር ጊታይ ሺውሼ ሃሚን ኔኑጝ፤ ሃኬ ጊታይ ኣኔን ዹክዻ ፓይላዬ። ⁴⁰ ክሊዬን እንግን ከክያጃ ጁዋኑ እንቃዬ ሺጝ እያጝ፤ ከኦካ ጅሼን ቆሮጝ ዻዓሺባ እየው ኤታጋን» ሺጝ እያይኔ ኣጅሺሻ እንግን። ⁴¹ ጊታይ ቦው ክያጃ እንዻ ዱቅያ፤ ከሹ እን ውር ጊታኬና ኣይ ሺ ጅያን ካይሚሼና እንግን። {ከጋጝ ቆቤንካ ውር ጊታይካ ይሁኔኑጝ} ⁴² ከእንግንዻ ከእርርኔንካ ሐዋርያዬ ከጋጝ ቆቤኔ፤ ከባላሻ ጩኬኔ ይሁኔኔ ጋኔን ቁዋቅትሼን። ⁴³ ከኦካ ቡዋካ ሐዋርያታን ናንዳካጝ ጋኒኔ ኦኬ ሹቃዬ ዹዋልሺኔኔ ኣሽክዬኑጝ፤ ውር ፓይላ ሪግሼና። ⁴⁴ ጊታይ ኣምኒ ክያጃ እን ፓይላ ጋይኬ ጋጝ። ⁴⁵ ጉዋሩጙሽ ኣንቲቲ ጊዬይዬ ጋኔን ውር ክየም ክየም ጊታይ ዎሺሽ ኣንቲቲ ኣዬን። ⁴⁶ ሹ ጮል ከኦካ ቶኦካ ይሁኔን ጌዬንኬ ጋጝ ክየምጵኔ፤ ከኦካ ራቅ ጊዬይዻ ፓቺሼ ጋጝ ባላሻዬ ከዋዛዬ ከሻን ሹቃዬ ጋኔን ኣምኔን፤ ⁴⁷ [ጎሺዬን ባሩዮዬ] ከኦካ ሌሜንካ ውር ፓይላ