¹ Wassa ummati wassi Yeso Alɛ Yirsenda Gennesaret gho, eeza umuto nɔnɔ ko ɨsɨghɛ nɔŋa Tamuo, ² Ko nɔnɔ ajɔa ghɔŋgule ramma maamea dheza iya adhɔtɛ eeza aghɔŋɛ ulughei wassi nɔŋa ayɛ unyɛ kɨɨsɛ ghee gho. ³ Ko nɔnɔ utung goŋgula odhe, ko goŋgulyi nyana a Saimoni, ko nɔnɔ ighɨn nɔnɔ ko kugune gongul bokia tɔ.Ŋa nɔnɔ ayɛ lʉza goŋgula ɛdhɛmi eeza. ⁴ Ko wassi nɔnɔ idhija aliya gho , nɔnɔ anne Saimon, kole kɨssɛ ŋietei bhurke gho ko kalakami uluge. ⁵ Ko Saimon abhodhe , “Eeza abbo agga kamɛnɛ bhalibhali ko wassa ko gii kalakama anjoni.ko gaaji wa ɔsɔanɛ nuna kɛnɛ anda kole kɨssɛ maa tɔ. ⁶ Ko wassi nɔgɔ imɛza gho, nɔgɔ alakami ulushi mele ko shɔ kɨssɛ ghee kene ketejhe. ⁷ Ko nɔgɔ uzɛ ghɔnɔghɛa ate goŋgulezene iŋgɛti tanada ko kiza kɛldha nɔgɔ , ko nɔgɔ iza ko ibhizɛ goŋgula ɛnɛ ramma ulugei ko goŋgule idhidhiŋɛ ko kute. ⁸ Ko wassi Saimon Betro ijhe nɔŋi jegi gho, nɔnɔ uj lo kunde Yeso gho ko anni, “Alan “Lord bhi rɛna ŋieta nande ; Anda keni eeshi kolomi ridiŋ!” ⁹ Ko nɔnɔ ko eeza wa alakamɛ uluge bhaɛ awashie ulugia wa alakamɛ nɨgɛ. ¹⁰ Ko Jɨmes ko Yohannes erroa zebhedhee ghɔnɔghɛa amisɛ kaarɨ ko Saimon.Yeso anne Saimon, “Ŋa aŋolye lo akanɛ ŋoshogo kɨdhɨ unda ashala eeza hulla ulugezinu.” ¹¹ Ŋa nɔgɔ ugunde goŋgulɛa ghee bɔgɛ dhe, ko nɔgɔ odhozi ghɨna bhaɛ ko ogowi nɔnɔ. ¹² Ko wassi Yeso ŋanɨ katamɛnɛ ɨŋgɛti gho, eeza ɔlɔ kɔllɛ akʉna ŋieta nɨndɛ. Ko wassi nɔnɔ ajɔa Yeso gho,aghazɛ kɛɛrɛa ghɨnde lo ko ala nɔnɔ, “Alan,aji unda adhimmi gho mɛa anda ko kiye hɔrɛ. ” ¹³ Ŋa Yeso itoni aiiza nɨndɛ ko alaka ee. Ko nɔnɔ iye, “Anda kadhimmi ko aʉ hʉrr! ko dhoghoni kɔllɛ ɔdhɔ nɔnɔ. ¹⁴ Ko Yeso amadhe nɔnɔ, “Ŋa osee ʉtʉmma, ko bhi ko hɛla ɛla nunde ŋieta gɔldanɔ ko kudhule dambija bhalɨ ɔsɔanɛ Musee gho gaaji unda iye shallɛ ko kɨdhɨ kiye kal ŋieta nee. ¹⁵ Ko kamanna nɨndɛ atahanye ŋii mele, ko kimsena eeza aʉna ko kɨsɨgɛ nɔnɔ ko kʉrghuɛ mutanyoge ghee gho. ¹⁶ Ko nɔYeso ɔshɔra ɛlɛa nɨndɛ ko kaɔ bhisha ŋietaji eeza anjoni ko kala Tamu. ¹⁷ Ko wassa ummati wassi nɔnɔ ɛdhɛmɛa gho, Bharisayo ko dhemioga ko nɔŋa akʉle , ghɔnɔghɛa aʉna olyege Galilia ko Yudhan ko Yerusalem gho, ate lʉza ŋanyana .Ko dhɔrɔgisa Alanɔ aɛ ŋieta nɨndɛ ko kʉrghu eeza amɔrɔnɛ. ¹⁸ Ko ɨtɨŋgɛ aʉna ko akananɛ eeza anyakʉanye silenja ko kote nɔnɔ kessa Tamuo gho ko kabagi nɔnɔ woyina Yeso gho. ¹⁹ Ko wassi nɔgɔ ŋanɨ ŋa ajɔanɛ gaŋgui kakote tɔ gho, gaaji kimsen enine mele gho nɔgɔ ɔzɔ kuraja daa ko kosonia nɔnɔ silenja nɨndɛ gho ,tana azajɔko kɛrgɛnyi kimsujo gho woyina Yeso gho. ²⁰ Ko wassi Yeso ijhe Yewisa nee gho, nɔnɔ anni, “Dhehuny, ridhiŋa ghunde wa kodhotegiŋɛ.” ²¹ Ŋa Bharisayo ko dhemioga ko nɔŋa akʉle agataɛ ko ezedhi nɨgɛ kɛŋa , “Aŋɛnɛ nyini adhome gho? Aŋɛnɛ ɛndɛ adhozine ridhiŋ gho ko nɔ a Tamuo odhedhe? ²² Ko Yeso agha nʉŋgo ghɨnyi ɛzɛjhɛ nɨgɛ gho ko aghɨn, “Aŋɛnɛ ugga ezejhu ghɨnyi jegi sɨnezɨne ghoo gho? ²³ Aghɔnɛi ino abhaye gho, ko kiyɛzɔ , “Ridhɨŋa ghunde wa kodhotegʉŋa ,dha kiyɛzɔ “Ɨŋa sɨna ko tɔɔ? ²⁴ Ko ma ugga aghayu dha Dhola Eeza ɔlɔ gulsasɛ lʉza ŋai ko kodhoza eeza ridhiŋ ” Ŋa nɔnɔ iye eeza anyakuanye, “Anda kosɨni unda, ɨŋa jina ,ko dhumma silenija nunde ko bhi ɔlɔ.” ²⁵ Ko dhoghoni nɔnɔ ɨŋa jina woyina nee gho, ko ʉdhumma gaa wa oŋine ko ʉg ɔlɔ ko ɔdhɔŋ Tamu. ²⁶ Ko eeza bhaɛ awashie ko odhoŋ Tamu.Ko nɔgɔ ɔzɔŋɔldhɛ ko iyɛzɔ,” Agga wa kejhuya nɔŋa shallɛ ŋoshogo. ²⁷ Ko wassi iyeʉrda gho , Yeso ʉg bhaya ko ɔjɔa eeza amuk gharata kane lebhi aɛ ŋieta nɨndɛ amuge gharata gho ko Yeso iye nɔnɔ , “kɔwa anda.” ²⁸ Ŋa lebhi ɨŋa jina, ko ɔdhɔs ghɨna bhaɛ ko ɔghɔbh nɔnɔ. ²⁹ Ŋa Lebhi ɨmɨ yeso dhaginda abbɔrrɔ kessa nɨndɛ gho ko kimsuja abbɔrrɔ ko eeza amukɛ gharata ko iya ɨŋgɛ adhake ko nɔgɔ. ³⁰ Ko Bharisayo ko dhemioga ko nɔŋa akʉle ɛghɛndɔ ko kobhogha yeso ko iyɛsɔ “ Ko nʉggo yeso adhake ko eeza amukɛ gharata ko eeza ɔlɔmɛ ridhiŋ ³¹ Ko Yeso abhodhe nɔgɔ, “Akim ŋa adhimo eeza arunɛ adhi eeza amɔrnɛ. ³² Anda kakʉna ko kuzu eeza ɔlɔmɛ ridhiŋ ko kokole gho, anda ŋakakʉna ko kuzuɔ eeza shallɛ. ³³ Ko nɔgɔ anine nɔnɔ , ‘Yohannes kobhogha ghɨndɛ didi ɛdhɛyɛ elezi magi ko alayɛ Tamu hulla amɛ kobhogha Bharisayɔ gho ko nɔ iya ghunde adhake ko agudhɛ.” ³⁴ Ko Yeso abhodhe , “Iya gho ɛndɛ unda amɨ dhehunyena karujo kato magi aji ate ko nɔgɔ kaarɨ gho? ³⁵ Ko nɔ saatija kɨdhɨ akʉna wassi karu Kɨdhɨ kayɛ ŋieta nee gho; ko gonyasɛ jaga kɨdhɨ nɔgɔ ate magi. ³⁶ Ko nɔnɔ osee nɔgɔ kalyi nyini: “Eeshi kadhumma rumma shullagɛ ko koke rumma ɛnɛ mudha anjoni.Aji nɔnɔ amɨ gho, nɔnɔ kɨdhɨ arɛja rumma ŋanɨ shullagɛ ,ko rumma shullagɛ ŋaadhitoyo ko iya ɛnɛ mudha. ³⁷ Ko eeshi ka kudhuze wayna ŋanɨ shʉllagɛ dhorteja rɛnɛ anjoni .Aji nɔnɔ amɨ gho , wayna shʉllagɛ kɨdhɨ abhasaye ko wayna udhute ko dhorte aɛ hɔrɔ. ³⁸ Ah, Ah, wayna shʉllagɛ ma kudhuze dhɔrteja shʉllagɛ ³⁹ Ko nɔnɔ anni , “Eeshi ka kɨdhɨ wayna shullagɛ anjoni ɔssi ugur iya rɛnɛ gho, shalli iya rɛnɛ.