¹ Ko haratoge ɛnɛ ɔmɔzɔ ko tʉr ko tugainesa Tebharia Kaesar gho, Bantius Baɛlot a gabhanaja Yudhia , Ko Hɨrod a gulsaja Galilia ,ko ghɔzɔnɛa nɨndɛ Bhilibh a gulsaja eturia ko Trakonitius ko Lysanias a gulsaja Abhilene. Traconitis and Lysanias is leader-of Abilene. ² Ko saatija Annas ko kaiabhas enine gɔldaɛza matɛ gho, nɔŋa Tamuo aʉna ŋieta Yohannes Dhola Zakaria korua tɔ. ³ Ko nɔnɔ ʉg katamɛnɛ ate Yordhana gho,ko ɛgɛrmɛsi shʉrɛsa kolendo ko iya kadhozinyɛzɛ ridhiŋ. ⁴ Dambija akani orgataja Aizaya ko eeza ɔtɔtɔgi nɔŋa Tamuo gho: “Olome ʉtʉmma ɛgɛrmɛsi korua tɔ,amɨ Alan gaŋgu.Amɨ nɔnɔ gaŋgu kaɔ dɨɨb.” ⁵ Ko hunasho bhaɛ kɨdhɨ ibhɨtɛ ,ko kutulnya ko kurugi kɨdhɨ amɛ kato rash Ko gaŋgena uturgulanye kɨdhɨ amɛ ko ate diib, ko gaŋgena ɛnɛ kɛgɛsh kɛgɛsh kɨdhɨ amɛ kiye dhubadhuba. ⁶ Ko eeza bhaɛ kɨdhɨ ijhese elisa Tamuo. ⁷ Ŋa Yohannes iye kimsuja aunanɛ ko kʉjʉrɛ nɨnɛ, “Ugga bhaɛ eghɨ kukaji! Aŋɛnɛ ibhashʉŋ ugga koereji dha bagisa Tamuo akʉna gho? ⁸ Udhunda kɛɛnɛ kɛɛrɛ ko olomi tuguɛnɛ ko ugga ŋa aninu elezia ghoo agga koloma baba naa Abram.Anda kosɨnʉŋ ugga bhɛyɔnɛ jegi bhaya Tamu kɨdhɨ adhɔŋ erroa daa. ⁹ Ko Gata aʉ sɨnda kɛnɛ ko iyeʉrda ,ko kɛna bhaɛ iya kɛɛrɛa shallɛ ŋadhuŋanɛ gho kɨdhɨ katedha ko kakole go.” ¹⁰ Ŋa kimsu aghɨnu, “Ŋa agga kɨdhɨ kami nya? ” ¹¹ Ko Yohannes abhodhe, “Eeshi ɔlɔ rummi ramma gho, kanye odhe ghɔnɛa nɔnɔ rumm ŋa ɔlɔmɔ,ko ghɔnɛa ɔlɔ tɨla gho ko nɔnɔ kɨmɨ hulley lɛ. ¹² Ko eeza amukɛ gharata ko nɔgɔ aʉnanɛ ko kʉjʉrɛghɔ.ko nɔgɔ aghɨna, “Dhemiogi,” Ŋa agga kɨdhɨ kɨmɨsa nya? ” ¹³ Ko nɔnɔ anne nɔgɔ, “Ŋa amuganu birishaɛ mele kikaŋ ghɔnɔghɛa wa adhimu uggau.” ¹⁴ Ŋa mɛtɛlɛkɛa ɨŋgɛ aghɨnye nɔnɔ, “Agga kɨdhɨ kɨmɨsa nya?” Ŋa nɔnɔ abhodhe, “Ŋa amoginu eeza birisha ko ŋa abaginu hɔlɔŋ ɛnɛ ashaye birisha kekesiʉŋa shi.” ¹⁵ Ko eeza bhaɛ ereyo ko awashie sɨnezine ghee gho ko ereya Yohannes aji dhereshi a Kiristo gho. ¹⁶ Ŋa Yohannes abhodhe nɔgɔ bhaɛ , “Anda kajʉrjʉŋ ugga maamɛ .Ko ghɔnɛa odheshi ɔlɔ dhɔrɔgi kijara anda kɨdhɨ akʉna , ghɔnɛa anda ŋa kene gari ko kubhurujhɔ shaa. Nɔnɔ kɨdhɨ akʉna ko ajʉrjʉŋ ugga kʉlɔja Tamuo hɔrɛ gho ko goya. ¹⁷ Nɔnɔ kɨdhɨ akʉna ko areye kɔk ko kugan gɔra shallɛ ɛzɛ adhak du gho,ko nɔnɔ erre iyaa shallɛ dɔja nɨndɛ .Ŋa nɔnɔ ɔshɔgɛ gɔra adhak du goa ŋa adhɨzɛ.” ¹⁸ Ko Yohannes ɔsɔa ghɨnyi mele ko kamar eeza ko kuzuguyɛ ko nɔnɔ osee nɔgɔ kamanna shallɛ. ¹⁹ Ko wassi Yohannes ɔsɔa ghɨna gerre amɨ Hɨrodhi, ko tɛruja ghɔzɔnɔnɛ ɛnɛ Hɨrodhian gho , ko ghɨnɛ ɛnɛ miniŋa amɨ nɨnɛ gho bhaɛ, ²⁰ Ko Hɨrod ɔtɔrɛ ghɨnyi jegi bhaɛ nɔgɔ: Ko nɔnɔ unyugɛ Yohannes kessa shebhio. ²¹ Ko wassi eeza bhaɛ kʉjʉrɛza gho, ko nɔnɔ Yeso kujurɛza .Ko aji nonɔ ŋanɨ ala Tamu gho, tamu daa ɔwɛ. ²² Ko kʉlɔja Tamuo hɔrɛ akʉna ŋieta nɨndɛ hulla Yɛllajɔ. Ko uzu akʉna hurr tamua daa: “Unda enni Dhola nande odheshi ,iyaa kelemunyina; anda kelemune ɔrrɔ ŋieta nande. ²³ Ko Yeso wassi nyana nɔnɔ ɔlɔ harato eeshiodhe ko ɔmɔzɔ wassi nɔnɔ ɛsɛgɛa mɨna nɨndɛ gho. Ko nɔnɔ a eru, ko ɛzɛjhɛ, Yosebh ,eruja Heli, ²⁴ Eruja Matta , eruja lebhi, eruja melki, eruja Jannaɛ, eruja Yosebh, ²⁵ Eruja Matiyas, eruja Amosi,eruja Natum, eruja Elis, eruja Ŋagain, ²⁶ Eruja Matta, eruja matiyas,eruja semion, eruja Josesh,eruja Jodha, ²⁷ Eruja Joannan, eruja Resa, eruja Zarubhabhel, eruja sheatiel, eruja Nari, ²⁸ Eruja melki ,eruja Adhi, eruja kosam, eruja Elmadham,eruja Eri, ²⁹ Eruja Joshua,eruja Elizer, eruja Jorim ,eruja Matta, eruja levɨ, ³⁰ Eruja Saimon ,eruja Yudah,eruja Yosebh , eruja Jonam ,eruja Eliakim, ³¹ Eruja melea ,eruja menna ,eruja mattata,eruja Natan, eruja Daudhi, ³² Eruja Jissi ,eruja Obhe,eruja Salom, eruja Nasho ³³ Eruja Amminadab,eruja Ram , eruja Hezron,eruja Bɛrɛs,eruja Yuda, ³⁴ Eruja Yakob ,eruja Izaag ,eruja Abrami, eruja Tera, eruja Nahor, ³⁵ Eruja Seraŋ , eruja Reu, eruja Beleŋ, eruja Eber,eruja shela, ³⁶ Eruja kainan ,eruja Arabhad,eruja Shem, eruja Noo, eruja Lamesh, ³⁷ Eruja Metusela , eruja Enosh, eruja Jaredh, eruja Mahalalel, eruja kenan, ³⁸ Eruja Enosh, eruja set, eruja Adami, eruja Tamuo,