¹ Ŋoshondo iye rugumɛsa ko sololya ŋa kujugurane bogum iya kanne dhaginda jajune, iye ɔjhɔnɛ gho, ² Ko gɔldaiza ɛnɛ gulsen ko dhemioga ko nɔŋa akʉle ɛshɛlyɛ gaŋgegenyi ka kartaɛ Yeso , ko nɔgɔ aŋoline eezaa. ³ Ko shɨtan utunk Yudhas , ghɔnɛa kanne Iskariot, iya ɛnɛ kobhogha ɛnɛ ɔmɔzɔ ko ramma. ⁴ Ko Yudhas ʉg ŋieta ko gɔldan ɛnɛ gulsa ko ŋieta ko eeza abhɛk kessa Yehudhanu alɛa Tamu ko kalie ko nɔgɔ nɔnɔ kɨdhɨ azaline Yeso nɛ. ⁵ Ko nɔgɔ elemune ko alakanda ko kanjete nɔnɔ bhirisha. ⁶ Ko nɔnɔ alakama ko ɛshɛl gaŋgui ka kanyine Yeso nɔgɔ wassi kimsen anjoni gho. ⁷ Ko aʉna gonyasɛ ko sololyaɛ ŋa kujuguranegho bhogum gho iyaa dhaginda jajune a udhulenesa azzanu. ⁸ Ko Yeso iton Betros ko Yohannes ko anne, “Ɔzɔ ko imisegezu aggi dhaginda jajune. ⁹ Ko nɔgɔ aghɨnye, “ Unda adhimu agga kimisa dhaginda jajune ŋaino? ¹⁰ Ko nɔnɔ abhodhe, “Aji ugga atʉnʉku katama gho, eeshi kɨdhɨ anyak maa kɨdhɨ utumonu ko ugga. oghowi nɔnɔ ko ŋieti atʉnke kissi nyana. ¹¹ Ko Dhemiogi aghɨne ko anne mandinyɛa kessu, “ kessa bhanyu aɛŋaino ŋieta ɛndɛ anda kadhaka dhaginda jajune ko kobhoga ghande? ¹² Nɔnɔ kɨdhɨ elsinʉŋ ugga kessa abbɔrrɔ aɛ da, iyaa ɔlɔ ghɨna bhaɛ. Ko imiso ŋanyana.” ¹³ Ko nɔgɔ ɔzɔ ko ojoya ghɨna dambija wa osine Yeso gho shi. Ko nɔgɔ imɛɛ daginda jajune. ¹⁴ Ko wassi saati akʉna gho, Yeso ko ekoga ghɨndɛ ato goŋgula dhakio gho. ¹⁵ Ko nɔnɔ anne nɔgɔ, “Anda kadhimmi ko kadhagi dagindi jajune nyini ko ugga woyi anda ŋa kibiragho. ¹⁶ Ko anda kosɨnʉŋ ugga, anda kɨdhɨ ŋa kadhake rɨgɨnɛ ko ŋieti kajɔanɛ bhizɛnɛ tugainesa Tamuo gho.” ¹⁷ Ŋa aji nɔnɔ udhumma kombi ko iyeʉrda gho, nɔnɔ anye shallizen, ko anni , ” Ote ghɨnyi jegi ko eŋeri uggau bhaɛ. ¹⁸ Ko Anda kosɨnʉŋ ugga, Anda kɨdhɨ ŋa kaghude kɛɛrɛ wyinu rɨgɨnɛ ko ŋieta Tugainesa Tamuo akunanɛ. ¹⁹ Ko Yeso adhumma sololya , ko anye shallizen, ko adhul, ko anye nɔgɔ ko anni, “Nyini a ɛlɛa nande iya kanyu ugga imɛ ghɨnyi jegi ko aghajaŋu anda. ²⁰ Ko gaŋgua nyana lɛ, aji dhaghinda jajune iyeʉrda gho nɔnɔ adhʉmma kombi , ko anni , “kambishi nyini a kombija ko nɔŋa ŋanɨ shʉllagɛ, iyaa kɨdhɨ kudhizenuŋ ugga. ²¹ Ko nɔ aɨɨza ghɨndɛ iyaa kɨdhɨ azalinya anda katiya ko anda kaarɨ gaŋgula. ²² Ko Dhola Eezo kɨdhɨ ako hulla ko iyaa bhalɨ ɔsɔa Tamu, ko nɔ ula a iyaa ko eeshi nyana azaline nɔnɔ gho.” ²³ Ko nɔgɔ ighɨndo nɨgɛ kɛŋa aino ŋieta naɛ ami gii nyini gho. ²⁴ Rɨgɨnɛ ŋieta nee ɔlɔ ŋeri ko aghɔnɛi ino kɨdhɨ kajɛwa kiye eeza abbo gho. ²⁵ Ko Yeso anne nɔgɔ, “Alana ko eeza Yehudhan ŋaɛnɛ, Alan aɛ ŋieta nee; ko eeshi amisɛ gulsasɛ ŋieta nee gho aʉyɛ elezɨa ghee Bɛnɛbaktas. ²⁶ Ko nɔ ugga ŋa ka atizo hulla nyana. Ŋietaji, ghɔnɛa abbo aɛ ŋieta noo gho kɛnɛ kidhito ko erru, ko ghɔnɛa ughayeza aghɔnɛji aŋerine ghɨna gho. ²⁷ Ko ghɔnɛi ino abbo gho, aghɔnɛi aɛ goŋgula gho dha a ghɔnɛji aŋɛr ghɨna gho? ŋaɛnɛ ghɔnɛi aɛ goŋgula gho? Ko nɔ anda kaɛ ŋieta noo ko kaŋerinʉŋ ghɨna. ²⁸ Ugga eghɨnu ghɔnɔghɛa kalɛ ko Anda aji kilabhɛzɛ gho. ²⁹ Ko Anda kanyʉŋ ugga tugaine, aji ko nɔ Baba nande anya odhe anda gho. ³⁰ Ko ugga adhatɔ ko ugujho goŋgula nande gho ko tugainesa nande gho ko ato aleja, ko abate bhornyoga Isiraeli ɛnɛ ɔmɔzɔ ko ramma. ³¹ Ko Saimon, Saimon, Shitan aghɨn nɔgɔ ko kʉzʉghʉ kidhito ko goso. ³² Ko Anda kalaini Tamu unda , Saimon, ko yewɨsa nunde ŋa alyoŋ. Ko wassi unda ɔbhɔdha gho, mɨ ghozonoghu kokomigho.” ³³ Ko nɔnɔ abhodhe, “Alan, Anda kareye kɔk ko kɔzɔ ko unda kessa shebhio gho ko rɛza kaarɨ.” ³⁴ Ko Yeso abhodhe, “Anda kosini unda, Betros, unda kɨdhɨ ageŋa anda ŋii iyo aji kou arɔgɛ gho ko ŋa ghaa anda.” ³⁵ Ŋa Yeso aghɨn nɔgɔ, “Wassi Anda kekʉŋ ugga hɔrɔ birisha kindoŋ, mugan, dha shaa gho, ɛndɛ ugga ŋanɨ adhimu ghɨnɨŋgɛ rɨgɨnɛ?” Ko nɔgɔ abhodhine, “Anjoni.” ³⁶ Ko nɔnɔ anne nɔgɔ, “Ko noshogo aji ugga olomu birisha gho, ote, ko shɔ ote mugaɛ rɨgɨnɛ; ko aji ugga ŋa olomuo masha gho, azaldɔ rummiza ghoo ko azalda odhe. ³⁷ Ko akane; ‘Ko nɔnɔ ozoyi ɔrrɔ; ’ ko anda kosɨnʉŋ ugga ghɨnyi jegi kɨdhɨ ibhitɛ ŋieta nande. Eee, gii akane nɔŋɛ ghande gho kɨdhɨ ako ɛlɛnɔyɔ.” ³⁸ Ko kobho annɛ, “Ijhe, Alan, mashashaɛ ɛnɛ ramma jegi.” “Ko nɔnɔ abhodhe, A mele ɔrrɔ. ³⁹ Ko Yeso ʉg hulla tuga-yanɨ kutula olibhi gho, ko kobhogha ghɨndɛ oghowi nɔnɔ. ⁴⁰ Ko aji ajuganɛ ŋieta nyana gho, nɔnɔ anne nɔgɔ, “Alai Tamu ko ŋa inononu ghɨnyi gerre.” ⁴¹ Ko nɔnɔ adhumma bhei ko akole nɔgɔ woyi , ko aghazɛ kunden lo ko ala Tamu. ⁴² Baba, aji unda adhimma, bhizɛ kombishi nyini ŋieta Anda, ko nɔ ŋa ɛnɛ nɔŋa ghande, ko nɔ anye kɨmɨsa ŋieta nunde. ⁴³ eko tamuo dha ajugone nɔnɔ ko amisɛ nɔnɔ kokomɔ. ⁴⁴ Ko nɔ aji ɔshɔlaye, ko nɔnɔ ala Tamu ɔrrɔ ko mulugɔna nɨndɛ idhito ko bheza inonone lo. ⁴⁵ Ŋa wassi nɔnɔ ɨŋa ŋieta alaɛ Tamu ko abhɔr ŋieta ko kobhoga ghɨndɛ gho, nɔnɔ ajɔa nɔgɔ oŋine, abirnanɛ ulanɛ. ⁴⁶ Ko nɔnɔ aghɨn nɔnɔ, “Ainɛ ugga oŋinu gho?” “Ɨŋazɔ jina ko alai Tamu ko kɨdhɨ ŋa inononʉŋ gii kilawesʉŋa.” ⁴⁷ Ko wassi ŋanɨ ali gho kimsu iza, ko eeza kane Yudhas, iyaa ɛnɛ kobhoga ɛnɛ ɔmɔzɔ ko ramma, idhigana nɔgɔ. Ko nɔnɔ ɛlɛn Yeso ko ɔshɔbɔɔ nɔnɔ. ⁴⁸ Ko Yeso aghɨn nɔnɔ, “Yudhas, unda azaline Dhola Eezo Shoboinda?” ⁴⁹ Ko wassi kobhogha Yeso ijhe gii kɨdhɨ ka kɨmɛɛ gho, nɔgɔ annɛ, “Alan, ɛndɛ agga kubusuya mashashanɛ dha?” ⁵⁰ Ko odhe ŋieta nee ubusu garta ko gɔldhana abbo, ko atɛdha ɨzanda nɨndɛ aza. ⁵¹ Ko nɔ Yeso abhodhe, “Ŋa ka kiye ŋii mele!” Ko nɔnɔ alaka ɨzanda eezo ko ʉrghʉ nɔnɔ. ⁵² Ŋa Yeso anne gɔldana ɛnɛ gulsa, eeza abhɛk kessa Yehudhanu alaɛ Tamu, ko eeza matɛ ghɔnɔghɛa aʉna ŋieta nɨndɛ, “Anda kuga eezaa duyo, ko ugga izagaŋu mashashanɛ mɨrɔsɛza? ⁵³ Didi Anda kɨdhɨ ko ugga kate kessa Yehudhanu akakazɛ gho, ko unda Ŋa tadhega aɨɨ Anda. Ko nɔ nyini a saatija noo wassi -mugurse ɨŋa gho. ⁵⁴ Ko amagine nɔnɔ, ko nɔgɔ idhiganyɛ nɔnɔ rɛna ko ayɛ nɔnɔ kessa ko gɔldana abbo gho. Ko nɔ Betros agɔbh nɔnɔ. ⁵⁵ Ko wassi nɔgɔ ashɔgɛ go gho kɛrghɛna ko ŋieti kabagɛ nɔŋa gho ato lʉza kaarɨ, ko nɔ Betros ko nɔgɔ ato lʉza. ⁵⁶ Ko garta ɛnɛ sedhe ijhe nɔnɔ aɛ goya aŋagɛ gho. Ko nɔnɔ ijhe nɔnɔ ojhonu ko anne, “Eeshi nyini bhalɨ ate ko nɔnɔ kaarɨ. ⁵⁷ Ko nɔnɔ agɛŋa. “Ko nɔnɔ anni, Tɛru, Anda nɔnɔ kimagi, ⁵⁸ Ko ŋi kite hʉŋ ʉtʉmma ijhe nɔnɔ ko anne, “Shɔ unda enni odhe ŋieta nee. Ko Betros abhodhe, “Eeshi, Anda ŋa kenie!” ⁵⁹ Ko saatija ʉmmati odhe akʉna rɨgɨnɛ., “Ko dhogoni anne eeshi nyini bhalɨ ate ko Yeso, ko nɔnɔ a eeza Galalia.” ⁶⁰ Ko Betros abhodhe, “Eeshi, Anda ŋa kaghaɔ ghɨnyi aliyu gho!” Aji kite ŋanɨ ali hulley gho, kou arɔgɛ dhogoni. ⁶¹ Ko Alan ʉkɛ ko ajin Betros diib. Ŋa Betros aghadha nɔŋa Alanɔ ghɔnɔghɛa wa kosee nɔnɔ: “Woyi kou ŋa kɔrɔghɔ gho, unda kɨdhɨ aghɛŋa anda ŋii iyo.” ⁶² Ko nɔnɔ ʉg bhaya ko uzulu telenda. ⁶³ Ko eezaa wa abhɛkɛ Yeso esegeya ko ighine ko ibhije nɔnɔ. ⁶⁴ Ko nɔgɔ ijewi nɔnɔ kɛɛrɛ ko adhimme, “Tɔtɔtɔgɛa nɔŋa! Aŋɛnɛ abhishi unda gho?” ⁶⁵ Ko eeshi mele nɔgɔ odhomi nɔnɔ ghɨnɛji ghɨndɛ. ⁶⁶ Ko gonyasɛ jaga eezaa matɛ, ko gɔldana abbo ko dhemioga ko nɔŋa akʉle, ko ʉtʉmo kaarɨ, ko Yeso ayi woyina nee gho. ⁶⁷ Ko nɔgɔ annɛ, “Oseke agga,” “Aji unda enni kiristo gho,” Ko Yeso abhodhe, aji Anda kosɨnʉŋ ugga gho ugga kɨdhɨ ŋa ayebhaŋuɔ anda. ⁶⁸ Ko aji Anda aghɨnyʉŋ ugga gho, kɨdhɨ ugga ŋa abhodhanyɔ! ⁶⁹ Ko ŋoshogo lɛ, Dhola Eezo kɨdhɨ aɛ aɨɨza aza ko dhɔrɔgɨsi Tamuo gho.” ⁷⁰ Ko nɔgɔ bhaɛ aghɨnye, “Unda enni Dhola Tamuo?” Ko nɔnɔ abhodhe, “A dhereshi dambija ɔsɔanyʉŋ uggau gho.” ⁷¹ Ŋa nɔgɔ annɛ, “Aɛnɛ agga kadhi kalishi mele gho? Agga wa kisɨgɛ uzuga nɨndɛ gho.”