¹ Ŋa eeza mele amugɛ iŋazɔ ko idhigani nɔnɔ ŋieta Bhailot. ² Ko nɔgɔ esegheye ko odhomi nɔnɔ, ko annɛ, “Agga wa kalakanda eeza ayɔm loja naa. Nɔnɔ abhirɛ kisenesa gharatajɔ iya kaesar ko nɔnɔ amaga anni a kiristo, alan.” ³ Ko Bailot ighine Yeso, “Unda enni Alana Yehudhanu?”Ko Yeso abhodhe, “Eee, adambishi ɔsɔanɛ nande gho.” ⁴ Ŋa Bailot osee gɔldaiza ɛnɛ gulsen ko kimsen, “Anda ghɨnyɨ gerre kajɔa ŋieta ko eeshi nynini anjoni.” ⁵ Ko nɔgɔ ŋa adhimme kalakanda ko nɔnɔ adhimme eeza bhaɛ loja Yudhas gho dhemɛnɛsa nɨndɛ gho nɔnɔ ɛsɛghɛa Galilia ighiya shɔ ŋii. ⁶ Ko aji asɨnɛ nɔŋi jegi gho , Bhailot aghɨn eeshi aji nɔnɔ a eeza Galilia gho. ⁷ Ko Wassi nɔnɔ agha dha Yeso aɛ aɨɨza Hɨrod gho, nɔnɔ iton nɔnɔ ŋieta Hɨrod, iyaa ayɛ Yerusalema saatija nyana. ⁸ Ko wassi Hɨrod ijhe Yeso gho , nɔnɔ elemune ɔrrɔ , gaaji saatishi une ɔrrɔ ,nɔnɔ adhi kijhe nɔnɔ . Nɔŋɛji ghɨndɛ asɨgɛ nɨnɛ, nɔnɔ adhimme ko kijhe ghɨna akakanɛ ami nɨnɛ. ⁹ Ko nɔnɔ aghɨn nɔnɔ ghinesaɛ mele, ko nɔ Yeso gii abhodhegi anjoni. ¹⁰ Ko gɔldaiza ɛnɛ gulsen ko dhemioga ko nɔŋa akʉle alɛ ŋanyana, aranɛ ko aŋanyɛ nɔnɔ. ¹¹ Ŋa Hɨrod ko mɛtɛlɛkɛa ghɨndɛ atarartɛ ko iminandɛ nɔnɔ. Aghʉnshene rummiza ko massaja kazi, ko nɔgɔ itoni nɔnɔ hurto ŋieta Baɛlot. ¹² Ko wassa nyana Herodh ko Baɛlot iyɛzɔ dehunyen ko bhalɨ la nɔgɔ miroko gho. ¹³ Ko Baɛlot aʉ gɔldaiza ɛnɛ gulsen ŋieti odhe, ko eeza abhakɛ nɔŋa, ko eezaa, ¹⁴ Ko anne nɔgɔ, “Ugga anyananʉŋ anda eeshi nyini a eeshi abirɛ eezaa kɔyɔndɛ gho. Anda wa kighina nɔnɔ woyina noo ko gii kajɔa gerre ami nɨnɛ anjoni. ¹⁵ Shɔ Hɨrod gii ajɔa anjoni, ko nɔnɔ iton nɔnɔ ŋieta naa rɨgɨnɛ ; hulla ijhesu uggau gho, nɔnɔ gii ami anjoni ko kirɔ.” ¹⁶ Ŋanyana-ghɔɛ, Anda kɨdhɨ kɔshɔla nɔnɔ ŋa kɔsa nɔnɔ.” ¹⁷ (Ko nɔnɔ dambija nee gho ɔta eeshi odheshi ŋieta rugumio gho.) ¹⁸ Ko kimsuja odhe ari, “Ote eeshi nyini rɛna! Ko ɔtagezu agga Barnabbhas!” ¹⁹ ( Ko Barnabbhas kakole kessa shibhio ŋieta katamaɔ gho ko kaghandɔ.) ²⁰ Ko nɔnɔ adhi ko kogha Yeso, Baɛlot ala nɔgɔ rɨgɨnɛ. ²¹ Ko nɔgɔ arjɛ dhɛsdhɛs, “Odhodhoi nɔnɔ! Odhodhoi nɔnɔ! ” ²² Ko ŋii iyoa nɔnɔ aliyo ko nɔgɔ. “Kenya? Agino gerre ɛdɛa eeshi nyini gho? Anda ŋa kɔjɔa gii ɛdɛa ko kirɔ. Anda nɔ kadhimi ko kibhije hʉŋ ko kuzunda nɔnɔ.” ²³ Ko arjɛ ɔrrɔ ko iyɛzɔ maya nɔnɔ ka dhɔdhɔ, ko arisa nee kalakanda. ²⁴ Ko Baɛlot alakama ko kanye gii wa adhime nɨgɛ gho, ²⁵ Ko nɔnɔ ɔsa ee ghɔnɛa ka kolede kessa shebio ɔsɔainda ko kagaziza, iyaa odhe wa aghɨnye nɨgɛ, ko nɔnɔ anye Yeso nɔŋɛ ghee adhime gho. ²⁶ Ko aji nɔgɔ idhiganyɛ nɔnɔ rɛna gho, nɔgɔ ilita Saimon iya Saira, ghɔnɛa aɛ woja nɨndɛ gho ako Katama, ko atigene nɔnɔ tele ko kanyaga hurtina Yeso gho. ²⁷ Ko eezaa abbo mele aghɔbhɛ nɔnɔ, ɨŋgɛ a tɛra ghɔnɔghɛa alɛnɛ ko alunene. ²⁸ Ko Yeso ukɛ ko anne nɔgɔ, “Sedhea Yeruselami, ŋa alunenaŋu anda; uzule elezɨa ghoo ko erroa ghoo. ²⁹ Ko saatija nyana kɨdhɨ akʉna gho wassi ugga kɨdhɨ annu, “Muyugene iyaa tɛra erro ŋa ɔlɔmanɛ, ko kudheja nɨndɛ ŋa ɔlɔma erru ko korogidho. ³⁰ Ŋa nɔgɔ kɨdhɨ anine kutulnya, “‘Itoge aggi!” ko kurugi “Kughundɛzɛ aggi!”’ ³¹ Ko aji eezaa amisɛ ghɨnyi jegi wassi kɛza alabh gho, ŋa wassi kɨdhɨ adhɔdhɔgɛ gho agino amɛ gho? ³² Ko eeshi ɛnɛ ramma , a ugurnya, ko nɔgɔ kayɛ ko nɔnɔ kaarɨ ko kodhodhoigho. ³³ Ŋa wassi nɔgɔ aʉnanɛ ŋieta kane Skul gho, nɔgɔ odhodhoi nɔnɔ ŋanyana, kadhɔdhɔ ko ugunyashi ɛnɛ ramma, odhe aɨɨza aza odhe aɨɨza kaŋizu. ³⁴ Ko Yeso anni, “Baba, dhoze nɔgɔ, kiye ŋieta nɔgɔ ŋa aghaɛ gii amisɛ gho.” Ko nɔgɔ eŋeri rummiza ghɨndɛ da ko azɔrjɛ lot ³⁵ Eezaa alɛ ashinyɛ, ko shɔ gulsen ararnɛ nɔnɔ. Nɔgɔ annɛ, “Nɔnɔ ʉrghʉ ɨtɨŋgɛ kɔdhɔ; kɛnɛ kʉrghʉ shɔ ɛlɛa nɨndɛ mandinya ri aji nɔnɔ a Kiristoja Tamuo odheshi kabhɛra gho.” ³⁶ Ko mɛtɛlɛkɛa ko nɔgɔ rɨgɨnɛ aʉna ko aŋanyi nɔnɔ. Ko nɔgɔ anyine wayina akakanɛ. ³⁷ Ko anine, “ Aji unda enni Alana Yehudhanu gho, rʉghʉ ɛlɛa nunde.” ³⁸ Ŋanyana ɔlɔ nɔŋi akane ŋieta nɨndɛ da, iyaa kozoyi: Nyini a Alana Yehudhanu. ³⁹ Ko uguryashi jaga odhe ghɔnɛa kilagi ŋanyana ɛsɛghɛa ari ko ɔdhɔm Yeso: ‘Unda ŋa enni Kiristo? Rugu ɛlɛa nunde ko agga!” ⁴⁰ Ko nɔ Uguryata ʉmma oyoge nɔnɔ. Ko nɔnɔ anne, “Unda ŋa aŋolye Tamu, “Agga ŋa kateso rɛza kaarɨ? ⁴¹ Ko aggi kɔshɔlayɛzɛ gaaji ɛnɛ dhereshi kɛdɛa aggau. Ko nɔ eeshi nyini gii gerre ŋa kimiɔ.” ⁴² Ko nɔnɔ anne, “Yeso, kadha Anda , wassi unda akʉna tugainesa nunde gho. ⁴³ Ko Yeso abhodhe nɔnɔ , “Anda kosɨnʉŋ unda dhereshi, unda ŋoshondo kɨdhɨ kate ko unda tamuo da. ⁴⁴ Ko wassi saatinye ɛnɛ tɔrgɔnɔ, ko kolizin akʉna lo bhaɛ ko ŋieti saatinye enine tɔrgɔgɔ. ⁴⁵ Ko kɔr ŋanɨ ŋa aŋagɛ. Ko rumma ghɛgɛdhi woyina ko kessi Yehudhanu kɛdhɛmɛ nɔŋa Tamuo gho ɛŋɛrɛ kɛrghɛna. ⁴⁶ Ko Yeso ar ɔrrɔ aʉ, “Baba, Aɨɨnɛ ghunde gho Anda kanyi kʉlɔja nande.” Ŋa wassi nɔnɔ ŋanɨ ɔsɔa nɔŋi jegi gho, hɔŋisa nɨndɛ izila. ⁴⁷ Ko mɛtɛlɛkɛa, ijhese gii amɛɛ gho, alayɛ Tamu ko annɛ, “ dhereshi nɔnɔ a eeshi shallɛ.” ⁴⁸ Ko wassi eezaa bhaɛ iyaa ɛnɛ manyesha amugɛ gho, dhɔrɔgɨsa nɨndɛ ɛla gima. Nɔgɔ abhishe sinezi ghee ko ɔzɔ rɛna. ⁴⁹ Ko nɔ eeza wa aghayɛ nɔnɔ bhaɛ, shɔ tɛra ghɔnɔghɛa wa aghɔbhɛ nɔnɔ Galilia, alɛ jina rɛna , ashinyɛ ghɨnyi jegi . ⁵⁰ Ko ŋanyana ɔlɔ eeshi Saara kanne Yosebh ghɔnɛa aɛ ɛzɛ jaga, a eeza shallɛ ko a eeza aghɔbh nɔŋa shallɛ, ⁵¹ Ghɔnɛa ŋa aghɔbhɔ nɔŋa wa ka kimɛɛ. Nɔnɔ akʉna Yudhia katamma Arimatiya gho ko nɔnɔ arɛa tugainesa Tamuo. ⁵² Ako ŋieta Baɛlot, ko aghɨn ɛlɛa Yeso. ⁵³ ko nɔnɔ akoɛ loza ko aghum rumma ɛnɛ shɛlshɛl gho! ko Irene bholkua ɛnɛ tabar iyaa ʉtʉmma Ŋa kiyandɛ. ⁵⁴ ko gonyasa kamɛnɛ gho, esegheyanɛ sabbazɛ. ⁵⁵ Ko tɛruja wa aʉna ko Yeso Galila ɔghobh Yosebh ko ijhese bholku ko ɛlɛi nɨndɛ kinyaŋi nɛ. ⁵⁶ ko nɔgɔ aʉna ɔl ko amɛnɛ gii aŋɔlɛ ko zaitaja kushule ɛlɛ. ko nɔgɔ uyuwese sabbata goa gho elemundo gho ko madinyogu gho.