¹ Ko saatija ŋanyana ɨtɨŋgɛ ate ghɔnɔghɛa osine Yeso nɔŋa Galilian iyaa ujuguranɛ Baɛlot bheza ghee ko udulenesa nee gho. ² Ko Yeso abhodhe, “Ugga annu, dha Galilianyi jegi ɔlɔmɛ ridiŋ ɔrrɔ kijara Galilian iŋgɛ bhaɛ gaaji nɔgɔ abirnanɛ gaŋgua nyini gho? ³ A,A! Anda kosɨnʉŋ ugga, Ko aji ugga ŋadhotuo gho,kɨdhɨ ko ugga arinu. ⁴ Dha jaga ɛnɛ ɔmɔzɔ ko turge ghɔnɔghɛa arinɛ wassai ayɛ Siloama ko inonone ŋieta nee gho,ugga ezejhu nɔgɔ ɔlɔmɛ ridiŋ ɔrrɔ kijara ghɔnɔghɛa ate Yerusalema bhaɛ? ⁵ A,A ! Anda kosɨnʉŋ ugga , Ko aji ugga ŋadhotuo gho, kɨdhɨ ko ugga bhaɛ arino. ⁶ Ko nɔnɔ osee kalyi nyini: Eeza ɔlɔ kɛza ɛnɛ bhogoni guya, nɔnɔ ako ko ɛshɛl kɛɛrɛ ghɨndɛ , ko nɔ ŋakojɔa shɔ odheshi. ⁷ Ko nɔnɔ anne eeza wa abhɛk gui, ‘Haratoge jegi ɛnɛ iyo , Anda kakʉna ko kijin kɛɛrɛa ko bhogoni nyini ko ŋakɔjɔa shɔ odheshi, tedhe lo! Aɛnɛ nʉŋgo kiminaŋɛ bhiliŋa gho? ⁸ Ko ee abhodhe, “‘Eeza abbo, Dhɔs nɔnɔ bhisha haraza odhe rɨgɨnɛ , Anda kɨdhɨ kabhuge ŋinyana ko kuwiya rɨgɨnɛ. ⁹ Aji adhuŋa kɛɛrɛ haraza ghɔla gho, aɛ shallɛ! Aji ŋa adhuŋa gho, tedhe lo.” ¹⁰ Ko wassa ɛnɛ sabhat gho Yeso ɛdhɛmɛ kessa Yehudhanu ɛdhɛmɛ nɔŋa Tamuo gho, ¹¹ Ko tɛruja anyakuanye harato ɔmɔzɔ ko turge iya azani kʉlɔja minindo. Ko nɔnɔ anyakuanye, ko ŋa ɔdhɔ rɛga. ¹² Ko wassi Yeso ijhe nɔnɔ gho, nɔnɔ au nɔnɔ woyi ko anne, “Tɛru, unda aʉ hɔrɛ mutana nunde gho.” ¹³ Ŋa nɔnɔ azadhɛ aiina ghɨndɛ nɔnɔ , ko dhogoni nɔnɔ iŋa jina ko ɔdhɔŋ Tamu. ¹⁴ Ko ɛdhɛb gaaji Yeso urghuɛ sabhat, ko gulsaja ko kessa Yehudhanu alɛ Tamu anne eezaa , “ goŋyasɛ jaga mamɛnɛ a turkɔnɔ kɔdhɔ. Ko iza gonyasɛ jaga ko ŋa rʉghʉyʉŋo , ŋaɛnɛ Sabhata.” ¹⁵ Ko Alan abhodhe nɔgɔ , “Ugga eeshi adhanu nɔŋa Tamu jegi! Ugga ŋieta noo goŋyasɛ ɛnɛ sabhat gho, odhe ɔssa olinya ghɨndɛ dha hartesha ghɨndɛ bhaɛ ko aŋir nɔgɔ bhaya ko kugudhɛ maa gho? ¹⁶ Ŋa kakiye tɛru, iyaa ɛnɛ sedheja Abrami iyaa anyakuan Sɨtanɛ harato ɔmɔzɔ ko tʉrge, ko aʉ hurr gonyasa ɛnɛ Sabhat gho, ko kuzundɛ nɔnɔ? ” ¹⁷ Ko wassi nɔnɔ ɔsɔa ghɨnyi jegi gho, mɨrɔga ghɨndɛ adhag nɔgɔ liya, ko eezaa bhaɛ elemunde ghɨnɛ jegi shallɛ ami gho. ¹⁸ Ko Yeso aghɨne, “Tugainesa Tamuo adhito ko nya? Ko agino kɨdhɨ kudhugue Nana gho? ¹⁹ Adhito ko duguja kiteli, iyaa akuɛ eezɛ ko udug guya nɨndɛ gho, ko alina ko a kɛza abbɔrrɔ ko kalɛa dhanyu aʉna ko ɛghɛnshɛ keya ghee nyatanɛ. ²⁰ Ko nɔnɔ aghɨne rɨgɨne, “Agino Anda kɨdhɨ kudhugu ko Tugainesa Tamuo gho? ²¹ Adhito ko tɛruja adhumma bhogʉŋ ko igishi ko gutuma abbɔrrɔ ko ŋieti kɨdhɨ igishene bhaɛ. ²² Ŋa Yeso ʉg ko uzunu katamɛn ko olyo tɔ, edhemɨo gaŋgu-gaŋgu ako Yerusalma ami gaŋgua nɨndɛ. ²³ Ko ʉtʉmma adhɨn nɔnɔ , “Alan, ko nɔgɔ anne nɔnɔ, kɨdhɨ eeshi ɛnɛ kasha a aji kʉrgʉ gho kɔdhɔ? ” ²⁴ “Okomigho ko utunuge tʉtʉga ŋushuwɛ, Anda kosɨnʉŋ ugaa , gaaji eeshi mele, kɨdhɨ ilawese ko kʉtʉnugegho ko ŋa ɔjanɛ. ²⁵ Ko wassai mandinya kessu ɨŋa jina ko anyʉg tʉtʉg gho, kɨdhɨ ugga alenu bhaya udhukuyu ko amanogho, “Eeza abbo, oweke agga tʉtʉg.” “Ko nɔnɔ kɨdhɨ abhodhe, “Anda ŋa kaghayʉŋo ugga, shɔ aʉnanu ŋaino? ²⁶ Ŋa ugga kɨdhɨ annu , “Agga kadhagina ko kagudhɛ ko unda kaarɨ ko unda ɛdhɛmɛ gaŋgene ghaa gho.’ ²⁷ Ko nɔnɔ abhodhe , “ Anda kimaghʉŋ ugga shɔ aʉnanu ŋaino : ɔzɔ rɛna ŋieta nunde . Ugga bhaɛ eginu eezaa amisu ghɨna miniŋu. ²⁸ Ko ŋanyana kɨdhɨ ɔlɔ ula, ko adhaku nigiza, wassai ijhesu Abraham, Izaag ko Yakobh ko eeza ɔtɔtɔgiyɛ nɔŋa Tamuo bhaɛ ate tugainesa Tamuo gho, ko nɔ ɛlɛa nunde kakoliniŋɛ bhayɛ. ²⁹ Ko eezaa kɨdhɨ aʉna hurr atara ko kolo ko ŋʉma ko lo- kolo , ko kɨdhɨ ayɛ rughumɛsa nee Tugainesa Tamu gho. ³⁰ Ko dhereshi kɨdhɨ ghɔnɔghɛi jegi ate hurto gho kɨdhɨ aji ate woyi gho, ko ghɔnɔghɛa ate woyi kɨdhɨ aji ate hurto gho. ³¹ Ko wassi nyana eeza ɛnɛ Bharisayo auna ŋieta Yeso ko anine nɔnɔ , “Dhozi ŋieta nyini ko bhi ŋieta ʉmmati . Hɨrod adhi ko kaghazi unda. ³² Ko nɔnɔ abhodhe, “ Bhi ko ɔsee bɛtushi nyana , Anda kɨdhɨ katogi miniŋa ko kʉghʉ eeza ŋoshondo ko loga ,ko gonysaɛ ɛnɛ iyo gho Anda kɨdhɨ kajuga ŋieta kadhimmi gho . ³³ Gaaji ka kɨmɛ , Anda maya wassi ko lɔga , ko nyiza dhereshi eeza ɔtɔtɔgi nɔŋa Tamuo ŋa ka kirrɔ Yerusalema bhaya! ³⁴ “O Yerusalem, Yerusalem, ugga eeshi akanu eezaa ɔtɔtɔgiyɛ nɔŋa Tamuo ko ajuku bhɛyɔ iyaa bhalɨ kitonanʉŋ ugga , aŋino kɨdhɨ Anda kaye ŋii une ko kamuganɛ eroa ghoo kaarɨ gho , hulla ko kouza amuga dhɔgɔla ghɨndɛ ko amuge tawa tɔ , ko ugga ŋa idhɨndaŋuo Anda! ³⁵ Shi hʉŋ , kessa nunde odhozogi unda bhisha ,Anda kosɨni unda ,unda kɨdhɨ ŋa ijhesa rɨgɨnɛ ko ŋieti unda anni ,“muyugene a iya ko eeshi akʉna saarɛ Alanɔ gho.“