¹ Ko wassa ʉmmati Yeso ala Tamu ŋieta ʉmmati. Ko wassi nɔnɔ idhija gho, kobhogha ghɨndɛ odhe anne nɔnɔ, “Alan, dhemɨ agga ko alaya Tamu, hulla Yohannes ɛdhɛmɛ kobhogha ghɨndɛ gho.” ² Ko nɔnɔ anne nɔgɔ, “Wassi ugga alainu gho, iyɛzɔ: “‘Baba saara ghunde kɛnɛ kɔdhɔndɛ, tugainesa nunde kigiya. ³ Anye aggi goi ko dhaginda naa aɛ didi. ⁴ Dozeke aggi ridhiŋa ghaa, hulla ko eeza agejhɛzɛ aggi ko kadhozinya ridhiŋa ghee. Ko ŋa anye aggi kilatɛzɛ.” ⁵ Ŋa nɔnɔ anne nɔgɔ, “Ɛndɛ wa ma odhe ŋieta noo nyini ɔlɔ dehuny, ko nɔnɔ ako ŋieta nɨndɛ bhali kɛŋa ko anne, ‘Dehuny, anya anda sololya iyo, ⁶ Gaaji dehunya nande woja akʉna ŋieta nande, ko anda ŋa kolome gii ka kanye nɔnɔ.” ⁷ “Ko ghɔnɛa aɛ tɔ abhodhe, ‘Ŋa akɔrana anda. Tʉtʉg wa kunyugɛ ko iyeʉrda, ko erroa ghande katiya ko anda alga. Anda ŋa kɨŋŋa ko kanye gimma.’ ⁸ Anda kosinʉŋ ugga dambija nɔnɔ kɨdhɨ ŋa ɨŋanɛ ko anyine nɔnɔ gimma gaaji nɔnɔ dehunya nɨndɛ, gaaji ŋanɨ ee adhi mele ko nɔnɔ kɨdhɨ ɨŋa ko anye nɔnɔ mele dambija adhimme nɨnɛ gho. ⁹ Ko anda kanʉŋ ugga ,ighɨnda, ko ugga kɨdhɨ kanjʉŋɔ,Esheligho, ko ugga kɨdhɨ ojoya; odhokoigho, ko ugga kɨdhɨ koteghuŋɔ.. ¹⁰ Ko eeza aghɨne bhaɛ kɨdhɨ ajɔanɛ; ko eeza ɛsheliyɛ kɨdhɨ ajɔanɛ; ko eeza udhukuye, kɨdhɨ kowegho. ¹¹ Unda enni Baba inno , aji Dhola nunde aghɨn ulugi gho, ko unda anye nɔnɔ kuka gaaji ɛndɛ kenni anyine ulugi gho? ¹² Dha aji nɔnɔ aghɨn bhuraji gho, ɛndɛ kɨdhɨ unda anye nɔnɔ kitɔ? ¹³ .Ko aji unda olomi miniga gho, agha nʉŋgo ghɨna shallɛ kenni anye erroa ghunda ŋa aghɔnɔghɛi ɛnɛ izɔŋ mele kɨdhɨ Baba nunde tamua da anye iyaa aghɨnye nɔnɔ gho!”’ ¹⁴ Ko Yeso arre miniŋa bhay ŋieta ko eeza ɛnɛ duŋga. Ko wassi miniŋa arjaɛ ŋieta eeza gho,eeza waɛnɛ duŋga ali, ko kimsen awashieza. ¹⁵ Ko nɔ ɨtɨŋgɛ annɛ, “Saarɛ shɛtanɔ gho nɔnɔ agulsaja miniŋu ko nɔnɔ otoge miniŋa bhay. ¹⁶ Ko ɨtɨŋgɛ ɨlawi nɔnɔ KO ighɨn ko kɛla dhɔrɔgisa tamuao daune. ¹⁷ Ko nɔ Yeso agha nʉŋgo ezedhinesa nee ko anne nɔgɔ: “ Ko aji Tugainesa aŋɛrɔ kɛŋa gho kɨdhɨ ayome, ko keyi aŋɛrɔ kɛŋa gho kɨdhɨ inannɛ. ¹⁸ Ko aji Shɨtan aŋɛr ɛlɛa nɨndɛ gho, ŋa kɨdhɨ tugainesa nɨndɛ kɨdhɨ alɛ nɛ? Anda kɔsɔa nɔŋi jegi gaaji unda amaga dha anda katogi miniŋa saarɛ minindo gho. ¹⁹ Ŋaga aji anda dha katogi miniŋa saarɛ minindo gho, ŋa akobho igho ghunde atokɛ nɔgɔ bhaya gho? Ko nɔgɔ kɨdhɨ abategiŋɛ unda nɔŋa. ²⁰ Ko aji anda katogi miniŋa saarɛ ko terterendi Tamuo gho,tugainesa Tamuo akʉna ŋieta nunde. ²¹ Wassi eeza adhɔdhɔgɛ ajebhe ko aɛ kɔk ko abhɛk kessa nɨndɛ gho, ghɨna ghindɛ atizo aiizaji shallɛ. ²² Ko wassi eeza ɔlɔ dhɔrɔgi abaga eeza wa woyine ko oghɔra nɔnɔ gho, nɔnɔ ʉgɛ ghɨna wa ayɛbh nɨndɛ ko eŋere nɔnɔ iyaa gerre. ²³ Ko nɔnɔ ghɔnɛi ŋa katiya ko anda kaarɨ gho, aɛ nʉŋgo agejha anda, ko nɔnɔ ghɔnɛi ŋa kamugɛna ko anda kaarɨ gho, aɛ nʉŋgo atahanye. ²⁴ “Ko wassi kʉlɔja minindo ubhuna bhay ŋieta eezo gho, nɔnɔ ʉg ŋietinɛ ɛnɛ mogito gho ɛshɛl ka kuyuwe ko nɔnɔ ŋa kɔjɔa. Ko anni, ‘Anda kɨdhɨ kabhɔdhi kessa bhalɨ kadhozi gho.’ ²⁵ Ko wassi ajuga gho, ajɔa kess dha kidirta jʉʉrʉ ko kamadhi jʉʉrʉ. ²⁶ Ŋa nɔnɔ ako ko akɔɛ kʉlɔsha ɛnɛ tʉrgɛrɛ ko ghɔnɔghɛa mele ɛnɛ miniŋa ijaranɛ ɛlɛa nɨndɛ; ko nɔgɔ ɔzɔ tɔ ko abhagi ŋanyana. Ko utureja ko gerrizena ko eeshi nyana iye gerre ɔrrɔ kijara iya woyine. ²⁷ Ko wassi Yeso ŋanɨ ali ghɨnyi jegi gho, tɛruja aɛ kimsuja tɔ aʉ nɔnɔ, “Muyugene a iyaa ko tɛrushi ayukani unda gho ko irotani unda gho.” ²⁸ Ko nɔnɔ abhodhe, “Muyugene a iyaa ko eeshi aɨinɛ nɔŋa Tamuo ko ayɛbhɛ gho.” ²⁹ Ko wassi kimsen iye mele gho, Yeso anni, “Jegi abira ɛnɛ miniŋa. Ko aghɨnye kakazisa elyaɛ, ko nɔ anjoni kɨdhɨ ŋa kanyegho ko ma a hɛlainesa Yona kɔdhɔ. ³⁰ Ko aji Yonna ɛlse dhɔrɔgɨsa nɨndɛ ŋieta Nenebha gho, kɨdhɨ nɔnɔ Dhola Eezo ɛslɛsa dhɔrɔgɨsa nɨndɛ ŋieta ko birishi nyini. ³¹ Ko Alana ŋaye aɛ kolo ɨŋa goa bakio gho ko eeza ko birishi nyini ko abirinɛ nɔgɔ; nɔnɔ akʉna lo utureja ko kɨsɨg ghʉrghurɨsa Sɔlɔmɔni, ghɔnɛi ijara Sɔlɔmɔn nyini ŋai. ³² Ko eeza Nenebha kɨdhɨ alɛ jina goa bakio gho ko birshi nyini ko abirinɛ bagi; nɔgɔ ɔlɔmɛ kolene gɛrmɛsɛnɛsa Yonna gho, ko ŋoshondo ghɔnɛi odhe ijara Yonna nyini ŋai. ³³ “ko eeshi ka kezeriny lamba ko kulugunye ŋieta aɛ tɨr dha kerre jubha da anjoni.Ŋietaji ɛndɛ nɔnɔ ka kerrine ŋieta aye tarany , ko aji shɔ eeshi atunkanɛ tɔ gho kijhɛzɔ lamba. ³⁴ Kersha nunde a lambaja ko ɛlɛa nunde .Ko wassi kɛɛrɛa ghunde a shallɛ gho, ko nɔ ɛlɛa nunde biŋgili ibhitɛ taŋagiɛ.ko aji nɔgɔ a gerre gho, aɛnʉŋgo ɛlɛa nunde ibhitɛ kolizene. ³⁵ Shinogho,kɛnɛ taŋagisi aɛ ŋieta nunde gho kiye dhereshi ŋaɛnɛ kolizen. ³⁶ Ŋanyana ghoɛ aji ɛlɛa nunde biŋgili ibhitɛ taŋagɛ gho, ko ŋa ɔlɔmɔ kolizen gho, kɨdhɨ dhereshi aŋagɛ, hulla ko lambaja aŋagɛ ŋieta nunde. ³⁷ Ko wassi Yeso adhija alya gho, Barisayɔ au nɔnɔ ko kadhatɔ ko nɔnɔ ;ko nɔnɔ ʉg kisa tɔ ko aya goŋgula dhakio gho lʉza. ³⁸ Ko nɔ Barisayɔ agha nʉŋgo Yeso ŋa kuzunya aiina woyi ŋa kadhatɔyɔ gho, ko nɔgɔ awashie. ³⁹ Ŋa nɔ Alan Anne nɔnɔ, “Ŋoshondo ugga Barisayo unyanu kombi tana bhayu ko jubha, ko nɔ ugga sɨnezi tɔ ɔlɔ dhakose ko miniŋa. ⁴⁰ Ugga eeshi adhalinu jegi ! Ŋaɛnɛ ghinɛaji amɨɨ bhay gho amɨɨ tɔ rɨgɨnɛ? ⁴¹ Ko nɔ anjete gii aɛ jubhaja tɔ gho eeza ɔshɔlaye, ko ghɨna bhaɛ kɨdhɨ kuzunyjɛ kiye shallɛ ŋieta nunde. ⁴² Ula alya ghoo Barisayo, gaaji ugga anyinu Tamu ghɨnyi olomu gho , teleine ko ghinyi ate guya gho bhaɛ, ko nɔ ugga adhotu shallizen ko lemunesa Tamuo. Unda ma amɨ gii ŋoshogune ko ŋa, adhozi iyaa bhalɨ ŋa kɨmɨse hurto. ⁴³ “Ula a iyaa ghoo Bharisayo gaaji ugga elemunyu alesha rukulɛ ate kessa Yehudhanu kɛdhɛmɛ Sorrow is for your Barisayo nɔŋa Tamuo gho ko izaine ŋietinɛ gaʉ gho ⁴⁴ “Ula a iyaa ghoo gaaji ugga adhitonu ko bolkena ŋa kulugɛghɔ ko eeza awɔyɛ da gaai ŋa aghayɛ. ⁴⁵ Ko eeza odhe agha nɔŋa ɛnɛ akʉle abhodhe nɔnɔ , “Dhemiogi , aji unda ɔsɔa ghɨnyi jegi gho adhome aggi. ⁴⁶ Ko Yeso adhobhe, “Ugga eeza aghayu nɔŋa ɛnɛ akʉle , ula a iya ghoo gaaji ugga amakiyu eeza luza ŋai ghɨna adhidhiŋɛ .Ko ugga ŋaadhimo ko ɔdhɔndha tɛrtɛrɛnɛ ghoo gho ko alyegho nɔgɔ. ⁴⁷ Ula a iya ghoo, gaaji ugga ɛghɛnshanu bolkena ko eeza ɔtɔtɔgi nɔŋa Tamuo, ko nɔ ghijinoghu a eeshi akanɛ nɔgɔ. ⁴⁸ Ko nɔ ugga aghayu dhereshi gii amisɛ ghɨjinoghu gho ; nɔgɔ a eeshi akanɛ eezaa ɔtɔtɔgiyɛ nɔŋa Tamuo gho ko ugga egino eeshi ɛghɛnshanu bolken gho. ⁴⁹ Gaaji Tamu ghʉrghʉrɨsɛza nɨndɛ ,anni, “ Anda kɨdhɨ kitoni eeza ɔtɔtɔgiyɛ nɔŋa Tamuo ko gɔldaɛ, ɨŋgɛ kɨdhɨ nɔgɔ kagɛr ko ɨŋgɛ kagazɛ. ⁵⁰ Ŋanyana ghoɛ, birshi nyini kɨdhɨ ɔlɔmɛ bheshi ko eeshi ɔtɔtɔgiyɛ nɔŋa Tamuo iyaa udhute bhalɨ la hulla esegeyanɛ loje, ⁵¹ Bheza Abhɛl ko bheza Zakaria gho, iyaa bhalɨ kagazɛ gurguma bɛrgɛnɛ ko ŋietinɛ horɛ gho Anda kosɨnʉŋ ugga birshi nyini kɨdhɨ atigene ozia ghee ghinyi jaga bhaɛ. ⁵² “Ula a iya ghoo ko eeshi aghayu nɔŋa akʉle gho, gaaji ugga otu mugutana kasinɛnɛ.Ugga elezia ghoo ŋa utunugegho, ko ugga uluŋunyu ghɔnɔghɛa wa atunuke.” ⁵³ Ŋa wassi Yeso adhɔz ŋinyana gho,Bharisayo ko dhemioga ko nɔŋa akʉle agataɛ ko uzurɛ nɔŋa ghɨndɛ ko ɛgɛndo ko ighɨne nɔnɔ ghɨnesha dhɛbhɛa. ⁵⁴ Ereya nɔnɔ ko kalakami nɔŋɛji ɔsɔa nɨnɛ.