¹ Isin keessaa namni tokko nama kan biraa waliin yoo falmii qabaate, warra qajeelota hin ta’in biratti geessee itti murteessifataa, qulqulloota Waaqayyootti geeffachuu irra? ² Isin hin beektanii qulqulloonni Waaqayyoo biyya lafaa kana irratti murtii kennuudhaaf akka jiran? Egaa isin erga biyya lafaa irrati murtii kennitu taatanii, dhimmoota xixiqqoo raawwachuu hin dandeessanii ree? ³ Nuyi akka ergamoota waaqa irraa irratti iyyuu murtii kennuuf jirru hin beekani moo? Jireenya isa asii kana irratti immoo hangam caalaa murtoo kennuudhaaf jirra ree? ⁴ Yoo akkana ta’ee isin dhimmoota guyyaa guyyaa irratti murtii kennitu waan ta’eef, dhimmoota akkanaa kanneen maaliif warra waldaa Kiristiyaanaa keessaa dhaabbii hin qabnetti geesitu? ⁵ Ani kana kanan jedhu isin yeellasisuudhaafi. Isin gidduu obboleessi ogeessi wal-dhabdee obboloota gidduu jiru hiikuu danda’u hin jiru moo? ⁶ Garuu obboleessi tokko obboleessa isa kaan irratti dhimma seeraa qabatee ni dhufa—isa kana immoo warra hin amanne bira! ⁷ Dhimma seeraa wal irraa qabaachuun keessan sirumaa iyyuu isiniif mo’amuu dha. Isa kana irra maaliif waan isin irra ga’e sana hin dandeessan? Yoo gowwomfatan illee maaliif hin obsitan? ⁸ Garuu isin matumti keessan iyyuu balleessaa ni hojjettu, ni gowwomsitus, kana immoo kan gootan obboloota keessan irratti! ⁹ Do you not know that the unrighteous will not inherit the kingdom of God? Hin gowwominaa: warri sagaagalan, yookaan warri waaqota tolfamoo waaqessan, yookaan warri ejjan, yookaan warri fakkaattii isaanii waliin ejjan, ¹⁰ yookaan warri hatan, yookaan warri sassatan, yookaan warri machaa’an, yookaan warri maqaa nama baalleessan, yookaan warri nama saaman mootummaa Waaqaa hin dhaalan. ¹¹ Isin keessaa tokko tokko kana fakkaattu turtan. Amma garuu qullooftaniittu, dhiqamtaniittu, maqaa Goofta Yesuus Kiristoosii fi Hafuura Waaqayyootiin qajeelota tasifamtaniittu. ¹² "Anaaf wanti martinuu seera-qabeessa," wanti martinuu garuu bu’a-qabeessa miti. "Anaaf wanti martinuu seera-qabeessa," garuu ani tokkoo isaniitiin iyyuu hin mo’atamu. ¹³ "Nyaanni garaadhaafi, garaanis nyaataafi," garuu Waaqayyo lamaanuu isaanii ni balleessa. Qaamni namaa sagaagalummaadhaaf hin uumamne. Ijaa kanaa, qaamni namaa Gooftaadhaafi, Gooftaan qaama namaa ni soora. ¹⁴ Waaqayyo inni Gooftaa du’aa kaase nuunis aangoo isaatiin nu kaasa. ¹⁵ Qaamni keessan miseensota qaama Kiristoos ta’uu isaa hin beektanii? Egaa ani qaama dhaqnaa Kiristoos fuudhee qaama sagaagaltuu waliin walitti fiduun naaf ta’aa ree? Kun tasumaa hin ta’in! ¹⁶ Namni sagaagaltuu waliin waitti dhufe ishee waliin qaama tokko akka inni ta’u hin beektanii ree? Caaffata qulqullaa’aan akka jedhutti, "Isaan lamaan foon tokko ni ta’u." ¹⁷ Namni Gooftaa waliin walitti dhufu garuu isa waliin hafuura tokko ni ta’a. ¹⁸ Sagaagalummaa irraa baqadhaa! Cubbuun namni raawwatu martinuu qaama namaatii alatti ta’a, namni cubbuu sagaagalummaa raawwatu garuu qaama ofii isaatii irratti ni raawwata. ¹⁹ Qaamni keessan mana qulqullummaa Hafuura Qulqulluu ta’uu isaa hin beektanii ree? Kan ofii keessanii akka hin ta’in hin beektanii ree? ²⁰ Gatiidhaan bitamtaniittuutii. Kanaafuu, qaamaa fi hafuura keessan, isa kan Waaqayyoo ta’een, Waaqayyoon kabajaa.