¹ Nuyi namni hundumtuu akkanatti nu ilaalu qaba, akka hojjetoota Kiristoosittii fi akka wara dhugaa Waaqayyoo isa dhokataadhaaf soortota ta’aniitti. ² Amma egaa soortota irraa kan barbaadamu amanamoota ta’uu isaanii ti. ³ Anaaf yoo ta’e garuu, isiniin yookaan dhaddachaa ilmaan namaa isa kamiin iyyuu madaalamun waan baay’ee xiqqoo dha. Ani iyyuu ofii kootiif of hin madaaluutii. ⁴ Waa’ee himannaa ana irratti dhi’aatu isa kami iyyuu ani hubannaa hin qabu, sun garuu qulqulluu ana hin godhu. Anaan kan ana madaaluu Goofticha. ⁵ Kanaafuu yeroo malee waa’ee waan tokkoo iyyuu madaalli hin labsinaa, otuu Gooftaan hin dhufin. Inni wanneen dhokatoo dukkana keessa jiran gara ifaatti ni baasa, kaayyoowwan yaada garaas ni mul’isa. Yommus tokkoon tokkoon namaa galata Waaqayyo biraa ni fudhata. ⁶ Amma, obboloota ko, ani ulaagaalee kanneen ofii kootii fi Apholoos irratti kanan hojii irra oolche isiniif jedheeni, akka isin hiika jecha kanaa nu irraa barattaniif, ⁷ Eenyutu garaa garummaa isiniif warreen kaan gidduu jiru arguu danda’a? Kan isin hin fudhatinis maaltu jira? Fudhattaniittu erga ta’ee immoo, maaliif akka homaa iyyuu hin fudhatiniitti of tuultu ree? ⁸ Wanneen barbaaduu dandeessan hundumaa dursitanii qabaattaniittu! Duraan dursitanii dureeyyii taataniittu! Mo’uu eegaltaniittu—kunis nu irraa tasa adda! Dhugumaan, ani akka isin mootan nan hawwan ture, nuyis isin waliin mo’uu akka dandeenyuuf. ⁹ Sababiin isaa akkan yaadutti Waaqayyo nuun ergamoota yommuu godhu toora gara dhumaa irra nu kaa’eetu, hiriiraan akka namoota duuti itti murtaa’eetti. Nuyi namoota biyya lafaatiifis ta’e ergamootaaf warra argaman taaneerra. ¹⁰ Nuyi Kiristoosiif jecha gowwoota, isin garuu Kiristoositti ogeessota. Nuyi dadhaboota, isin garuu jaboo dha. Isin kabaja keessatti qabamtaniittu, nuyi garuu salphina keessatti qabamneerra. ¹¹ Hamma yeroo kanaatti nuyi ni beelofna, ni dheebonnas, uffata moofaa uffanneerra, ni reebamna, manas hin qabnu. ¹² Baay’ees ni hojjenna, harka keenyaan ni hojjenna. Yommuu nu abaaran, ni eebbifna. Yommuu ari’atamnu, ni dandeenya. ¹³ Yommuu abaaramnu, garraamummaadhaan ni dubbanna. Nuyi biyya lafaa keessa akka warra gatamanii taaneerra, akka balfaattis lakkaamneerra, ammuma iyyuu taanaan. "Waan barreeffamee olitti hin adeeminaa." ¹⁴ Kanan waan kana isiniif barreessu akka isin qaanoftaniif otuu hin ta’in, garuu akka ijoollee jaallatamaniitti isin akeekkachiiduudhaaf jedheeni. ¹⁵ Sababiin isaa isin Kiristoositti eegduu kuma yoo qabaattan illee, aboota hedduu garuu hin qabdan. Ani kara Kiristoos wangeelaan abbaa isiniif ta’eeraatii. ¹⁶ Kanaafuu ani akka isin akkeessitoota koo taatan isin nan jajjabeessa. ¹⁷ Ximootewosiin, ilma koo isa ani jaalladhuu fi Gooftaatti amanamaa isa ta’e, kanan gara keessanitti ergeef kanaafi. Inni karaa koo isa kan Kiristoos isinitti ni argisiisa, akkuman bakka hundumaa fi waldaa Kiristiyaanaa hundumaa keessatti isaan barsiisuutti. ¹⁸ Amma isin keessaa tokko tokko of bokoksitaniittu, waanan gara keessan hin dhufne isinitti fakkaatee. ¹⁹ Ani garuu yoo Gooftaan jedhe dhi’ootti gara keessan nan dhufa. Yommus ani warra of bokoksan kana jecha isaanii beekuu qofa otuu hin ta’in, aangoo isaaniis nan arga. ²⁰ Mootummaan Waaqayyoo jechaan otuu hin ta’in humnaan kan guutameedhaatii. ²¹ Maal barbaaddu? Uleedhaan moo jaalalaa fi of-qabuu hafuuraatiin gara keessan akkan dhufu barbaaddu?