¹ Egaa, yaa obboloota ko, ani akka namoota hafuuraatti isinitti dubbachuu hin dandeenye, garuu ijaa kanaa akkuma namoota foonii, akka namoota Kiristoositti daa’ima ta’aniittan isinitti dubbadha. ² Isin nyaata jabaataa nyaachuudhaaf qophaa’oo waan hin turreef, ani aannanan isin soore, isin amma iyyuu nyaata jabaatadhaaf qophaa’oo miti. ³ Isin amma iyyuu akka fooniitti jirtuutii. Isin keessa namoonni warri hinaafanii fi warri sassatan waan jiraniif, isin amma iyyuu ulaagaa biyya lafaatiin jirataa jirtu mitii? ⁴ Sababii inni tokko akkas jedhuuf, "Ani Paawuloos duukaan jira," inni kaan immoo, "Ani Apholoos duukaan jira," isin namootuma qofaa mitiiree? ⁵ Apholoos eenyu inni ree? Phaawulosis eenyu? Isaan akkuma hojii Gooftaan tokkoo tokkoo isaaniitiif kenneetti, hojjetoota isin karaa isaaniitiin amantanii dha. ⁶ Ani nan dhaabe, Apholoos immoo bishaan obaase, Waaqayyo garuu guddina ni kenne. ⁷ Kanaafuu egaa, inni dhaabes ta’e inni bishaan obaase homaa iyyuu miti, garuu kan guddina kennu Waaqayyoo dha. ⁸ Amma inni dhaabus ta’e inni bishaan obaasu isaan tokkuma, tokkoon tokkoon isaanii akkuma dadhabbii isaaniitti mindaa isaanii ni argatu. ⁹ Nuyi warra waliin Waaqayyoof hojjennuudhaatii. Isinis bakka dhaabaa Waaqayyoo ti, gamoo Waaqayyoo ti. ¹⁰ Akkuma ayyaana Waaqayyoo isa anaaf kennameetti, ani akka ijaartuu ogeessa ta’eetti bu’uura nan kaa’e, inni kaan immoo isa irratti ni ijaare. Garuu namni kam iyyuu akkaataa ittiin ijaaru irratti of-eeggachuu isa barbaachisa. ¹¹ Bu’uura isa takkaa kaa’ame sana, innis Yesuus Kiristoosii dha, malee eenyu illee bu’uura kan biraa kaa’uu hin danda’u. ¹² Amma egaa namni kam iyyuu bu’uura kaa’ame sana irratti namni kam iyyuu warqeedhaan, meetiidhaan, dhagaa gati-jabeessaan, mukaan, margaan yookaan cidiidhaan yoo ijaare , ¹³ hojiin isaa ni mul’ifama, guyyaan mul’isuudhaaf waan jiruuf. Inni ibidda keessaan mul’ata waan ta’eef. Ibiddi qulqullina wanneen namoonni hundinuu hojjetanii ni qora. ¹⁴ Hojiin nama tokkoo yoo jiraate, namichi badhaasa isaa ni argata; ¹⁵ garaa hojiin nama tokkoo yoo gubateef, inni kasaaraa ni argata, inni garuu ofii isaatiif ni fayya, akkuma nama ibidda keessaa ba’uu. ¹⁶ Isin hin beektanii ree akka mana qulqullummaa Waaqayyoo taatanii fi Hafuurri Waaqayyoo isin keessa aka jiraatu? ¹⁷ Namni tokko mana qulqullummaa Waaqayyoo yoo diige, Waaqayyos nama sana ni balleessa. Manni qulqullummaa Waaqayyoo qulqulluudhaatii, isinis immoo akkasuma. ¹⁸ Eenyu illee of hin gowwomsin. Namni kam illee bara kana keessa akka waan ogeessa ta’eetti kan of hedu isin keessa jiraate, inni akka ogeessa ta’uu danda’uuf “gowwaa” haa ta’u. ¹⁹ Ogummaan biyya lafaa kanaa Waaqayyo biratti gowwummadhaatii. Akkana kan jedhu barreeffameeraatii, ²⁰ Egaa ammas, ²¹ sababa kanaaf, eenyu illee namootaan of hin tuulin. Wanit hundinuu kan keessani, ²² Phaawulosiin haa ta’u, yookaan Apholoos, yookaan Keefaa, yookaan biyya lafaa, yookaan jireenya, yookaan du’a, yookaan wanneen amma jiran, yookaan wanneen dhufuuf jiran. Wanneen hundumtuu kan keessan, ²³ isinis immoo kan Kiristoosi, Kiristoos immoo kan Waaqayyoo ti. "Inni warra ogeessota ogummaa isaaniitiin isaan qabata." "Gooftichi yaadni warra ogeessotaa gowwummaa akka ta’e ni beeka."