12 ¹ وبآذاك الوقت بِدأ الملك هِيرُودسُ يُؤأذي بعض المؤمنين بالكنيسة، ² فقتل يعقوب أخو يوحنا بالسيف . ³ ولما شاف إنو ذى يرضي اليهود،قـرَّر إنو يمسكّ بُطرُس ،وحصل هذا بأيام عيد الفطير. (او/ عيد الخُبز اللي ما تخمر) ⁴ وبعدما ما مِسكُوه ،دخلوه السجن وعِمل علوه حِراسة أربع فِرق ، كل فِرقه أربعة عسكر يحرسونوه،وكان ناوي إنو يسلموه لليهود بعد عيد الفِصح يُحاكمونوه . ⁵ بقي بطرس محبوس بالسجن، والمؤمنيين بالكنيسة يصلوا لله عشانه بكل خشوع.

⁶ وكان هيرودُس ناوي إنو يُسلِّم بُطرس لليهود باليوم الثاني الصباح، بهذيك( أو/بآذيك) الليلة بطرس كان راقد بين إثنين عساكر،ومُقيد بثنتين سلاسل ،وكان قُدام الباب عسكر يحرسوا السجن. ⁷ وفجأة أجى ملاك من عند الربّ ،وضوي(او/ لمع نور) نور بداخل غرفة السجن،(وخبط الملاك بطرس على جنبه) وقيموه وقال لُه : "قـُم بسرعة" و فلتين(سقطت) السلاسل من يداتُه. ⁸ وبعدين قال له الملاك:" شُد حِزامك وإلبس جزمتك" عِمل مثلما قلُوه، "وإلبس ثيابك واتبعنا" (توضيح) ⁹ فخرج بطرس يمشي بعد الملاك،وكان يحسب إنو يشوف رؤيا وموش داري إنو اللي يحصُل على يد الملاك حقيقة. ¹⁰ وجزعوا من نقطة الحراسة الاوله والثاني، ولما وصلوا لباب السجن الحديد اللي يخرجهم للمدينة،أفتتح من نفسُه وخرجوا مِنوه، وبعد ما مشوا مسافة شارع واحد، فجأة الملاك سيب بُطرس لوحده.

¹¹ ساعتُه إنتبه بطرس وقال:" الآن أتأكدتو إنو الربّ أرسل ملاكُ من عندوه وأنقذنا من يد هيرودس،ومن اللي كان اليهود ينتظروا إنو بيحصُل ليَّا." ¹² بعدما انتبه، مشي لبيت مريم أم يوحنا اللي لقبُه مرقُس،كان في هِناك مؤمنين كثير مجتمعين يُصلوا . ¹³ لما وصل دق على الباب الخارجي،راحت الشغالة اسمها رَودا عشان تشوف منو . ¹⁴ لما عرفت صوت بُطرس ،ماعافتحتش الباب من الفرح، راحت تجري لداخل تُبشرهم إنو بُطرُس واقف قُدام الباب. ¹⁵ فقالوا لِه:" أنتي تهذي!" لكنِّه أصرت إنو هو. ردوا عليها:" يُمكن هذا ملاك بطرس!" ¹⁶ لكن بُطرس جلس يدق الباب .ولما فتحوا لُه الباب وشافُنوه أتفاجئوا ! ¹⁷ أشر لهم بيدُه إنو يسكُتوا ،وشرح لهم كيف الربّ خرجوه من السجن،وقلهم:" كلموا يعقوب والإخوة بهذا" وخرج من عندهم ومشي لمكان ثاني.

¹⁸ ولما طلع الفجر حصلت شوشره كبير بين العسكر،وبدأوا يسألوا :"إيش اللي حصل لبطرس؟" ¹⁹ وطلب هيرودس إنو يجيبوا بطرس من السجن ولما ما حصلوش،حقق مع العسكر وأعدمهم.بعد كِذا أنتقل هيرودس من منطقة يهوذا لقيصرية وجلس فيبه. ²⁰ وكان هيرودس زعلان مره من أهل صور وصيداء،أجاءو لُه وفد منهم،بعد ما ضمنوا إنو (حاجب) (وكيل) الملك بلاستس بيدعمهم ، وطلبوا الصُلح مع هيرودس ،لإنوه الأكل كان يجي لهم من منطقة الملك. ²¹ وباليوم المحدد اللي شقابل فيبُه الوفد ،لِبس هيرودس ثيابه الملكية ،وجلس على كُرسي المُلك وبدأ يُكلمهم. ²² صاحوا الناس :" هذا صوت إله موش صوت إنسان " ²³ وفجأة ضربُه ملاك من عند الربّ،لإنوه ما (عظم)عظمش الله ،وبدأ الدود يأكل جسمه ومات . ²⁴ أما كلام الله كان يتوسع وينتشر.

²⁵ وبعد ما كمل برنابا وشاول خدمتهم، رجعوا من القدس لأنطاكية وأخذوا معهم يوحنا الملقب مرقُس.