11 ¹ وسمعوا الرُسُل والإخوة اللي كانوا بمنطقة يهوذا إنو الناس اللي ماهُومش يهود آمنوا بكلام الله، أو/ أمنوا بالله ² ولما رِجع بطرس للقدس ، أنتقدونوه (خاصمنوه) اللي هُم مختونين، (او/ اللي يقولوا إنو الخِتان لازم) ³ وقالوا لُه :" كيف (أو/ ليش) تدخُول بيت ناس ماهُمش مختونين، وتاكل معهم؟" ⁴ فبدأ بُطرُس يشرح لهم اللي حصل بالتفصيل، وقال : ⁵ " أنا كنتُو بمدينة يافا أصلي ،حصلتلي غيبوبة ،(او/ غلبنا النوم) ورأيتو بالمنام رؤيا: رأيتو شيء مثل الطُراحه الكبير مُعلق بالسماء ومربوط بالأربعه الاطراف، ونزلت جهتي . ⁶ وركزتو نظري علوه واتحققتو مِنوه،شِفتوا فيبُه أنواع كثير من الحيوانات اللي تمشي بالأرض والوحوش واللي تزحف وطيور السماء . ⁷ وسِمعتو صوت يقول ليَا : يا بُطرُس، قُـم إذبح وكُل ! ⁸ رديتو : لا يا رب ، أبداً ، ما قا أكلتوش شيء حرام. (أو/ ما قا دخلش لقفي أبداً شيء حرام ولا نجس .) ⁹ مرة ثاني جاوبنا الصوت من السماء : اللي الله خلوه طاهر، لا تُحرمه أنت. (او/ اللي طهروه الله ، لا تعتبروش انت نجس ) ¹⁰ حصل هذا ثلاث مرات ،وبعدين إرتفع كل شي للسماء . ¹¹ وبآذك الوقت، وصلو ثلاثة رِجال للبيت اللي كنتو ساكن فيبوه، مرسلين لعندي من مدينة قيصرية . ¹² فقال لي الروح القُدس روح معهم (او/ امشي معهم) ولا تتردد، رِحتو ،وجاءو معي آذوم الستة الإخوة ، ودخلنا لبيت الرجَّال . ¹³ وكلمنا كيف إنوه شاف ملاك ببيته واقف يقول لُه : رسل برجال لمدينة يافا ،يجيبوا سِمعان اللي لقبه بُطرُس ، ¹⁴ وهو شكلمك بكلام ، شنقذك أنت وكل أُسرتك . ¹⁵ ولما بدأت أتكلم ، نزل الروح القُدوس عليهم مثلما نزل علينا نِحنا بالبداية. ¹⁶ فاتذكرتو كلام الرب لما قال لنا : إنو يوحنا كان يُعمد الناس بالماء ، أما انتم شتُعمَّدوا بالروح القُدوس . ¹⁷ إذا كان الله جاب لهم نفس (الموهبه) اللي جابه لنا لما آمن بالرب يسوع المسيح ،من أكون لما أعترض على الله ؟ او منو انا عشان أعترض وامنع الله ؟" ¹⁸ لما سِمعوا المؤمنين المعترضين هذا الكلام من بطرس ، سكتوا أو(هدأوا) وسبحوا الله وقالوا :" إذن ، الله جاب حِتى لغير اليهود فُرصة للتوبة اللي تقود للحياة!" ¹⁹ أما المؤمنين اللي تفرقوا ( أو توزعوا او هربوا) بسبب المضايقه اللي حصلتلهم بعد ما مات استِفانوس ،مشوا لفينيقيه وقُبرُص وانطاكية، وكانوا مايُبشروش أحد بيسوع المسيح إلا اللي هم يهود بس. ²⁰ وكان بينهم بعض الرجال من قبرص والقيروان، لما وصلوا لأنطاكية ،بدأوا يتكلموا مع غير اليهود ويبشرونهم بالربّ يسوع المسيح . ²¹ وكانت يد الرب معهم، وآمنوا عدد كبير من الناس بالربّ يسوع.

²² وصلت آذي الأخبار للمؤمنين اللي بالكنيسة بالقُدس، فرسلوا برنابا لأنطاكية . ²³ لما وصل وشاف نعمة الله عليهم، فِرح كثير،وشجعهم كُلهم إنو يتمسكوا بالمسيح من كل قلوبهم . ²⁴ كان برنابا رجَّال صالح عنده إيمان ومليان من الروح القُدوس،وآمنوا عدد كبير من الناس بالربّ.

²⁵ بعدين خرج برنابا لطرسوس يدور على شَاوُل. ²⁶ ولما حصلوه أخذوه لأنطاكيه، واجتمعوا برنابا وشاول مع المؤمنين لمدة سنة كامل بالكنيسة ،وعلموا ناس كثير، وهنِاك بأنطاكية لأول مرة يسموا المؤمنين بالمسيح إسم المسيحيين.

²⁷ بآذيك الأيام أجاءو بعض الأنبياء من مدينة القُدس لأنطاكية . ²⁸ وكان في بينهم نبي إسموه أغابُوس،أتنباء بوحي من الروح القُدس إنوه شوقع جوع ( أو/ مجاعة) شديد بالعالم كامل،وفعلاً وقع جوع ايام القيصر (أو/الملك) كُلُودِيُوس. ²⁹ (عشان كِذا قرروا) أو/ فقرروا التلاميذ اللي بأنطاكية إنو يتبرعوا ،كل واحد بقدر مايستطيع ويرسلوا بالمساعدة لإخوانهم اللي يسكنوا بمنطقة يهوذا . ³⁰ وهذا اللي حصل ،جمعوا التبرُعات و ارسلونيه للشيوخ مع برنابا وشاول .