¹ Tapi kao, padahant ahe nang sasuai ba ajarant nang bisa dipicaya. ² Nang laki lanjut umur musti bakapala dingin, bapikiran sehat, teguh ka dalamp iman, ka dalamp kasih, mampu batahan lama. ³ Nang bini nang udah balanjut umurnya musti mare dirinya urangk nang bisa dihormati, ina ngomongan urankg. Ia ka koa ame sampe minjawat diriknya panyocok arak ( anggur ). ⁴ Ia ka koa harus ngajarant ahe nang banar. Man maksud untu ngalatih kabant nang bini mudak ngasihi' ba katulusant ka lakinya man anak-anaknya. ⁵ Ia ka koa musti ngalatihnya jadi urankg nang gagas ( bijaksana ), suci, pagurus rumah tangga'k nang baik man taat ka lakinya. Kabatnya musti ngalakuan samua nian man maksud pakataant Jubata ina dihina. ⁶ Supaya uga, dorong kabatnya nang bini mudak jadi caradik ( bijaksana ). ⁷ Ka dalamp nian samua buktiantlah dirinyu urangk nang ba teladan mpat pakarajaan-pakarajaan nang edok, waktu kao ngajar, teleant kajujurant man harga diri. ⁸ Sampeantlah pakataant nang banar man nanak nyimpang, sae pun nang nantankng jadi supe, sabatolnya ia ka koa ina ada hal nang buruk bakata'ak ka tentang dirik. ⁹ kalompok budak musti nurut ka tuan-tuannya dalamp ahe pun. Ia ka koa musti ngarepoant tuan-tuannya man ina mambantah ka ia. ¹⁰ kabantnya koa pun musti ina pagalit. Sabaliknya, kabantnya nian musti neleant iman nang banar. Supaya dalamp samua nian karajaan dirik kabantnya muji ajarant nang bakaitant Jubata Jurusalamat dirik. ¹¹ Karna barakat Jubata udah jadi kenyataan ka samua urankg. Ngalatih dirik untu ina basangka buruk man ka inginan dunian nian ( duniawi). ¹² Ngalatih dirik untuk idup gagas ( bijaksana ), adil, dalamp idup nang banar ka jaman nian. ¹³ Sambil dirik bajaga ( mengantisipasi ) untuk narima pagarapant nang panuh barakat, nang koa panyataant kamuliaan Jubuta nang aya man jurusalamat dirik Yesus Kristus. ¹⁴ Yesus udah mareant dirik-Nya ka dirik, untu mebasant dirik kasagala palanggaran man nyuciant, untu dirik-Nya, umat nang baraga nang bakainginan untu ngalakukan pakarajaan nang banar. ¹⁵ Kataant man anjurant samua nian. Man taliti ba sagala wibawa. Ame biarant sae pun nank maratiant kao.