¹ Parigati kabantnya untu tunduk ka para paguasa man pamarentah, taat ka ia, man siap-sadia untu ngalakukan karajaan nang banar. ² Parigati kabantnya untu ina nyaci-maki sae pun, indari patangkarant, hormati' cara idup urankg lain, man buktiant karendah ati ka samua urankg. ³ Karna dirik de'e buncung man nana nurut. Dirik de'e sasat man budak sagala macam kainginan man kasangan. Dirik idup dalam kajatan man iri ati. Dirik idup dalamp kajijiant man saling bategetant. ⁴ Tapi kabaikant ati Jubata Jurusalamat dirik man kasih-Nya ka umat talino laka dinyataant, ⁵ Koa buke usaha nang gagas dirik minjawat, tapi kasih-Nya maka koa Ia nyalamatan dirik. Ia nyalamatant dirik malalui' pambaptisan mpat dimaranakant agi man barahu kana Sumangat Baraseh. ⁶ Jubata nyurahant Sumangat Baraseh ka dirik malalui Jurusalamat dirik Yesus Kristus. ⁷ Ia ngalakukan nian supaya dirik nang dibanarant karna anugrahNya, maka koa dirik yakin jadi pawaris idup nang abadi. ⁸ Kabar nian pantas dipicayai' . Aku mao kao ngabarant samuanya panuh kayakinan, biar sae nang picaya ka Jubata mao ngarajaant karajaan nang gagas man mare untung samua talino. ⁹ tapi jauhi'lah patangkarant nang baga. Man samua tentang silsilah, salisih, man patangkarant nganai' ukum. Samua koa ina baraga man nana nguntungan. ¹⁰ Ame tarimak sae pun talinonya nang mao misahant ka antara kita' ka koa, laka asak, ge dua kali diingati, ¹¹ maka pahamiklah kade ada urankg-urankg nang udah babalik mpat kabanaran man dosa ba ngukum diriknya babaro. ¹² Laka aku nyuruh Artemas ato Tikhikus ka kao, bijaki atankng ka aku ka Nikopolis dimae aku mutusant untu diamp ka naun salam abut dingin. ¹³ Ijaki' nyuruh Zenas, ahli Taurat koa, uga Apolos, basama man samua nang kabatantnya palaru. ¹⁴ Urankg-urang dirik musti balajar untu ikut talibat dalamp karajaan baik untu manuhi kabutuhannya babaro biar sampe ia ka koa ngasilant buah. ¹⁵ Samua urankg nang basama ku nyampeant salam ka aku. Salam ka urankg-urankg ngasihi dirik ka dalamp iman. Anugrah nyertai' kita saluruhnya.