¹ Paulus, palayan Jubata ba rasul Yesus Kristus, untu iman urankg nang dimilih Jubata man pagatahuan ba kabanaran nang sasuai ba kacaradikant. ² Samua nian dalamp kayakinan ba idup nang abadi Jubata koa, ina pagalok, bajanji sanape samua jaman. ³ waktu nang tapat koa, Ia nyataant firman-Nya malalui pasant nang Ia picayaant ka aku untu maritaantnya. Aku ngalakukan nian parintah Jubata payalamat dirik. ⁴ Ka Titus, anak nang sajati ka dalamp iman dirik. Kasih karunia man damai dari Jubata man Yesus Kristus jurusalamat dirik. ⁵ Untu tujuan nian aku nigalant kao ka Kreta, ia koa ngatur sagalanya nang nape talengkapi man nampatant patua-patua ka satipa kota nang macam ku parintahant ka kao. ⁶ Urankg patua musti urankg nang ina bacacat, laki dari asa' bini, ba anak ba iman ina ada kadalamp kamuda-kamuda nakal mun nana diajar. ⁷ Nian batol penting untu pagawas, nang bagiannya pakaraja mpat rumah tangga' Jubata, ina bacacat. Ia musti ina kasar man ina pagalayo ( liar ). Ia ina capat bera, ina kacanduan anggur ( arak ), buke suka ba onar, man buke urang nang tama'ah. ⁸ Sabaliknya ia musti murah ati, barayunk ba samua urankg nang baik. Ia musti bawibawa, banar, caradik, man mampu ngandalikan dirinya. ⁹ Ia musti nyaga pasant nang mampu dipicyaant nang laka dingajarant, maka leyianlah ia mampu dukung urankg lain ba ngajar nang baik man naliti urankg-urangk nang nantang ia. ¹⁰ Maka koa manyak urankg nanh nantakng, khusus urankg-urankg nang ba balak. Pakataant ia ka koa nana ba arti. Ia ka koa nipu man man nganjuaan urangk ka nang nana batol. ¹¹ Dirik musti marantiant kabantnya. Barang ia ka koa ngajarant nang ina banar untu ngago ka untungan nang masupei' man macah-macah kalauarga. ¹² Mpat salah seko ia k koa, urankg nang bawibawa sekonya, bakata, " urankg-urankg Kreta suka pangalok, laok-laok nang jahat man nyalakaant, panajar nang pamalas". ¹³ Pakataan nian sidi batol, jadi taliti agi kabantnya supaya ia ka koa batol ka dalamp iman. ¹⁴ Ame mare kapaduliant ka curita Yahudi ato ka parintah-parintah urankg nang bai narimak kabanarant. ¹⁵ Bagi urangk nang suci, samuanya suci. Tapi untu urankg-urankg kotor man ina picaya, ina ada nang suci. Soalnya pikiran man ati nurani ia ka koa jahat. ¹⁶ Kabantnya ngako kanal Jubata, pada hal ia ka koa basangka ka Ia ( Jubata) koa kalakuaanya. Nelenya ka koa baraut man ina patuh.