5 ¹ ವೃದ್ದನಕ ಹೆದರಿಕೆ ಸೇಯದೆ ಅಯ್ಯ ಅಂಡ್ ತಿಳಿಸಗೊಂಡ್ ಬುದ್ಧಿ ಸೊನ್ನು. ಯೌವನಸ್ಥರತ್ತ ² ಅಣ್ಣ-ದೆಂಬಿ೦ಗಳ ಅಂಡ್ ವೃದ್ಧಸ್ತ್ರೀಯರತ್ತ ಅಮ್ಮ೦ಗಳ ಅಂಡ್ ಯೌವನಸ್ಥ್ರೀಯರತ್ತ ಪೂರ್ಣ ಶುದ್ಧ ಭಾವನೆಯಿಂಡ ಅಕ್ಕ-ದಂಗ್ಶಿ ಅಂಡ್ ಎನ್ಪಿಚ್ಚಿ ಅಂಗಳಿಕಿ ಅಂಗಳಿಕೇ ಬುದ್ಧಿ ಸೋನ್ನು ³ ದಿಕ್ಕ ಇಲ್ದಿಕ್ರಾ ವಿಧವೆಯರತ್ತ ಸಂರಕ್ಷಣೆ ಸೇಯಿ. ಆನೆಕೆ ಒಂಡ ವಿಧವೆಕಿ ಮಕ್ಲ್ಯ ಆಗಟ್ ಮೊಮ್ಮಕ್ಲ್ಯ ಆಗಟ್ ಇಂದೇಕೆ ಅಂಗಳೆ ತಮ್ಮ ವೂಡಂಗಳಿಕಿ ಭಕ್ತಿ ಕಾಟರ್ಕ ಅಯ್ಯ ಅಮ್ಮಂಗಳಿಕಿ ⁴ ಪ್ರತ್ಯುಪಕಾರ ಸೇಯಿರ್ಕ ಕಲ್ಪಿಚ್ಚಿಕೊಳ್ಳಟ; ಇದು ದೌರ್ರಟಾ ದೃಷ್ಟಿತಾಳಿ ಮೆಚ್ಚಿಕೆ ಆಗಿದ್ದು. ⁵ ದಿಕ್ಕ ಇಲ್ಲದೆ ಒಬ್ಬಂಟಿ ಆಯಿಕ್ರಾ ವಿಧವೆ ದೌರ್ರ ಮೇನೆ ನಿರೀಕ್ಷೆ ಅಚ್ಚಿ ಪಗಲು ರಾತ್ರಿ ವಿಜ್ಞಾಪನೆತಾಳಿಯೂ ಪ್ರಾರ್ಥನೆತಾಳಿಯೂ ನೆಲೆ ಇಗದ್. ⁶ ಆನೆಕೆ ಭೋಗಿ ಆಗಿಕ್ರಾ ವಿಧವೆ ಬದುಕಿರಬೇಕನಕೆ ಸತ್ತವಳೇ ⁷ ವಿಧವೆಯಂಗ ನಿಂದನೆಕಿ ಗುರಿ ಆಗಬಾರ್ದಂಡ ಈ ಆಜ್ಞೆಗಳತ್ತ ಸೇಯಿ. ಎದಾದ್ರು ಸ್ವಂತ ಮಂದಿಕಿ, ⁸ ತನ್ನ ವೂಡ೦ಗಳಿಕಿ ಸಂರಕ್ಷಣೆ ಸೇಯದೆ ಓನೇಕೆ ಆಂವು ಕ್ರಿಸ್ತ ನಂಬಿಕೆಯತ್ತ ತಿರಸ್ಕಾರ ಸೇಂದ೦ವು ನಂಬದೆ ಇಕ್ರಂವುಕಿಂತ ಕಡೆ ಆಗಿದ್ನು. ⁹ . ವಯಸತಾಳಿ ಆರರಪತ್ತತ್ಕ್ ಕಡಿಮೆ ಇಲ್ಲದೆ ವಿಧವೆಯತ್ತ ವಿಧವೆಯಂಗಳಟಾ ಪತ್ತಿತಾಳಿ ಸೇರಿಸಬಹುದು; ¹⁰ ಅಂಥವಲಾನೆಕ್ಯೂ ಒಂಡ ಮಣಾಗನಿಕಿ ಮಾತ್ರ ಮಂಡ ಆಗಿಂಚು ಸತ್ಕ್ರಿಯೇಗಳತ್ತ ಸೇಯಾದ್ ಅಂಡ್ ಪೇರ್ ಇಂದಿಕ್ರಾವಳು ಆಗಿರಬೇಕು; ಅಂಡೆಕೆ ಮಕ್ಲ್ಯತ್ತ ಸಾಕಿಕ್ರಾದ್ ಆಗಲಿ ಅತಿಥಿ ಸತ್ಕಾರತ್ತ ಸೇಂದಿಕ್ರಾಂವಳ ತಿರಗ್ ದೌರ್ರ ಮಂದಿಕಿ ಉಪಚಾರ ಸೇಂದಿಕರಾವ್ಲ ಆಗಲಿ ಸಂಕಟತಾಳಿ ಬುದ್ದ೦ಗಳಿಕಿ ಸಹಾಯ ಸೇಂದಿಕ್ರವ್ಲಾಗಲಿ ಅದ್ದಿ ಸತ್ಕಾರ್ಯತಾಳಿ ಆಸಕ್ತಿ ಇಂದಿಕ್ರ೦ಗಳಾಗಲಿ ಆಗಿರಬೇಕು. ¹¹ ಪ್ರಾಯತಾ ವಿಧವೆಯರತ್ತ ಪತ್ತಿತಾಳಿ ಸೇರಿಸ್ ಮಾಣ; ಅಂಗ ಮದಿಸಿ ಕ್ರಿಸ್ತನಿಕಿ ವುಳಕ ಆಗರ್ಕ ಒಲ್ಲದೆ ಕನ್ಯಾಳ ಸೇಯಬೇಕಂಡ್ ಇಷ್ಟಾ ಪಟ್ಟಾರ; ¹² . ಅಂಥಂಗ ಮದಲು ಕುಡ್ತಿಕ್ರಾ ಭರವಸೆತ್ಕ್ ತಪ್ಪೀದ್ ಅಂಡ್ ಅವಮಾನತ್ಕ್ ವುಳಕಾಗೀದ್. ¹³ ಈದ್ ಅಲ್ಲದೆ ಅಂಗ ವೂಡ್ - ವೂಡಕೂ ತಿರುಗಾಡಟ ಮೈಗಳ್ಳತನತ್ತ ಕಲಿಯಾದ್; ಮೈಗಳ್ಳ೦ಗಳಾಗ್ರಾದ್ ಅಲ್ಲದೆ ಹರಟೆ ಸೇಯರ೦ಳೂ ಯೆರೆತಾ ಪಣಿತಾಳಿ ಕೈ ವೋಡ್ರ೦ಗಳಾಗಿ ವಾಶೆತ್ತಬಾರ್ದ ಅಂತಾ ವಾತಿಗಳತ್ತ ವಾಶೆತ್ತಾದ್. ¹⁴ ಅತರಿಂಡ ಪ್ರಾಯತಾ ವಿಧವೆಯಂಗ ಕನ್ಯಾಳ ಸೇಂದಗೊಂಡ ಮಕ್ಲ್ಯತ್ತ ಹೆತ್ತು ವೂಡಟಾ ಯಜಮಾನಿ ಆಗಿಕ್ರಾದ್ ನನಕ ನಲ್ಲಾದ್ ಕಾಂಗರಕಂಟಿದ; ಅನಾಗ್ ಸೇಯಿರಾದರಿಂಡ ವಿರೋದಿಗಳಟಾ ನಿಂದೆಕಿ ಆಸ್ಪದ ಕುಡ್ಕದೆ ಇಂದಿರಂಗ. ¹⁵ ಅತ್ನ್ಯಾಳೆ ಕೆಲವರು ದಾರಿ ವುಟ್ಟು ಸೈತಾನನಕ ಹಿಂಬಾಲ್ಸೀದ್. ¹⁶ ನಂಬ್ರಾ ಸ್ತ್ರೀ ಆಯಿಕ್ರಾ ಅಧೀನತಾಳಿ ವಿಧವೆಯಂಗ ಇಂದೇಕೆ ಆಕೆ ಅಂಗಳನ್ನ ಸಂರಕ್ಷಣೆ ಸೇಯಟ್. ಸಭೆ ದಿಕ್ಕ ಇಲ್ದಿಕ್ರಾ ವಿಧವೆಯಂಗಳಿಕಿ ಸಹಾಯ ಸೇಯಬೇಕಾಗಿಂದ್ ರಿಂಡಆಕೆ ಆ ಭರುವತ್ತ ಸಭೆ ಮೇನಿ ಓಡಬಾರದು. ಹಿರಿಯಂಗಳಟಾ ವಿಷಯತಾಳಿ ನಡಿಬೇಕಾಯಿಕ್ರಾ ರೀತಿ ¹⁷ . ನಲ್ಲಾ ತಿರಗ್ ಅಧಿಕಾರ ನಡೆಸಿಕ್ರಾ ಸಭೆತಾ ಹಿರಿಯರತ್ತ, ಅಂಗಳ ವುಳಕ ವಿಶೇಷವಾಯಿ ಪ್ರಸಂಗತಾಲಿಯೂ ಉಪದೇಶತಾಳಿಯೂ ಕಷ್ಟ ಪಡರಂಗಳತ್ತ ಎಕು ಆಯಿಕ್ರಾ ಮಾನತ್ಕ್ ಯೋಗ್ಯಂಗ ಅಂಡ್ ಎನ್ಪಿಚ್ಚಬೇಕ್. ¹⁸ ಕಣ ತುಳಿರಾ ಎತ್ತಟಾ ವಾಯಿ ಕಟ್ಟಬಾರ್ದ ಅಂಡ್ ಆಳು ತಂಟಾ ಕೂಲಿಕಿ ಯೋಗ್ಯ ಆಗೀರ್ ಅಂಡ್ ಶಾಸ್ತ್ರತಾಳಿ ಸೋನ್ನಿದ್ ಅಲ್ಲಾ. ¹⁹ ಸಭೆತಾ ಹಿರಿಯಂಟಾ ಮೇನೆ ಎದಾದರು ದೂರು ಸೋನ್ನೆಕೆ ರಂಡು ಮೂಡು ಸಾಕ್ಷಿಗಳ ಹೊರತಾಗಿ ಅತ್ತ ಮನಸ್ಕ್ ಅತ್ಗಮಾಣ. ²⁰ ಪಾಪತಾಳಿ ನಡಿರಾ ಅದ್ನಿ ಮುನಕೆ ಗದರ್ಸು; ²¹ ಇಂಗಲಿಂಡ ಮಿಕ್ಕಾತ್ತ ವರ್ಕೂ ಭಯ ವುಂಟಾಗಾದ್. ನೀನು ವಿಚಾರಾ ಸೇಯಿರ್ಕ ಮುನಕೆ ತಪ್ಪ ಹೊರ್ಸದೆ ಪಕ್ಷಪಾತಂಡ ಎಂದೂ ಸೇಯದೆ ನಾನು ಸೋನ್ನಿಕ್ರಾ ವಾತಿತ್ತ ಪ್ರಕಾರ ನಡಿಬೇಕ್ ಅಂಡ್ ದೌರ್ರ ಮುನಕೂ ಕ್ರಿಸ್ತ ಯೇಸುನಟಾ ಮುನಕೂ ಅರ್ಪಿಕ್ರಾತ್ರಂಡ ದೌರ್ರದೂತರಟಾ ಮುನಕೂ ಖಂಡಿತವಾಯಿ ಸೋನ್ನಾರೆ. ²² ಅವಸರಂಡ ಎತರಟಾ ತಲೆಕಾಯಿ ಮೇನ ಆನೆಕ್ಯೂ ಕೈ ಅಚ್ಚಿ ಸಭೆತಾ ಉದ್ಯೋಗತ್ಕ್ ನೇಮಕ ಸೇಯಿಮಾಣ. ಅನಾಗ್ ನೇಮಿಸೇಕೆ ತಿರಗ್ ಒಂಡ ಸೇ೦ದಿಕ್ರಾ ಪಾಪತಾಳಿ ನೀನು ಪಾಲುಗಾರ ಅಂಡ್ ಕಾಟ್ ವಂಚು; ನೀನು ಶುದ್ಧ ಆಗಿಕ್ರಾಂವು ಅನಾಗೆ ಪಾತ್ಗೋ. ²³ ಇನ್ ಮೇನೆ ತನ್ನಿ ಮಾತ್ರ ಕುಡಿಯಂವ್ ಆಗದೆ ನಿಂಟಾ ಅಜೀರ್ಣತಾ ತಿರಗ್ ನಿನಕ ಅಗಾಗಾ ಉಂಟಾಯಿಕ್ರಾ ಅಸ್ವಸ್ಥತೆತಾ ಪರಿಹಾರತ್ಕ ದ್ರಾಕ್ಷಾರಸತ್ತ ರವ್ವತಿ ಅತ್ಗೋ. ²⁴ . ಕೆಲವಂಗ ಪಾಪ ಕ್ರುತ್ಯು ಪ್ರಸಿದ್ಧವಾಯಿ ಅಂಗ ಇಂಥ೦ಗಾ ಅಂಡ್ ಮುನಕೆ ತಿಲಿಸಾರೆ;ಏರೆ ಕೆಲವಂಗ ಪಾಪಕ್ರುತ್ಯಂಗ ಮರೆ ಆಯಿ ಆಮೇನೆ ತಿಳಿಸ ವರಾದ್. ²⁵ ಅನಾಗೆ ಕೆಲವಂಗ ಸತ್ಕ್ರಿಯೆತಾ ಪ್ರಸಿದ್ಧ ಆಗೀದ್, ಏರೆ ಕೆಲವಂಗ ಸತ್ಕ್ರಿಯೆ೦ಗ ಅಪ್ರಸಿದ್ಧ ಆನೆಕ್ಯೂ ಮರೆಯಾಗ್ ಇರಲಾರಂಗ.