3
1
ಸಭಾಕ್ಷಟಾ ಪಣಿಯತ್ತ ಪಡಕೊಳ್ಳಬೆಕ ಅಂಡ್ ಇಕ್ರಾಂವು ನಲ್ಲ ಪಣಿಯತ್ತ ಅಪೇಕ್ಷಿಸುವವನಾಯಿ ಇಗದ್ ಅಂಡ್ ವಾತಿ ನಂಬತಕ್ಕ ಆಗೀದ್'
2
ಸಭಾದ್ಯಕ್ಷು ದೋಷಾರೋಪಣೆ ಇಲ್ಲದಾಂವು ಒಂಡೇ ಮಂಡ್ ಇಕ್ಕಿರಾಂವು ಮದ್ಯಾಸಕ್ತಿ ಇಲ್ಲದಾಂವು ಜೀತೆಂದ್ರಿಯು ಮಾನಸ್ಥು ಅತಿಥಿ ಸತ್ಕಾರ ಸೇಯಿರಾಂವು ಬೊದನೆ ಸೇಯಿರಾತಾಳಿ ಪ್ರವೀಣು ಆಗ್ ಇಕ್ಕಿಬೇಕ್.
3
. ಆಂವು ಕುಡ್ಸಟ ತಂಟಿ ಸೇಯಿರಾಂವು ಹೊಡೆದಾಡುವಂವು ಆಗಿರಬಾರ್ದು; ಸಾತ್ವಿಕೂ ಕುತರ್ಕ ಸೇಯದೆ ಇಕ್ಕ್ರಾಂವು ದ್ರವ್ಯಾಶೆಯಿಲ್ಲದಂವು ಆಗಿರಬೇಕು.
4
ಪೂರ್ಣಗೌರವ೦ಡ ತನ್ನ ಮಕ್ಲ್ಯತ್ತಾ ಅಧೀನತಾಳಿ ಅಚ್ಕೊಂಡ್ ಸ್ವಂತ ಊಡಂಗಳಕ ನಲ್ಲಾ ತಿರಗ ಪಾಕರಾಂವ್ ಆಗ್ ಇಕ್ಕಿಬೇಕ್.
5
ಸ್ವಂತ ಊಡಂಗಳಕ ಆಳರಕ್ ತಿಳಿಸದೇ ಇಕ್ಕಿರಾ೦ವು ದೌರ್ರಟಾ ಸಭೆಯತ್ತ ಪರಾಂಬರಿಸ್ರಾಂವು?
6
ಆಂವು ಪಗನಾತ್ತ ಸಭೆತಾಳಿ ಸೇರಿಕ್ರಾಂವು ಆಗಿ ಇಕ್ಕಿಬಾರ್ದು; ಅಂಥವ ಆನೆಕೆ ಉಬ್ಬಿಕೊಂಡ್ ಸೈತಾನನಕ ಪ್ರಾಪ್ತ ಆಯಿಕ್ರಾ ಶಿಕ್ಷಾವಿಧಿಕಿ ವುಳಕಾದಂವು.
7
ಈದ್ ಆಂವು ಹೊರಗಣವರಿಂಡನಲ್ಲ ಮನುಸು ಅನ್ಪಿಚ್ಚಕೊಂಡಿರಬೇಕಂಡ್; ಇಲ್ಲ ಅಂಡೆಕೆ ನಿಂದೆಕಿ ಗುರಿ ಆಗ್ರಾಂವು ತಿರಗ್ ಸೈತಾನು ಉರ್ಲಿವುಳ್ಳಿ ಸಿಕ್ಕಿ ಬುದೀದ್.
8
ಅದೇ ರೀತಿಯಾಯಿ ಸಭಾಸೇವಕರಂಗ ಗೌರವವುಳ್ಳ೦ಗ ಆಗಿರಬೇಕು.
9
ಅಂಗ ರಂಡು ವಾತೆಂಗಳು ಮದ್ಯನಿರತಂಗ ನೀಚಲಾಭತ್ತ ಅಪೇಕ್ಷೆ ಸೇಯಿರಂಗಳು ಆಗದೆ ನಂಬಿಕ್ರಂಗಳಿಕಿ ಪ್ರಕಟಣೆ ಆಗಿಕ್ರಂಗ ಸತ್ಯಾರ್ಥತ್ತಾ ನಲ್ಲ ಮನಸಿಂಡ ಕೈಗೊಳ್ಳಬೇಕ ಅಂಡ್.
10
ಈದ್ ಅಲ್ಲದೆ ಅಂಗ ಮದಲು ಪರೀಕ್ಷೆ ಸೇಯಬೇಕ್; ಆದ ಮೇನೆ ಅಂಗಳ ಮೇನೆ ಏದೂ ತಪ್ಪ ಹೊರಿಸದೆ ಇಂದೇಕೆ ಸಭಾಸೇವಕಂಗಳಟಾ ಪಣಿಯತ್ತ ನಡೆಸಟ
11
ಆನೆಕೆ ಸಭಾಸೆವಕಿ ಆಗಿಕ್ರಾ ಪಂಬ್ಲಿ೦ಗ ಗೌರವ ಇಂದಂಗಳಾಗಿರಬೇಕು; ಚಾಡಿ ಸೋನ್ನರಂಗ ಆಗಿರಬಾರದು ಮದ್ಯಾಸಕ್ತಿ ವುಳ್ಳ೦ಗಳಾಗಾದೆ ಅದ್ನಿ ವಿಷಯತಾಳಿ ನಂಬಿಕಸ್ತರ೦ಗ ಆಗಿ ಇಕ್ಕಿಬೇಕು.
12
. ಸಭಾ ಸೇವಕರಂಗ ಒಂಡೇ ಮಂಡ್ ಇಂದಿಕ್ರಾ ತಿರಗ ತಮ್ಮ ಮಕ್ಲಿಕಿ ವೂಡ೦ಗಳಿಕಿ ನಲ್ಲಾ ತಿರಗ್ ಆಳೋರಂಗ ಆಗಿರ್ಬೇಕ್.
13
ಸಭಾ ಸೇವಕಂಗ ನಲ್ಲತ್ತಾಗಿ ಪಣಿ ಸೇಂದಿರಂಗ ತಮಕ ನಲ್ಲ ಪದವಿಯತ್ತ ಕ್ರಿಸ್ತ ಯೇಸುನಾಳಿ ಇಕ್ರಾ ನಂಬಿಕೆತಾ ನಂಬೋ ಎಕು ದೈರ್ಯ ಸೆಂದು ಸಂಪಾದನೆ ಸೇಯಾದ್.
15
14
ಲಗು ನಿನ್ನ ಅಂಚೆ ವರ್ರೆ ಅಂಡ್ ನನಕ ನಿರೀಕ್ಷೆ ಇಗದ್; ಆನೆಕೆ ಒಂಡ ವೇಳೆ ನಾನು ತಡ ಸೆಂದೆಕ್ಯೂ ದೌರ್ರ ಊಡಾಳಿ ಅಂಡೆಕೆ ಜೀವಸ್ವರೂಪ ಆಯಿಕ್ರಾ ದೌರ್ರ ಸಭೆತಾಳಿ ನಡೆದುಕೊಳ್ಳಬೇಕಾದ ರೀತಿಯು ನಿನಕ ಗೊತ್ತಾಗ್ ಬೇಕ್ ಅಂಡ್ ಈ ಸಂಗತಿಗಳತ್ತ ವರೆದೀರೆ. ಆ ಸಭೆ ಸತ್ಯತ್ಕ್ ಸ್ತಂಭವೂ ಆಧಾರವೂ ಆಗೀದ್.
ಸದ್ಧರ್ಮತ್ತ ಕೆಡ್ಪಿಚ್ಚ೦ಗಳು ವರಾದ್ ಆದ್ದರಿಂದ ತಿಮೊತಿಯು ಎಚ್ಚರಿಕೆ ಆಗೀದ್ ಸದ್ಭಕ್ತ ಆಗರಕ ಎಕು ಪ್ರಯಾಸ ಪಡಬೇಕಂಡ ಭೋದೆ
16
ದೇವಭಕ್ತಿಕಿ ಆಧಾರ ಆಯಿಕ್ರಾ ಸತ್ಯಾರ್ತು ಗಂಬೀರ ಆಗ್ ಇಗದ್ ಅಂಗರಕ್ ನಂಗಳೇಲ್ಲರೂ ಒಪ್ಪಿಕೊಳ್ಳುತ್ತೇವೆ; ಆದ ಎಂದ ಅಂಡೆಕೆ -ಆಂವು ಶರೀರಧಾರಿ ಆಗಟ್ ಪ್ರತ್ಯಕ್ಷ ಆದಂವು; ಆತ್ಮ ಸಂಭಂದ ಆಯಿ ಅವನೇಅಂಡ್ ಸ್ಥಾಪನೆ ಸೇಂದು; ದೇವದೂತರಿಕಿ ಕಾನ್ಪಿಚ್ಚಿಕೊಂಡು;ಅನ್ಯ ಮಂದ್ಗ್ಯಾಳಿ ಪ್ರಸಿದ್ದಿ ಸೇಂದಿಕ್ರಾಂವು; ಲೋಕತಾಳಿ ನಂಬಲ್ಪಟ್ಟು;ಪ್ರಭಾವ ಸ್ಥಾನತಾಳಿ ಸೇರ್ಸಿದ್ನು.